पर्सा, १२ कात्तिक ।
पर्साको पकहामैनपुर गाउँपालिकाको वडा नम्बर २ सुर्जाहामा साढेको आंतकले स्थानियहरु त्रसित बनेका छन । बिगत २ हप्ता अगाडी देखी साढेले बालीनालीहरु खाने, बिगार्ने र सडकमा हिडने मान्छेलाई लखेटी लखेटी हान्ने गरेका थिए ।
साढेलाई नियन्त्र गर्नका लागी गाउँपालिकामा परेको निवेदनको आधारमा साढेलाई पक्राउ गरी पशुलाई प्रजनन गराउने हेतु सोही गाउँपालिकाको वडा नम्बर ४ खेस्राहा टोलमा राखिएको स्थानियवासीहरु बताएका छन ।
पर्सा, १२ कार्तिक ।
पर्साको पकहामैनपुर गाउपालिका वडानम्बर ५ सबैठवामा आज बिभिन्न प्रजातीका बिरुवाहरु एक कार्यक्रमका बिच वडाअध्यक्ष लेकमन पटेलले बितरण गर्नु भएको छ । आज बिहान शशस्त्र बेस क्याम्प सबैठवा अगाडी भएको कार्यक्रममा वडासचिव ताजेश्वर प्रसाद, वडाअध्यक्ष लेकमन पटेल, शशस्त्र प्रहरी निरिक्षक शुशिल अधिकारी लगायतकाले स्थानियवासीहरुलाई बिभिन्न जातीका बिरुवाहरु दिदै हरियो वडा बनाउनका लागी बिरुवा रोपी आआफनो जिम्मेवारी निर्वाह गर्न आग्रह गरेका थिए ।
कार्यक्रममा १ हजार १ सय ९५ बिरुवा बाडिएको वडासचिव ताजेश्वर प्रसादले बताउनु भएको छ । पहकामैनपुर गाउपालिकाले सम्मपुर्ण गाउपालिकाका स्थानिवासीहरुले बिरुवा रोपी हरियो गाउपालिका बनाउन लिएको लक्ष्य अनुरुप बिरुवा बाडिएको गाउपालिका अध्यक्ष बिजय चौरसियाले बताउनु भएको छ ।
यसै गरी हिजो सोही गाउपालिकाको वडानम्बर ४ लहावरथकरीमा पनि वडाअध्यक्ष ढेडी यादवको अगुवाई १ हजार बिरुवा बाडिएको हो । पकहामैनपुर गाउपालिकाको १ देखी ५ नम्बर वडा सम्म बिरुवा वडाअध्यक्षहरुको जिम्मामा लगाई बाडिएको अध्यक्ष चौरसियाले बताउनु भएको छ ।
राजन बानिया/पोखरिया, १२कार्तिक ।
पर्साकाे छिपहरमाई गाउँपालिका वडा नं.३ जयमंगलापुरको बुडगाईमा आईतबार आगलागी हुँदा डेढ लाख बराबरको छति भएको छ ।
दिउसो ३ बजेको समयमा स्थानिय भोलादेवानको घरमा अागलागी हुदा लताकपडा, खाद्यान्न सामाग्री, साईकल, फर्निचर लगायतका सामान जलेर नष्ट भएको हो ।
आगलागीलाई स्थानिय बासिन्दा, प्रहरी, पोखरियाबाट गएको बारुण यन्त्रले नियन्त्रणमा लिएको प्रहरीले जनाएको छ ।
राजन बानिया/
पोखरिया ११ कार्तिक ।
पर्साका प्रमुुख जिल्ला अधिकारी लोकनाथ पौडेलको छडकेमा पक्राउ परेेेकाे ट्रेकटर लयाउन गएका प्रहरीलाई
पर्साको छिपहरमाई गाउँपालिकाको टिहुकी को स्थानीयले घेराउ गरि अवराेध गरे पछि प्रही ट्रेेकटर ल्याउन असफल भएको छ ।
स्थानियहरु ट्रेकटर ल्याउन नदिए पछि केहि बेर स्थित तनावग्रस्त समेत बनेको स्थनीयहरुलेे बताएका छन । सिडियोद्वारा पक्राउ गरिएको गिटी सहितको ट्रेक्टर स्थानियले कब्जामा लिएपछि स्थिति तनावग्रस्त बनेको हो ।
गिट्टी सहितको गाडी ल्याउन गएको प्रहरीको टोलिलाई समेत स्थानीयले घेरेको थियो । स्थानियले गिटी सहितको ट्रेक्टर कब्जामा लिएपछि त्यसलाई छुटाउन थप प्रहरी परिचालन गरिएको थियो ।
गिट्टी तस्करहरुले पोखरिया, लंगडी, मुडली, बसन्तपुर, हरिहरपुर, धोबनी, भिस्वा, जानकिटोला, दसौता, भिखमपुर स्थानबाट ट्रेकटरमा गिटी लोड गरि टिहुकी नाका हुँदै भारत तरफ लगी रहेको अवस्थामा पक्राउ परेेेको थियो । सिडियो पौडेल ले १३ वटा गिट्टी सहितको ट्रेक्टर ९ गते शुकरबार को दिन बिहान पक्राउ गरि प्रहरी चौकी टिहुकी को जिमा लगाउनु भएको थियोे ।
सोही गिटी लोड ट्रेकटर जिलला लगन जिल्ला प्रहरी कार्यालय बाट खटिएको र स्थानिय नेपाल प्रहरी ,सशस्त्र प्रहरी को टोलि हरु टिहुकी मा पुगी गिटि लोड ट्रेकटर जिल्ला लगन खोजदा स्थानिय सयौ को संख्या मा महिला पुरुष हरु ले ट्रेकटर जानदिएन प्रहरी र स्थानिय बिच राती समम बिबाद उतपन भएको थियो ।
राती देर समम तनाव रहेको ले गिटी ट्रेकटर प्रहरी हरु ले लगन नसकेको छ। सिडियो पौडेल ले गिटी लोड ट्रेकटर भारतिय नं पक्राउ गरेको थियोे तर तसकर हरु ले प्रहरी को मिलोमतो मा भारतिय नम्बर को ट्रेकटर भगाए र नेपाली ट्रेकटर प्रहरी चौकी समाबेश गराएको खुलासा भएको छ।
वीरगंजमा जिल्ला प्रहरी कार्यालय अगाडि लाल बंगलामा कालिका कन्स्ट्रक्सनले राखेको ह्युम पाईप हटाईदै । तस्बिर : कालिका टाईम्स
वीरगञ्ज, ११ कात्तिक । दाइजोविना विवाह गर्ने एक मुस्लिम जोडीलाई वीरगञ्जमा सम्मान गरिएको छ । सामाजिक कुप्रथाका रुपमा रहेको दाइजोविरुद्ध जागरण मञ्चले सरोज अन्सारी र शहनाज अन्सारीको जोडीलाई प्रशंसापत्रसहित सम्मान गरेको हो ।
सर्लाहीको बलरा नगरपालिका वडा नं ६ मिर्जापुर घर भएका रज्जाक अन्सारीको छोरा २९ वर्षीय सरोज र वीरगञ्ज महानगरपालिका वडा नं १३ मुडलीका अताउल्लाह अन्सारीको छोरी २६ वर्षीय शाहनाजको शनिबार निकाह अर्थात विवाह भएको थियो ।
वीरगंज, ११ कात्तिक ।
क्यान्सरजन्य एसवेस्टस प्रतिबन्ध बारे निर्णयको प्रभावकारी कार्यान्वय सम्बन्धी कार्यशाला गोष्ठी आज वीरगंजमा सम्पन्न भएको छ । जनस्वास्थ्य तथा वातावरण प्रवद्र्धन केन्द्रले नगर सभा गृह वीरगंजमा आयोजना गरेको गोष्ठी सम्पन्न भएको हो । घरको छाना छाउनमा प्रयोग हुने एसवेस्टरमा कुहिएर निस्कने आंखाले नदेखिने रसाबाट स्वास्थ्यमा असर पर्ने आयोजक संस्थाका कार्यकारी निर्देशक एवं वातावरण वैज्ञानिक रामचरित्र साहले वताए ।
गोष्ठीमा क्यान्सरजन्य एसवेस्टसको आयात, विक्रिवितरण बारे प्रस्तुती गर्दै वैज्ञानिक साहले एसवेस्टरमा आँखाले नदेख्ने फाइबरबाट क्यान्स हुने वताए । उनले नेपाल लगायत ६६ देशमा एसवेस्टसको प्रतिबन्ध लगाइएको वताए । भारतमा प्रतिबन्ध नरहेका कारण र खुल्ला सिमाका कारण तराईका प्रदेश नं. २ मा व्यापक यसको प्रयोग देखिएको वताए ।
वीरगंज भन्सारका अधिकृत प्रमोद पौडेलले एसवेस्टर निर्यातमा रोकि राखिएको बताउदै यसलाई रोकन पूर्ण प्रतिवद्ध रहेको वताए । यसलाई रोकन जनचेतना कार्यक्रम चलाउन पनि जरुरी रहेको अधिकृत पौडलले जोड दिए । यस्तै एसवेस्टस बारे डा. अरविन्द पाठक र भंसार विभागका मनोज निधि वाग्लेले आ आफनो प्रस्तुती गरेका थिए ।
गैसस महासंघ नेपाल पर्साका सचिव चन्देश चौहानको अध्यक्षतामा र वीरगंज महानगरपालिकाको उप मेयर शान्ति कार्कीको प्रमुख आतिथ्यतामा भएको कार्यक्रममा वीरगंज भन्सारका निमित प्रमुख गोपाल खत्री, भूमिगत सिचाई प्रमुख कामेश्वर यादव, सखुवा प्रसौनी गाउँकालिकाको उप प्रमुख फुलमती चौधरी लगायतकाले मन्तव्य राखेका थिए । सुर्योदय युवा क्लबको सहजिकरणमा कार्यक्रम भएको थियो ।
बारा,११ कात्तिक ।
वीरगंज कलैया सडक अन्तर्गतमा रहेको कोइरी टोलमा एक वृद्धको सवभेटीएको छ । कलैया उपमहानगरपालिका–२३ कोइरी टोलमा शनिबार राति एक वृद्धको घाँटी रेटी हत्या भएको हो । ६५ वर्षीय नन्दलाल राउत कुर्मीको हत्या भएको बारा प्रहरीले जनाएको छ । श्रीमतीसहित गोठमा बस्दै आएका नन्दलाल घर नजिकैको आँपको बोटमुनि मृत अवस्थामा फेला परेको जिल्ला प्रहरी कार्यालय बाराका प्रवक्ता प्रहरी नायब उपरीक्षक रञ्जीतसिंह राठौरले बताए। घटनाबारे अनुसन्धान सुरु गरिएको प्रवक्ता राठौरले बताए।
वीरगञ्ज – बहुप्रतिक्षित मैथिली कथानक चलचित्र प्रेमक बसात यहि नोभेम्बर २ तारिखमा नेपाल र भारतमा रिलिज हुने पक्का भएको छ । रुपक शररले निर्देशन गरेको चलचित्रमा पियुष कर्ण र रैना बैनर्जीको मुख्य भुमिका रहेको छ भने चलचित्रलाई भेदान्त झा र कुनाल ठाकुरले निर्माण गरेका छन् । रिलिज अगावै चलचत्रिका गीतसंगीत चर्चामा छन् ।
चलचित्रमा समावेश गरिएका गीतहरुमा सरोज सुमन, प्रवेश मल्लिक, एस कुमार लगायतले संगीत भरेका छन् भने टोची रैना, आदित्य नारायण, सरोज सुमन, प्रवेश मल्लिक, नेहा प्रियादर्शनी, पमेला जैन, सावनी मुडगल, सुनील मल्लीक, दिलीप दरभँगिया, एस कुमार लगायतका गायकले गीतहरुलाई स्वरबद्ध गरेका छन् । शेखर अस्तीत्व, सारिका कुमार, प्रवेश मल्लिक, सरोज सुमन, एस कुमार लगायतले गीतको शब्द कोरेका छन् ।
हिन्दु र मुस्लिम बिचको प्रेम कथालाई चलचित्रमा समेटिएको छ । पहिलो चरणमा नेपालको तराई र भारतको बिहारमा चलचित्र रिलिज हुने तयारी छ ।
कात्तिक, ११ वीरगंज ।
वीरगंजमा रहेको नारायणी उपक्षेत्रीय अस्पतालमा गुणस्तरीय उपचार सेवा नभएपछि निमुखा तथा गरिव विरामीलाई आर्थिक संकट र मानसीक तनाव झेल्नुपरेको घटना फेरी एक पटक सतहमा देखिएका छ ।
आर्थिक अवस्था भएको बारा प्रसौनि विर्ता निवासी शिवप्रसन दास र कुन्ती देवी दम्पत्तिले पहिलो सन्तानको रुपमा छोरा पाएपछि हर्षले विभोर भएका थिए । करीब एक साता अघि नारायणी उपक्षेत्रीय अस्पताल वीरगंजमा कुन्तीदेवीले छोरा जन्माईन । पहिलो पटक पिता बनेका शिवप्रसनले खुसीयालीमा मिठाई पनि वितरण गरे । तर उक्त खुसी धेरै समय रहन सकेन । नवजात शिशुलाई विभिन्न समस्याले एकैपटक गाँजेको देखियो । उनको उपचारमा संलग्न चिकित्सकले तुरुन्तै काठमाण्डौको कान्ती बाल अस्पतालमा लगेर उपचार गर्नुपर्ने अन्यथा शिशुको ज्यान जान सक्ने जानकारी गराए ।
उपचारमा संलग्न चिकित्सकको जवाफबाट सामान्य आर्थिक अवस्थाका शिवप्रसनलाई गम्भीर मानसिक तनाव थपियो । उनि आफ्नो भएको अलिकति जग्गा पनि बेचेर पहिलो सन्तानलाई बचाउने सोच गरे । त्यसैबेला कसैले उनलाई सुर्या अस्पतालमा उपचार गराउन सल्लाह दिए । अस्पतालको बारेमा केहि थाहा नपाएका शिवप्रसन काठमाण्डौमा भन्दा वीरगंजमा उपचार सस्तो पर्ने आशमा सुर्या अस्पतालमा पुगे र एनआईसीयुमा शिशुको भर्ना गराए । शिशुको भर्ना पश्चात् उनको भेट बाल रोग विशेषज्ञ डाक्टर कुशराज गिरी सँग भयो । बाल रोगको क्षेत्रमा ख्याती कमाएका डाक्टर कुशराजले शिशुको उपचार शुरु गरे ।
शिशुको विभिन्न आवश्यक चेकजाँचहरु गरीयो । शिशुलाई जन्मीएको भोलिपल्टैबाट १०५ डिग्रीको उच्च ज्वरो, पिसाब हुन नसकेको, आमाको दुध चुस्न नसकेको र अर्ध होसमा रहेको पाईएपछि डाक्टर गिरीले करीब एक साता लगाएर उनको सफल उपचार गरेका छन् । सुर्या अस्पतालमा भर्ना भएको आठाँै दिनमा शिशुलाई डिस्चार्ज गरी घर पठाईएको थियो । शिशुलाई सेप्टीक सेमिया विथ रेनल फेलुयर भएकोमा उनको सफल उपचार पछि घर पठाईएको डाक्टर गिरीले जानकारी दिनुभयो ।
वीरगंजका कुनै पनि अस्पताल र क्लीनिकले लिन नमानेको विरामीलाई बाल रोगको अनुभवी चिकित्सक डाक्टर गिरीको उपचारले गर्दा शिवप्रसनको पहिलो सन्तानको ज्यान जोगिएको छ भने उनको धेरथोर रहेको जग्गा पनि विक्रि हुनबाट बँचेको छ । नारायणी उपक्षेत्रीय अस्पतालमा एनआईसीयु हुँदाहुँदै पनि सहि चिकित्सकीय सेवा पाउन नसक्दा विरामी र उनका आफन्तले आर्थिक र मानसीक तनाव झेल्नुपरीरहेको छ भन्ने कुरा यस घटनाले पुनः एक पटक प्रमाणीत गरेको छ ।
