वीरगन्ज,२८ चैत ।
छठ पर्वको मुख्य दिन आज साँझ ब्रतालुले तराई तथा मधेसमा अस्ताउदो सुर्य र छठी मातालाइ अर्घ दिएका छन् ।
चैत शुक्लपक्षमा चार दिनसम्म मनाइने चैती छठ पर्वको तेश्रो दिन (बिहिबार) अर्थात षष्ठी तिथीलाइ छठको सँझीया घाटे तथा मुख्य दिन मानिन्छ । छठको मुख्य दिन बिहिबार साँझ ब्रतालु मलिाहरुले तराई तथा मधेसका नदि, पोखरी, तलाउ लगायतका जलाशयमा तयार पारिएको छठघाटमा पुगेर अस्ताउदो सुर्य र छठी मातालाइ अर्घ दिएका हुन्।
सुर्य भगवान र छठी मातालाइ पूजापाठ र अर्घ दिनका लागि गहुँ वा चामलको पिठोबाट ठेकुवा खास्टा ,पुडी,पडुकीया बनाउने गरिन्छ । हरियो फलफुलका रुपमा मुला, गाजर, बेसारको हरियो बेर्ना, ज्यामिर, नरिवल, सुन्तला, केरा, स्याउ, पानी सिंगडा, सुथनी, उखु लगायतका फुलफुल सुर्य भगवान र छठी मातालाइ अर्घ दिने गरिन्छ।
छठ पर्बको अन्तिम दिन सप्तमी तिथीका दिन (शुक्रबार) बिहान ब्रतालुहरुले फेरि छठघाटमा पुगेर उदाउदो सुर्य र छठीमातालाइ अर्घ दिएपछि छठ पूजा विधीवत रुपमा समापन हुन्छ ।
