पर्सा । बिन्दवासिनी गाउँपालिकाको वडा नं. ५ प्रसौनी भाठामा बिहिबार मोटरसाईकलको ठक्करले एक जनाको मृत्यु भएको छ । मृत्यु हुनेमा भारत बिहार मोतिहारी जिल्ला पूर्वी चम्पारण मुसहरवा निवासी बर्ष ६५ का भिम दास रहेका छन ।
ठक्कर दिने मोटरसाईकल चालक भारत बिहार मोतिहारी जिल्ला पूर्वी चम्पारण विलासपुर निवासी बर्ष १९ का प्रयाग यादवलाई प्रहरीले नियन्त्रणमा लिएको छ ।
प्रसौनी चोक देखी वीरगंज तर्फ गइरहेको भारतिय नम्बर बि.आर.२२. एच २८८७ को प्यसन मोटरसाइकले विपरित दिसाबाट आइरहेका दासलाई राती ८ बजेको समयमा ठक्कर दिएको थियो ।
मोटरसाइकलको ठक्करले गम्भीर घाइते भएका दासलाई उपचारको लागि नारायणी अस्पताल वीरगंजमा पुर्याइएको थियो भने उपचार कै क्रममा बिहिबार राती नै उनको मृत्यु भएको हो । ठक्कर दिने मोटरसाइकल चालक मादकपदार्थ सेवन गरेको प्रहरी चौकी प्रसौनी भाठाले जनाएको छ ।
ठक्कर दिने मोटरसाइकल चालक जिल्ला प्रहरी कार्यालय पर्साको हिरासतमा रहे पनि प्रहरी नायब उपरिक्षक अन्नत राज शर्मालाई दुर्घटना नभएको वताएका छन । जिल्ला प्रहरी कार्यालय पर्साका प्रवक्ता समेत रहेका प्रहरी नायब उपरिक्षक शर्मा संग सवारी दुर्घटना बारे बुझदा बिन्दवासिनी गाउँपालिकाको प्रसौनी भाठामा कुनै घटना नभएको र कसैको मृत्यु पनि नभएको वताए ।
सुरुमा प्रवक्ता शर्मा संग फोन सम्पर्कमा कुरा गर्दै प्रसौनी भाठामा कुनै घटना भएको सोधदा नभएको वताएका थिए भने पछि फेरी सवारी दुर्घटना भएको र त्यसमा परी एक जनाको मृत्यु भएको समाचार प्राप्त भए पछि फेरी कुरा गर्दा सवारी दुर्घटना पनि नभएको र कसैको मृत्यु पनि नभएको वताएका थिए ।
प्रहरी वक्ता शर्माको भनाईमा चित नबुझदा पछि बुझदै जादा स्थानिय प्रहरीले सवारी दुर्घटना भएको र दुर्घटनामा परी एक जनको मृत्यु भएको प्रमाणित गरेको थियो ।
जिल्ला प्र्रहरी कार्यालयका प्रवक्तालाई आफ्नै जिल्लामा सवारी दुर्घटना हुनु, एक जनाको मृत्यु हुनु, जिल्ला प्रहरी कार्यालय कै हिरासतमा ठक्कर दिने व्यक्ति नियन्त्रणमा रहनु र सोही घटना बारे थाह नहुनु कुरा रहस्य मै भएको छ । प्रवक्ता शर्माले पत्रकारलाई सुचना दिन चाहनु नभएको हो की सुचना लुकाउन खोज्नु भएको भने नियत प्रति शंका उत्पन्न भएको छ ।
