Date
सोम, मंसिर ७, २०८३
Mon, November 23, 2026
Home Blog Page 1070

मातृका यादव आउट भए पनि प्रभु साहकाे प्रबेश भएन

0

काठमाडौं । प्रधानमन्त्री केपी शर्मा ओलीले बुधबार साँझ मन्त्रिपरिषद पुनर्गठन गरेका छन् । उनले ६ मन्त्री र तीन राज्यमन्त्रीलाई बर्खास्त गरेका छन् ।

यस्तै ६ मन्त्री र तीन राज्यमन्त्री नियुक्त गरेका छन् । राष्ट्रपति कार्यालयले बुधबार साँझ नै प्रधानमन्त्रीको सिफारिसमा राष्ट्रपतिले मन्त्रीहरुको नियुक्ति, हेरफेर र कार्यविभाजन गरेको जानकारी दिएको छ ।

सरकारमा सामेल समाजवादी पार्टीका अध्यक्ष उपेन्द्र यादवको मन्त्रालय फेरिएकाे छ । कानुन मन्त्री ढकाल स्वास्थ्यमन्त्री बनेका छन् भने यादवलाई कानून मन्त्रालयको जिम्मेवारी दिइएको छ ।

यादव हाल भारत भ्रमणमा छन् । हालै सम्पन्न समाजवादी पार्टीको बैठकले तत्काल सरकार नछाड्ने निर्णय गरेलगत्तै प्रधानमन्त्रीले यादवको जिम्मेवारी हेरफेर गरेका हुन् । समाजवादी पार्टीबाटै स्वास्थ्य राज्यमन्त्री बनेका डा. सुरेन्द्र यादवलाई भने हटाइएको छ ।

प्रधानमन्त्री ओलीले भौतिकपूर्वाधार मन्त्री रघुवीर महासेठ, संघीय मामिला तथा सामान्य प्रशासन मन्त्री लालबाबु पण्डित, श्रममन्त्री गोकर्ण विष्ट, महिला बालबालिका तथा जेष्ठ नागरिकमन्त्री थममाया थापालाई  हटाएका छन् । पर्यटन राज्यमन्त्री धनबहादुर बुढालाई पनि हटाइएको छ । चारै जना पूर्व एमालेको कोटाबाट मन्त्री भएका थिए ।

यस्तै पूर्व माओवादीको कोटाबाट सरकारमा गएका कृषिमन्त्री चक्रपाणि खनाल, उद्योगमन्त्री मात्रिका यादव र कृषिराज्यमन्त्री रामकुमारी चौधरीलाई पनि हटाइएको छ । मधेशका नेता मातृका यादवलाई हटाईए पनि अर्का नेता प्रभु साहकाे मन्त्री बन्ने चर्चा चले पनि उनि परेका छैनन् ।

प्रधानमन्त्री ओलीले बुधबार नै नेकपा सांसदहरू बसन्त नेम्वाङ, घनश्याम भुसाल, हृदयेश त्रिपाठी र पार्वत गुरुङ, लेखराज भट्ट र रामेश्वर राय यादवलाई मन्त्री नियुक्त गरेका छन् ।

नेम्वाङलाई भौतिक पूर्वाधार तथा यातायात मन्त्रालयको जिम्मेवारी दिइएको छ । भुसाल कृषिमन्त्री, हृदयेश त्रिपाठी संघीय मामिला तथा सामान्य प्रशासन मन्त्री र पार्वत गुरुङ महिला बालबालिका तथा जेष्ठ नागरिक मन्त्री बनेका छन् ।

रामेश्वर राय श्रम र लेखराज भट्ट उद्योग वाणिज्य तथा आपूर्ति मन्त्री बनेका छन् । भट्ट डा. बाबुराम भट्टराई नेतृत्वको मन्त्रिपरिषदमा पनि वाणिज्य तथा आपूर्ति मन्त्री थिए ।

आफु कुटिए, मारिए पनि टाउन हलको भ्रष्टचारको विरोध गरिरहन्छु : सांसद शर्मा

0
sansad sharma_kalikatimes

वीरगंज । नेपाली कांग्रेसका प्रदेेश सांसद ओमप्रकाश शर्माले आफु माथी हमला भएकाे वताएका छन् । संचारकर्मीहरु संग कुरा गर्दै सांसद शर्माले वीरगंज नगर सभा गृह (टाउन हल) काे भ्रष्टचारकाे बिषयलाई लिएर टाउन हलका संचालक भाेला कलवारले आफु माथी  हमला गरेकाे आराेप लगाए हुन् ।

सांसद शर्माले आफु कुटिए पनि मारिए पनि टाउन हलको भ्रष्टचारको विरोध गरि रहने वताए । टाउन हलका संचालक कलवारले म माथी मात्र हाेईन पार्टीका अरु नेताहरुलाई पनि गाली गालौज गर्ने गरेका कारण उनलाई पार्टीबाट निस्कासन गर्नु पर्ने माग समेत गरे । शर्माले कलवार पार्टी कै भए पनि आफु जनप्रतिनिधि भएका कारण भ्रष्टचारकाे विराेध गरि रहने वताए ।

टाउन हल जनताकाे सम्पती भएकाे वताउदै शर्माले जनता संग टाउन हलकाे भाडा एक दिनकाे एक लाख लिने र महानगरलाई ५ हजार बुझाउनु नै टाउन हलमा भ्रष्टचार भइरहेकाे वताए । उनले अख्तियारले टाउन हलको टेन्डरमा भ्रष्टाचार भएकाे प्रमाणित गर्दै पुन: टेन्डर गर्न पत्रचार गरे पनि  मेयर विजय कुमार सरावगीले सो पत्र दबाएकाे समेत आराेप लगाए ।

कलवारले नाटक गरी नारायणी अस्पतालबाट डाक्टरलाई मिलाएर रेफर गराएको समेत आरोप लगाए ।

सांसद शर्मा र नेपाली कांग्रेसका वीरगंज महानगर सभापति समेत रहेका टाउन हलका संचालक भाेला कलवार बिच बुधबार बिहान चिया पसलमा कुटाकुट भएकाे थियाे । दुबै जना उपचारको लागि नारायणी अस्पताल वीरगंजमा भर्ना भएका थिए । उपचार पछि प्रदेश सांसद शर्मा घरमा आरम गरि रहेका छन् भने कलवारकाे काठमाण्डाैमा उपचार भईरहेकाे छ ।

दुबै जना विच डेढ बर्ष देखी नै टाउन हलको बिषयमा विवाद हुदै आएको थियाे । सोही बिषयलाई लिएर सार्वजनिक स्थल मै दुबै जना बिच कुटाकुट समेत भएकाे हाे । सांसद शर्माले कलवार विरुद्ध जिल्ला प्रहरी कार्यालय पर्सामा उजरी समेत दिएका छन् ।

अन्तराष्ट्रिय बाल दिवसको अवसरमा विद्यार्थीहरुलाई प्रशिक्षण

0
abhiyan sampan_kalikatimes

काठमाण्डौ । अन्तराष्ट्रिय बाल दिवसको अवसरमा बुधबार के एण्ड के कलेजमा अध्ययनरत बिएसडब्लु दोस्रो बर्षका विद्यार्थीहरुले जनचेतना मूलक एक दिने अभियान सम्पन्न गरेका छन् ।

अभियान अन्तर्गत कलेजका विद्यार्थीहरुले काठमाण्डौका सिभिएम सकेन्डरी स्कुल, वाल्फेयर एकेडमी र जेनिथ एकेडमीका विद्यार्थीहरुलाई अधिकार सम्बन्धी प्रशिक्षण दिएका हुन् । कलेजका विद्यार्थी संजय चौधरी, रक्छा बाम, सफल दहाल, सबिन राउत, अबिन कार्कीद्वारा विभिन्न विद्यालयका बालबालिकाहरुलाई बाल अधिकार सम्बन्धी प्रशिक्षण दिएका थिए ।

bal adhikar sambandhi prasixan_kalikatimesअभियानका संचालक भेष साहले सबै प्रशिक्षार्थी विद्यार्थीहरुलाई विभिन्न सत्रको बारेमा जानकारी गराएका थिए । अभियानलाई थप प्रभावकारी बनाउन अगाडी सशक्त्त कार्यक्रम गरिने अभियानकर्ता अबिन कार्कीले वताए ।  

विद्यार्थिहरुलाई शैक्षिक सामग्री

0
bidhyarthi haru lai saixik samgari_kalikatimes

वीरगंज । रूगंटा वेलफेयर सोसाइटीको सहयोगमा बुधबार श्री नेरामाबी सुखचैनाका विद्यार्थिहरुलाई शैक्षिक सामग्री वितरण गरिएको छ । समाजवादी युवा संघका केन्द्रिय सचीव सरोज यादवको विशेष पहलमा विद्यालयमा अध्यनरत गरिब तथा दलित बालबालिकालाई ५० थान स्कुल ब्याग, जनही १० थान कापी, कलम,पेन्सिल लगायतका शैक्षिक सामाग्री वितरण गरिएको थियो ।

आर्थिक अवस्थाले कमजोर बालबालिकालाई सिकाइ प्रती सहयोग पुर्याउनकाली कक्षा १देखि १० सम्ममा अध्यनरत विद्यार्थीको पहिचानगरि सो सामाग्री वितरण गरिएको केन्द्रिय सचीव यादवले बताउनुभयो ।

उहाले आउदो प्रत्येक शुक्रबार देखि सुखचैना माबीका बालबालिकाको सिकाइ अझ राम्रो बनाउनका लागि आफ्नो ब्यक्तिगत खर्चबाट विभिन्न शैक्षिक प्रतियोगिताको आयोजना समेत गराउने जानकारी दिनुभयो । सो कार्यक्रममा विद्यालयका प्रधानाध्यापक बिनोद मेहता लगायत शिक्षक, शिक्षिका र विधार्थीहरु को सहभागीता रहेको थियो ।

 लिएको शिपलाई रोजगार मुखि बनाउ : नगर प्रमुख सरावगी

0
birgunj mahanagar sipmukhi talim_kalikatimes

वीरगन्ज । वीरगन्ज महानगरपालिकाका नगर प्रमुख विजय कुमार सरावगीले तालिमबाट लिएको शिपलाई रोजगारमुखि बनाउनु अनुरोध गर्नुभएको छ । उहाले तालिम लिए पछि त्यसलाई अनिवार्य रुपमा रोजगार मुखी बनाउदै परिवारको आर्थिक श्रोतको रुपमा प्रयोग गर्न युवाहरुलाई अनुरोध गर्नुभयो ।

वीरगन्ज सृजनशिल व्यवसाय तालिम केन्द्रले आयोजना गरेको प्रमाण पत्र बितरण कार्यक्रममा बोल्दै नगर प्रमुख सरावगीले यस्तो धारणा व्यक्त गर्नुभएको हो । वीरगन्ज महानगरपालिका र वीरगन्ज उधोग वाणिज्य सघंको आर्थिक सहयोगमा  लघु ब्यवसाय विकास कोष पर्साद्धारा संचालित अनौपचारिक क्षेत्रमा सिप बिकास तथा रोजगारी कार्यक्रममा सहभागी प्रशिक्षार्थी युवाहरुलाई सम्बोधन गर्दै नगर प्रमुख सरावगीले आफुले लिएको तालिमलाई व्यवहारमा उतार्दै आय आर्जनको श्रोत बनाउनुका साथै अरु युवालाई पनि उक्त शिप सिकाउन अनुरोध गर्नुभयो ।

उहाले तालिमबाट प्राप्त प्रविधिक शिपको गुणात्मक विकासले मात्र युवाहरुमा रहेको बेरोजगारीलाई न्युनिकरण गर्नसकिने धारणा समेत व्यक्त गर्नुभयो ।

सृजनशिल व्यवसाय तालिम केन्द्र र एम इ डि एफले सम्पन्न गरेको शिकर्मि, एसि र रेफ्रिजेटर एवम मोटरसाइकल मर्मत सम्वन्धि तालिममा सहमागी ६५ जना युवाहरुलाई प्रमाण पत्र बितरण गरिएको छ । मगंलबार र बुधबार आयोजित प्रमाण पत्र बितरण कार्यक्रममा वीरगन्ज उधोग वाणिज्य सघंका वरिष्ट उपाध्यक्ष सुबोध गुप्ता, चंचला दास, लघु बिकास कोष पर्साका प्रमुख प्रेम प्रसाद, नगर प्रमुखका राजनैतिक सल्लाहकार मुकेश द्धिवेदी, पत्रकार महासंघ पर्साका सचिव युवराज खडका, प्रध्यापक सुस्मा तिवारी द्धिवेदी, युवा नेता पिन्टु तिवारी लगायतकाकाे उपस्थिती रहेको थियो ।

नगवा प्रहरी चौकीमा मदिराले ध्रुत तेस्रो लिङ्गीहरुको नाङ्गो नाच, प्रहरी बने मुकदर्शक

0
tesro ling_kalikatimes
नगवा प्रहरी चाेकीमा नाङ्गाे नाच प्रदर्शन गर्दै तेस्राे लिङ्गीहरु र प्रहरीले तिनीहरु मध्यका केहीलाई पक्राउ गरी गाडीमा लग्दै । तस्बिर : कालिका टाईम्स

वीरगन्ज । वीरगन्जको इलाका प्रहरी कार्यालय नगवामा मदिराले ध्रुत तेस्रो लिङ्गीहरुको नाङ्गो नाच प्रदर्शन गर्दा समेत प्रहरी मुकदर्शक बनेका छन । तेस्रो लिङ्गी समुहले संचालन गरेको सात सहेलीया नाचमा डान्सरको काम गर्ने तेश्रोलिङ्गीहरुले मंगलबार राती अत्याधिक मदिरा सेवन गरेर प्रहरी चौकीमा नाङ्गो प्रदर्शन गरेका हुन् ।

सात सहेलीयाको नाचको लागि बैना दिन आएका जिल्ला वन कार्यालयका रेन्जर संदीप पटेललाई अत्याधिक मदिरा सेवन गराएर तेश्रोलिङ्गीहरुले उनको साथमा रहेको एक थान मोबाईल र एकथान सुँन औठी लुटेका थिए । हार गुहार गर्दा मोबाइल दिए पनि सुँनको औँठी नदिएपछि गुहारको लागि तत्कालै प्रहरी चौकीमा पुगेर पटेलले घटना बारे सम्पुर्ण जानकारी गराएका थिए ।

प्रहरी हवल्दार सोनालाल यादवको नेतृत्वमा रहेको प्रहरी टोलिले तेस्रो लिङ्गीलाई सोधपुछको लागि कार्यालयमा झिकाउँदा मादिरामा मातिएका उनीहरु प्रहरी चौकी भित्रै प्रहरी तथा स्थानीयलाई अपशब्द प्रयोग गर्दै गाली गलौज गर्न थाले । प्रहरी अगाडी नै पिडित पटेललाई अशब्द प्रयोग गर्दै कुटपिट गर्न खोजेपछी त्यहाँ उपस्थित स्थानियले रोक्न खोज्दा उनिहरुलाई नै अशब्द प्रयोग गर्दै चौकी भित्र रहेको हेल्मेट, ईट्टा र ढुङ्गाले प्रहार गर्न थालेपछी सबै जना प्रहरी चौकी बाहिरिएका थिए ।

अत्याधिक मदिरा सेवन गरी मातिएकाले चौकीमा खाना पकाउँने भन्सिया कृष्ण थापालाई समेत कुटपिट गर्दा प्रहरी मुकदर्शक बनि रहे । उनिहरु चौकि भित्र ताण्डव मचाइ रहँदा, चौकी भित्र रहेको कुर्सी समेत फालाफाल गर्दा पनि प्रहरी समान्य रोकथाम बाहेक कडा स्टेप नचाल्दा अझै मातिएर उनिहरु नाङ्गै भएर प्रदर्शनमा उत्रे ।

चौकीमा उनिहरुको नाङ्गो नाच गरेको हेरेर सयौको संख्यामा रहेका स्थानियले प्रहरी चौकी घेराउ गरेर उनिहरुलाई कडा कार्वाहीको माँग गरे । प्रहरीले कार्वाही नगरे हामीहरु नै यो गाउँबाट कुटेर लखेटने छौ स्थानियले भने । प्रहरी चौकीका ईन्चार्ज पुरुषोत्तम महतोले सम्झाउँन खोज्दा समेत उनीमाथि नै जाई लागे पनि आवश्यक कारवाहीको कदम चालेनन् ।

प्रहरी चौकीले स्थितिलाई नियन्त्रणमा लिन नसके पछि जिल्ला प्रहरी कार्यालय र वडा प्रहरी कार्यालय विर्ताबाट आएको थप प्रहरी टोलिले उनीहरुलाई नियन्त्रणमा लिएका थिए ।  प्रहरीले स्थानीयलाई सम्झाइ बुझाइ आवश्यक कार्वाहीको लागि तेस्रो लिङ्गीहरुलाई नियन्त्रणमा लिएका हुन ।

आक्रोशित स्थानियले सात सहेलिया समुहमा रहेका तेस्रो लिङ्गीहरुले समाजमा बिकृती फैलाएको भन्दै गाउँ नै निकाला गर्नु पर्नेमा एकमत भएका छन । सानो लुगा लगाएर अङ्ग प्रदर्शन गर्ने गरेको, बाटोमा हिड्ने पुरुषलाई गलत दृष्टीले हेर्ने गरेको सोध्दा अपशब्द प्रयोग गर्ने गरेको जस्ता विकृती नै फैलाएका छन, यिनिहरुलाई गाउँबाट निकाला गर्ने छौं, नगवा हाट बजार व्यवस्थापन समितिका अध्यक्ष अशोक पटेलले बताए ।

जिल्ला प्रहरी कार्यालयले उनीहरुको कारवाहीको प्रकृया अगाडी नबढाए र तेश्रो लिंङ्गीलाई गाउँ निकाला नगरे उनीहरु विरुद्ध कडा कदम चाल्ने छौ उनले भने, यसबाट हुने असज परिस्थितको जिम्मा स्थानिय प्रशासनले नै लिने बताए ।

यता पर्साका प्रहरी उपरिक्षक सोमेन्द्र सिंह राठौरले पक्राउ परेको तेश्रो लिङ्गीमाथि सार्वजनिक अपराध मुद्दा चलाउँने बताए । उनले भने, प्रहरी चौकी हुलदंगा गरी प्रहरी तथा स्थानियलाई गाली बेईजती गरेको आरोपमा पक्राउ परेका चार जना तेश्रो लिङ्गीलाई राती नै पक्राउ गरिएको छ, आज उनीहरु माथि सार्वजनिक अपराध अन्तर्गत मुद्दा चलाउँने तयारी गरेका छौ ।

राजपा पर्साकाे पहिलाे बैठक : चौबीसें घण्टा जनताको साथमा रहन अध्यक्ष सिंहकाे निर्देशन

0
rajapa pahilo baithak_kalikatimes

वीरगंज । जिल्ला सम्मेलनबाट राजेशमान सिंह अध्यक्ष चुनिएपछि उहाँको अध्यक्षतामा आज राष्ट्रिय जनता पार्टी नेपाल पर्साको पहिलो बैठक बसेको छ । बैठकमा उपस्थित भएका जिल्ला पार्टीका अगुवा तथा भातृ संगठनका प्रमुखहरुलाई नेता सिंहले चौविसै घण्टा जनताको समस्यामा साथ रहन निर्देशन दिनुभएको छ ।

नेतृत्वमा बस्ने र माईन्युटमा नाम मात्रै लेखाएर हुँदैन तपाईँहरु जनताको माझमा जानुस, उहाँहरुको मसस्यामा सँगै उभीएर समाधान गराउनुस नेता सिंहले भन्नुभयो । नेता सिंहले जिल्लाको बलियो नेतृत्व अभावलाई पुरा गर्नको लागि आफुले जिल्लाको नेतृत्व सम्हालेको बताउँदै अन्य पार्टी भन्दा फरक रुपमा प्रस्तुत हुने दावि गर्नुभयो ।

हामि अरु जस्तो गरी चलेर हुँदैन नयाँ नेतृत्वले नयाँ तरिकाले काम गर्छ तपाइँहरु पनि स्वच्छ छवि बनाएर त्यसको लागि तयार हुनुस नेता सिंहले भन्नुभयो । सिंहको नेतृत्वमा बसेको बैठकलाई पार्टिको गतिविधिलाई जनस्तरमा केन्द्रित गर्नका लागि पर्साको चारै क्षेत्र र महानगर पालिका लगायत सवै नगरपालिकामा समेत मंसीर महिना भित्र पार्टी कार्यालय खोल्ने निर्णय गरेको छ ।

जिल्ला अध्यक्ष सिंहकाे अध्यक्षतामा भएको बैठकमा उपाध्यक्षहरू मदन यादव, जटाशंकर गुप्ता, प्रदीप चौरसिया, सचिव उमेश लाल सहनी, सह-सचिव उमाशंकर प्रसाद सर्राफ, केन्द्रीय सदस्यहरू बाबुलाल यादव, शम्भु चौरसिया, महाबीर शर्मा, मिनु ठाकुर, परमानन्द चौधरी, बरकतुल नेसा, प्रतिमा जोशी, इन्दु सिंह, मुस्लिम बिभागको केन्द्रीय संयोजक खैरूद्दी मियाँ, महानगर अध्यक्ष लियाकत अली, नगर अध्यक्ष अजय साह, क्षेत्रीय अध्यक्षहरू अयुब मियाँ, बैजु स्वर्णकार, मनोज ठाकुर, अकलेश यादव, जिल्ला नेताहरू रियाज मियाँ, सलाउद्दीन मंसूरी, जबार मंसूरी, चन्द्रिका सहनी, राहुल सर्राफ, नेताहरू बिष्णु पटेल, अफरोज अालम, संजीव यादव, भुषाल चौरसिया, बिधार्थी नेताहरू मधुसूदन चौरसिया, सुमित चौरसिया, अमित यादव, महिला नेतृहरू संगीता दास, रेखा पासवान लगायतको सहभागिता रहेको थियो ।

बालबालिकाहरु आफै कार्यक्रम आयोजना गरी मनाए अन्तराष्ट्रिय बालदिवस

0
baldiwas_kalikatimes

वीरगंज । बालबालिकाहरुले आज आफै वीरगंजमा एक कार्यक्रमको आयोजना गरी अन्तराष्ट्रिय बालदिवस मनाएका छन् । जिल्ला बालक्लब संजाल पर्सा, वीरगंज महानगर बाल संजाल, गाउँपालिका स्तरिय बाल संजाल सखुवा प्रसौनी र वडा बाल क्लब वीरगंज ६ संग आवद्ध बालबालिकाहरुले आफै कार्यक्रमको आयोजना गरी अन्तराष्ट्रिय बाल दिवस मनाएका हुन् ।

जिल्ला बाल कल्याण समिति पर्साको सभा हलमा भएको कार्यक्रमलाई सम्बोधन गर्दै भिजिट मधेशका संयोजक ओमप्रकाश सरार्फले कोई पनि बालबालिका बाल अधिकारबाट बंचित नहुनु पर्ने वताए । कार्यक्रमका प्रमुख अतिथी समेत रहेका सरार्फले कोई पनि बालबालिका विद्यालय जानबाट र पोष्णयुक्त्त खानाबाट बंचित नहुनु पर्ने वताए ।

राजपाकाे वीरगंज महानगर अध्यक्ष समेत रहेका सरार्फले भने आजका बालबालिका भोलीका राष्ट्रका चालक हुन्, बालबालिका समाजका गाहना  हुन्, त्यसैले बालबालिकाहरुलाई सभ्य बन्नु पर्छ । बालबालिकाहरुलाई विद्यालय स्तरमा नयाँ प्रबिधिको केही कानुनी कुरा समेटिएको नैतिक शिक्षा दिन्नु पर्ने उनको धारणा थियो । नैतिक शिक्षाबाट बालबालिकाहरुले फस्ने कुलतमा कमि आउने समाजिक अभियान्ता समेत रहेका सरार्फको भनाई थियो ।

वीरगंज महानगर बाल संजालका अध्यक्ष नविन पटेलको अध्यक्षतामा भएको कार्यक्रममा समाजिक अभियान्ता प्रकाश थारु, जिल्ला बाल कल्याण समिति पर्साकी प्रमुख साबित्री भण्डारी, दिब्य युवा क्लबका कार्यक्रम संयोजक गणेश ठकुरी, पत्रकार शम्भु कुमार सुमन, जिल्ला बाल संजालकी अध्यक्ष सिमरन थापा लगायतकाले मन्तव्य राखेका थिए ।

कार्यक्रमको संचालन दिब्यानी बाल क्लबका अध्यक्ष अर्जुन साहले गरेका थिए भने स्वागत भाषण इम्प्रोभिङ चाइल्ड क्लब वीरगंजका अध्यक्ष श्रवण गुप्ताले राखेका थिए । कार्यक्रममा बालदिवसको अवसरमा केक समेत काटिएको थियो ।

यस्तै कार्यक्रम आयोजना गर्ने बालबालिकाहरुले आजै बालदिवसको अवसरमा वीरगंजको माईस्थान चोकमा सडकमा भेटिएका बालबालिकाहरुलाई बिस्कुट समेत वितरण गरेका छन् ।

भ्यानले मोटरसाईकललाई ठक्कर दिदा एकको मृत्यु

0
sawari durghatana_kalikatimes
पिक्प भ्यानले माेटरसाईकलाई ठक्कर दिएकाे दुर्घटना स्थल । तस्बिर : प्रणय साह

वीरगंज । वीरगंज पथलैया सडक खण्डमा आज भएको सवारी दुर्घटनामा परी एक जनाको मृत्यु भएको छ । ना ५ त ७१५ नम्बरको पिक्प भ्यानले ना १ प ४६८९ नम्बरको मोटरसकाईकलाई ठक्कर दिदा मोटरसाईकल चालकको मृत्यु भएको हो ।

वीरगंज पथलैया सडक अन्तर्गत पर्ने हिमाल आइरन अगाडी भ्यानले मोटरसाईकलाई ठक्कर दिदा गम्भी घाइते भएका मोटरसाईकल चालकको उपचारको क्रममा नारायणी अस्पतालमा मृत्यु भएको प्रहरीले जनाएको छ । मृतककाे सनाखत हुन सकेकाे छैनन् भने मृतककाे शव परिक्षणकाे लागि नारायणी  अस्पतालमा वीरगंजमा पठाइएकाे छ ।

युवा नेता साहकाे पहलमा आएकाे ३० लाखकाे बजेटबाट बन्ने विद्यालय भवनकाे शिलान्यास

0
silanyas karyakarm_kalikatimes

वीरगंज । वीरगंज महानगरपालिका वडा नम्बर २३ प्रसौनी बिर्तामा रहेको श्री नेपाल राष्ट्रिय अधारभुत बिद्यालयमा आज नयाँ भवनको शिलान्यास गरिएको छ । तिनकोठे भवनको नेकपाका नेतृ एवं सांसद पुष्पा कर्णले शिलान्यास गर्नुभएको हो ।

शिलान्यास कार्यक्रमलाई सम्बोधन गर्दै सांसद कर्णले सामुदायिक बिद्यालयको बिकाशमा आफुले बिशेष ध्यान दिएको बताउनुभयो । उहाँले बिद्यालयको आवश्यकता अनुसार सहयोग गर्दै जाने प्रतिवद्धता समेत व्यक्त गर्नुभयो । शिक्षाको बिकाश भएपछि अरु क्षेत्रको बिकाशमा समय नलाग्ने हुदाँ शिक्षाको बिकाशमा ध्यान दिन सवैलाई आग्रह गर्नुभएको थियो ।

ओबिसी पर्साका अध्यक्ष समेत रहेका नेकपाका युवा नेता अकलेश साहकाे पहलमा तराई मधेश समृद्धि अभियान अन्तर्गत आएकाे ३० लाखको लागतमा सो भवन निर्माण हुन लागेको वडा अध्यक्ष अवधकिसोर कुशवाहाले वताउनु भयाे । उहाँले ३० लाख रकमबाट तिनकोठे नयाँ भवन निर्माण र अधुरो भवन मर्मत गर्न लागिएको जानकारी दिनुभयो ।

शिलान्यास कार्यक्रममा नेकपाका नेता बिचारी प्रसाद यादव, वीरगंज महानगर कमिटीका अध्यक्ष रहबर अंसारी, प्र्रदेश कमिटी सदस्य बाबुराम कौशिक, जिल्ला कमिटी सदस्य अमल यादव, बसरुदिन अंसारी, ताजुदिन अंसारी, राजु बैठा, सचिव बिश्वमर शर्मा, युवा नेता अकलेश साह लगायतको सहभागिता रहेको थियो ।

सो अवसरमा भवन निर्माणको लागि बजेट ल्याउन सहयोग गर्ने नेकपाका नेता एवं संबिधान सभा सदस्य बिचारी यादव, युवा नेता अकलेश साह, वडा अध्यक्ष अवधकिसोर कुशवाहा, वडा सदस्य लालबाबु यादवलाई सम्मानित समेत गरिएको थियो ।