वीरगंज । नेकपा एमालेको ११औं केन्द्रीय महाधिवेशनका लागि प्रतिनिधि छनौट प्रक्रियामा विवाद उत्पन्न भएपछि पर्सा जिल्ला पार्टी कार्यालयमा तालाबन्दी गरिएको छ। प्रतिनिधि छनोट प्रक्रियाप्रति असन्तुष्टि जनाउँदै असन्तुष्ट समूहले शनिबार पार्टी कार्यालयमा धर्ना समेत बसेका छन्।

युवा क्लस्टरमा प्रदीप यादव र सन्तोष पासवानको उम्मेदवारी परेको थियो । तर प्रदीप यादवको उम्मेदवारी जबर्जस्ती खारेज गरिएको भन्दै यादव समूहले पार्टी कार्यालयमा तालाबन्दी गरी विरोध प्रदर्शन गरेको हो । यसले निर्वाचन प्रक्रिया प्रभावित भएको बताइएको छ । सोही समूहले आफूहरूमाथि भएको अन्यायका विरुद्ध पार्टी कार्यालयमै धर्ना दिएका छन् ।

अन्य पार्टीबाट प्रवेश गर्ने नेता तथा कार्यकर्ताका लागि ७ वर्षे हदम्याद नलाग्ने व्यवस्था भएपनि पर्सामा त्यसको कार्यान्वयन नभएको गुनासो असन्तुष्ट समूहले जनाएको छ । दलित तर्फ क्षेत्र नं. १, वीरगंज–३२ का सोनालाल हजरा हालै अर्को पार्टी छाडेर एमाले प्रवेश गरेका कारण ७ वर्षे नियम नछुने भन्दै उनको उम्मेदवारी कायम हुनुपर्ने एमाले वीरगंज महानगर लेखा समितिका अध्यक्ष अजय साहले बताएका छन्।

मंसिर १० देखि सुरु गरिएको निर्वाचन तालिका अनुसार शनिवार मतदान हुने तय थियो । तर शुक्रबारै तालाबन्दी भएपछि निर्वाचन समितिले निर्वाचन प्रक्रिया हालका लागि स्थगित गरेको छ ।

एमालेको आसन्न ११औं महाधिवेशनका लागि पर्साका ४ वटै क्षेत्रबाट कूल ३५ जना प्रतिनिधि चयन हुनेछन् । यसका लागि ९३ जनाको उम्मेदवारी परेको छ । नेताहरु दुई समुहमा विभाजित भएपछि सहमतिबाट प्रतिनिधि छनाैट गर्न सकस भएकाे हाे ।

वीरगंज ।  नेपाल कम्युनिस्ट पार्टी (एमाले) को ११औँ केन्द्रीय महाधिवेशनका लागि पर्सामा चलिरहेको प्रतिनिधि छनोट प्रक्रिया विवादित भएकाे छ । प्रतिनिधि छनाैटमा धाधली भएकाे भन्दै एउटा समुहले पार्टी कार्यालयमा तालाबन्दी समेत गरेकाे छ।

युवा क्लस्टरका उम्मेदवार प्रदीप यादव र सन्तोष पासवानबीच प्रतिस्पर्धा भइरहेको अवस्थामा प्रदीप यादवको उम्मेदवारी जबर्जस्ती खारेज गरिएको आरोप लगाउँदै यादव समूहले पार्टी कार्यालयमा तालाबन्दी गर्दै विरोध गरेकाे हाे । तालाबन्दीका कारण निर्वाचन प्रक्रिया अवरुद्ध बनेको बुझिएकाे छ ।

अन्याय र मनोमानी निर्णय भएको दाबी गर्दै प्रदीप यादव समूहले छिट्टै धर्ना बस्ने तयारीसमेत गरेको जनाएको छ।

त्यसैगरी दलित तर्फ क्षेत्र नं. १, वीरगंज–३२ का सोनालाल हजरा हालै अर्को पार्टी त्यागेर एमाले प्रवेश भएकाले ७ वर्षे नियम नछुने बताउँदै उनको उम्मेदवारी कायम हुनुपर्ने एमाले वीरगंज महानगर लेखा समितिका अध्यक्ष अजय साहले वताए । उनका अनुसार अन्य पार्टीबाट आएकाकाे ७ बर्षे म्याद लागु नहुने भएपनि पर्सामा नेताहरु आफु खुसी लागु गरेका हुन् ।

विवादका कारण सम्पूर्ण प्रतिनिधि छनोट प्रक्रिया अनिश्चित बनेको बुझिएको छ। पार्टी विधान विपरीत नेताहरूले आफ्नै मनोमानी ढंगले नियम लागू गर्दा विवाद चर्किएको स्रोतले जनाएको छ।

एमाले पर्सामा पछिल्लो समय गुटबन्दी स्पष्ट रूपमा देखिन थालेको छ । एकातिर निर्वतमान सांसद तथा केन्द्रीय सदस्य प्रभु हजरा र जिल्ला अध्यक्ष विश्वम्भर शर्माको समूह रहेको छ भने अर्कोतर्फ पूर्व मन्त्री एवं केन्द्रीय सदस्य राजकुमार गुप्ता, नेता जालिम मियाँ, पूर्व मेयर विजय सरावगीलगायतका नेताहरू आबद्ध समूह रहेको बताइन्छ।