वीरगंज, १६ असाेज ।
किशाेरी सशक्तिकरणको लागि जोखिममा परेका किशोरीहरुलाई मंगलबार शैक्षिक सामग्री वितरण गरिएको छ । युराेपियन युनियनकाे सहयोगमा र नेपाल ग्रामिण पुननिर्माण संस्था (आ.आर.एन.) काे अायाेजनामा ४७ जना किशोरीहरुलाई शैक्षिक सामग्री वितरण गरिएको सुपरभाइजर सुनेशवर साहले वताए ।

पि.एन. र सि.एन. को सहकार्यमा संचालित किशोरी सम्बाद कार्यक्रम अन्तरगत वीरगंज महानगरपालिकाको वडा नम्बर २९ को मुसैली, रतनपुर, बसडिलवा र ३० को लालपर्सा र प्रसोतिपुरका जोखिममा परेका किशोरीहरु लाई शैक्षिक सामग्री वितरण गरिएको हाे ।

सामग्री वितरण कार्यक्रममा अार.अार.एन. काे किशोरी सम्बाद कार्यक्रमका टिम लिडर भानु पराजुली, कार्यक्रम संयोजक भागवती शर्मा भण्डारी, वडा अध्यक्ष अमानत अंसारी, वडा सदस्य बुधिया देवी, सम्वाद अधिकृत प्रकाश पाण्डे लगायतकाको सहभागिता रहेको थियो ।

वीरगंज, १६ असोज ।
पर्साको कालिकामाई गाउँपालिकाका कर्मचारीहरुले अब पनि तलब नपाए आन्दोलनमा जाने चेतावनी दिएका छन । गाउँपालिकाले आर्थिक बर्ष २०७५।०७६ को साउन महिना देखीको तलब भत्ता हाल सम्म नपठाए पछि कर्मचारीहरु आक्रोसित बनेका छन । कालिकामाई गाउँपालिका अन्तर्गतका १० वटा बिधालय र ५ वटा स्वास्थ्यचौकीका दर्जनौ कर्मचारीहरु आ आफनो जिम्मेवारी बहन गरीरहदा पनि तलब नपाउदा मर्कामा परेका छन ।

प्रत्यक महिना पाउनु पर्ने तलब दशैं नजिकदै जादा पनि पाउने आसा नरहेको कर्मचारीहरुले वताएका छन । कालिकमाई गाउँपालिकाको १० वटा बिधालयमा ५८ जना शिक्षकहरु छन भने ५ वटा स्वस्थ्यचौकीमा ३० जना कर्मचारी रहेका छन । हिन्दुहरुको महान चाडपर्व दशै नजिक्दै जादा र गाउँपालिकाबाट तलब नपाउदा तलब पाउने आश लगाएका कर्मचारीहरु निराश हुन थालेका छन ।

एक कर्मचारीका अनुसार स्थानिय तह नहुदा कर्मचारीहरुलाई समयमै तलब भता खुवाउने गरिएको थियो । अब सम्मपुर्ण अधिकार स्थानिय तहमा सुम्पिए पनि जनप्रतिनिधीहरु जिम्मेवारी बहन नगर्दा दिनप्रदिन स्थानिय तह प्रतिको भरोसा निरिह बन्दै गएको छ ।

गाउँ कार्यपालिका कार्यालयका कर्मचारीहरु र वडा सचिवहरु पनि साउन महिना देखी नै तलब खान्न पाएका छैन । दशैं सम्म तलब नपाए गाउँपालिका अन्तर्गतका ५ वटै वडाका वडा सचिवहरु पनि आन्दोलनमा जाने वताएका छन ।

श्रम गरेर पनि श्रमको पारिश्रमिक समयमा नपाउदा कर्मचारीहरुका घरपरिवार पनि सास्ती भोग्दै आएका छन । कालिकामाई गाउँपालिकाका कर्मचारीहरुलाई दशैको समयमा तलब भता नखुवाईए आन्दोलनमा उत्रने चेतावनी कालिकामाई गाउँपालिका शिक्षक फोरमका अध्यक्ष धुरेन्द्र प्रसाद चौरसियाले दिए । यस बिषयमा प्रमुख प्रशासकिय अधिकृत देवनाथ साह संग बुझदा आर्थिक बर्ष २०७५/०७६ को बजेट, निति तथा कार्यक्रम तय गर्न गाउँ सभा हुन नसकेका कारण कर्मचारीहरुलाई तलब खुवाउन नसकिएको वताए । उनले दशैं सम्म तलब खुवाउन आश्वासन समेत दिए ।

यस्तै पर्साको धोबिनी, जगरनाथपुर र विन्दावासिनी गाउँपालिका कर्मचारीहरुले पनि तलब पाउन सकेका छैन । यी गाउँपालिकाहरुको पनि दोस्रो गाउँ सभा नभएका कारण साउन महिना देखि तलब खुवाउन नसकिएको प्रमुख प्रशासकिय अधिकृतहरुले वताएका छन । तलब नपाउदा कर्मचारीहरु मर्कामा परेका कारण जनप्रतिनिधिकरु प्रति आक्रोसित समेत देखिएका छन । जनप्रतिनिधिहरुको स्वार्थ पुरा नभएका कारण गाउँ सभाहरुमा ढिलाई भएको छ ।

पर्सा, १६ असोज ।
छिपहरमाई गाउँपालिकाको वडा नं. १, मिर्जापुरमा सोमबार राती आगलगी भएको छ । राती करिब १०:३० बजे भएको आगलगीमा स्थानिए नागिन्द्र यादवको फुसको घर पुर्ण रुपले जलेर नष्ट भएकाे प्रहरीले जनाएको छ ।

आगलगिबाट कुनै मानविय क्षति नभएको प्रहरी चौकी मिर्जापुरका प्रहरी सहायक निरीक्षक हसमुदिन मियाले वताए । स्थानिय र प्रहरिको सहयोगमा आगो नियन्त्रणमा आएको उनले जानकारी गराए ।

वीरगंज, १५ असोज ।
वीरगंजको बसपार्कमा यात्रु सहायता कक्ष स्थापना गरिएको छ । ट्राफिक नियमको पालना गरौं दशै तिहार र छठ पर्व सुरक्षित साथ यात्रा गरौं नाराका साथ स्थापना गरिएको सहायता कक्षको आज एक कार्यक्रमको बिच उदघाटन गरिएको छ ।

पर्साका प्रमुख जिल्ला अधिकारी लोकनाथ पौडेलले सहायतका कक्षका उदघाटन गरेका हुन । सहायता कक्षको उदघाटन गर्दै प्रमुख जिल्ला अधिकारी पौडेलले यात्रुहरुलाई समस्या भएको सहायता कक्षमा उजरी गर्न सकिने वताए ।

उदघाटन समाहरोहमा जिल्ला प्रहरी कार्यालयका प्रमुख प्रहरी उपरिक्षक रेवती ढकाल, वीरगंज महानगरपालिका कार्यालयका प्रमुख प्रशासकिय अधिकृत िभषम कुमार भुषाल लगायतकाको उपस्थिती रहेको थियो ।