Date
सोम, कार्तिक ३०, २०८३
Mon, November 16, 2026
Home Blog Page 482

वीरगंजकाे पानीटङकीस्थित एक घरमा चाेरी

0

वीरगंज । वीरगंज महानगरपालिकाकाे वडा नं. ८ पानीटङकीस्थित एक घरमा चाेरी भएकाे छ ।

खानेपानी नजिक रहेकाे कृष्ण प्रसाद कलवारकाे घरमा करिब रु १० लाख बराबरकाे चाेरी भएकाे पिडितले वताएका छन् । घरमा काेइ नभएकाे माेकाछाेपी चाेरहरुले घरमा भएका जिन्सी सामान तथा नगद चाेरेर लगेकाे हुन् ।

साेही घरमा डेरा लिएर बस्दै आएका बिन्दवासिनी गाउँपालिका वडा नं. ५ प्रसाैनी भाठाका इन्जिनियर रबिभुषण पटेलकाे काेठामा पनि चाेरी भएकाे छ । उनकाे काेठाबाट चाेरहरुले दुईटा ल्यापटप र एक लाख नगद चाेरेर लगेकाे प्रहरीले जनाएकाे छ ।

प्रहरीका अनुसार एक तल्ले भवन अगाडीकाे पर्खालबाट हाम फालेर मेनगेटकाे ताला फाेडेर घर भित्र चाेरहरु प्रबेश गरेकाे देखिन्छ । घर भित्र रहेकाे पांच वटै काेठाकाे ताला फाेडेर चाेरहरु चाेरी गरेका छन् ।

घर धनी बस्दै आएका काेठाहरुमा पनि चाेरी भएपनि उनकी श्रीमती अस्पतालमा भर्ना रहेकी कारण चाेरी भएकाे सामानकाे विवरण थाहा हुन सकेकाे छैन् । 

राधालाई बिरयानी पुर्याई पुनः खाजा लिएर फर्कने क्रममा रुपेशमाथि गाेली प्रहार

0

वीरगंज । बाराको कलैया उपमहानगरपालिका -६ मदर्शा टोलस्थित बाल एकता इंग्लिस बोर्डिङ स्कुलका सञ्चाल एवम् प्रधानाध्यापक रुपेश स्वर्णकारको हत्यामा संलग्न ५ जनालाई प्रहरीले सार्वजनिक गरेकाे छ ।

जिल्ला प्रहरी कार्यालय बाराले बुधबार पत्रकार सम्मेलन गर्दै स्वर्णकार हत्यामा संलग्न एक महिलासहित पाँच जनालाई सार्वजनिक गरेको हो । 

प्रहरीले यस घटनामा मुख्य योजनाकार कलैया उपमहानगरपालिका-६ की २२ वर्षीया राधा गुप्ता रहेको जनाएको छ । उनी बाल एकता स्कुलकी पूर्व लेखापाल समेत हुन् । 

यस्तै, सोही विद्यालयमा वरिष्ठ लेखापालको भूमिकामा रहेका सोही ठाउँका ३४ वर्षीय जामिल अख्तर र कलैया-९ रामपुरका २६ वर्षीय रियाज अंसारी पक्राउ परेका छन् । उनीहरूले यस घटनामा सहयोगी भूमिका खेलेको प्रहरी कार्यालयले जनाएको छ । 

यस्तै, प्रिन्सिपल स्वर्णकारमाथि गोली प्रहार गर्ने समूहका दुई भारतीय नागरिकहरू पनि पक्राउ परेकाे जिल्ला प्रहरी कार्यालय बाराका प्रहरी उपरिक्षक (एसपी) सुरेश काफ्लेले वताए । 

उनका अनुसार भारतको मोतिहारी पूर्वी चम्पारण, थाना घाेडासहन, बाहार्वाकाला गाउँ वडा नं. १२ निवासी २३ वर्षीय अभिनव कुमार राजपुत र जागिराकाेटी गाउँ निवासी २३ वर्षीय चन्द कुमार पक्राउ परेका छन् । 

गोली प्रहार गर्ने चार जना भने अझै पक्राउ पर्न सकेका छैनन् । उनीहरुकाे खाेजी कार्य भइरहेकाे एसपी काफ्लेले वताए । तर गाेली हानने सुटरहरु थाहा भइहालेकाे उनले वताए ।

उनका अनुसार दुईवटा मोटरसाइकलमा आएका भारत बिहारको मोतिहारी जिल्ला दर्पा थाना १ सुकलहीयाका २५ वर्षीय सुजित कुमार सिंह, त्यही ठाँउका २४ वर्षीय चञ्चल पाण्डे, २२ वर्षीय मनिष सहनी र २० वर्षीय कामेश्वर सहनीले रुपेशलाई गोली हानेका थिए ।

मदर्शा टोलमै घर भएका ३६ वर्षीय रुपेशकाे गत सोमबार दिउँसो मोटरसाइकलमा घरतर्फ जाने क्रममा दुईवटा मोटरसाइकलमा आएका चारजना बन्दुकधारीले चार राउण्ड गोली हानी  हत्या गरेका थिए ।

विवाहेत्तर प्रेमसम्बन्धका कारण स्वर्णकारकाे हत्या 

एसपी काफ्लेले दुई छोराका बुबा समेत रहेका रुपेशको हत्या एक युवतीसँग विवाहेत्तर प्रेम सम्बन्धका कारण गरिएको पुष्टि भएको बताए । 

उनका अनुसार रुपेशकै स्कुलमा पहिले लेखापाल पदमा कार्यरत पूर्वकर्मचारी कलैया ३ मदर्शा टोलकै २२ वर्षीया राधा गुप्ता र उनका प्रेमी भारत घर भएका मनोज गुप्ताले मिलेर गरेको प्रहरीको अनुसन्धानबाट खुलेको छ ।

राधाकै योजनामा उनका प्रेमी मनोजले भारतबाट सुटर बोलाएर सोमबार दिउँसो रुपेशको हत्या गराएको प्रहरी उपरीक्षक काफ्लेले बताए । रुपेशलाई गोली हान्ने बेलामा  भारतका चार जना सुटर र मनोज आफैं पनि प्रत्यक्ष संलग्न थिए ।

भिडियाेकाे कुरा गरेर हत्यामा राधाकाे प्रयाेग

२०७९ बैशाखबाट बाल एकता ईगलिश बोर्डिङ्ग स्कुलमा पूर्व कर्माचारी (लेखापाल)को रुपमा कार्यरत समेत रहेकी राधाकाे मृतक रुपेश स्वर्णकारसँग घनिष्ट सम्बन्ध रहेको प्रहरीले जनाएकाे छ ।

प्रहरीका अनुसार आफ्नो प्रेमिकाको अन्तपनि घनिष्टता रहेको मनोजले थाहा पाएपछि मृतक रुपेशसंग करिब ३ पटक नेपालमै हात हालाहाल र झै-झगडा भएको, भारतमा १ पटक र कलैयामा २ पटक दुई पक्ष बसेर छलफल गरी मिलाउने प्रयास गरेतापनि विवाद बढ्दै गएको थियाे ।

सोही झगडामा उक्त स्कुलमा कार्यरत शिक्षकहरु रियाज अंसारी र जामिल अख्तर पनि संलग्न रहेको र धेरै पटक फोन मार्फत गालिगलौच गरी मनोजले “तलाई देखाईदिन्छु” भनी धम्की समेत दिएको थियाे ।

मनोज र रुपेश स्वर्णकारको झगडा उत्कर्षमा पुगेपछि मनोजले आफूसँग रहेको भिडियाेहरुको कुरा गरेर राधालाई रुपेश स्वर्णकारको हत्या योजनामा सामेल गराई भारतका सुटरहरुलाई प्रयोग गरी गोली प्रहार गरी हत्या गराएकाे एसपी काफ्लेले वताए ।

एसपी काफ्लेका अनुसार घटना हुनुपुर्व मृतक रुपेशले राधालाई कलैयामा रहेको रोजमेरी होटलबाट भेज बिरयानी घर नजिकै पुर्याई पुनः बजारमा फर्किएर खाजा लिएर सोहि बाटोबाट फर्कने क्रममा २ वटा मोटरसाईकलमा आएका ४ जना व्यक्तिहरुले पिछा गरी राधा गुप्ताको घर नजिकै रहेको अर्को लाईनको गल्लीमा गोली प्रहार गरी हत्या गरी भारततर्फ भागेका हुन् ।

जिल्ला नेतृत्व कमजोर हुँदा पार्टी नाजुक अवस्थामा पुग्याे : प्रमुख सचेतक यादव

0

वीरगंज । जनता समाजवादी पार्टी (जसपा) नेपाल पर्साले बुधबार आयोजना गरेको अगुवा कार्यकर्ता भेला एवं चियापान कार्यक्रम सम्पन्न भएको छ । 

कार्यक्रममा बोल्दै पार्टीका प्रमुख सचेतक समेत रहेका पर्सा क्षेत्र नं.१ का प्रतिनिधिसभा सदस्य प्रदीप यादबले पार्टी मजबुद हुँदाहुँदै पनि नेतृत्व कमजोर हुँदा पार्टी नाजुक अवस्थामा पुगेको भए पनि अहिले आएको नयाँ नेतृत्वले पार्टी चलायमान बनाउने विश्वास व्यक्त गरे ।

‘संगठन छ, नेता कार्यकर्ता छन् तर पनि जिल्ला कमाण्डर (नेतृत्व) कमजोर र अरुको बैशाखी बन्दा पार्टी नाजुक बन्न पुग्यो,’ उनले भने, ‘अरुको बैशाखी बनेको कमजोर नेतृत्वलाई जिल्लाभरका साथीहरुको प्रयासले पाखा लगाएर मजबुद नेतृत्व चयन गरेसँगै पर्टीमा उत्साह र चलायमान बन्ने आशा जगाएको छ ।’

अब पार्टीको कार्यक्रम दिनहुँ हुने भन्दै उनले पार्टी चलायमान र गतिशील बनाउँदै जिल्लाको चार वटै क्षेत्रमा पार्टीलाई बलियो बनाउने अभियान अघि बढ्ने बताए ।

फरक प्रसंगमा उनले अहिले देशको राजनीतिक अवस्था ठिक नभएको भन्दै संघीयतालाई धराप पार्न केही तत्व लागि परेको बताए । तराईलाई मरुभुमीकरण बनाउने षड्यन्त्र स्वरुप सरकारले सदनमा पेश गर्न लागेको विधेयक फिर्ता नल्याए सरकार बाटै आफूहरु बाहिरिने चेतावनी पनि दिए ।

कार्यक्रममा जसपाका केन्द्रीय सदस्य समेत रहेका वीरगंज महानगरपालिकाका मेयर राजेशमान सिंहले पर्सा जिल्लाका १/२ जना बाहेकका सबै नेता कार्यकर्ताको साथ रहेकाले यही जिल्ला नेतृत्व आधिकारीक रहेको बताए ।

कार्यक्रममा पार्टीका केन्द्रीय सदस्य मोहनलाल चौधरी, जनार्धन यादब, भीमा यादब, संघीय परिषद सदस्य विपिन यादव, शिवजी शोनी, जिल्ला समन्वय समितिका सभापति अजय सर्राफ, प्रेमबाबु पटेल, विभिन्न वडाका वडाध्यक्षहरु लगायतको सहभागिता रहेको थियो ।

पार्टीका जिल्ला अध्यक्ष सिंगासन साह तेलीको सभापतित्वमा सम्पन्न कार्यक्रमको सहजिकरण पार्टीका लजिल्ला सचिव उमेशलाल सहनीले गरेका थिए । 

ईटियाहीमा २७ जनाद्वारा रक्तदान

0

वीरगंज । पर्साको बिन्दवासिनी गाँउपालिका वडा नम्बर ३ ठूलो इटियाहीमा बुधबार रक्तदान कार्यक्रम सम्पन्न भएको छ । नेपाल स्काउट निम्न माध्यमिक विद्यालय ठूलो इटियाहीको आयोजना तथा बिन्दबासिनी गाउँपालिका वडा नं. ३ को कार्यालयको सहयोगमा आयोजित कार्यक्रममा २७ जनाले रक्तदान गरेका हुन् ।

विद्यालय ब्यवस्थापन समितिका अध्यक्ष मुकेश कुमार चौरसियाको अध्यक्षतामा भएको कार्यक्रममाकाे उ‍द्घाटन नेपाली काँग्रेस बिन्दबासिनी गाउँपालिका अध्यक्ष बिवेक चौरसियाले रक्तदान गरी गरेका थिए ।

साे कार्यक्रममा विद्यालय व्यवस्थापन समितिका अध्यक्ष मुकेश चौरसिया, मन्जेस कुमार, अमित कुमार साह, योधन चौरसिया, कृष्ण मोहन साह, मुना ठाकुर, अजय गुप्ता, जयचन्द्र चौरसिया, ईजहार राउत गद्दी, सुकेस दास तत्वा, रबि शंकर सिंह, सुर्यमोहन चौरसिया, राज किशोर भगत, अरुण कुमार चौरसिया, भभिखन साह, अरबिन्द चौरसिया, बृजेश चौरसिया लगायतकाले रगतदान गरेको रक्तसञ्चार केन्द्र वीरगंजले जनाएको छ ।

रक्तदान कार्यक्रमलाई सम्बोधन गर्दै प्रमुख अतिथि समेत रहेका सभापति चौरसियाले ईटियाही गाउँमै पहिलो पल्ट रक्तदान भएकोमा आयोजकलाई धन्यबाद दिदै आउने दिनहरुमा पनि गाउँघरलाई लक्षित गरी रक्तदान कार्यक्रम आयोजना गर्न आग्रह गरेका थिए ।

रक्तदान कार्यक्रममा रक्त संचार केन्द्र वीरगंजका प्राविधिक मनिस कुमार साह, जानकी चौधरी लगायतको समुहले प्राविधिक सहयोग गरेका थिए ।

रक्तदान कार्यक्रममा वडाध्यक्ष जय प्रकाश चौरसिया, विद्यालयका प्रधानाध्यापक प्रमोद प्रसाद चौरसिया, स्थानिय मुनिलाल दास, देवनारायण साह, महेन्द्र साह, प्रदिप चौरसिया, छठुलाल चौरसिया, युवा नेता उपनेश चौरसिया, झगरु साह, नथुनी चौरसिया, संतोष चौरसिया, सञ्चारकर्मी जगत राई, अजय चौरसिया, रंजित चौरसिया, मुना ठाकुर, रामेश्वर चौरसिया, राजकिशोर भगत, दिपक चौरसिया लगायत विद्यालयका शिक्षक, राजनीतिक दलका नेता, समाजसेवी, बुद्धिजिवि लगायतको उल्लेखनिय सहभागीता रहेको थियो ।

बिपिसीका विद्यार्थीले कलेजकाे छतबाट हाम फालेर गरे आत्महत्याको प्रयास

0

वीरगंज । वीरगंज पब्लिक कलेज (बिपिसी) मा अध्ययनरत एक विद्यार्थीले क्याम्पसकै भवनबाट हाम फालेर आत्महत्याको प्रयास गरेका छन् ।

कलेजको कक्षा १२ मा अध्ययनरत करिब १८ वर्षीय युवक राजीव महतोले बुधवार बिहान ७ बजेको करिबमा क्लेजकाे चाैथाे तल्लाबाट हाम फालेर आत्महत्याको प्रयास गरेका हुन् ।

बाराको विश्रामपुर गाउँपालिका – ५ नकटुवा निवासी महतोको अहिले वीरगंजस्थित नेपाल मेडीसिटी वयोधा अस्पतालमा उपचार भइरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक (डिएसपी) कुमार बिक्रम थापाले वताए । 

उनका अनुसार महतोको खुट्टा भाँच्चिएको छ भने उनको चिउँडो, हात र टाउँकाेमा पनि चोट लागेको छ । 

राजिव महताेले हाम फालेकाे स्थान विद्यार्थीहरुले देख्दै । तस्बिर : कालिका टाईम्स

कलेजको चौथो तलाबाट हाम फालेका महताेलाई विद्यार्थी र कर्मचारीले उद्धार गरी सुरुमा नजिकको प्रभु अस्पतालमा पुर्‍याएका थिए । प्रभु अस्पतालमा उनको उपचार सम्भव नभएपछि थप उपचारका लागि बयोधा अस्पतालमा लगिएकाे हाे । 

क्लेजका विद्यार्थीहरुका अनुसार केही दिनदेखि उनी मानसिक तनाव (डिप्रेसन) मा रहेका थिए । डिप्रेसन कै कारण उनी छतबाट हाम फाेलेकाे हुन सक्छन् । के कारणले उनी डिप्रेसनमा थिए भने अहिले सम्म खुल्न सकेकाे छैन् ।

जसपा केन्द्रिय सल्लाहकार समितिमा ३ जना मनाेनित

0

वीरगंज । जनता समाजवादी पार्टी (जसपा) नेपालको केन्द्रीय कार्यकारिणी समितिको बैठकले मधेस प्रदेश सभा सदस्यको रिक्त स्थानमा सिराहाकी सञ्जिला कुमारी यादवलाई निर्वाचन आयोग समक्ष सिफारिस गर्ने निर्णय गरेको छ ।

त्यस्तै पार्टीको बैठकले ललितपुरको रानीबुमा केन्द्रीय कार्यालयको भवन निर्माण गर्ने निर्णय गरेको छ । जसका लागि पार्टीका केन्द्रीय कार्यकारिणी समिति सदस्य लालबाबु राउतको संयोजकत्वमा पाँच सदस्यीय भवन निर्माण समिति गठन गरेको छ । समितिको सदस्यहरुमा अमरेश नारायण झा, बलराम महतो, न्हुच्छेलाल महर्जन र सिताराम साह रहेका छन् ।

बैठकले गंगाराम यादव, विमलप्रसाद साह, शैलेश चौधरीलाई सल्लाहकार समितिमा र वीरेन्द्र यादवलाई सामाजिक सुरक्षा समितिमा मनोनयन गरेको छ ।

त्यसैगरी चुरे उत्खनन् गरी निकासी पैठारी सम्बन्धी सरकारी निर्णयको पार्टीले बिरोध गर्ने निर्णय गरेको छ ।

बैठकले केन्द्रीय कार्यालय समितिको अध्यक्ष भन्ने वाक्यांशलाई अब उप्रान्त केन्द्रीय कार्यालय सचिवको रुपमा प्रयोग गर्ने निर्णय समेत गरेको केन्द्रिय प्रचार प्रसार तथा प्रकाशन विभाग प्रमुख पूर्ण बस्नेतले जानकारी दिए ।

४२ लाखकाे सामानहरू लोड रहेको ट्रक पक्राउ

0

वीरगंज । बिल विजक भन्दा बढी रेडिमेट कपडा तथा खुद्रा सामानहरू लाेड रहेकाे माल बाहक ट्रक साेमबार राति ११:४० बजे प्रहरीले नियन्त्रणमा लिएकाे छ ।

विशेष सूचनाको आधारमा वीरगंजबाट झापातर्फ जाँदै गरेको ना.३ ख ४६५१ नम्बरको मालवाहक ट्रक वीरगंज महानगरपालिकाकाे वडा नं.१४ गण्डक चोकस्थितबाट नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

मालवाहक ट्रकलाई रोकी जाँच गर्ने क्रममा विल विजक भन्दा बढी मालबस्तुहरू लोड रहेको तथा सो विल बिजक संकास्पद देखिएको हुँदा नियन्त्रणमा लिइएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक (डिएसपी) कुमार बिक्रम थापाले जानकारी दिए ।

४२ लाख ३२ हजार ८ सय २७ रुपैया बराबरको ट्रक भित्र लोड रहेको ईलेक्ट्रोनिक्स तथा खुद्रा सामानहरू नियन्त्रणमा लिई थप अनुसन्धान तथा आवश्यक कारवाहीको लागि राजश्व अनुसन्धान कार्यालय पथलैया, बारामा बुझाइएको डिएसपी थापाले वताए ।

नेतृ पाख्रिनद्वारा खेलाडीहरुका लागि अक्षय कोष स्थापना

0

वीरगंज । नेकपा एकीकृत समाजवादीकी नेतृ संगीता पाख्रिनले दोलखाको खेलाडीहरुका लागि अक्षय कोष स्थापना गरेकी छिन् । भीमेश्वर नगरपालिका ९ ले आयोजना गरेकाे अध्यक्ष कप उद्घाटन समारोहमा सम्बोधन गर्दै पाख्रिनले अक्षय कोष स्थापनाको घोषणा गरेकी हुन् ।

अक्षय कोष घोषणा गरेकी पाख्रिनले औपचारिक समारोहमा १० हजार घोषणा गरिन । १० वर्षसम्म दोलखाको खेलाडीको लागि अक्षय कोषमा सहयोग गर्ने प्रतिबद्धता समेत गरेकी थिइन । उनले अक्षय कोषमा जम्मा भएको रकमले खेलाडीहरु दुर्घटनामा पर्दा आर्थिक अभावका कारण छटपटिनुपर्ने बाध्यताको अन्त्य हुने विश्वास व्यक्त गरिन ।

‘म कुनै समय भलिबल खेलाडी थिए । यसकारण खेल क्षेत्र मेरो अभिरुचिको विषय हो । खेल र खेलाडीको आत्माविश्वास जगाउनुपर्छ,’ नेकपा एस दोलखाको उप सचिव समेत रहेकी पाख्रिनले भनिन्,‘दोलखा जिल्लाको खेलाडीको लागि अक्षय कोष स्थापना गर्छु ।’

अन्तराष्ट्रिय जगतमा कुटनीतिक सम्बन्ध नभएको अवस्थामा समेत खेल क्षेत्रले नेपाल चिनाउने भएकाले खेलाडीको सम्मानका लागि अक्षय कोष स्थापना गरिएको बताइन । ०७९ को स्थानीय तहको निर्वाचनमा भीमेश्वर नगरपालिकाको उप मेयरको उम्मेदवार रहेकी पाख्रिनले भीमेश्वरको खेलाडी सदैब सक्षम र अब्बल हुनुपर्नेमा जोड दिइन । यसका लागि आफुले सक्ने सहयोग गर्ने धारणा राखिन । पाचौं र छैटौंको छेत्रीय भलिबल खेलाडी रहेकी पाख्रिन दोलखामा सक्रिय राजनीति गर्छिन ।

भीमेश्वर नगरको वडा–९ को वडा अध्यक्ष हिमाल श्रेष्ठको सभाध्यक्षतमा कार्यक्रम भएको थियो । करिब ३५ सय मिटर उचाइमा भएका अध्यक्ष कप कार्तिक १९ गतेसम्म हुने छ । उद्घाटन समारोहका प्रमुख अतिथि बागमती प्रदेशका सांसद भरत बहादुर केसी, यस्तै, एनफाका उपाध्य दावा लामा, नेकपा एमालेका उपाध्यक्ष राजेन्द्र मानन्धर लगाएको सहभागीता रहेको थियो ।

स्वर्णकार हत्याकाे कारण अनैतिक सम्बन्ध, ८ जना पक्राउ

0

वीरगंज । बाराको सदरमुकाम कलैयास्थित बाल एकता स्कूलका प्रधानाध्यापक रुपेश स्वर्णकार (सर्राफ) हत्या काण्डको अनुसन्धान लगभग टुंगो लागिसकेको बताइएको छ ।

बाराका प्रमुख जिल्ला अधिकारी (सिडिओ) नवराज सापकोटाले सर्राफ हत्याकाण्डको अनुसन्धान प्रहरीले लगभग टुङ्गो लगाइसकेको बताएका हुन् ।

संचारकर्मीहरुसंग कुरा गर्दै सिडिओ सापकाेटाले सर्राफको मृत्युको कारण उनको व्यक्तिगत आचरण भएको वताए । हत्या प्रेम सम्बन्धका कारण भएको पुष्टि गर्दै उनले भने, ‘सरार्फको  हत्याकाण्ड कुनै आपराधिक समूहले गरेको होइन, व्यक्तिगत आचरणको कारण हो । हत्याको विश्लेषणमा व्यक्तिगत आचरणले मृत्यु भएको हो । सुरक्षा चुनौती केही पनि छैन ।’

उनले थपे, ‘मृतक सर्राफको एउटा महिलासँग अनैतिक सम्बन्ध थियो । त्यही सम्बन्धका कारणले महिला र उनका आफन्तले मिलेर हत्या गरेको अनुसन्धानमा पाइएको छ ।’ यद्यपि अनुसन्धान पूरा टुङ्गो लागेपछि बारा प्रहरीले बुधवार पत्रकार सम्मेलन गर्दै घटनाको विस्तृत विवरण सार्वजनिक गर्ने उनले बताए ।

सापकोटाका अनुसार प्रेम सम्बन्ध कै कारण सर्राफमाथि यसअघि पनि आक्रमण भएको थियो । ‘अन्य केही सबुत पनि फेला परेका छन् । त्यस कारण हामीले प्रेम सम्बन्धकै कारण हत्या भएको हो भनी निर्क्योल निकालेका हौँ,’ उनले भने ।

प्रहरीले हत्यामा संलग्न रहेको आशङ्का एक महिलासहित ८ जनालाई नियन्त्रणमा लिइएकाे जिल्ला प्रहरी कार्यालय बाराका प्रहरी उपरिक्षक (एसपी) सुरेश काफ्लेले वताए । जसमा पाँच जना नेपाली र अन्य भारतीय रहेको प्रहरी स्रोतको दाबी छ । पक्राउ परेकाहरूको पहिचान भने प्रहरीले खुलाएको छैन ।

अनुसन्धानमा संलग्न एक प्रहरी अधिकृतले दिएको जानकारीअनुसार पक्राउ परेकी महिला राधा गुप्ता हुन् । उनी मदरसा टोलमै बसोबास गर्छिन् । पक्राउ परेका मध्येका एक भारतीय नागरिक मनोज गुप्ता छन् ।

राधा उक्त स्कुलकी पूर्वलेखापाल हुन् । उनी र स्वर्णकारबीच प्रेम सम्बन्ध रहेको खुलेको छ । प्रिन्सिपल स्वर्णकार विवाहित हुन् । 

सर्राफमाथि सोमबार दिउँसो दुई वटा मोटरसाइकलमा आएको चार जनाको समूहले गोली प्रहार गरेको थियो । गोली प्रहारबाट गम्भीर रूपले घाइते भएका उनको उपचारका क्रममा वीरगंजस्थित नेपाल मेडीसिटी वयोधा अस्पतालमा मृत्यु भएको थियो । उनको मङ्गलवार हिन्दू परम्परा अनुसार अन्त्येष्टि गरिएको परिवारिक स्रोतले जनाएको छ ।

उनको हत्याको विरोधमा पर्सा, बारासहित मधेस प्रदेशका सम्पूर्ण निजी विद्यालयले मङ्गलवार बिदा दिएका थिए भने व्यवसायीहरूले कलैया बजार बन्द समेत गरेका थिए ।

यसैबीच, अभिभावक सङ्घ, पर्साले आज प्रेस विज्ञप्ति जारी गरी बाल एकता बोर्डिङ स्कूलका सञ्चालक/प्रधानाध्यापक रूपेश सर्राफको हत्याको आरोपमा पक्राउ परेका व्यक्ति तथा मुख्य अपराधीलाई कडा कारबाई गर्न माग गरेको छ । अपराधीलाई कानूनी दायरामा ल्याइ पीडित परिवारलाई न्याय दिलाउन तथा बारावासीलाई शान्ति सुरक्षा व्यवस्था मिलाउन सङ्घका अध्यक्ष सन्दीपकुमार साहले विज्ञप्तिमा जनाएका छन् ।

यात्रुसंग बढी भाडा लिने सुमाेलाई कारवाही

0

वीरगंज । जिल्ला ट्राफिक प्रहरी कार्यालय पर्साले चाडपर्वको मौका छोपी बढी भाडा लिने सवारी साधनलाई कारबाही थालेकाे छ । वीरगंजबाट काठमाडौं जाने टाटा सूमोले बढी भाडा लिइरहेकाे गुनासाे आएपछि ट्राफिक प्रहरीले कारवाही थालेकाे हाे ।

नियमित चेकजांचकाे क्रममा वीरगंजदेखि काठमाडाैं चल्ने यात्रुहरूसंग बढी भाडा लिएकाे पाइएपछि कारवाही गरिएकाे जिल्ला ट्राफिक प्रहरी कार्यालय पर्साका प्रमुख प्रहरी निरिक्षक भाष्कर खतिवडाले वताए । साथै बढी  भाडा लिने यात्रुलाई फिर्ता समेत गराइएकाे उनले जानकारी दिए । 

प्रहरी निरिक्षक खतिवडाकाे नेतृत्वमा मंगलबा विहान खटिएकाे प्रहरी टाेलीले वीरगंजबाट काठमाडौँ छुटेकाे ना. १ ज. ७४१९ नम्मबरकाे टाटा सुमाे बढी बढा लिएकाे पाइएपछि वीरगंज बसपार्कबाट नियन्त्रणमा लिएकाे थियाे ।

गाडीमा सवार यात्रुहरुसंग साेधपुछ गर्दा दुई यात्रुसंग १५०० रुपैयाँ भाडा लिएको पाइएकाे थियाे । त्यसपछि ट्राफिक प्रहरीले साे टाटा सुमाे जिल्ला ट्राफिक प्रहरी कार्यालयमा ल्याएर कारवाही गर्नुकाे साथै बढी भाडा यात्रुहरुलाई फिर्ता गराएकाे हाे । 

वीरगंजबाट काठमाडौँ सम्मको भाडा  ८५० रुपैयाँ रहेकाेमा चाडपर्वको मौका छोपी केही सवारी साधनले १५०० रुपैयाँसम्म लिने गरेको गुनासाे ट्राफिक प्रहरीलाई प्राप्त भएकाे थियाे । चाडपर्वको मौका छोपी बढी भाडा लिएको पाइए नजिककाे प्रहरी तथा ट्राफिक प्रहरीलाई खबर गर्न प्रहरी निरिक्षक खतिवडाले आग्रह समेत गरेका छन् ।