वीरगंज ।  पर्साको बहुदरमाई नगरपालिकाका मेयर र प्रमुख प्रशासकीय अधिकृतबीचको विवादले नगरपालिकाकाे विकास निर्माणकाे काम प्रभावित भएको छ । मेयर सिंगासन साह तेली र प्रमुख प्रशासकीय अधिकृत महमद शेरे मुस्तुफा बिचका विवादका कारण विकास निर्माणकाे काम प्रभावित भएकाे हाे ।

चार महिना ढिलाे नगर सभा सम्पन्न भएपनि मेयर तेली र प्रमुख प्रशासकिय अधिकृत मुस्तुफा बिचकाे विवादका कारण कर्मचारीले तलब खान पाएका छैनन् भने विकास निर्माणकाे काम पनि सुरु हुन सकेकाे छैन । साथै जनप्रतिनिधि विचकाे विवादका कारण पनि नगरपालिकाकाे विकास निर्माणकाे काम प्रभावित भएकाे स्थानियहरुले वताएका छन् ।

प्रमुख प्रशासकीय अधिकृत मुस्तफाले आफू अनुकूल काम गर्न नपाएपछि स्थानीय दलहरुबीचको राजनीतिक खिचातानीको फाइदा उठाउँदै मेयर सिंहासन साह तेलीविरुद्ध प्रचारबाजी गरेको मेयर पक्षको आरोप छ । नगर परिषद् भएलगत्तै खर्चको अख्तियारी मागेका मुस्तफाले अख्तियारी नपाएपछि कर्मचारी उचालेर मेयरविरुद्ध प्रचारबाजी गरेको मेयर पक्षको दाबी छ ।

जनप्रतिनिधिहरु बिचकाे विवादकाे फाइदा उठाउँदै प्रमुख प्रशासकिय अधिकृत मुस्तुफाले नगरपालिकामा राजनीतिक गर्न खाेजेकाे मेयर पक्षकाे आराेप छ । मेयर तेलीले प्रमुख प्रशासकिय अधिकृत मुस्तुफाकाे सरुवा गराउन खाेजेकाेले अख्तियारी नदिएकाे अर्काे पक्षकाे आराेप छ । दुई पक्ष विचकाे विवाद र स्वार्थका कारण नगरपालिकाकाे कामकाज प्रभावित भएकाे हाे ।  

असार १० गते सम्म सम्पन्न गरि सक्नु पर्ने नगर सभा नयाँ आर्थिक मसान्त सुरु भएकाे चार महिना ढिलो गरी कात्तिक ८ गते नगर परिषद् भएलगत्तै प्रमुख प्रशासकीय अधिकृत मुस्तफाले अख्तियार मागेका थिए, तर वडा नम्बर ६ को बजेट नै आउन बाँकी रहेको र चाडपर्वको बिदा भएकाले अख्तियारी पाउन नसकेका मुस्तफा मेयर तेलीमाथि खनिएको वताइएकाे छ । कर्मचारीले तलब नपाएको विषय उचाल्दै सामाजिक सुरक्षा भत्तासमेत वितरण नभएको विषयमा मेयरको नाम जोडेर प्रचार भएपछि मेयर तेलीले यसको खण्डन गरेका छन् ।

मेयर तेलीले स्थानीय प्रशासकीय अधिकृत हुँदा पालिका सञ्चालन सहज होस् भन्ने अपेक्षामा कार्यकारी अधिकृतबाटै असहयोग महसुस गरेको मेयरको सचिवालयले जनाएको छ ।

‘कहिले उपमेयर, कहिले वडाध्यक्ष त कहिले कर्मचारी उक्साएर कार्यकारी अधिकृतले नै असहयोग गरेको महसुस भएपछि मेयर तेलीले खर्चको अधिकार दिइसकेका छैनन्, यसैले कर्मचारी र शिक्षकले तलब लिन बाँकी छ’, मेयर तेलीको सचिवालयले भन्यो, ‘एकातिर ४ महिना ढिलो नगरसभा, अर्कातिर चाडपर्वको बिदा, यस्तो बेला प्रमुख प्रशासकीय अधिकृतले समन्वय गर्नुपर्नेमा उल्टै असहयोग गरेपछि मेयरविरुद्ध नगरभित्रैबाट प्रचारबाजी भयो ।’

नगर परिषद् भए पनि वडा नम्बर ६ को योजना आउनै बाँकी छ । नगरसभाका निर्णय सफ्टवेयर (सूत्र) मा प्रविष्टसँगै प्रमुख प्रशासकीय अधिकृतलाई खर्चको अधिकार दिइन्छ, तर वडाको बजेट आउनै सकेको छैन । यस्तो अवस्थामा प्रमुख प्रशासकीय अधिकृतले समन्वय नगरेको मेयर साह पक्षको आरोप छ ।

वीरगंज । पर्साकाे कालिकामाई गाउँपालिका वडा नं. ३ हरिहरपुर विर्तामा शनिबार रक्तदान कार्यक्रम सम्पन्न भएकाे छ । नेपाली काङ्ग्रेस वडाध्यक्षका उम्मेदवार राजेश प्रसाद कुर्मीकाे आयाेजनामा भएकाे कार्यक्रममा ५ महिला सहित ३९ जनाले रक्तदान गरेका हुन् । 

आयाेजक कुर्मी कै अध्यक्षतामा भएकाे कार्यक्रमकाे उद्घाटन पूर्व मन्त्री एवम् प्रतिनिधि सभा सदस्य रमेश रिजालले गरेका थिए । साे कार्यक्रममा शैलेन्द्र त्रिपाठी, विकास साह तेली, बद्री साह, रामविश्वास महताे, विकास पटेल, दिपेन्द्र कुमार कुर्मी, गम्भिरा महताे केवट, अमित कुमार महताे, कृति कुमारी, निभा देवी, शशिभुषण प्रसाद, अकलेश कुमार महताे, संजय प्रसाद चाैहान, निकेश पटेल, संताेष प्रसाद चाैरसिया, सुमन प्रसाद कुर्मी, विनय पटेल, नसिर मियाँ लगायतले रक्तदान गरेकाे हुन् ।

रक्तदान कार्यक्रममा नेपाली कांग्रेस पर्साका प्रवक्ता रमेश पाण्डे, काेषाध्यक्ष प्रेम थापा, जिल्ला सदस्य अजय पटेल, स्थानिय नेता राधाकिशुन चाैरसिया, रजाक मियाँ, रक्त संचार केन्द्र वीरगंजका प्रमुख सराैभ राज पाण्डे लगायतकाे उपस्थिती रहेकाे थियाे ।