Date
सोम, कार्तिक ३०, २०८३
Mon, November 16, 2026
Home Blog Page 488

वीरगंज महानगरकाे जनस्वास्थ्य प्रयोगशाला उद्घाटन

0

वीरगंज । वीरगंज महानगरपालिकाले आफ्नै जनस्वास्थ्य प्रयोगशाला संचालनमा ल्याएको छ । नगरवासिलाई सहुलियत दरमा स्वास्थ्य परीक्षण सेवा उपलब्ध गराउने उद्देश्यले महानगरले आफ्नै प्रयोगशाला संचालनमा ल्याएको हो ।

आइतबार प्रयोगशालाको उद्घाटन गर्दै पूर्व वन तथा वातावरणमन्त्री समेत रहनुभएका संघीय सांसद प्रदीप यादवले सर्वसुलभ मूल्यमा स्वास्थ्य परीक्षण सेवा पाउनु आम नागरिकको लागि बरदान भएको बताए ।

महंगो मूल्यमा निजी स्वास्थ्य संस्थामा जाँच गर्नु पर्दा नागरिकले सास्ति खेपिरहेको भन्दै उनले महानगरले सुरु गरेको जनस्वास्थ्य प्रयोगशाला जनहितकारी रहेको पनि बताए ।

बाहिर भन्दा निकै सस्तो मूल्यमा स्वास्थ्य परीक्षण गरिने गरि महानगरले वडा नं. ३ मालपोत कार्यालय अगाडीको चोकमा ल्याब संचालनमा ल्याएको हो । ल्याबमा उच्चस्तरीय प्रविधिका परीक्षण मेसिन राखिएको र अहिले विभिन्न ५४ प्रकारका परीक्षण हुने गरि सेवा सुरु गरिएको महानगर प्रमुख राजेशमान सिंहले जानकारी दिए ।

कालाजार, मलेरिया र एचआइभी परीक्षण भने ल्याबमा निशुल्क गरिने र अन्य परीक्षणका लागि पनि चाँडै आवश्यक प्रविधि जडान गर्ने गरि काम भइरहेको पनि उनले वताए ।

महानगरपालिकाले ३३ लाखको लागतमा हल, शौचालय सहित ४ कोठा भवन निर्माण गरेर प्रयोगशाला संचालनमा ल्याइएको हो ।  प्रयोगशालाका लागि प्रयोग भएका उपकरण भने मधेस प्रदेश सरकार, सामाजिक विकास मन्त्रालयले उपलब्ध गराएको हो ।

प्रयोगशालामा सीबीसी १ सय ७५, लिभर फंक्सन टेस्ट २ सय, लिपिट प्रोफाइल टेस्ट ३ सयमा नै परीक्षण गरिने छ । बाहिर निजी प्रयोगशालाहरुले अहिले सीबीसी, लिभर फंक्सन टेस्ट, लिपिट प्रोफाइल टेस्ट परीक्षण गराउँदा ७ सय रुपैयाँदेखि १ हजार रुपैयाँ सम्म लिने गरेका छन् ।

सबैखाले परिक्षणमा नगरवासीले बजारमूल्य भन्दा ७५ प्रतिशत सस्तो परिक्षण सेवा प्राप्त गर्न सक्ने महानगर प्रमुख सिंहले बताए ।

त्यस्तै प्रयोगशालामा जेष्ठ नागरिक (बृद्द भत्ता पाईरहेका), मृगाैला पिडित, क्यान्सर पिडित, HIV संक्रमित, सहिद परिवार र मधेश आन्दोलनमा घाईते तथा विपन्न परिवारलाई सबैखाले परिक्षणमा ९० प्रतिशत छुट र अपांगता भएका व्यक्तिहरूलाई ५० प्रतिशत छुटकाे व्यवस्था मिलाइएको पनि उनले वताए ।

स्वास्थ्य सेवा नगरवासीकाे घरदैलोमै पुर्याउन अहाेरात्र काम गरिराखेकाे वीरगंज महानगरले एक पछि अर्काे स्वास्थ्य सेवाका कार्यक्रम सञ्चालन गर्दै जाने विश्वास दिलाउँदै सुलभ दरकाे प्रयाेगशाला सेवाकाे लाभ लिनुहुन पनि महानगर प्रमुख सिंहले सम्पूर्णमा अनुराेध गरेका छन् ।

कार्यक्रममा नारायणी अस्पतालका मेडिकल सुपरिटेण्डेण्ट डा. चित्तरन्जन साहले महानगरले संचालनमा ल्याएको प्रयोगशाला नारायणी अस्पतालको भन्दा पनि सुलभ रहेको भन्दै परीक्षण गर्ने मेसिन पनि गुणस्तरीय रहेको बताए ।

कार्यक्रममा महानगरका प्रमुख प्रशासकीय अधिकृत लक्ष्मी प्रसाद पौडेलले महानरका विभिन्न ६ ठाउँमा प्रयोगशाला संचालनमा ल्याउने नीति बमोजिम आज पहिलो ल्याब संचालनमा ल्याइएको बताए ।

उद्घाटन कार्यक्रममा जिल्ला स्वास्थ्य कार्यालय पर्साका प्रमुख वरिष्ठ जनस्वास्थ्य प्रसाशक डा. मुक्ति नारायण साह, वडा नं. ३ का वडाअध्यक्ष बैजुलाल श्वर्णकार, वडा नं. ४ का वडाध्यक्ष जगत साह कानु, वडा नं. ५ का वडाध्यक्ष प्रदीप चौरसिया, वडा नम्बर २६ का वडाध्यक्ष शम्भु मिश्र लगायतको सहभागिता रहेको थियो ।

नवरात्रीकाे पहिलाे दिन कलश यात्रा

0

वीरगंज । नेपालीहरुकाे महान चाँड बडा दशैं आइतबारदेखि सुरु भएको छ । आश्विन शुक्ल प्रतिपदाका दिनदेखि सुरु हुने बडा दशैंकाे पहिलाे दिन घरघरमा जौ, मकै, गहुँ आदिको जमरा राखी घटस्थापना गर्ने गरिन्छ । घटस्थापना कै दिनदेखि नवरात्री समेत सुरु हुन्छ ।

नवरात्रीकाे पहिलाे दिन पर्साकाे विभिन्न स्थानामा कलश यात्रा निकालिएकाे छ । केही समय यतादेखि आएर पर्सामा सामुहिक रुपमा नवरात्री गर्ने चलनमा वृद्धि समेत भएकाे छ । सामुहिक रुपमा नवरात्री गर्नेहरु पहिलाे दिन कलश यात्रा समेत निकाल्दै आएका छन् ।

जगरनाथपुर गाउँपालिकामा भव्य रुपमा नवरात्रीकाे पहिलाे दिन आइतबार भव्य रुपमा कलश यात्रा निकालिएकाे छ । सयाैंकाे श्रद्धालुहरुकाे सहभागितामा निकालिएकाे कलश यात्रा गाउँ समेत परिक्रमा गरेकाे थियाे ।

जगरनाथपुर गाउँपालिकाकाे वडा.न.३ जमुनिया, बर्गो टोल, वडा नं.४ टोल सुहपुर, वडा.न.५ चिलझप्ट्टि वडानं. ६ बहुवरी तथा पर्सौनीमा कलश यात्रा निकालिएकाे स्थानिय मंजय गिरीले जानकारी दिए ।

कलश यात्रामा गाउँपालिका अध्यक्ष श्रीकान्त प्रसाद यादव, उपाध्यक्ष बबिता सिंह क्षेत्री, जिराभवानी गाउँपालिकाकी उपाध्यक्ष रेखा चाैधरी, प्रमुख प्रशासकिय अधिकृत कृष्णनन्दन राय यादव, वडाअध्यक्ष शुभास कुमार यादव, प्रभु नुनिया, राम-अयोध्या प्रसाद पटेल लगायतकाे सहभागिता रहेकाे थियाे ।

डेसिमल कलेजका कक्षा ११ का विद्यार्थीहरुलाई स्वागत

0

वीरगंज । डेसिमल स्कूल एण्ड कलेजले वीरगंज गण्डकस्थित रहेको क्लार्कस रिसोर्टमा कक्षा ११ का नव प्रबेशी विद्यार्थीहरुकाे लागि ताजा भेटघाट तथा अभिवादन कार्यक्रम गरेको छ ।

कक्षा १२ द्वारा आयोजित कार्यक्रमलाई सम्बाेधन गर्दै नेपाली कांग्रेस वीरगंज महानगर समितिका अध्यक्ष मनेन्द्रलालले विद्यार्थीहरु अनुशासित हुनु पर्ने वताए । अनुशासनमा रहेर पढ्ने विद्यार्थीहरुलाई अवश्य नै लक्ष्य प्राप्ती हुने उनकाे भनाई थियाे ।

कलेजको संस्थापक अध्यक्ष सनी दुबेकाे अध्यक्षतामा भएकाे कार्यक्रममा नेशनल प्याब्सन केन्द्रीय समितिका वरिष्ठ उपाध्यक्ष रामविनय चौरसिया, ठाकुराम बहुमुखी क्याम्पसका प्राध्यापक सन्तोष गुप्ता, नेपाली कांग्रेसका महाधिवेशन प्रतिनिधि प्रेमचन्द्र दुबे, नेशनल प्यबस वीरगंजका महनगर अध्यक्ष जियालाल गुप्ता, नगर सचिव शेख अजहर लगायत डेसिमल स्कूलका शिक्षक, शिक्षिका र विद्यार्थीहरुकाे सहभागिता रहेकाे थियाे ।

कार्यक्रममा कक्षा ११ का विद्यार्थीहरुलाई प्रशिक्षण दिनुको साथै विभिन्न सांस्कृतिक कार्यक्रम समेत गरिएकाे थियाे ।

बसपार्कमा पनि यात्रु सहायता कक्षको स्थापना

0

वीरगंज । यात्रुहरूको सुविधालाई मध्यनजर गरी जिल्ला ट्राफिक प्रहरी कार्यालय पर्साले वीरगंजकाे बसपार्माकमा पनि यात्रु सहायता कक्षकाे स्थापना गरेकाे छ ।

नेपालीहरुकाे महान चाँड दशै, तिहार र छठ पर्वलाई मध्य नजर गरि बसपार्कमा स्थापना गरिएकाे यात्रु सहायता कक्षकाे एक कार्यक्रमकाे बिच शनिबार वीरगंज महानगरपालिकाका मेयर राजेशमान सिंहले उद्घाटन गरेका हुन् ।

नजिकिँदै गरेको चाडबाडलाई मध्यनजर गरी स्थापना गरिएको सहायता कक्षमा अपराध एवं दुर्व्यहार तथा ट्राफिक सम्बन्धी गुनासोहरु राख्न सकिने जिल्ला ट्राफिक प्रहरी कार्यालय पर्साका प्रमुख प्रहरी निरिक्षक भास्कर खतिवडाले वताए ।

साथै अन्य ट्राफिक पोष्ट तथा नेपाल प्रहरीका सम्पुर्ण कार्यालयहरुमा समेत यात्रुहरुले सहायता लिन सकिने उनले जानकारी गराए ।

जसमा बिभिन्न सचेतनाका सामग्रीहरु र भाडा दर समेत उल्लेख गरीएको छ । सहायता कक्षमा यातायात व्यवसायी संघका प्रतिनिधि, नागरिक समाजका प्रतिनिधि, ट्राफिक र जनपद प्रहरीका कर्मचारीहरु रहने छन् ।

पत्नी हत्या आरोपमा पति गिरफ्तार

0

वीरगंज । सप्तरीकाे रुपनी गाउँपालिका–३ हर्दियाकी ३७ वर्षीया शीलावती मुखियाको हत्या आरोपमा उनका पति ३८ वर्षीय हरेराम मुखियालाई प्रहरीले गिरफ्तार गरेको छ ।

मोटरसाइकल दुर्घटनामा ०८० भदौ २८ गते मृत्यु भएको भनिएकी शीलावतीको सडक दुर्घटनामा नभई टाउकोमा ढुंगा प्रहार गरी हत्या गरेको आरोपमा उनका पति हरेरामलाई गिरफ्तार गरिएको सप्तरी प्रहरीले जनाएको छ । प्रहरीले प्रमाणहरू संकलन गरेपछि हरेरामलाई हत्या आरोपमा कारबाही थालेको सप्तरीका डिएसपी ढुण्डीराज नेउपानेले बताए ।

रुपनी गाउँपालिका–१ स्थित बिद्युत कार्यालय नजिक राजविराज रुपनी सडक खण्डमा स.४ प ५७६० नम्बरको मोटरसाइकल दुर्घटनाग्रस्त अवस्थामा भदौ २८ गते राति पौने ११ बजे फेला परेको थियो । घटनामा मोटरसाइकल पछाडि सवार शीलावती मृत अवस्थामा फेला परेकी थिइन् । मोटरसाइकल चालक हरेराम भने सडकमा लडेको अवस्थामा भेटिएका थिए । शवको पोष्टमार्टम गजेन्द्रनारायण सिंह अस्पताल राजविराजमा भदौ २९ गते भएको थियो ।

दुर्घटना भनिएको मोटरसाइकल र मोटरसाइकलमा बाँधिएको घरायसी समानमा क्षति नपुगेको, चालकलाई चोटपटक नलागेको, मोटरसाइकल लडेको बलौटे ठाउँमा गम्भिर चोट लाग्ने अवस्था नरहेको, मृतक भन्दा २० फिट टाढा रहेको ढुंगामा रगत लागेको घटनास्थल हेर्ने स्थानीयवासीले उतिबेलै घटना शंकास्पद रहेको बताएका थिए । मुखिया दम्पति घर जानका लागि सहज बाटो नगएर रुपनी भएर घुमाउरो बाटो लागेकोमा पनि गाउँलेहरूको शंका थियो ।

पछिल्लो समय हरेरामले घरेलु हिंसा गर्ने गरेको र झगडाको विषयमा पटक–पटक प्रहरी कार्यालयमा छलफल भएको मृतककी आमा सिरहाको लहानकी देवसुनैर मलाहाले बताइन । पत्नी काली, नराम्री भई भनेर झगडा गरिरहने हरेरामले आफन्तमै साली नाता पर्ने युवतीसँग विवाह गर्न चाहेको रहस्य पनि उने वताइन ।

शीलावतीको दुर्घटनामा नभई हत्या भएको भन्दै देवसुनैरले जिल्ला प्रहरी कार्यालयमा उजुरी दिएकी थिइन ।

चोटपटक नलागे पनि अस्पताल भर्ना भएका हरेराम घाइते नरहेको भन्दै चिकित्सकहरूले पनि आशंका गरेका थिए । भदौ २८ गते विहान मुखिया दम्पति घरायसी समान किनमेल गर्न सीमावर्ती भारतको भिमनगर गएका थिए । अनुसन्धान अधिकृत इन्स्पेक्टर प्रमोद खड्काका अनुसार भिमनगरबाट रुपनी पुग्न मुखियाले ५ घण्टा लगाएका थिए ।

जानकारहरूका अनुसार मोटरसाइकलमा भिमनगरदेखि रुपनी पुग्न एक घण्टा समय मात्र लाग्छ । सप्तरीभन्दा बाहिरै बाटोमा मार्न धेरै ठाउँमा मोटरसाइकल रोकेको तर प्रयास सफल नभएपछि रुपनी नजिक आएर सुनसान रातको समयमा घटना गरेको प्रहरी अनुसन्धानले देखाएको छ ।

पोलिग्राफ परीक्षणमा ८० प्रतिशत नेगेटिभ वयान दिएका मुखियाले सिम्राहास्थित होटलमा पत्नीलाई समेत मादक पदार्थ खुवाएको रहस्यबारे प्रहरी खोजीमा जुटेको छ । अभद्र व्यवहारमा मुद्दा चलाएर अनुसन्धान गरिरहेको प्रहरीले हत्या गरी नाटक मञ्चन गरेर हत्या दवाउने प्रपञ्च गरेको आरोपमा उजुरी दर्ता गरी अनुसन्धान थालेको इन्स्पेक्टर खडकाले बताए । सभार : इन्सेक अनलाइन

वीरगंज स्टार्टअप मिट सम्पन्न

0

वीरगंज । वीरगंजमा नव उद्यमी अर्थात् स्टार्टअपहरूको भेला सम्पन्न भएको छ । नेक्नो टेक्नोलोजीद्वारा आयोजित भेला शुक्रवार सम्पन्न भएको हो ।

यहाँस्थित म्याजिक वेल्स नामक रेस्टुराँमा आयोजित भेलामा एक दर्जन स्टार्टअपका उद्यमीहरूले सहभागिता जनाएका थिए । सो क्रममा उनीहरूले एक अर्कासँग परिचय गर्नुका साथै आफ्नो उद्यम, व्यवसाय र परियोजनाको बारेमा जानकारी साझा गरे ।

वीरगंज स्टार्टअपहरूलाई एकै ठाउँमा ल्याउने उद्देशका साथ कार्यक्रम आयोजना गरिएको नेक्नो टेक्नोलोजीका प्रमुख रवि शङ्कर साहले बताए । ‘वीरगंजमा टन्नै स्टार्टअपहरू छन् । कुनै सफल छन् भने कुनै अहिले भर्खरै सुरुवात गरिरहेका छन् तर एक अर्कालाई चिन्दैनन्,’ उनले भने, ‘हाम्रो मुख्य अजेण्डालै यस्ता स्टार्टहरूलाई एक अर्कासँग चिनाइ दिएर एक ठाउँमा ल्याउनु हो ।’

स्टार्टअप ठूलो र सानो भए पनि वीरगंजकाे परिप्रेक्ष्यमा उनीहरूले भोग्ने समस्या भने उस्तै उस्तै रहेको साह बताउँछन् । ‘समाधानका लागि भने कोही अगाडि आइरहेको छैन । कसैले प्रयास गरे पनि एक्लो पहलले त्यो सम्भव भइरहेको छैन । यसरी स्टार्टअपहरू एक ठाउँमा आइदिए संयुक्त रूपमा पहल गर्न सकिन्छ र समाधान निकाल्न एक अर्कालाई सहयोग गर्न सकिन्छ,’ उनले भने ।

कार्यक्रममा स्टार्टअपका प्रतिनिधिहरूले आफ्नो काम, परियोजना, भविष्यको योजना र वर्तमान अवस्थामा भोगिरहेको समस्याका बारेमा छलफल गरेका थिए । छलफलका क्रममा उनीहरूले एक अर्कासँग समन्वय गर्नेदेखि मिलेर काम गर्ने योजना समेत बनाएको सह आयोजक एयाड्स बी मिडियाका सञ्चालक हिमांशु बरनवालले बताए ।

‘हामीले चाहेको पनि यहीँ हो । स्टार्टअपहरू एक अर्कासँग मिलेर काम गरुन्, सहयोग गरुन् र संयुक्त भएर वीरगंजमा एउटा राम्रो स्टार्टअप कल्चरको सुरुवात गरुन् । हाम्रो पहिलो प्रयास सफल भएको छ,’ उनले भने ।

बरनवालले स्टार्टअप मिटलाई प्रत्येक महिना गर्ने आफूहरूको योजना समेत रहेको सुनाए । पहिलो भेटमा चिनजान भए पनि दोस्रो, तेस्रो भेटमा सहकार्य गर्ने बाटो खुल्ने, एक अर्कालाई सहयोग गर्ने अवसर मिल्ने उनको विश्वास छ ।

खैरो हिरोईनसहित प्रसौनीका नुनिया पक्राउ

0
वीरगंज । प्रहरीले १८ ग्राम लागूऔषध खैरो हिरोईन जस्तो देखिने पदार्थ सहित १ जना नियन्त्रणमा लिएकाे छ ।बाराकाे प्रसौनी गाउँपालिका वडा नं. ५ नकटुवा निवासी ४१ बर्षिय रमेश महत्तो नुनियालाई प्रहरीले नियन्त्रणमा लिएकाे हाे ।
 
प्रहरी चौकी रातोमाटे मकवानपुरबाट खटिएको प्रहरी टोलीले बिहिबार राति ११:०० बजेको समयमा मकवानपुरकाे हेटौडा उपमहानगरपालिका वडा नं.१५ रातोमाटे चेकपोष्ट स्थित पुर्व पश्चिम सडकखण्डबाट नुनियालाई पक्राउ गरिएकाे जिल्ला प्रहरी कार्यालय मकवानपुरले जनाएकाे छ ।
 
विरगंजबाट काठमाण्डौ तर्फ आउँदै गरेको ना ५ ख २४६८ नम्बरको यात्रु वाहक बसलाई रोकी चेक जाँच गर्ने क्रममा बसबाट ओराली रितपुर्वक निजको शरीरको खानतलासी गर्दा निजले लगाएको पाईन्टको खल्ती भित्र लुकाई छिपाई गरी राखेको अवस्थामा १८ ग्राम लागु औषध खैरोहेरोईन जस्तो देखिने खैरो पदार्थ फेला परेको प्रहरीले जनाएकाे छ ।
 
उक्त लागु औषधसहित नुनियालाई नियन्त्रणमा लिई थप अनुसन्धान कार्य जारी रहेको जिल्ला प्रहरी कार्यालय मकवानपुरले प्रेस विज्ञप्ती मार्फत जनाएकाे छ ।

किशोरीहरुलाई रजश्वला सम्बन्धि सचेतनामुलक प्रशिक्षण

0

वीरगंज । वीरगंजमा दुई सय जना किशोरीहरुलाई रजश्वला (महिनावारी ) सम्बन्धि सचेतनामुलक प्रशिक्षण दिईएकाे छ । वीरगंजस्थित त्रिजुद्ध माविको सभाहलमा शुक्रबार सानवी फाउन्डेसन अफ नेपालले आयोजना गरेको कार्यक्रममा किशोरीहरुलाई महिनावारी सम्बन्धी प्रशिक्षण दिइएको हाे ।

सानवी फाउन्डेसन अफ नेपालकी अध्यक्ष सानु कुमारीको अध्यक्षता तथा महिला तथा प्रसुती रोग विषेशज्ञ डा. किर्ती अग्रवालको प्रमुख आतिथ्यतामा भएकाे कार्यक्रममा किशोरीहरुलाई प्रोजेक्टर तथा अभ्यासकाे माध्यमले महिनावारी सम्बन्धी प्रशिक्षण दिइएको संयोजक सरोज पटेलले जानकारी दिए ।

उक्त कार्यक्रममै विद्यालयमा अध्ययनरत छात्राहरुको सुविधाको लागि सेनेटरी प्याड सहित प्याड बक्स विद्यालयका प्रधानाध्यापक नवीन कुमार मिश्रलाई हस्तान्तरण पनि गरिएको थियाे ।

कार्यक्रममा संस्थाका संस्थापक विवेक कुमार झा, संयोजक मालबिन्दर कौर, प्रवक्ता विक्की राज पटेल, सचिव अमित कुमार शाह, सहसचिव सशांक कुमार सिंह, प्रशासन प्रमुख प्रेरणा श्रीवास्तव, अञ्जली पटेल, अंकित चौधरी, निर्मल मिश्र, रतनेश मिश्र, विवेक साह, आविदा खातुन, सिवानी गुप्ता, सोफिया खातुन, अस्मिता भुजेल, सुरज कुशवाहा लगायतको सहभागिता रहेको थियो भने कार्यक्रमको सहजीकरण खुशी कुमारी रौनियारले गरेकी थिइन्।

प्रभु हस्पिटलकाे चौथो स्थापना दिवसमा वृक्षारोपण

0

वीरगंज । वीरगंज ८ पानीटंकीस्थित प्रभु हस्पिटलकाे चौथो स्थापना दिवसमा वृक्षारोपण गरिएको छ । ‘आफ्नो ठाउँ, हरियाली बनाउँ’ भन्ने नाराका साथ शुक्रबार अस्पतालको आयोजनामा वृक्षारोपण गरिएको हो ।

पानीटंकीस्थित प्रभु हस्पिटलकाे चोकदेखि आर्मी ब्यारेकसम्मको सडक छेउमा गुलमोहर प्रजातीका ६५ वटा विरुवा रोपिएको अस्पतालकी सञ्चालिका बरिष्ठ स्त्री तथा प्रसुती रोग विशेषज्ञ डा. लक्ष्मी थापाले जानकारी दिइन् । उनका अनुसार शुक्रबार रोपिएका विरुवाको रेखदेख गरी हुर्काउने काम अस्पतालले नै गर्नेछ ।

आफ्नै गाउँलाई हराभरा बनाउनुका साथै बढ्दै गएको जलवायु परिवर्तनले गर्दा वातावरणमा पर्ने असरलाई न्यूनिकरण गर्ने अभिप्रायका साथ विरुवा रोपेर वार्षिकोत्सव मनाएको अस्पतालका सञ्चालक डा. मनोज गुप्ताले बताए ।

बढ्दो अव्यवस्थित शहरीकरणले गर्दा जलवायु परिवर्तन हुँदा मानव जीवनको दैनिकीमा पनि प्रभाव पर्नुका साथै मानवीय स्वास्थ्यमा समेत असर पर्ने भएकाले विरुवा रोप्नुपर्ने आवश्यक्ता डा. गुप्ताले औँल्याए ।

अस्पताल स्थापनाको चौथो वर्षसम्म आईपुग्दा पर्सा मात्रै नभएर बारा, रौतहट, मकवानपुर, सीमावर्ती शहर रक्सौल, बेतिया, चम्पारण लगायतका हजारौँ सेवाग्राहीलाई सेवा दिन सफल भएको अस्पतालका व्यवस्थापक दिलिपराज कार्कीले दाबी गरे ।

उनकाअनुसार अस्पतालबाट ल्याप्रोस्कोपी सर्जरी सेवा पनि सूचारु गरिएको छ । निकट भविष्यमै स्तरीय आईभिएफ सेवा सूचारु गर्ने लक्ष्यबमोजिम आवश्यक तयारी भइरहेको पनि कार्कीले जानकारी दिए । अस्पतालबाट प्रत्यक्ष रुपमा १ सय १५ जनाले रोजगारीपनि प्राप्त गरेका छन् ।

शुक्रबारको वृक्षारोपण कार्यक्रममा बरिष्ठ डा. गोपाल गजुरेल, मधेस विश्वविद्यालयका उपकुलपति प्राध्यापक डा. दीपक शाक्य, लोसपाका केन्द्रिय सदस्य निजामुदिन समानी, नेपाली सेनाका कर्णेल डायमण्ड कार्की, सशस्त्र प्रहरी उपरीक्षक किसन कर्माचार्य, जिल्ला प्रहरी कार्यालय पर्साका प्रहरी नायब उपरीक्षक कुमार विक्रम थापा, वीरगंज महानगरपालिका वडा नम्बर ८ का वडाअध्यक्ष रितेश गुप्ता, भोजपुरी गायक सुनिल पण्डित, होटल तथा पर्यटन व्यवसायी महासंघका केन्द्रीय सदस्य हिराबहादुर श्रेष्ठ, समाजसेवीद्वय गणेशमान श्रेष्ठ, श्याम पोखरेल, फिजिसियन डा. रविरन्जन साह, डा. शिवकुमार झा लगायतको पनि सहभागीता थियो ।

राजस्व विभागले व्यापारीलाई दु:ख दियो : सांसद यादव

0

वीरगंज । जनता समाजवादी पार्टीका प्रमुख सचेतक प्रदीप यादवले राजस्व अनुसन्धान विभागले व्यापारीलाई दु:ख दिएको आरोप लगाएका छन् । प्रतिनिधिसभाको विशेष समयमा बोल्दै सांसद यादवले मन्दीका कारण व्यापार व्यवसाय चौपट भएका बेला राजस्व विभागले अनावश्यक रुपमा छापा मारेर दु:ख दिएको भन्दै प्रधानमन्त्रीको ध्यानाकर्षण गराए ।

उनले भने ‘मन्दीका कारण वीरगंजसहित देशभर व्यापार चौपट भएको छ । उद्योग कलकारखानाले आफ्नो उत्पादनमा आधा कटौती गरी जसोतसो चलिरहेका छन् । उत्पादन पनि बजारमा नपाएको अवस्था छ । मन्दी भएको बेला व्यवसायीलाई राहत दिनुको साटो प्रधानमन्त्री कार्यालय मातहतमा रहको राजस्व अनुसन्धान विभागले सानो ठूलो व्यापारीलाई दु:ख दिने काम गरिरहेको छ’ ।

कसैको बहिखाता त कसैको कम्प्युटर उठाउने, कसैलाई यसै तनाव दिने, अनि कम्प्युटरमा केही फेला नपरेपछि अनावश्यक जरिवाना गरिदिने, कुनै न कुनै बहाना लगाएर जरिवाना गरिदिने र दु:ख दिने काम राजस्व विभागले देशभरी नै गरिरहेको उनको दाबी थियो ।

‘कालीमाटीका तरकारी व्यवसायी, आलुप्याज व्यवसायी, कुलेश्वरका फलमण्डकीका व्यापारी, वीरगंजका कलकारखाना व्यवसाय गरिरहेका व्यवसायीलाई दुख दिने, फोन गरेर तुरुन्त बहिखाता लिएर आउनुस् भन्ने, तर्साउने अनि बीचमा बार्गेनिङको काम गर्ने, दलालहरु सक्रिय पार्ने गरिरहेको छ,’ उनले भने, ‘त्यसकारण प्रधानमन्त्रीजीलाई मेरो अनुरोध छ, मातहत रहेको राजस्व अनुसन्धान विभागलाई नियन्त्रणमा राखेर लगाम लगाउने काम सरकारले गरोस् ।‘

मिटरब्याज कानुनको दुरुपयोग भयाे

सांसद यादवले मिटरब्याजबाट पीडितलाई कानुनी दायरामा ल्याउन संसदले कानुन बनाए पनि त्यसको दुरुपयोग भएको दाबी गरे । ‘कानुन बनेपछि काम सुरु भयो तर अनुचेत लेनदेन पीडितको पक्षमा काम भएको छैन । पीडकको पक्षमा काम भइरहेको छ ।

जो सित पैसा छ, जसको पहुँच छ, जो बार्गेनिङ गर्न सक्छ, त्यसको पक्षमा अहिले काम भइरहेको छ,’ उनले भने, ‘गृह मन्त्रालयले निगरानी गर्नुपर्दैन ? गृह मातहतको सिडीओ कार्यालय के गरिरहेको छ ? वीरगंजमा परेको उजुरीमा ३९ प्रतिशतमात्रै पीडितको पक्षमा निर्णय भएको छ । बाँकी सबै पीडकको पक्षमा न्याय भएको छ । यसमा सरकारको ध्यान जाओस् ।’