Date
सोम, कार्तिक ३०, २०८३
Mon, November 16, 2026
Home Blog Page 480

वरगंज गोल्डकपकाे सेमिफाइनलमा संकटा क्लब प्रबेश

0

वीरगंज । प्रथम वीरगंज गोल्डकप फुटबल प्रतियोगिताको दोस्रो दिनको खेलमा संकटा क्लब काठमांडौ विजयी भएको छ । ९० मिनेटको निर्धारित समयको खेलमा एपीआई चर्च ब्याईजलाई संकटा क्लब काठमांडौले ४–० ले पराजित गरेको हो ।

आदर्शनगर खेल मैदानमा सुरु भएको फुटबल प्रतियोगीतामा संकटा क्लब काठमांडौले जितसंगै सेमिफाइनलमा प्रवेश गरेको छ । खेलको पहिलो हाफदेखि संकटा क्लबले प्रतिस्पर्धीलाई दबाब दिदै आएको थियो । सुरु देखि खेलमा दबाब बनाएको संकटाले पहिलो हाफको २३ औ मिनेटमा गोल प्रहार गरेको थियो ।

पहिलो गोल संकटाका जर्सी नम्बर ११ का खेलाडी समिर राईले गरेका थिए । पहिलो हाफमा एक गोलको अग्रता संगै दोस्रो हाफमा पनि संकटाले निरन्तर बल पोस्टमा प्रहार गरीरहेको थियो । दोस्रो हाफमा एपीआई चर्च ब्वाईजले गोल गर्न प्रयास गरेपनि सकेका थिएनन् ।

त्यसपछि संकटाका अर्को खेलाडी जर्सी नम्बर ९ का नरेश हमालले आफ्नो टिमका लागी दोस्रो गाेल गरे । दोस्रो गोल गरेको केहि मिनेटमा संकटाले खेलको ३४ औ मिनेटमा तेस्रो गोल गरेको थियो । संकटाका जर्सी नम्बर ७ का विदेशी खेलाडी फोफानो फोडेले गोल गरेका थिए ।

३ गोल खाएको एपीआई चर्च ब्वाईजका खेलाडीले गोल फर्कोउन निरन्तर प्रयास गरीरहेका थिए । तर उनी दबादमा परेपछि सकिरहेका थिएनन् । खेलमा सुरुदेखि नै दबादमा परेका एपीआई चर्च ब्वाईजका खेलाडी चौथो गोल पनि रोक्न सकेनन् । खेलको ४२ औ मिनेटमा पनि संकटाले पुन गोल गरेको थियो ।

संकटाले निरन्तर गोल प्रहार गरेपछि खेल थप रोमान्चक बनेको थियो । चौथो गोलमा संकटाका जर्सी नम्बर ७ का विदेशी खेलाडी फोफानो फोडेले गोल गरेका थिए । उनले आफ्नो टिमका लागी दोस्रो गोल गरेका थिए ।

खेलको म्यान अफ दी म्याच संकटा क्लबका जर्सी नम्बर ७ का फोफानो फोडे विदेशी घोषित भए । उनले नगद १० हजार रुपैयाँ प्राप्त गरे ।

प्रतियोगितामा सोमबारको खेल नेपाल पुलिस क्लब र क्लाईभ हाउस डमडम कलकता बिच हुने आयोजक भेट्रान सिटी क्लब वीरगंजका महासचिव पंकज श्रेष्ठले जानकारी दिए । पर्यटन प्रवर्द्धन एवं खेलको विकास गर्ने उद्देश्यका साथ प्रथम वीरगंज फुटबल गोल्डकप प्रतियोगिता भएको आयोजकले जनाएको छ ।

रुपेशकाे हत्याराहरूलाई पक्राउ गर्न माग गर्दै प्रदर्शन

0

वीरगंज । बारा जिल्लाकाे सदरमुकाम कलैयास्थित बाल एकता स्कूलका प्रधानाध्यापक रुपेश स्वर्णकार (सर्राफ) को हत्याराहरूलाई पक्राउ गर्न माग गर्दै कलैयास्थित जिल्ला प्रशासन कार्यालय बारा अगाडि स्थानीयहरूले प्रदर्शन गरेका छन् ।

रुपेशको हत्यामा संलग्न रहेको आरोपमा बारा प्रहरीले नियन्त्रणमा लिएको जमील अख्तर र रियाज अन्सारीलाई पनि रिहा गर्न स्थानीयहरूले माग गरेका छन् । उनीहरूका अनुसार प्रहरीले जमील र रियाजलाई झुटो आरोपमा नियन्त्रणमा लिएर फसाएको छ ।

रुपेश हत्या भएको झन्डै एक हप्ता बितिसक्दा समेत बारा प्रहरीले उनीमाथि गोली प्रहार गर्नेहरूलाई अझै पनि पक्राउ गर्न सकेको छैन । प्रहरीले उनको हत्याको योजना बनाएको आरोपमा रुपेशको स्कूल कै एक जना पूर्व कर्मचारी राधा गुप्तासहित पाँच जनालाई नियन्त्रणमा लिएको छ ।

यद्यपि, प्रहरीको अनुसन्धानबाट रुपेशका परिवारका सदस्यहरू सन्तुष्ट छैनन् । पक्राउ परेका मध्ये जमील र रियाज निर्दोष रहेको परिवारका सदस्यहरू कै भनाई छ ।

सोमबार दिउँसो दुई वटा मोटरसाइकलमा सवार चार जनाले रुपेशमाथि गोली प्रहार गरेका थिए । गोली प्रहारबाट सख्त घाइते भएका उनको सोही दिन उपचारका क्रममा मृत्यु भएको थियो ।

उपकार सेवाद्वारा व्हिलचेयर सहयाेग

0

वीरगंज । उपकार सेवा नेपाल संस्थाले एक जना अपागङ्ग ब्यातिलाई व्हिलचेयर सहयाेग गरेकाे छ ।

संस्थाले शारीरिक अपाङ्गता भएका वीरगंज १० आदर्शनगर निवासी ९० बर्षिय जमुना प्रसाद गुप्तालाई एक थान व्हीलचेयर सहयाेग गरेकाे उपकार सेवा नेपाल संस्थाका अध्यक्ष बिद्या कुमारी सरावगीले जानकारी दिइन ।

संस्थाका अध्यक्ष सरावगी, सदस्य सज्जन अग्रवाल, सामजिक अभियन्ता प्रकाश थारूको उनकाे घर मै पुगेर व्हीलचेयर हस्तान्तरण गरेका हुन् ।

पहिला पनि व्हिलचेयर र बिभिन्न सामान फरक फरक ठाउँमा संस्थाले सहयोग गर्दै आइरहेको छ ।

बिश्रामपुरमा अखिल क्रान्तिकारीका सचिव पासवान सम्मानित

0

वीरगंज । जनता सङ्ग माओबादी बिशेष रुपान्तरण अभियान अन्त्रगत बाराकाे बिश्रामपुर गाउँपालिकामा दीपावली तथा छठ पर्वकाे शुभकामना अदान प्रदान कार्यक्रम सम्पन्न भएको छ।

नेकपा माओबादी केन्द्र बिश्रामपुर गाउँपालिका कमिटीको भएकाे कार्यक्रममा हिन्दुहरुकाे महान चाँड दीपावली र छठ पर्बको शुभकामना अदान प्रदान गरिएकाे थियाे । साेही कार्यक्रमका अखिल क्रान्तिकारी केन्द्रीय सचीव एवम् मधेस प्रदेशका उपाध्यक्ष इशक कुमार पसवानलाई सम्मान समेत गरिएकाे थियो ।

कार्यक्रमका प्रमुख अतिथी जितपुर सिमरा उपमहानगरपालिकाका मेयर राजन पौडेलले कार्यक्रममा उपस्थित कार्ययाकर्तालाई अमलाको विरुवा उपहार दिएर उद्घाटन गरेका थिए ।

कार्यक्रमलाई सम्वोधन गदैं मेयर पौडेलले भने पर्व मै टोल गाउँलाई सफागरेर मात्र पुग्दैन र यसलाई निरन्तरता दिनुपर्नेमा जोड दिए । पर्व तेहवारमा सुरक्षीत भैइ पर्व मनाउन मेयर पौडेलले आग्रह समेत गरे । 

लवकुश बैठाको अध्यक्षता भएको कार्यक्रममा पुर्ब महिला आयोग प्रमुख र प्रतिनिधि सभा सदस्य शेख चान्दतारा, अखिल क्रान्तिकारी केन्द्रीय सचीव र मधेस प्रदेश उपाध्यक्ष इशक कुमार पसवान, नेपाली कांग्रेस, नेकपा एमाले, जसपा, लोसपा, नेकपा एस लगयातका प्रतिनिधिको उपस्तिथी रहेको थियो ।

नारायणी एफएमकाे कार्यक्रममा ५३ जनाद्वारा रक्तदान

0

वीरगंज । मधेस प्रदेशको पहिलो समुदायिक रेडियो नारायणी एफएम १०३.८ मेगाहर्जकाे आयाेजनामा शनिबार रक्तदान कार्यक्रम सम्पन्न भएकाे छ ।

रेडियाे १८ औं वर्षमा प्रवेश गरेको अवसरमा आयाेजित कार्यक्रममा ७ महिलासहित ५३ जनाले रक्तदान गरेकाे रक्त संचार केन्द्र वीरगंजले जनाएकाे छ ।

वीरगंजकाे लिंक राेडस्थित कुमु प्यालेस होटलमा भएकाे कार्यक्रममा महिला तर्फ नुतन सरावगी, अप्साना खान, प्रकृति अधिकारी, आरजु देवकोटा, निलम सिंह, सुकृति सिंह, दिर्घ कुमारी थापा, सुनिता कुमारी र रिया भट्टराईले रक्त गरेका हुन् ।

यसैगरी पुरुष तर्फ रञ्जित यादव, शब्दर हुसेन, आनन्द साह, बलिराम यादव, रवि कुमार गुप्ता, शिवनाथ यादव, कमल मोहन पोखरेल, रुप नारायण ठाकुर लोहार, किशोर राना मगर, ईश्वर राना मगर, नितिश कुमार सिंह, बिशाल पटेल, दिपेन्द्र साह, आशिष चौहान, ज्योतिलाल पण्डित, हरिशंकर कुमार कर्ण, श्याम प्रकाश लाल, अभिशेख तिवारी, गिरिश कुमार, उमेश कुशवाहा लगायतले रक्तदान गरेकाे रेडियाेले जनाएकाे छ ।

सामुदायिक रेडियो नारायणी एफएमका कार्यकारी अध्यक्ष गोविन्द देवकोटाको अध्यक्षतामा भएको रक्तदान कार्यक्रममा नेपाल उद्योग वाणिज्य महासंघ मधेस प्रदेशका निवर्तमान अध्यक्ष गणेश लाठ र नेपाल पत्रकार महासंघका सचिव दीपेन्द्र चौहानले रक्तदातालाई व्लड व्याग हस्तान्त्रण गरेर कार्यक्रमको शुभारम्भ गरिएको थियो ।

नेपाल रेडक्रस सोसाइटी पर्साका अध्यक्ष विरेन्द्रराज कंडेल र रेडियोका कार्यकारी अध्यक्ष गोविन्द देवकोटालाई लाठ र चौहानले व्लड व्याग हस्तान्त्रण गरेर कार्यक्रमको उदघाटन गरिएको थियो ।

उक्त कार्यक्रममा नेपाल पत्रकार महासंघका केन्द्रीय सदस्य केसी लामिछाने, मधेस प्रदेशका महासचिव श्याम बन्जारा, प्रेस युनियनका सचिव अशोक तिवारी र केन्द्रीय सदस्य श्रीराम रायमाझी, प्रेस सेन्टर नेपालका केन्द्रीय सदस्य निरज पिठाकोटे, जगत राई, नेपाल पत्रकार महासंघ पर्साका उपाध्यक्ष युवराज खड्का लगायत विभिन्न राजनीतिक दलका नेता कार्यकर्ता र सामाजिक अभियान्ताहरुको उपस्थित रहेको थियो ।

यसैगरी सामुदायिक सेवा केन्द्र तथा सामुदायिक प्रहरी सेवा छपकैयाकाे आयाेजना शनिबार नै रक्तदान कार्यक्रम सम्पन्न भएकाे छ । साे कार्यक्रममा ३ महिला सहित ९५ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले जानकारी दिए ।

मधेशको बिकास बिना देशको बिकास हुँदैन : अध्यक्ष ओली

0

वीरगंज । नेकपा एमाले अध्यक्ष केपी शर्मा ओलीले मधेश विकास विना देशको विकास सम्भव नरहेको बताएका छन् ।

वीरगंजमा आयोजित नेपाल कम्युनिष्ट पार्टी (एमाले) को मधेश प्रदेश कमिटिकाे सपथग्रहण समारोहलाई सम्बोधन गर्दै ओलीले उद्योग, व्यापार, पर्यटन, धार्मिक पर्यटनको कन्द्रको रुपमा रहेको मधेशलाई अझै पछाडि पार्ने हो भने हामी अगाडि बढ्न नसक्ने बताए । उनले मधेशको विकास नभए देश अगाडि बढ्न नसक्ने भन्दै यसको लागि नेकपा एमाले बाहेक अन्य पार्टीको विकल्प नरहेको बताए ।

लोकतन्त्र, सामाजिक समानता, सार्वभौमसत्ताको लागि हामीले संघर्ष गरेको स्मरण गराउँदै यस लोकतान्त्रिक प्रणालीलाई सही ढंंगले प्रयोग नगर्ने हो भने यसको कुनै अर्थ नरहने अध्यक्ष ओलीको भनाई थियो । उनले लोकतन्त्र व्यवहारिक रुपमा संचालन हुन सकेको छैन, यो सरकारलाई असंवैधानिक भनेर अदालतले पटक पटक फैसला पनि गरिसकेको बताए । सम्मानीय अदालतले प्रधानमन्त्री, राष्ट्रपतिले देशमा मनपरीतन्त्र चलाएको भनेर फैसला पनि गरि रहँदा लाज पचाएर बसेको आरोप लगाए ।

अदालतले संवैधानिक काम गर्न पटक पटक भन्दा पनि यस सरकारले नटेरेको उनको भनाई छ । यस सरकारले अपराधिक तत्वहरुलाई संरक्षण गरि रहेको भन्दै यही सरकारले अपराधी छाडेपछि गुल्मीमा एकजनाले आत्महत्या गरेको स्मरण गराए । अध्यक्ष ओलीले कतिपय स्थानमा जनता आतँकित छन्, विभिन्न समयमा यो अदालतले यो सरकारको असंवैधानिक गैर कानूनी फैसलालाई गलत ठहर गरि रहँदा पनि आफ्नो मनपरीतन्त्रलाई नरोकेको बताए ।

वर्तमान अवस्थामा मुलुकमा जथाभावी अराजकता फैलि रहेको छ, मनपरीतन्त्र बढेको छ, अपराधिक क्रियाकलापहरु बढ्दै गएको उनको भनाई छ । सरकार त्यस्ता तत्वहरुलाई कारवाही गर्नुको साथै संरक्षण गरेर बढावा दिई रहेको अध्यक्ष ओलीको आरोप छ । उनले सरकार राष्ट्रिय एकतालाई खलबल्याएर धार्मिक, क्षेत्रीयता, जातीयताका नारा दिएर भित्रभित्रै उचाल्ने काम गरि रहेको र पहिचानको राजनीति भन्दै एकता विरोधी राजनीति गरि रहेको बताए ।

उनले दुई वर्ष अगाडि नेकपा एमालेले सरकार चलाउँदा अर्थतन्त्रमा विश्वसामु धेरै राम्रो परिणाम ल्याएको दाबी गरे । उनले विश्वमा सबैभन्दा छिटो विकास गर्ने १० वटा देशभित्र हाम्रो देश परेको भन्दै अर्थतन्त्रमा पनि सुधार आएको दाबी गरे । पुनः निर्माणमा पनि नेकपा एमालेको सरकार सफल रुपमा काम गरेको भन्दै अहिलेको सरकार देशको विकास भन्दा पनि राष्ट्रिय एकतालाई खलबल्याएर धार्मिक, जातीय नारा दिएर सामाजिक सद्भाव विगार्ने राजनीति गरि रहेको आरोप लगाए ।

पार्टीको मधेश प्रदेशका अध्यक्ष चन्देश्वर मण्डलको अध्यक्षतामा भएको कार्यक्रममा नेकपा एमालेका सचिव एवं मधेश प्रदेशका इन्चार्ज योगेश भट्टराई, कोशी प्रदेशका इन्चार्ज रघुवीर महासेठ, पूर्व मन्त्री ज्वाला साह, जुली महासेठ, नेकपा एमाले पर्साका इन्चार्ज अच्यूत मैनाली ,नेकपा एमाले मधेश प्रदेश कमिटीका निर्वतमान अध्यक्ष रामअवतार यादव ,नेकपा एमाले पर्साका अध्यक्ष डा. बिश्वम्भर शर्मा लगायतकाे सहभागिता रहेकाे थियाे ।

वीरगंज नगर सभा गृहमा भएकाे कार्यक्रमको संचालन प्रदेश सचिव मनोज पौडेल र स्वागत मन्तब्य उपाध्यक्ष बिचारी यादवले ब्यक्त गरेका थिए ।

प्रथम वीरगंज गोल्डकप सुरु, उद्घाटन खेलमा वीरगंज विजयी

0

वीरगंज । भेट्रान्स सिटी क्लब वीरगंजकाे आयाेजनामा मधेश प्रदेशकै उच्च धनराशिको प्रथम वीरगंज गोल्डकप फुटबल प्रतियोगिता शनिबारदेखि सुरु भएको छ ।  प्रतियोगिताको उद्घाटन गर्नुहुँदै वीरगंज महानगरपालिकाका मेयर राजेशमान सिंहले वीरगंजमा खेलकुद क्षेत्रलाई चलायमान बनाउन महानर सँधै तयार रहेको बताए ।

वीरगंजलाई विगतको जस्तै फुटबलको उर्वर भूमी बनाउन सबैको साथको खाँचो रहेको उनले वताए । वीरगंजमा राष्ट्रिय, अन्तर्राष्ट्रिय स्तरको फुटबल प्रतियोगिता आयोजना गर्न सक्ने गरि मैदनको पुन:निर्माण गरिएको भन्दै उनले नारायणी रंगशालाको क्रिकेट मैदानलाई पनि व्यवस्थित गर्न महानगर लागि परेको बताए ।

आयाेजक क्लबका अध्यक्ष सबिन बस्नेतकाे अध्यक्षतामा भएकाे उद्घाटन कार्यक्रममा वीरगंज महानगरपालिकाका उप मेयर इमतियाज आलम, जिल्ला प्रहरी कार्यालय पर्साका प्रहरी नायब उपरिक्षक ध्रुव श्रेष्ठ, वीरगंज ५ का वडाध्यक्ष प्रदिप चाैरसिया, वडा नं. १० का वडाध्यक्ष सुशिल साह, वडा नं. २५ का वडाध्यक्ष आशुताेष चतुर्वेदी, निमित प्रमुख प्रशासकिय अधिकृत अरबिन्द लाल कर्ण, जसपा वीरगंज महानगर समितिका अध्यक्ष इश्वर यादव लगायतकाे उपस्थिती रहेकाे थियाे ।

वीरगंजस्थित आदर्शनगर रंगशालामा भइरहेकाे प्रतियाेगिताकाे उद्घाटन खेलमा भेट्रान्स सिटी क्लब वीरगंजले भारत दिल्लीको गडवाल डायमन्ड फुटबल क्लबलाई १ को विरुद्ध ३ गोलले पराजित गरेको छ ।

खेलको निर्धारित समयमा कुनै पनि टीमले गोल प्रहार गर्न नसकेपछि पेनाल्टी सुट आउट गरिएको थियो । आयोजक भेट्रान्स सिटीका सुशान्त थापा, नविन लामा र जनक कार्कीले एक/एक गोल प्रहार गरेका थिए ।

भेट्रान्सका कप्तान कृष्ण शाक्यले पहार गरेको पहिलो पेनाल्टी सट गडवाल डायमन्ड क्लबका गोलकिपर हर्षित बिष्टले रोकेका थिए । गडवाल डायमन्ड फुटबल क्लबका सुमित कद्यान, सन्कल्प सिंह र अन्जुल परिशरले प्रहार गरेका पेनाल्टी सट भेट्रान्स सिटीका गोलकिपर राजु नगरकोटीले रोकेका थिए ।

डायमन्डका अजय विष्टको पेनाल्टी सट मात्र गोलमा परिणत भएको थियो । टाई ब्रेकरमा ३ वटा पेनाल्टी प्रहार रोकेका भेट्रान्स सिटी क्लबका गोलकिपर राजु नगरकोटी म्यान आफ दि म्याच घोषित भएका थिए ।

प्रतियाेगिताकाे विजयी टिमले ११ लाख ११ हजार ११ सय रुपैया र उपविजेताले ५ लाख ५५ हजार ५ सय रुपैया पुरस्कार राशी पाउने छन् । वीरगंज गोल्डकपमा भारतका दुई र नेपालका ६ वटा गरि ८ वटा टीमले प्रतिस्पर्धा गर्ने छन् ।

आइतबार हुने दोस्रो खेलमा संकटा क्लब र चर्च ब्वाईज युनाइटेडले प्रतिस्पर्धा गर्ने आयोजकले क्लबका महासचिव पंकज श्रेष्ठले जानकारी दिए ।

महानगर सुशासन समितिको अनुगमन तिब्र

0

वीरगंज । वीरगंज महानगरपालिकाले ग्रामिण क्षेत्रको वडा कार्य अझ प्रभावकारी बनाउन सुशासन तथा संस्थागत विकास समितिले वडा समितिहरुको अनुगमन तिव्र बनाएको छ ।

बीरगंज महानगरपालिकाद्वारा गठित सुशासन तथा संस्थागत विकास समितिले महानगरपालिकाद्वारा शुक्रवार महानगरको ४ वटा वडाको सेवा प्रभावह बारे अनुगमन गरेको हो । शुक्रवार वडा नं. १२, ३०, ३१ र ३२ को अनुगमन गरेको छ ।

अगामी दिन ग्रामिण क्षेत्रको वडाहरुमा अझ प्रभावकारी कार्य तथा सेवा दिलाउन कार्य अधि बढाएको समितिका संयोजक प्रदीप चौरसियाले जानकारी दिए । वडामा कर्मचारीको उपस्थिति, सेवा प्रवाहको अवस्था, राजश्व संकलन लगायतका विषयमा जानकारी लिएको समितिका संयोजक प्रदीप चौरसियाले बताए ।

कतिपय वडामा कर्मचारी अभाव हुँदा सेवा प्रवाहमा समस्या आएको र कतिपय स्थानमा राजश्व संकलनमा समेत समस्या देखिएकाले वास्तविकता यकिन गर्न अनुगमन थालिएको उनले वताए ।

वडामा संकलन हुने राजश्व साप्ताहिक रुपमा दाखिला गराउनु पर्नेमा कतिपयले दाखिला नगरेको देखिएकाले त्यसलाई कडाई गरिने समितिको सदस्य तथा वडा न २६ का वडा अध्यक्ष शम्भु मिश्राले अनुगमन थाल्नु परेको बताए ।

समितिले यस अधि वडा नं. ४ सहित ५, ६, ७ र १५ गरि ५ वटा वडाको अनुगमन गरिएको महानगरको प्रशासन महाशाखा प्रमुख राजकृष्ण ताम्राकारले बताए ।

अब ३२ वटै वडामा दैनिक रुपमा अनुगमन गर्ने र समयमा कार्यालयमा अनुपस्थित भेटिने कर्मचारीलाई कारबाही पनि गरिने उनले वताए ।

महानगरपालिकाका प्रमुख राजेशमान सिंहले जनप्रतिनिधि रहने वडा कार्यालयमा नै सेवाग्राहीले सास्ती पाएको तथा राजश्व संकलनमा समस्या देखिएको गुनासो आएपछि अनुगमनलाई कडाई गर्न निर्देशन दिए बमोजिम समितिले अनुगमन सुरु गरेको हो ।

वडा नं. ५ का वडाध्यक्ष समेत रहेका समितिका संयोजक चौरसियाको नेतृत्वमा गएको टोलीमा समितिका सदस्य वडा अध्यक्षद्वय शम्भु मिश्र, सुरेश गुप्ता, प्रशासन महाशाखा प्रमुख राजकृष्ण ताम्राकार, महानगर प्रमुखका सचिवालय सल्लाहकार हरि पोखरेल, प्रेस सल्लाहकार महेश दास, नगर प्रहरी प्रमुख हरि भुषाल लगायत रहेका थिए ।

केदारनाथ दर्शन गर्न जाने वीरगंजका युवाहरु बढ्दै

0
वीरगंज । भारतको उत्तराखण्ड राज्यको रुद्रप्रयाग जिल्लामा अवस्थित प्रसिद्ध धार्मिक स्थल केदारनाथ दर्शन गर्न जाने नेपालीको सङ्ख्या बढ्दै गएको छ ।
 
यस क्रममा वीरगंजका युवाहरूको एक समूह पनि केदारनाथ दर्शनको लागि पुगेको छ । केदारनाथ दर्शनकाे लागि पुगेकाे समुहले त्यहाँ नेपालको राष्ट्रिय झन्डा समेत फहराएको छ ।
 
यस अघि दशैंकाे समयमा पनि वीरगंजका युवाहरुकाे समुह केदारनाथ दर्शनकाे लागि पुगेकाे थियाे ।
 
केदारनाथ भ्रमण टोलीमा वीरगंजका विष्णु पटेल, साजन पटेल, प्रकाश ठाकुर, अमित पटेल, कृष्ण पटेल र शत्रुघन पटेल रहेका छन् ।
 
उत्तराखण्डको हिमालय पर्वतको काखमा रहेको केदारनाथ मन्दिर बाह्र ज्योतिर्लिङ्गमा समावेश छ । चार धाम मध्येकाे एक केदारनाथ पनि हाे ।
 
यहाँको प्रतिकूल हावापानीका कारण केदारनाथ मन्दिर अप्रिलदेखि नोभेम्बरसम्म मात्रै दर्शनका लागि खुला हुन्छ ।

कालिकामाईमा जसपाकाे पार्टी प्रबेश कार्यक्रम सम्पन्न

0

वीरगंज । पर्साकाे कालिकामाई गाउँपालिकामा शुक्रबार जनता समाजवादी पार्टी (जसपा) नेपालकाे पार्टी प्रबेश कार्यक्रम सम्पन्न भएकाे छ । कालिकामाई गाउँपालिकाकाे वडा नं. २ भेडिहारीस्थित धर्मशालामा भएकाे कार्यक्रममा विभिन्न पार्टी परित्याग गरि एक सय जना जतिले जसपा प्रबेश गरेका हुन् ।

जसपा कालिकामाइ गाउँपालिका समितिको आयोजनामा भएकाे कार्यक्रममा संजय साह कानु, सुनिल साह कानु, लालबाबु साह कानु, कमलेश साह कानु, बिक्रम साह कानु, रामबाबु साह कानु, आकाश कुमार साह कानु, मुन्ना साह कानु लागायले जसपा प्रबेश गरेकाे जसपाका सचिन कुमार सिंहले जानकारी दिए ।

वडा एकाइ समितिका तैयब खा पैठानको अध्यक्षता र मधेश प्रदेश सरकारका उर्जा सिचाइ तथा खानेपानी मन्त्री सिंगासन सा कलवारको प्रमुख आतिथ्यतामा कार्यक्रम भएकाे कार्यक्रममा नवप्रवेशीहरुलाई प्रमुख अतिथि, बिशिष्ट अतिथी र अतिथीहरुले अबिर टीका, फुलकाे माला र गम्छा लगाई स्वागत गरेका थिए ।

कार्यक्रममा जसपाका केन्द्रिय सदस्य फिरोज मन्सुर, जिल्ला अध्यक्ष रामनरेश प्रसाद यादव, जिल्ला सचीव तबरेज अहमद, जिल्ला कार्याकारिणी समिति सदस्य इन्द्रासन सा कलवार, श्यामबाबु चौरसीया, कालिकामाई गाउँपालिका समिति अध्यक्ष दिनेश सा कलवार, जिल्ला सदस्य ताजिन्द्र सा कलवार, कालिकामाइ गाउँपालिका अध्यक्ष बशिष्ट गुप्ता, वडाध्यक्ष लालबाबु राउत, संजय पटेल, जयनारायण पटेल, अरमान खान, असलम आलम लगायतकाे सहभागिता रहेकाे थियाे । कार्यक्रमकाकाे संचालन रामशंकर प्रसाद चौरासीयाले गरेका थिए ।