बारा,२८ चैत ।
बारा जिल्लको आँधी हुरीका विपत् व्यवस्थापन कोषमा ४१ लाख ८६ हजार ९२३ रुपयाँ जम्मा भएको छ । आँधी हुरी प्रभावितहरुको सहयोगका लागि जिल्ला प्रशासन कार्यालय बाराले स्थापना गरेको कोषमा रकम संकलन भएको हो । जिल्ला प्रशासन कार्यालय बारा र पर्सामा जनधनको क्षति र्पुयाउने गरी गएको आँधी हुरीबाट पीडितलाई राहत दिन विपत्त व्यवस्थापन कोषको राष्ट्रिय वाणिज्य बैंक कलैया शाखामा रहेको खाता नम्बर १२६००१३०१३०१ मा सहयोग रकम जम्मा गर्न अनुरोध गरेको थियो । कोषमा सबैभन्दा बढी नेपाल कम्युनिस्ट पार्टी (नेकपा) प्रदेश ३ कमिटीले १४ लाख ७० हजार ३२० रुपैयाँ जम्मा गरेको छ । त्यस्तै प्रदेश ३ कै सिन्धुलीको विभिन्न स्थानीय तहबाट ६ लाख ५० हजार रुपैयाँसहित ६०० थान झुल बारा प्रजिअ पौडेललाई हस्तान्तरण गरेको छ । जीतपुरसिमरा उपमहानगरपालिकाले पाँच लाख रुपैयाँ उपलब्ध गराउने निर्णय गरेको छ । यस्तै, उपमहानगरपालिकाका कर्मचारीले एक दिनको तलब बराबरको रकम सहयोग गर्ने भएका छन्। उपमहानगरका प्रमुख प्रशासकीय अधिकृत शिवराज सेढाइका अनुसार करिब एक लाख रुपैयाँ रकम संकलन हुनेछ ।
विपत्त व्यवस्थापन कोषमा ४१ लाख ८६ हजार ९२३ रुपयाँ जम्मा
