Date
सोम, मंसिर ७, २०८३
Mon, November 23, 2026
Home Blog Page 1082

वीरगंज प्रिमियर लिग २०७६ मंसिर १४ देखी हुने

0
criket pratiyogita_kalikatimes

वीरगंज । वीरगंजमा टि २० बि.पि.एल. २०७६ क्रिकेट प्रतियोगिता आयोजना हुने भएको छ । युनाईटेड क्रिकेट क्लब वीरगंजले आयोजना गर्न लागेको प्रतियोगिता बारे आज वीरगंजमा पत्रकार सम्मेलन गरि जानकारी गराईएको छ ।

नारायणी रंगशाला वीरगंजमा मंसिर १४ देखी २१ गते सम्म प्रतियोगिता हुने आयोजकले जनाएको छ ।

२० लाखको लागतमा आयोजना गर्न लागिएको प्रतियोगितामा ८ वटा टिमको सहभागिता रहने प्रतियोगिताका संयोजक प्रफुल सागर प्रधानले वताए । उनले प्रतियोगिताका विजेतालाई रु २ लाख ५० हजार, उप विजेतालाई रु एक लाख ८० हजार पुरस्कार प्रदान गरिने जानकारी गराए ।

प्रतियोगिता मोफसलामा खेली रहेका खेलाडीहरुको लागि सुनौलो अवसर रहेको क्रिकेट एशोसियन प्रदेश २ का सदस्य मृत्युजा हवारीले वताए । मोफसलमा मात्र खेलाडीको खेल सिमित रहेका कारण यस प्रतियोगितामा सहभागि हुन सकिने उनले जानकारी गराए ।

वीरगंज स्थित रहेको नेपाल पत्रकार महासंघ पर्साको भवनमा भएको पत्रकार सम्मेलमा घनश्याम बाबु गुप्ता, हासिम अन्सारी, शतिश सिंह राजपुत, अजमत अली लगायतकाको सहभागिता रहेको थियो ।

दिपावली तथा छठ पर्वको अवसरमा पोखरियामा सरसफाई

0

पर्सा । हिन्दुहरुको महान चांड दिपावली तथा छठ पर्वको अवसरमा आज पोखरियामा सरसफाई गरिएको छ । पोखरिया नगरपालिका र रेडक्रस पोखरिया उप शाखाको आयोजन सरसफाई गरिएको स्थानिय भागवान दास तात्वाले वताए ।

नगरपालिका कार्यालयबाट सुरु भएको सरसफाई कार्यक्रममा पोखरिया बजार क्षेत्रको मुख्य सडक सरसफाई गरिएको थियो । सरसफाई कार्यमा ईलाका प्रहरी कार्यालय पोखरियाले समेत सहयोग गरेको थियो ।

सरसफाई कार्यक्रममा पोखरिया नगरपालिकाका मेयर दिपनरायण रौनियार, उप मेयर सलमा खातुन, वडा अध्यक्ष बंका राउत कुर्मी, लक्ष्मण ठाकुर, रेडक्रस पोखरिया उपशाखाका सभापति भागवान प्रसाद कुर्मी लगायतकाको सहभागिता रहेको थियो ।

७ वटै प्रदेशमा सबभन्दा भ्रष्ट प्रदेश २ सरकार : प्रदेश सांसद साह (भिडियो)

0

प्रदेश सांसद राजेशवर साहले प्रदेश नं. २ को अवस्था ७ वटै प्रदेशमा खत्म रहेको वताएका छन । वीरगंजमा आयोजित नेपाली कांग्रेस क्षेत्र नं. २ पर्साको क्षेत्रिय भेला तथा शुभकामना आदानप्रदान कार्यक्रममा वोल्दै सांसद साहले सबभन्दा भ्रष्ट प्रदेश २ सरकार भएको वताएका हुन ।

नवगावा माविका ८७ छात्रालाई साईकल

0
saikal bitran_kalikatimes

भिस्वा (पर्सा) । पर्साको छिपहरमाई गाउँपालिकाको वडा नं. २ चेरगाहामा बुधबार एक कार्यक्रमको बिच छात्राहरुलाई साईकल वितरण गरिएको छ । ‘मुख्यमन्त्री बेटी पढाउ, बेटी बचाउ अभियान’ अन्तर्गत श्री नवगावा माध्यमिक बिद्यालय चेरगाहाका कक्षा ८ का ८७ जना छात्राहरुलाई साईकल वितरण गरिएको हो ।

कार्यक्रमका प्रमुख अतिथी प्रदेश सभा सदस्य सिंघासन साह कलवारले प्रदेश २ मा शिक्षाको अवस्था धेरै कमजोर रहेको र त्यसमा पनि महिलाहरु शिक्षामा धेरै पछाडी रहेका कारण साईकल वितरण गरिएको वताए ।

प्रदेश २ को ग्रामिण भेगहरुको सबै गाउँहरुमा माध्यमिक विद्यालय नरहेका कारण छात्राहरुलाई उच्चा शिक्षाको लागि विद्यालय जान्न सहज हुने उद्देश्यका साथ साईकल वितरण गरिएको कलवारले वताए । उनले सामुदायिक विद्यालयका शिक्षकहरुलाई अध्यापनमा सुदृढ गर्न आग्रह गरे । उनले पोखरिया देखीको ग्रामिण भेगको भिस्वा सम्मको चांडै कालोपत्र गर्ने कार्य सुरु हुने समेत वताए ।

विद्यालय व्यवस्थापन समिति अध्यक्ष श्याम सुन्दर साह कानुको अध्यक्षतामा भएको कार्यक्रममा समाजवादी पार्टी पर्साका नेता सुन्दर कुर्मी लगायतकाले मन्तव्य राखेका थिए ।

नेपाली कांग्रेस क्षेत्र नं. २ को भेला तथा शुभकामना आदानप्रदान कार्यक्रम सम्पन्न

0
chhetriya vela_kalikatimes

वीरगंज । नेपाली कांग्रेस क्षेत्र नं. २ पर्साले बुधबार वीरगंजमा आयोजना गरेको शुभकामना आदान प्रदान तथा क्षेत्रिय भेला सम्पन्न भएको छ ।

वीरगंजको घडिअर्वा स्थित गोपाल मण्डलीमा आयोजित कार्यक्रमलाई सम्बोधन गर्दै कार्यक्रका प्रमुख अतिथी नेपाली कांग्रेसका केन्द्रिय सदस्य अजय चौरसियाले नेपालमा चिनियाँ कम्युनिस्ट शासन सत्ता ल्याउने षड्यन्त्र भइरहेको वताए । पूर्व मन्त्री समेत रहेका केन्द्रिय सदस्य चौरसियाले केही समय यता नेपालमा चिनियाँ कम्युनिस्ट नेताहरुको गतिविधी बढेको बताएका हुन् ।

‘चिनियाँ राष्ट्रपति सी आउनुअघि भएका अन्तक्रियामा चीनको जस्तै नेपालमा पनि निर्वाचन नगर्ने कम्युनिस्ट शासन सत्ता ल्याउने विषयमा छलफल भएको छ’, उनले भने,‘चिनियाँ सरकारको प्रभावमा परेर नेपाल सरकारले नेपाल र भारतबीचको खुल्ला सीमा बन्द गर्ने योजना पनि बनाइरहेको छ ।’

अहिलेको कम्युनिस्ट सरकार र नेकपा, लोकतान्त्रिक संविधानलाई संशोधन गरेर चीनको जस्तो कम्युनिस्ट संविधान बनाउने प्रयासमा लागि सकेको चौरसीयाले आरोप लगाए । ‘कम्युनिस्टहरुको यो मनशाय कांग्रेसले पुरा हुन दिँदैन’, उनले भने,‘त्यसका लागि कांग्रेस जस्तो सुकै बलिदानी दिन तयार छ, छठ लगत्तै आन्दोलनको तयारीमा कांग्रेस जुट्छ ।’

मधेसी जनतालाई मधेसी दलले धोका दिएको आरोप समेत उनले लगाए । मधेस र मधेसीको नाममा आन्दोलन गरेका दुई मधेसी दलले सत्तामा पुगेपछि भने मधेसको एजेण्डा बिर्सिएको चौरसीयाले आरोप लगाए ।

पूर्व मन्त्री एवं नेपाली कांग्रेसका नेता सुरेन्द्र चौधरीले नेपाली कांग्रेसको इतिहास बारे चर्चा गर्दै नेपाली कांग्रेसको विकल्प नरहेको वताए । नेकपा र समाजवादीको सरकारले गर्दा मुलुकमा भ्रष्टचार र हिंसाको घटनामा बृद्धि भएको वताए । नेकपाको नेताहरुको चरित्र बारेमा जनताले थाह पाइसकेको वताउदै नेता चौधरीले लोकतन्त्रको रक्षाको लागि नेपाली कांग्रेसको विकल्प नरहेको दावी गरे ।

प्रदेश सांसद राजेशवर साहले प्रदेश नं. २ को अवस्था ७ वटै प्रदेशमा खत्म अवस्था रहेको वताए । प्रदेश सरकारको स्वच्छता अभियानको नाममा अशुल भइरहेको कर सम्बन्धमा कार्यक्रमको सहभागिहरुले राखेको जिज्ञासा सम्बन्धमा वोल्दै सांसद साहले स्वच्छता अभियानको नाममा ०.५ प्रतिशत कर अशुली भइरहेको वताए । मालपोत कार्यालयहरुमा रजिष्टेशन पासको द्वारान प्रदेश सरकारको स्वच्छता अभियानको नाममा दिनहु करोडौ रुपया कर उठे पनि एउटा राम्रो शौचालय नहुनु दुःखद कुरा भएको वताए ।

गम्हीरा साहको अध्यक्षतामा भएको कार्यक्रममा प्रदेश सभा सदस्यका उम्मेदवार रामरुप कुर्मी, रामनारायण कुर्मी, जिल्ला उप सभापति राजु प्रसाद गुप्ता, जिल्ला सचिव श्याम पटेल, महासमिति सदस्य अशोक गुप्ता, जिल्ला सदस्य महम्मद साहबुदिन, नविन सिंह, बहुदरमाई नगरपालिकाका मेयर नितेन्द्र साह, पर्सागढी नगरपालिकाकी उप मेयर अर्चना चौधरी लगायतकाले मन्तव्य राखेका थिए भने कार्यक्रमको संचालन पर्सागढी नगरपालिकाका मेयर लोकनारायण यादवले गरेका थिए ।

गोली हानी एक व्यवसायीको हत्या

0

धनुषा । जनकपुरमा एकजनाको गोली हानी हत्या भएको छ । जनकपुरधाम उपमहानगपालिका १ का अन्दाजी ४० बर्षीय मनोज साहको गोली हानी हत्या भएको हो ।

जनकपुरको मुजेलियामा स्थानीय पंकज चौधरीले पेस्तोलबाट प्रहार गरेको गोली लागेर साहको घटनास्थलमै मृत्यु भएको प्रहरीले जनाएको छ । साह जनकपुरस्थित शिव आयल पेट्रोल पम्पका सञ्चालक हुन् । साहको शव जनकपुर अञ्‍चल अस्पतालमा राखिएको छ ।

उनीमाथि पैसा माग्न जाँदा चौधरीले गोली हानेको प्रहरीले जनाएको छ। यसैबीच चौधरीलाई प्रहरीले पेस्तोलसहित घरैबाट पक्राउ गरेको छ ।

कालिका टाईम्सको एक वर्ष (प्रकाशकिय)

0
kalikatimes

हाम्रो मुलुकमा संघिय लोकतान्त्रिक गणतन्त्र स्थापना भए पछि सबै भन्दा बढी विकास संचारजगतले गरेको यर्थातलाई नर्कान सकिदैन, हुन त संघिय लोकतान्त्रिक गणतन्त्र स्थापना पछि मात्रै नभई २०४६ सालमा आएको प्रजातन्त्र पछि नै क्रमीक रुपले संचार जगतले अन्य विभिन्न क्षेत्रभन्दा बढी विकास गरेको छ । संचारजगतको विकास क्रमस प्रिन्ट मिडिया पछि इलोक्ट्रोनिक मिडिया हुदै हाल अनलाइन मिडियले व्यापक महत्व अगोटेको छ । यसरी क्रमस प्रविधिका विकास सँगै मिडियको प्रकृतिमा परिर्वतन हुदै अनलाईन मिडियको जमानामा आफुलाई अरु भन्दा छुटै प्रस्तुत गर्ने प्रयासको एक वर्ष कालिका टाईम्सले पुरा गरेको छ । खास गरी प्रदेश नं २ को एक मात्रै महानगर विरगंजलाई व्यवस्थापकिय केन्द्र विन्दु बनाई सिंगो प्रदेशका भुभाग संग जुटने प्रयासमा समेत हाम्रो निरन्तरता रहेको छ ।

तिन दशकको भित्रमा मुलुकमा भएको विभिन्न राजनितिक परिर्वतनका बावजुद पनि जुन रुपले विकासले गती पाउनु पर्ने त्यस ढगंले गती नपाउनु सिंगो मुलुकको लागी दुभाग्र्यपूर्ण छ । यस अवस्थालाई मध्य नजरगरी बर्तमान राजनिति व्यवस्थाले शक्ती पृथिकीकरणका सिदान्तका तहद तिन तहमा अधिकार बाडफाड गर्दापनि आ–आफ्ना कार्यक्षेत्रमा इमान्दारीपूर्वक कार्य नहुदा जनताको चहना, आकान्क्षा र मुलभुत आवश्यकाता पुरा भएको दखिदैन यस प्रति कालिका टाईम्सको चिन्ता र चासो निरन्तर रहदै आएको छ र सदैव राखन प्रयासरत रहने छ । साथै प्रायाप्त साधन श्रोतको अपेक्षमा सदरमुकाम केन्द्रीत अर्थात सहरमुखि हुने परम्पराले अझै पनि निरन्तरता पाईरहेको बखत विकेन्द्री करणका सिदान्तका तहद राज्यको श्रोतसाधन ग्रमीण भेग सम्म पुरीयाई ति पिछडीएको भेगहरुलाई सुविधा सम्पन्न बनाई एकै ठाउँको विकास भन्दापनि अवश्यकता अनुसार सबै ठाउँको विकास हुनु पर्ने सवलामा पनि हाम्रो कलम चलदै आएको छ र यसलाई निरन्तरता दिने सवालमा समेत अलिक पनि चुक नगर्ने समेत प्रतिवद्ध छौ ।

तसर्थ समानता, पहिचान र न्यायका लागि संघर्षरत वर्ग दलित, महिला, आदिबासी जनजाती, मुस्लीम, मधेसी समुदाय आदिका मुद्दा अझै पनि हाम्रा प्राथमिकता रहने छ । हाम्रो यो एक वर्षको यात्रामा यहाँहरुको साथ, सहयोग र सहकार्यका लागि कृतज्ञ छौं । आउँदा दिनमा कालिका टाईम्सको प्रगति र सफलताका लागि पाठक, प्रबुद्धवर्ग र अन्य सम्बद्ध पक्षको निरन्तर सहयोगको अपेक्षा गर्दछौं ।

तोड्नु हुन्न भन्नेहरु दलाल हुन, केही नेताको स्वार्थका कारण पार्टी बदनाम : नेता चौधरी

0
manoj chaudhary_kalikatimes

वीरगंजको मुख्य सडक बिस्तार अहिले चर्चाको बिषय बन्नेको छ । सडक बिस्तार गर्ने र नगर्ने पक्ष विपक्षमा यहांका राजनितिक दलको मतान्तर देखिएको छ । छठ पछि वीरगंजको घण्टाघर देखी शंकराचार्य सम्मको मुख्य सडक २५/२५ मिटर बिस्तार गर्न सडक डिभिजन कार्यालयले तयारी गरे पछि सडक बिस्तार कार्यलाई नेकपा, कांग्रेस र राजपाका जिल्ला स्तरका केही नेता सहितको जम्बोटोली काठमाण्डौ स्थित भौतिक पूर्वधार मन्त्री रघुबिर महासेठ कहां पुगेको थियो । त्यस लग्तै देखी वीरगंजका युवाहरु संघर्ष समिति नै गठन गरी आन्दोलित भएका छन् । त्रिभुवन राजपथअन्तर्गत मकवानपुरको दामेचौर हँदै बीरगंजको शंकराचार्य सम्मको मुख्य सडक चौंडा गर्ने सुचना जारी भए देखी मुख्य सडकमा घर भएका घरधनीहरु आफ्नो घर जोगाउन वीरगंज बचाउ संघर्ष समिति नै गठन गरी सडक बिस्तार रोकन तर्फ लागेका छन । त्यसैले छठ पछि सडक बिस्तार हुने कि नहुने अन्योलता सबैमा छायको छ ।
यसै सन्दर्भमा हाम्रा समाचार सम्पादक शम्भु कुमार सुमन सहकर्मी प्रणय साहको साथमा नेपाल कम्युनिष्ट पार्टी (नेकपा)का युवा नेता जिल्ला कमिटीका मनोज चौधरी संग गर्नु भएको कुराकानी जस्ताको त्यस्तै ।

वीरगंजको मुख्य सडक बिस्तार गर्ने पक्षमा कि विपक्षमा तपाईको पार्टी हो ?
नेकपा हाम्रो पार्टी अहिले सरकारमा छ, सडक २५/२५ मिटर गरी ५० मिटर बिस्तार गर्नु पर्छ । सडक बिस्तार गर्नु हुदैन भने सरकार र हाम्रो पार्टीले कहि कतै भनेको छैन । कुनै किसिमको हस्तक्षेप पनि गरेको छैन । अहिल सडक बिस्तारलाई लिएर वीरगंजमा दुईटा आन्दोलन चलिरहेको छ, जुन दुबै आन्दोलनको कुनै औचित्य नै छैन । किन छैन भने बिकास गर्ने र बिकासको योजनामा हस्तक्षेप गर्ने आन्दोलन चलिरहेको छ । हाम्रो पार्टी र सरकार बिकास बिरोधी होइन, किनभने यो त्रिभुवन राजपथको जमिन हो, कसैको व्यक्तिगत जमिन होइन । आन्दोन सरकार संग भएकोले सडक बिस्तार गर्ने सरकारको योजना रहेकोले यसको कुनै औचित्य छैन ।

यसै बिचमा म तपाईलाई रोक्न चाहे, तपाई भन्दै हुनुहुन्छ म र मेरो पार्टी बिकास बिरोधी होइन, हामी तोडनु हुदैन कहिले भनेका छैनौं तर वीरगंजको मुख्य सडक बिस्तार गर्नु हुदैन भने काठमाण्डौ गएको जम्बो टोलीमा तपाई कै पार्टीका बढी नेताहरु थिए, तपाई पनि हुनुहुन्थ्यो, यो के हो ?
सब भन्दा त्यो टोलीमा गएकाहरु के भन्यो, मन्त्री ज्यु समक्ष के कुरा राख्यो त्यो बुझनु पर्छ । टोलीमा भएका केही नेताहरु २५÷२५ मिटर तोड्नु पर्छ पनि भेनका हुन, केही दलाल प्रवृतिका नताहरु मात्र २५÷२५ मिटर तोड्नु हुदैन भनेका हुन । मेरो त्यहां पुग्नु अकाशमात मात्र हो, तपाईलाई थाह छ म प्राय काठमाण्डौ मै बसिरहन्छु । मलाई फोन गरेर बोलाईयोको हो, मलाई बिषयबस्तुको बारेमा थाह थिएन । म त्यहाँ पुगे पछि मात्र थाह पाएको हो र बुझेको हो । केही व्यक्तिहरु दलाली गर्न मात्र बसेका छन, तिनिहरुको कमाई खाने कार्य नै हो । ति व्यक्तिलाई आरोप लगाउदा हुन्छ तर सबैलाई आरोप लगाउन अलि मिल्दैन । सडक बिस्तार गर्ने सरकारको निर्णय हो । जुन कानुन सम्वत छ, त्यो गर्ने पर्छ । कसैले भनेर केही हुदैन र फरक पनि पर्नेवाला छैनन् । टोलीमा गएकाहरु के के बोल्यो, कसैले जनताको पक्षमा वोल्यो, कसैले घर धनीहरुको पक्षमा वोल्यो । कसैले त मुअबजा दिएर १०० मिटर तोड्दा हुन्छ पनि भने । तपाई भन्नुस मेची देखी महाकाली सम्म २५/२५ मिटर टुटेको छ, कहि कसैले मुअब्जा पाएको छैन । वीरगंजमा आएर मुअबजाको बखेडा किन ? त्यही सडक सिमरा र जितपुरमा बिस्तार हुदै कसैले बोलेन तर वीरगंज हुदा बखेडा किन ? यी सबै बखेडा नर्गेहरु दलाल हुन र वीरगंजको बिकास बिरोधीहरु हुन ।

जम्बो टोलीमा तपाई कै पार्टीको केन्द्र देखी जिल्ला स्तरको थुप्रै नेताहरु सहभागि थिए । तपाई जिल्ला कमिटीका सदस्य पनि हुनुहुन्छ, के यस सम्बन्धमा पार्टी भित्र छलफल भएको छ ?
पार्टी भित्र कुनै पनि छलफल भएको छैन । जिल्ला कमिटीको बैठक बस्न नसकेर छलफल नभएको होला तर पार्टी अगुवा नेताहरु नै सहभागि भए पछि पार्टी नै बदनाम हुने हो । तर आफु माथी लागेको आरोपको खण्डन गर्न सक्नु पर्छ ।

तपाई कै पार्टी नेकपाको सरकार छ, त्यसमा पनि भौतिक पूर्वाधारमन्त्री तपाई कै पार्टीको रघुबिर महासेठ हुनुहुन्छ । त्यसका कारण तपाई कै पार्टीको नेताहरुको पहलको प्रवाह परी हाल्छ नी ?
पार्टी ओटी केही होइन, सब भन्दा पहिला मन्त्री महासेठ आउने बेलामा सरकारलाई आउनै नदिने खालको आन्दोलन गर्नु राम्रो होइन । हस्ताक्षर अभियान गर्नु राम्रो कुरा गर्नु राम्रो हो र आन्दोलनले गर्दा सरकारलाई आउनै नदिनु राम्रो होइन । डेलिगेशन गएका बेला मन्त्री महासेठले आफु स्थलगत अवलोकन गरी कुनै निर्णय लिने वताए अनुसार उनी बेलामा आन्दोलन गर्नु सरकारलाई आउनै नदिनु आन्दोलन गर्नुको नियत मैले बुझन सकेको छैन । मैले जाने अनुसार मन्त्री महासेठ आन्दोलरतलाई बर्ताको लागि पनि बोलाउनु भएको छ । यो अब गएर के गर्छन आफुलाई थाह भएन । तर सरकारको निर्णय हो, जुन राजपतमा समेत प्रकाशन भइसकेको छ त्यसैले सडक बिस्ता हुन्छ कुनै हाल्तमा यो रुकलेवाला छैन । आन्दोलन नै गर्नु छ भने जिल्ला प्रशासन कार्यालयलाई ज्ञापन बुझाउने, केही दिनको अलटिमेटम दिदम भई हालथियो नी । म यति पनि भनेको छु कसैको पसल अगाडी पार्कीङ छ भने त्यो देखादियोस र त्यस पछि नतोडने कुरा गरौंला ।

यस्ता पनि आरोप लाग्दै छ नि, तपाईको पार्टीका केही नेताहरुको घर सडकमा परेका कारण तपाईको पार्टी नेकपा सडक बिस्ताक्षरमा छैन ?
म पनि मुअबजा लिने मान्छे र दिने मान्छे परे । तपाईलाई थाह छ अलौंमा एक करोड कठाको जग्गा छ, जुन त्रिभुवन राजपथको आव गुठीको जग्गा थिएन । जुन सबैको लालपुर्जा छ त्यहाँ सडक बिस्तार रुकन सकेन, कसैले मुअबजा पाएन । त्यहाँको सयौं विगहा जग्गालाई आईसिपी बनायो त्यहां कसैले रोकेन अहिले पनि श्रीसियाको जग्गालाई किनबेच सरकारले रोक लगाएको छ । सरकारको निर्णय कार्यन्वयको वाधकहरु बिकास विरोधी हुन । २/४ हजार भोटको लागि जुन नेताहरु विकासको बाधक बन्दैछन । त्यस्तो म कहिले बन्न सक्दैनन्, मलाई २÷३ हजार भोट चाहिदैन । म पहिला पनि २५/२५ मिटर कै पक्ष मै थिए अहिले पनि त्यस कै पक्षमा छु ।

नेकपा पर्सा बिकास बिरोधी पार्टीको रुपमा आलोचना भइरहेको छ नि ?
कम्युनिष्ट पार्टी कहिले बिकास विरोधी हुन सक्दैन । म मनोज चौधरी हु र वोल्दै छु । मैले केही वोल्दैमा पार्टी वोल्ने होईन तर पार्टीको नेतृत्वले नै त्यस्तौ गर्दैमा पार्टीको आलोचना हुने स्वभाविक हो । पार्टी भित्र केही व्यक्तिहरु त्यस्ता छन, जसका कारण पार्टी बदनाम हुदै छ त्यसलाई हामीले सुधार गर्नु पर्छ । जो व्यक्ति विकासको बाधक हुन्छ त्यो पार्टीको एकदम घेरा र निगरानी भित्र पर्छ ।

एउटा कुराई बताईदिनु मन्त्री ज्यु कहां डेलिगेशन जाने टोलीमा तपाई पनि हुनुहुन्थ्यो । वास्तवमा मन्त्री ज्युको कुरा के थियो ?
मन्त्री ज्युको कुरा प्रष्ट थियो, बिकास कसैले रोक छ भने त्यो रुकदैन । जे सरकारले निर्णय गरे छ त्यस अनुसार सडक बिस्तार हुन्छ । जलेशवर जस्तो ठाउँमा मनत्री ज्यूले तोडेर देखाउनु भयो यहाँ टुटछ, कुनै पनि हाल्तमा रुकन सक्दैन ।

तपाईको पार्टी भित्र थुप्रै गुट छ, कहि गुटबन्दीको अवसर बिकासमा पनि त परेको होइन नी ?
गुटबन्दीको सिकार त पक्कै भएको होइन, केही व्यक्तिहरु तिसमार खाने भएका मात्र हुन । जुन मन्त्री संग नजदिक भएकाले जम्बो टोली काठमाण्डौ लगि पार्टीलाई बदनाम गराएका हुन ।

हामी कालिका टाईम्स सम्वादको अन्तिम अन्तिममा छौं, अन्तिम अन्तिममा म केही पार्टीको कुरालाई जोडन चाहे, तपाईको पार्टीको अवस्था जिल्ला र प्रदेशको के छ अलि बताई दिनु न ?
दुईटा पार्टी मिलेर अहिले एउटा पार्टी भएको छ । दुईटा पार्टी एक भए पनि विचार मिलेको छैन, दुई जना बिचको अहिले सहमती भएको छैन । धार नै फरक फरक भएकाहरु मिले पछि विचार मिल्न हअलि समय लाग्छ ।
दुईटा पार्टी मिलेर बनेको नेकपा झन बलियो भएको हो की कमजोर भएको हो ?
केही नतृत्व गर्ने व्यक्तिका कारण पार्टी कमजोर देखिएको हो । तर पार्टी कमजोर भएको होइन, नेतृत्व गर्नेले पार्टी भित्र असन्तुष्टी बाहिर ल्याएका कारण र असन्तुष्टि सम्बोधन नगरेका कारण यस्तो अवस्था आएको हो । म हिन्दुहरुको महान चाड दिपावली तथा छठ पर्वको शुभकामना दिन्न चाहन्छु की ति नतृत्वलाई छठिमाइले सदबुद्धि दिउन सबैलाई मिलाएर पार्टी एक ढिका बनाई अगाडी बढुन सब ठिक भएर जान्छन ।
हस्त धन्यावाद यती व्यस्तताको बाहजुद पनि कार्यालय सम्म आएर समय उपलब्ध गराई दिनु भएकोमा ।

श्रीमतीको दोहरो नागरिकताको फाइदा लुट्दै खण्डेलवाल, अकुत सम्पत्ति भारतमा

0
dohoro nagrikata_kalikatimes

वीरगन्ज । वीरगन्ज महानगरपालिका – १० आदर्शनगर निवासी नामुद सुपारी तथा मटरकोशा तस्कर राजेश खण्डेलवाल आफ्नो श्रीमतीको दुई मुलुको नागरिकताको भरपुर फाइदा उठाई रहेका छन् । आदर्शनगर निवासी राजेश खण्डेलवाल झारखण्ड राज्य धनवाद जिल्ला कतरास निवासी शोभा खण्डेलवासँग विवाह गरि २०४६ सालमा खटेको नागरिक्ता टोलीमा नेपाल सरकारको वैैवाहिक अँगिकृत नेपाली नागरिकताको प्रमाणपत्र दिलाएका थिए ।

खण्डेलवालले आफ्नी श्रीमती शोभा खण्डेलवाललाई २०४६ साल असार २३ गते जिल्ला रौतहटबाट वैवाहिक अँगिकृत नागरिकता दिलाएका थिए । नेपाल सरकारबाट वैवाहिक अँगिकृत नागरिकता लिएकी शोभा खण्डेलवालको हालसम्म भारतीय मतदाता सूचना केन्द्रमा नामावली दर्ता रहेको छ । जसबाट प्रष्ट हुन्छ कि उनी अहिलेसम्म भारतीय नागरिकता परित्याग गरेकी छैनन् ।

भारतीय मतदाता सूचना केन्द्रमा नाम शोभा देवी, राज्य झारखण्ड, विधानसभा निर्वाचन क्षेत्र बाघामारा – ४३, संसदीय निर्वाचन क्षेत्र गिरिदिह, भाग संख्या २००, मतदाता क्रमाँक २२९, पहिचान पत्र क्रमाँक जे.एस.एच. १२९८८२७ रहेको छ । उनी भारत र नेपाल दुबै देशका नागरिकता लिएर नेपालमा बस्दै आएकी छिन् ।

विवाह पश्चात भारतको नागरिक्ता रद्द गराई नेपालको नागरिक्ता प्राप्त गर्नुपर्नेमा त्यसो नगरी दुबै देशको नागरिकता बोकी दुबै देशमा बसोबास गर्दै आएकी छिन् र यसको भरपुर फाइदा उठाई रहेका छन् उनका श्रीमान् राजेश खण्डेलवाल । राजेश वीरगन्जमा सुपारी तथा मटरकोशा आयात निर्यातको व्यापार गर्दै आएका छन् ।

नामुद सुपारी तथा मटर तस्करको रुपमा चिनिएका खण्डेलवाल नेपालबाट अकुत सम्पत्ति कमाएर आफ्ना श्रीमतीको नाममा भारतमा जम्मा गर्दै आएका छन् । दोहरो नागरिक्ता लिएर नेपाल बस्दै आएका नागरिकलाई मुलुकमा छानविनको प्रक्रिया कडाईका साथ अगाडि बढाई रहेको अवस्थामा खण्डेलवाल पैसाको दबदबामा आफ्नो द्वैध नागरिक श्रीमतीलाई कारवाहीबाट बचाउँदै आएका छन् ।

नेपाल भारत दुबै देशका नागरिकता लिएर वीरगन्ज आदर्शनगर – १० बस्दै आएकी राजेश खण्डेलवालकी श्रीमती विरुद्ध नागरिकता छानविन गर्नका लागि जिल्ला प्रशासन कार्यालय पर्सामा उजुरी दर्ता भएको ३ महिना भन्दा बढि समय वित्न लाग्दा पनि प्रशासनले द्वैध नागरिकता बोकेकी शोभा खण्डेलवाललाई हालसम्म कारवाही गर्न सकेको छैन ।

निजका श्रीमान् राजेश खण्डेलवाल वीरगन्जका व्यापारी भएको र उनको प्रशासनसम्म पहुँच भएको कारण नै उनकी श्रीमतीको दोहरो नागरिकता विरुद्ध उजुरी परेको महिनौं वित्दा पनि प्रशासनले कारवाही गर्न आलटाल गरेको हो । शोभा खण्डेलवालको दोहरो नागरिकताबारे छानविनका लागि २०७६ साउन २ गते नै दर्ता नं. ८ मा जिल्ला प्रशासन कार्यालय पर्सामा उजुरी दर्ता भएको हो ।

कालिका टाईम्स प्रथम बर्ष पुरा गरी दोस्रो बर्षमा प्रबेश

0
kalikatimesko barsik utsaw

वीरगंज । कालिका टाईम्स प्रा.लि. वीरगंजद्वारा संचालित अनलाईन मिडिया कालिका टाईम्स डट कम (kalikatimes.com) एक बर्ष पुरा गरी दोस्रो बर्षमा प्रबेश गरेको छ । सो अवसरमा वीरगंजको पानीटंकी स्थित रहेको कालिका टाईम्सको कार्यालयमा एक कार्यक्रम बिच बार्षिकोत्सव मनाइएको छ ।

कालिका टाईम्सको निर्देशक छठु साहको अध्यक्षतामा भएको कार्यक्रममा कालिका टाइम्स संग आवद्ध भएकाहरु केक काटेर बार्षिकोत्सव मनाएका हुन ।

कार्यक्रममा वोल्दै निर्देशक छठु साहले विभिन्न बाद्धा र अडचनका साथ हामीले कालिका टाईम्स एक बर्ष पुरा गरेको वताउदै सहयोग गरेकोमा सबैलाई धन्यावाद ज्ञापन गरे । उनले अगामी दिनमा अझै प्रकाशसन समाग्री सदृढ गर्दै तथ्यको अधारमा प्रभावकारी ढंगले प्रकाशन गर्ने प्रतिबद्धता जनाए ।

kalika times team

कालिका टाईम्सका सम्पादक बृजलाल पासवानले कालिका टाईम्स एक बर्षको द्वारानमा आफ्नो पहिचान स्थापित गर्न सफल भएको वताए । अरु संचार माध्यम भन्दा फरक ढंगले कालिका टाईम्सले समाचार प्रसारण गर्ने गरेको उनको दावी थियो ।

कार्यक्रममा कालिका टाईम्स संग आवद्धहरुको मात्र सहभागिता रहेको थियो भने नजिकदै गरेको हिन्दुहरुको महान चाड दिपावली तथा छठ पर्वको सुभकान अदान प्रदान समेत गरिएको थियो । कार्यक्रमको सहजिकरण कालिका टाईम्स डट कम समाचार सम्पादक शम्भु कुमार सुमनले गरेका थिए ।