Date
सोम, कार्तिक ३०, २०८३
Mon, November 16, 2026
Home Blog Page 481

कालिकामाईमा “राष्ट्र निर्माणमा युवाकाे भुमिका” बिषयक वक्तृत्वकाला

0

वीरगंज । पर्साकाे कालिकामाई गाउँपालिकामा शुक्रबार “राष्ट्र निर्माणमा युवाकाे भुमिका” बिषयक वक्तृत्वकाला प्रतियाेगिता सम्पन्न भएकाे छ ।

कालिकामाई गाउँपालिकाकाे सहयाेग र कालिकामाई युवा समाजकाे आयाेजनामा भएकाे प्रतियाेगिता सम्पन्न भएकाे हाे । 

दिव्य कन्या माद्यमिक विद्यालय बिरन्चीबर्वामा भएकाे प्रतियाेगितामा जनता मावि मुडलीका रुकशाना खातुन प्रथम, श्री सुकई साह मावि भेडिहारीका राज चाैरसिया द्वितिय र कन्या मावि बिरन्चीबर्वाकी राधिया कुमारी तृतिय भएका हुन् ।

प्रतियाेगितामा सन्तावना पुरस्कार नेरा मावि कट्टी बलुवाकी निलम कुमारीलाई प्रदान गरिएकाे युवा समाजका काेषाध्यक्ष बुलेट तिवारीले जानकारी दिए । । 

कालिकामाई युवा समाजका अध्यक्ष आकाश चाैरसियाकाे अध्यक्षतामा भएकाे प्रतियाेगिताकाे उद्घाटन कालिकामाई गाउँपालिकाका अध्यक्ष बशिष्ट कुमार गुप्ताले गरेका थिए ।

कार्यक्रमका बिशिष्ट अतिथी रेडियाे पाेखरियाका अध्यक्ष एवम् कालिका टाईम्सका प्रबन्ध निर्देशक छठु साहले देश निर्माणमा युवाकाे भुमिका महत्वपूर्ण रहेकाे वताए । उनले युवाले देश छाेडेर जानु भन्दा आफ्नै देशमा बसेर परिश्रम गरेर देश बनाउनु पर्ने वताए ।

कार्यक्रममा कालिकामाई गाउँपालिकाका प्रमुख प्रशासकिय अधिकृत नमाेनाथ यादव, दिव्य कन्या माविका प्रधानाध्यापक रामयतन प्रसाद, शिक्षक सुवाेध चाैरसिया, इन्द्रदेव कुर्मी, रामबिश्वास चाैरसिया लगायतकाे उपस्थिती रहेकाे थियाे ।  कार्यक्रमकाे संचालन दिव्य कन्या माविका शिक्षक आदित्य शर्माले गरेका थिए । 

डेट एक्सपायर ‘बडवाइजर’ बियर वीरगंजमा बिक्री हुँदै

0

वीरगंज । वीरगंजकाे बजारमा म्याद गुज्रिएको (खान अयोग्य) बडवाइजर बियर बिक्री वितरण भइरहेको भेटिएको छ । वीरगंजकाे लिंकरोडमा अवस्थित साजन स्टोर्सबाट एक ग्राहकले खरिद गरेको दुई बोत्तल बडवाइजर बियर खान अयोग्य अर्थात सेवन गर्ने समयअवधी गुज्रिएको अवस्थामा भेटिएपछि बजारमा डेट एक्सपायर बडवाइजर बियर बिक्री विततरण भइरहेको खुलासा भएको हो ।

वीरगंजका दुर्गा साहले साजन स्टोर्सबाट खरिद गरि सेवनका लागि ल्याएको दवै बोत्तलमा उत्पादक कम्पनिले टाँसेको स्टिकरमा उक्त बियरको उत्पादन मिति सन् २०२३ मार्च ५ तारिख (२०७९ फागुन २१ ) उल्लेख छ । यस्तै सेवन गरिसक्नु पर्ने अधिकतम मिति भने सन् २०२३ सेप्टेम्बर १ तारिख अर्थात (२०८० भदौं १५ गते ) लेखिएको छ ।

यसअनुसार उक्त बियर डेट एक्सपायर भएको २ महिना बितिसक्दापनि बजारमा निर्वाध रुपमा बिक्री वितरण भइरहेको छ । म्याद गुज्रिएर खान अयोग्य भइसकेको बियर बजारका मदीरा पसलहरुमा निर्वाध बिक्री वितरण गरेर बडवाइजर बियर उत्पादक कम्पनि र उसका अधिकृत बिक्रेता (डिलर) ले उपभोक्ताको स्वास्थ्यसँग गम्भिर खेलवाड गरिरहेका छन् ।

बियर किनेका साहले भने, ‘थोकमा सस्तो पाइन्छ भनेर साजन स्टोर्सबाट ८ सय तिरेर दुई बोत्तल बियर लिएर आए । तर खाने बेलामा बोत्तलको लेबलमा आँखा पर्याे । हेर्दा त एक्सपायर डेट नै दुई महिना पो बितिसकेको रहेछ ।’

मंगलबार डेट एक्सपायर बडवाइजर बियर खरिद गरिएको पसल साजन स्टोर्सका सञ्चालक साजन सोनीले भने भूलवश आफूले ग्राहकलाई डेट एक्सपायर बियर ग्राहकलाई बेच्न पुगेको बताए । उनले बडवाइजर बियरको वीरगंजस्थित अधिकृत बिक्रेताबाटपनि लापरवाही भएको बताए ।

बडवाइजर बियरको वीरगञ्जमा अधिकृत बिक्रेता (डिलर) वीरगञ्ज ४ विर्तास्थित शीखर ट्रेडर्स हो । सोनीले भने, ‘मैले दुई तीन महिना अघि शीखर ट्रेडर्सबाट बडवाइजर बियर थोकमा उठाएको थियो । त्योबला उत्पादन र सेवन अवधिको डेट (मिति) हेर्न भुलेछु ।’

अमेरिकी कम्पनिको बडवाइजर बियर नेपलमा जावलाखेल ग्रुप अफ इन्डस्ट्रीले उत्पादन गरि राज ब्रुअरी प्रालि नवलपरासीबाट रिबोटलीङ गरेर नेपाली बजारमा बिक्री गर्दै आएको छ । बडवाइजर विश्व बजारमा सबैभन्दा बढी बिक्री हुने बियर हो भने अमेरिकामा पनि सबैभन्दा बढी बिक्री हुने बियरमा सबैभन्दा अगाडि छ ।

वीरगंजकाे बजारमा म्याद गुज्रिएको (खान अयोग्य) बडवाइजर बियर बिक्री वितरण भइरहेको भेटिएको छ ।

गत मंगलबार वीरगन्जको लिंकरोडमा अवस्थित साजन स्टोर्सबाट एक ग्राहकले खरिद गरेको दुई बोत्तल बडवाइजर बियर खान अयोग्य अर्थात सेवन गर्ने समयअवधी गुज्रिएको अवस्थामा भेटिएपछि बजारमा डेट एक्सपायर बडवाइजर बियर बिक्री विततरण भइरहेको खुलासा भएको हो ।

वीरगंजका दुर्गा साहले साजन स्टोर्सबाट खरिद गरि सेवनका लागि ल्याएको दवै बोत्तलमा उत्पादक कम्पनिले टाँसेको स्टिकरमा उक्त बियरको उत्पादन मिति सन् २०२३ मार्च ५ तारिख (२०७९ फागुन २१ ) उल्लेख छ । यस्तै सेवन गरिसक्नु पर्ने अधिकतम मिति भने सन् २०२३ सेप्टेम्बर १ तारिख अर्थात (२०८० भदौं १५ गते ) लेखिएको छ ।

यसअनुसार उक्त बियर डेट एक्सपायर भएको २ महिना बितिसक्दापनि बजारमा निर्वाध रुपमा बिक्रवितरण भइरहेको छ । म्याद गुज्रिएर खान अयोग्य भइसकेको बियर बजारका मदीरा पसलहरुमा निर्वाध बिक्रीवितरण गरेर बडवाइजर बियर उत्पादक कम्पनि र उसका अधिकृत बिक्रेता (डिलर) ले उपभोक्ताको स्वास्थ्यसंग गम्भिर खेलवाड गरिरहेका छन् ।

बियर किनेका साहले भने,‘ थोकमा सस्तो पाइन्छ भनेर साजन स्टोर्सबाट ८ सय तिरेर दुई बोत्तल बियर लिएर आए । तर खाने बेलामा बोत्तलको लेबलमा आँखा परर्यो । हेर्दा त एक्सपायर डेट नै दुई महिना पो बितिसकेको रहेछ ।

मंगलबार डेट एक्सपायर बडवाइजर बियर खरिद गरिएको पसल साजन स्टोर्सका सञ्चालक साजन सोनीले भने भूलवश आँफुले ग्राहकलाई डेट एक्सपायर बियर ग्राहकलाई बेच्न पुगेको बताए । उनले बडवाइजर बियरको वीरगन्जस्थित अधिकृत बिक्रेताबाटपनि लापरवाही भएको बताए ।बडवाइज बियरको वीरगन्जमा अधिकृत बिक्रेता (डिलर) वीरगन्ज ४ विर्तास्थित शीखर ट्रेडर्स हो ।

सोनीले भने,‘ मैले दुई तीन महिना अघि शीखर ट्रेडर्सबाट बडवाइजर बियर थोकमा उठाएको थियो । त्योबला उत्पादन र सेवन अवधिको डेट (मिति) हेर्न भुलेछु ।’

वीरगंजमा बडवाइजर बियरको आपुर्ति गर्ने एक मात्र अधिकृत बिक्रेता शीखर ट्रेडर्सका सञ्चालक रन्जित श्रेष्ठलाई यस विषयमा प्रतिक्रिया लिन खोज्दा उनिसंग सम्पर्क नै हुन सकेन । उनको मोबाइल नम्बरमा पटक पटक सम्पर्क गर्दापनि उनले फोन नै उठाएनन् ।

अमेरिकी कम्पनिको बडवाइजर बियर नेपलमा जावलाखेल ग्रुप अफ इन्डस्ट्रीले उत्पादन गरि राज ब्रुअरी प्रालि नवलपरासीबाट रिबोटलीङ गरेर नेपाली बजारमा बिक्री गर्दै आएको छ ।बडवाइजर विश्व बजारमा सबैभन्दा बढी बिक्री हुने बियर हो भने अमेरिकामा पनि सबैभन्दा बढी बिक्री हुने बियरमा सबैभन्दा अगाडि छ ।

छठ सम्म श्रीसिया नदी प्रदूषण नगर्ने उद्याेगीहरुकाे प्रतिबद्धता

0

वीरगंज । वीरगंजकाे सिर्सिया नदीलाई प्रदूषित गर्दै आएका उद्योगीहरूले छठ पर्वसम्म मात्रै नदीलाई प्रदूषण नगर्ने प्रतिबद्धता जनाएका छन् ।

वीरगंज उद्योग वाणिज्य सङ्घको अग्रसरतामा बिहीबार बसेको सरोकारवाला उद्योगीहरूको बैठकमा उद्योगका सञ्चालकहरूले आगामी दीपावलीदेखि छठ पर्वसम्म सिर्सिया नदीमा प्रदूषण र फोहोर पानी बिर्सजन नगर्ने प्रतिबद्धता जनाएका हुन् ।

श्रीसिया नदीमा फाेहर पानी फाल्ने उद्याेगीहरुलाई बाेलाएर हिन्दुहरुकाे महान पर्व छठ सम्म नदीमा फाेहर पानी नफाल्न आग्रह गरिएको वीरगंज उद्याेग वाणिज्य सङ्घका अध्यक्ष अनिल कुमार अग्रवालले वताए । त्यस अनुसार नै उद्याेगीहरुले प्रतिवद्ध समेत जनाएकाे उनले वताए ।

वीरगंज महानगरपालिकाका मेयर राजेशमान सिंहकाे दबावमा यस्ताे आग्रह गरिएकाे पनि उनले वताए । त्यसपछि पनि श्रीसिया नदीमा फाेहर फाल्ने उद्याेगहरु आफै जिम्मेवार हुने पनि बैठकमा भनिएकाे अध्यक्ष अग्रवालले जानकारी दिए ।

छठ सम्म मात्र किन ? प्रश्नकाे जवाफमा अध्यक्ष अग्रवालले भने “छठ लगत्तै फेरि वृहत् बैठक बसेर नदीलाई दीर्घकालसम्म कसरी सफा र स्वच्छ राख्न सकिन्छ भन्ने विषयमा ठोस कार्य योजना बनाउँछौ । अहिले हिन्दुहरुको महान पर्व छठ नजिक रहेकाेले तत्कालकाे लागि श्रीसिया नदी सफा राख्न यस्ताे अग्राह गरिएकाे हाे ।’

अग्रवालकै अध्यक्षतामा बसेको बैठकमा मरियम लेदर इण्डष्ट्रिज, नारायणी लेदर इण्डष्ट्रिज, शिवशक्ति घ्यू उद्योग, अन्नपूर्णा भेजिटेबल प्रोडक्ट्स, नेपाल लेदर इण्डष्ट्रिज, ग्लोबल लेदर इण्डष्ट्रिज, मारुती पेयर मिल्स, दुर्गा पल्पस इण्डष्ट्रिज लगायत अन्य उद्योगका सञ्चालकहरूको सहभागिता रहेको थियो ।

वीरगंजकाे लाइफ लाइनका रूपमा रहेको सिर्सिया नदी विगत तीन दशकदेखि प्रदूषणको सिकार बन्दै आएको छ । पर्सा–बारा औद्योगिक कोरिडोरमा रहेका मध्ये करिब ४५ उद्योगहरूले उद्योगबाट निस्कने फोहोर जन्य पदार्थ र रसायनयुक्त फोहोर पानी सिधै नदीमा विसर्जन गर्दै आएका कारण नदी प्रदूषित बनेको हो ।

नदीलाई प्रदूषण मुक्त बनाउने अभियान थालेको वीरगंज महानगरपालिकाले पाँच वटा उद्योगहरूलाई जनही तीन-तीन लाख रुपैयाँका दरले जरिवाना गर्दासमेत उद्योगहरूले नदीमा फोहोर र प्रदूषित पानी सिधै विसर्जन गर्दै आइ नै रहेका छन् ।

अघिल्लो महिना मात्रै वीरगंज महानगरपालिकाले आर्थिक जरिवाना गर्दासमेत उद्योगहरूले अटेर गर्दै आएकाले अब नदी प्रदूषित गर्ने उद्योग शील गर्ने चेतावनी समेत दिएको थियो ।

पकहाँ मैनपुरकाे प्रमुख प्रशासकिय अधिकृतमा उदयशंकर चाैधरी

0

वीरगंज । पर्साकाे पकहाँ मैनपुर गाउँपालिकाकाे प्रमुख प्रशासकिय अधिकृतमा उदयशंकर चाैधरी हाजिर भएका छन् ।

गाउँ कार्यपालिकाकाे कार्यालय पकहाँ मैनपुरमा शुक्रबार हाजिर हुन पुगेका अधिकृत चाैधरीलाई गाउँपालिकाका अध्यक्षसहितका जनप्रतिनिधि तथा कर्मचारीहरुले स्वागत गरेका हुन् ।

एक कार्यक्रमका बिच गाउँपालिका अध्यक्ष सुरेश प्रसाद मेहतासहित उपाध्यक्ष सरफुन नेसा, सबै वडाध्यक्षहरु र गाउँपालिका कर्मचारीहरुले अधिकृत चाैधरीलाई फुल माला र गमछा ओढाएर स्वागत गरेका थिए । 

साे अवसरमा बाेल्दै अधिकृत चाैधरीले आफु जनप्रतिधि र कर्मचारीकाे समन्वयमा अगाडी बढने वताए । उनले भने “तपाईहरुले आज जसरी स्वागत गर्नु भएकाे छ, त्यसरी नै तपाईहरुकाे सहयाेग र समन्वयकाे जरुरी छ ।”

मधेश प्रदेशकाे मुख्यमन्त्री तथा मन्त्रीपरिषद्काे कार्यालयबाट अधिकृत चाैधरीलाई कार्तिक १५ गते संघिय मामिला तथा सामान्य प्रशासन मन्त्रालयले पकहाँ मैनपुर गाउँपालिकामा सरुवा गरेकाे थियाे । 

यस अघि अधिकृत चाैधरी बाराकाे करैयामाई गाउँपालिकाकाे प्रमुख प्रशासकिय अधिकृतमा कार्यरत थिए । 

पकहाँ मैनपुर गाउँपालिकाका प्रमुख प्रशासकिय अधिकृत राज कुशवाहाकाे जिल्ला समन्वय समिति पर्सामा सरुवा भएपछि केही समयदेखि गाउँपालिका प्रमुख प्रशासकिय अधिकृत विहिन रहेकाे थियाे । 

छिपहरमाईकाे महादेव माविमा शिक्षक अभावले कक्षा बन्द

0

पाेखरिया । पर्साकाे छिपहरमाई गाउँपालिकाकाे वडा नं. १ मा रहेका श्री महादेव माद्यमिक विद्यालय मिर्जापुरमा शिक्षक अभावका कारण कक्षा ६ देखि १० सम्मकाे अध्ययन अध्यापन प्रभावित भएकाे छ ।

करार र स्वयम् सेवक शिक्षककाे आधारमा संचालित विद्यालयकाे माद्यमिक तहकाे कक्षा कार्तिक १२ गतेदेखि बन्द भएकाे समाचार प्राप्त भएकाे छ । विद्यालयकाे माद्यमिक तहमा अध्यापन गराउँदै आएका शिक्षकहरुलाई गाउँपालिकाले हटाएपछि प्रधानाध्यापक बिरेन्द्र प्रसाद यादवकाे माैखिक आदेशमा कक्षा बन्द भएकाे बुझिएकाे छ ।

हाल विद्यालयमा प्रावि तहका दुई जना स्थायी र एक जना राहत शिक्षक गरि जम्मा तीन जना शिक्षक मात्र रहेका छन् । यसैगरी विद्यालयमा दुई जना बाल विकास शिक्षिका र एक जना विद्यालय सहयोगी रहेका छन् ।

विद्यालयकाे समस्या सम्बन्धमा बुधबार विद्यालय प्राङ्गणमा बसेकाे बैठक निष्कर्षविहिन सकेकाे थियाे । विद्यालयमा बन्द रहेकाे कक्षा संचालन गर्न शिक्षकको व्यवस्था मिलाउने सम्बन्धमा शिक्षाप्रेमी, अभिभावक र स्थानिय राजनीति दलका अगुवाहरुकाे बसेकाे बैठक केही निष्कर्ष निकाल्न सकेकाे थिएन ।

जस कारण दशैंकाे विदापछि कार्तिक १२ गतेदेखि विद्यालय खुलेपनि साे विद्यालयमा अध्ययनरत कक्षा ६ देखि १० सम्मका विद्यार्थीहरु पढन पाएका छैनन् । सम्बन्धित निकायकाे लापरवाहीले बन्द रहेकाे कक्षा कहिलेदेखि संचालन हुने अन्याैल  सृजना भएकाे छ भने विद्यार्थीहरु पढन पाउनु पर्ने अधिकारबाट बन्चित भएका छन् ।

२०७९ वैशाख ३० गते को सम्पन्न स्थानीय तहको निर्वाचनबाट निर्वाचित भएर आएका नयाँ जनप्रतिनिधिहरुले पुराना गाउँपालिका अन्तर्गतका करार शिक्षक र कर्मचारी हटाएदेखि यस्ताे समस्या सृजना भएकाे वताइएकाे छ ।

यस बिषयमा बुझ्न विद्यालयका प्रधानाध्यापक बिरेन्द्र प्रसाद यादवसंग फाेन सम्पर्क गर्न खाेज्दा फाेन नउठेका कारण सम्पर्क हुन सकेन । 

सेवाग्राहीले सास्ती पाएकाे गुनासाेपछि सुशासन समितिको अनुगमन सुरु

0

वीरगंज । वीरगंज महानगरपालिकाले आफ्नै वडा भित्रको कामकारवाहीलाई चुस्त बनाउँदै सेवाप्रवाह प्रभावकारी बनाउन कडाइका साथ अनुगमन थालेको छ ।

महानगरद्वारा गठित सुशासन तथा संस्थागत विकास समितिले बुधबार महानगरको ५ वटा वडाको सेवा प्रभावह बारे अनुगमन गरेको हो । वडामा कर्मचारीको उपस्थिति, सेवा प्रवाहको अवस्था, राजश्व संकलन लगायतका विषयमा जानकारी लिएको समितिका संयोजक प्रदीप चौरसियाले जानकारी दिए ।

कतिपय वडामा कर्मचारी अभाव हुँदा सेवा प्रवाहमा समस्या आएको र कतिपय स्थानमा राजश्व संकलनमा समेत समस्या देखिएकाले वास्तविकता यकिन गर्न अनुगमन थालिएको उनले बताए ।

वडामा संकलन हुने राजश्व साप्ताहिक रुपमा दाखिला गराउनु पर्नेमा कतिपयले दाखिला नगरेको देखिएकाले त्यसलाई कडाई गर्न पनि समितिले अनुगमन थाल्नु परेको उनकाे भनाई छ ।

समितिले बुधबार वडा नम्वर ४ बाट अनुगमन सुरु गरेको थियो । पहिलो दिन वडा नं. ४ सहित ५, ६, ७ र १५ गरि ५ वटा वडामा अनुगमन गरिएको महानगरको प्रशासन महाशाखा प्रमुख राजकृष्ण ताम्राकारले बताए ।

अब ३२ वटै वडामा दैनिक रुपमा अनुगमन गर्ने र समयमा कार्यालयमा अनुपस्थित भेटिने कर्मचारीलाई कारबाही पनि गरिने उनले वताए ।

महानगरपालिकाका प्रमुख राजेशमान सिंहले जनप्रतिनिधि रहने वडा कार्यालयमा नै सेवाग्राहीले सास्ती पाएको तथा राजश्व संकलनमा समसया देखिएको गुनासो आएपछि अनुगमनलाई कडाई गर्न निर्देशन दिए बमोजिम समितिले अनुगमन सुरु गरेको हो ।

वडा नं. ५ का वडाअध्यक्ष समेत रहेका समितिका संयोजक चौरसियाको नेतृत्वमा गएको टोलीमा प्रशासन महाशाखा प्रमुख राजकृष्ण ताम्राकार, महानगर प्रमुखका सचिवालय सल्लाहकार हरि पोखरेल, जनसम्पर्क सल्लाहकार नवराज फुयाँल, नगर प्रहरी प्रमुख हरि भुषाल लगायत सहभागिता रहेकाे थियाे ।

रुपेशलाई गोली हान्ने समुहले यस अघि पनि बारा मै गरेका थिए अर्काे हत्या

0

वीरगंज । बाराकाे कलैयास्थित बाल एकता स्कूलका प्रधानाध्यापक रुपेश स्वर्णकारको गोली हानेर हत्या गर्ने सुटर समूहको यसअघि बारामा भएका अन्य गोली प्रहार घटनामा समेत संलग्नता देखिएको छ ।

रुपेशमाथि गोली प्रहार गर्ने सुटरहरूमध्ये भारत विहार राज्यको मोतिहारी जिल्लास्थित दर्पा थाना–१ सुक्लहिया गाउँका सुजीत कुमार सिंह, सोही स्थान बस्ने चञ्चल पाण्डे, मनिष कुमार सहनी र कामेश्वर सहनीले यसअघि पनि बाराको विभिन्न स्थानमा गोली प्रहार गरी हत्या गरेको देखिएको हो ।

सोमबार दिउँसो रुपेशमाथि गोली प्रहार गर्ने सुजीत, चञ्चल, मनिष र कामेश्वरले नै ३५ दिन अगाडि असोज ९ गतेका दिन बारा जिल्लाकै पचरौता नगरपालिका – ६ लक्ष्मनियास्थित पोखरी नजिकै भारतीय नागरिक अजित कुमार सिंहको गोली प्रहार गरी हत्या गरेका थिए । अजितको हत्या गरेर फरार रहँदै आएका उनीहरूले नै रुपेशको हत्या गरेको प्रहरीले जनाएको छ । सुजीत उक्त आपराधिक समूहका लिडर हुन् ।

बुधवार रुपेशको हत्यामा संलग्न रहेको आरोपमा पक्राउ परेका पाँच जनालाई सार्वजनिक गर्न जिल्ला प्रहरी कार्यालय बाराले आयोजना गरेको पत्रकार सम्मेलनमा बारा प्रहरीका प्रमुख एवम् प्रहरी उपरीक्षक (एसपी) सुरेश प्रसाद काफ्लेले स्वयम् रुपेशको हत्या पनि सुजीत, चञ्चल, मनिष र कामेश्वरको संलग्न रहेको बताए ।

एसपी काफ्लेले बुधवार सार्वजनिक गरेको पाँच जनामध्ये कलैया – ६ मदर्शा टोल निवासी २२ वर्षीय राधा गुप्ता रुपेश हत्याको मुख्य योजनाकार भएको दाबी गरेको छ । प्रहरी अनुसन्धानका अनुसार राधाले आफ्ना अर्का प्रेमी भारतीय नागरिक मनोज गुप्तासँग योजना बनाएर रुपेशको हत्या गर्न लगाएको एसपी काफ्लेको भनाई थियो । मनोजले सुजीत समूहलाई सुपारी दिएर रुपेशलाई मार्ने लगाएको उनले बताए ।

अजित हत्याकाण्डमा समेत प्रहरीले प्रेम सम्बन्धका कारण हत्या भएको बताएको थियो । उक्त घटनामा पक्राउ परेकी भारत मोतिहारी जिल्ला दर्पा थाना – १ सुक्लहिया बस्ने वर्ष २३ को सोनम सहनी सिंहले सुजीतसँगको प्रेम सम्बन्धका कारण उनीसँग मिलेर आफ्ना पती अजितको हत्या गर्न लगाएको प्रहरीले जनाएको थियाे । 

दुवै गोली काण्डमा संलग्न रहेका सुटरहरूलाई प्रहरीले हालसम्म पनि नियन्त्रणमा लिन सकेको छैन । उनीहरू भारत भागेको प्रहरीको भनाई छ । 

सुजीत समूहले एक वर्ष अगाडि बारामा अर्का एक जनाको पनि गोली हानेर हत्या गरेको थियो । २०७९ पुस ८ मा भारतीय नागरिक  ४४ वर्षीय शिवपुजन यादवलाई पनि सुजीतको समूहले नै गढीमाई नगरपालिका–२ स्थित भुतही पुलमा गोली चलाएर मारेको थियो । शिवपुजनसँगै मोटरसाइकलमा आएका सुजीतले गोली प्रहार गरी उनको हत्या गरेर फरार भएका थिए ।

त्यस्तै समूहले २०२२ मा भारतको मोतिहारी जिल्ला दार्पा थाना ग्राम पञ्चायत–१४ का उपप्रमुखको समेत हत्या गरेको थियो  ।

भारतसँग जोडिएको सिमाबाट करिब सात सय मिटर भित्र प्रवेश गरेर यसअघि हत्या गरेको सुजीत समूहले यसपटक जिल्लाको सदरमुकाम कलैयामै पुगेर दिनदहाडै रुपेशको हत्या गरेको छ । प्रहरीकै अनुसार उनीहरू दुई वटा मोटरसाइकलमा हतियारसहित भारतबाट नेपाल प्रवेश गरेका थिए । रुपेशमाथि गोली चलाएपछि उनीहरू पुन: भारत फिर्ता गएको एसपी काफ्लेले बताएका छन् ।

सिमानाकामा नेपाल प्रहरी र साश्स्त्र प्रहरीलगायतका सुरक्षा निकायको बाक्लो उपस्थिति हुँदा समेत प्रहरीको मोस्ट वान्टेड सूचीमा रहेका सुटरहरूले सहजै हतियारसहित नेपाल प्रवेश गरेर दिनदहाडै गोली चलाएर हत्या गर्नुले बारा प्रहरीको सुरक्षा चुनाैती बढेकाे देखिन्छ ।

प्रहरीको फितलो सुरक्षा व्यवस्थाका कारण अपराधीहरू सहजै नेपाल प्रवेश गरेर घटना घटाई पुन: भारत फर्कने गरेको स्थानीयहरूको गुनासो छ । 

कलैया – ६ मदर्शा टोलस्थित बाल एकता स्कूलका प्रधानाध्यापक ३६ वर्षीय रुपेशको गत सोमबार दिउँसो दुई वटा मोटरसाइकलमा सवार भई आएका चार जना बन्दुकधारीले चार राउन्ड गोली हानी हत्या गरेका थिए । उनको केही समय पछि उपचारका क्रममा मृत्यु भएको थियो ।

जनमत पार्टी पर्साको अध्यक्षमा सर्राफ, जिल्ला समिति बिस्तार

0

वीरगंज । जनमत पार्टी पर्साको जिल्ला अध्यक्षको जिम्मेवारी युवा नेता ओमप्रकाश सर्राफले पाएका छन् ।यसअघि जिल्ला संयोजकको जिम्मेवारीमा रहेका सर्राफलाई पार्टीले अध्यक्षको जिम्मेवारी दिएको हो ।

सर्राफले संयोजकका रूपमा गरेको काम, कारबाही र पार्टी विस्तारका लागि देखाएको सक्रियतालाई मूल्याङ्कन गर्दै उनलाई अध्यक्षको जिम्मेवारी दिइएको जिल्ला इन्चार्ज माधव सिंह बताए ।

सर्राफको नेतृत्वमा ९७ सदस्सीय जिल्ला समन्वय समिति समेत गठन भएको छ । जसको उपाध्यक्ष परवेज अख्तर, प्रमोद यादव (ग्वाला) र अमरनाथ सिंह (इन्दल) राठौर रहेका छन् ।

त्यस्तै सचिवमा शशी भूषण पाण्डे, कोषाध्यक्षमा अभिषेक तिवारी र सदस्यमा अजय यादव, अनुपमा तिवारी, अर्जुन महतो, अमीर मियाँ, अशोक पटेल, अर्बु नेशा, ई. सुनिल कुमार मुखिया, डा. रेयाजुल हल लगायत रहेका छन् । 

नव गठित जिल्ला समन्वय समितिले पार्टीको कामलाई थप ऊर्जाका साथ अगाडि बढाउने आफूले विश्वास लिएको सह-इन्चार्ज मुकेश द्विवेदीले बताए । उनले पार्टीले यस पटक विस्तार गरेको नयाँ समितिमा अधिकांश युवा, बुद्धिजीवी, पेसागत वर्गका व्यक्ति र नयाँ अनुसारलाई ठाउँ दिइएको बताए ।

प्रथम वीरगंज गोल्ड कप फुटबल प्रतियोगिताको सम्पुर्ण तयारी पुरा

0

वीरगंज । भेट्रान सिटी क्लब, वीरगंजकाे आयोजनामा यहि कार्तिक १८ गते शनिबारदेखि हुनलागेकाे प्रथम वीरगंज गोल्ड कप फुटबल प्रतियोगिता – २०८० को सम्पुर्ण तयारी पुरा भएकाे छ ।

आयाेजक क्लबले बिहिबार पत्रकार सम्मेलन गर्दै वीरगंजस्थित आर्दशनगर रंगशालामा हुन् गईरहेको प्रतियोगिताकाे सम्पूर्ण तयारी पुरा भएकाे जनाएकाे छ ।

पत्रकार सम्मेलनमा वाेल्दै कल्बका महासचिव पंकज श्रेष्ठले प्रतियोगिताको मुख्य उद्देश्य नै पर्यटन प्रवर्द्धन एवम् खेलको विकास “सँगै धरायसी हुन् लागेको फुटबल खेललाई निरन्तरता दिनु रहेकाे वताए ।

उनले मधेश प्रदेश कै सर्वाधिक धनराशी भएको यो प्रतियोगिताको सम्पूर्ण तयारी पुरा भइसकेको जानकारी गराए । राष्ट्रिय र अन्तराष्ट्रिय स्तरका ख्याति प्राप्त कलबहरुको सहभागितामा प्रतियोगिता आयोजना गर्न लागिएको उनले वताए ।

 उनका अनुसार कार्तिक १८ गते शनिबारदेखि सुरु हुने प्रतियाेगिता कार्तिक २५ गते सम्पन्न हुने छ । प्रतियाेगिता प्रत्येक दिन दिउँसो २:०० बजेदेखि सुरु हुने छ ।

प्रतियाेगिताकाे प्रथम पुरस्कार रु ११ लाख ११ हजार एक सय ११ र दाेस्राे पुरस्कार रु ५ लाख ५५ हजार ५ सय ५५ रहेकाे छ । प्रतियाेगितामा प्रत्येक दिन म्यान अफ द म्याच सहितकाे विद्यागत पुरस्कारको व्यवस्था समेत गरिएकाे छ ।

प्रतियाेगितामा त्रिभुवन आर्मी कल्ब (काठमाण्डौ), नेपाल पुलिस कल्ब (काठमाण्डौ), संकट कल्ब (काठमाडौ) एपिआई पावर चर्च वाइज युनाइटेड (नवलपरासी), झापा एफ.सी. (झापा) सहितका ८ वटा टिमहरुकाे सहभागिता रहने छ । 

प्रतियोगिताकाे कुल लगात रु ८० लाख रहेकाे छ भने प्रतियाेगिता हुने रंगशालाकाे दर्शक क्षमता करिब ५ हजार रहेकाे छ । प्रतियाेगितामा प्रति व्यक्ति रु एक सय र सिजनल टिकट रु एक हजार सिजनल टिकट रहेकाे छ ।

प्रतियाेगिता अन्तर्गत कार्तिक २४ गते नेपाल भारतका महिला फुटबल टोलीद्वारा एकदिने मैत्रीपूर्ण रोमान्चकारी फुटबल प्रतियोगिताको प्रदर्शन गरिने समेत आयाेजकले जनाएकाे छ ।

प्रतियाेगिता आयाेजनाकाे लागि वीरगंज महानगरपालिका लगायतकाे सरकारी तथा निजि संघ/संस्थाहरुले सहयाेग गरेका छन् ।

क्लबका अध्यक्ष सबिन बस्नेतकाे अध्यक्षतामा भएकाे पत्रकार सम्मेलनमा बरिष्ठ उपाध्यक्ष राेशन श्रेष्ठ, प्रथम उपाध्यक्ष सागर सम्शेर राणा, काेषाध्यक्ष सुबाेध श्रीवास्तव लगायतकाे सहभागिता रहेकाे थियाे ।

प्रहरीले युवतीसंग नाम जोडेर मृतक रुपेश र आफुहरुको चरित्र हत्या गर्यो : परिवारजन

0

वीरगंज । कलैया ६ का रुपेश स्वर्णकार हत्यामा संलग्नलाई प्रहरीले पक्राउ गरेर कारवाही गर्नुको साटो उनको चरित्र हत्या गरेको परिवारका सदस्यहरुले आरोप लगाएका छन् ।

बारा प्रहरीले पत्रकार सम्मेलन गरेर स्वणर्कारको हत्यामा संलग्नलाई सार्वजनिक गरेको एक घण्टामै परिवारजनले पनि पत्रकार सम्मेलन गरेर आपति जनाएका हुन् ।

मृतक स्वणर्कारका दाई सुमोध सरार्फले प्रहरीले स्वणर्कारको हत्यामा हुँदै नभएको विद्यालयका दुई जना कर्मचारीलाई सार्वजनिक गरेर हत्यारालाई उन्मुती दिन लागेको आरोप लगाए ।

‘प्रहरीको अनुसन्धानमा बिश्वास छैन, स्वणर्कारले न्याय पाउनको साटा चरित्र हत्या भएको अवस्था छ,‘ उनले भने,‘ प्रहरीले स्वणर्कारको विगत देखि नै कुनैपनि केटी संगको चक्कर वा संलग्तामा नरहेको भएपनि प्रहरीले घटनाको यथार्य लुकाउन खोजेको उनले बताए ।‘

करिब ७ महिना अगाडी बाल एकता बोडिङ्ख स्कुलमा दुई महिना मात्र काम गरेकी राधा संग स्वणर्कारको नाम जोडेर परिवारको पनि चरित्र हत्या भएको उनको जिकिर छ ।

राधालाई विद्यालयबाट हटाएदेखि स्वणर्कारको कुनै सम्बन्ध पनि नरहेको भएपनि प्रहरीले उनकै योजनामा घटना घटेको जोडेर चरित्र हत्या भएको दावि गरे ।

घटनामा संलग्न नभएका विद्यालयका कर्मचारीद्धय जामिल र रियाजलाई घटनामा सहयोगी बनाएर हत्यारालाई लुकाएको बताए ।
मृतक स्वणर्कारको मुख्य हत्यारा पक्राउ नपरे परिवारका सदस्यले प्रहरीको विरुद्धमा कडा आन्दोलन थाल्ने चेतावनी पनि दिए ।

बाल एकता इंगलिश बाेर्डिङ स्कुलका संचालक एवम् प्रिन्सपल स्वर्णकारकाे गत साेमबार कलैयामा अज्ञात समुहले गाेली प्रहार गरि हत्या गरेका थिए ।