Date
सोम, मंसिर ७, २०८३
Mon, November 23, 2026
Home Blog Page 1069

समाजवादीकाे दाेस्राे दिन महुवनमा घरदैलाे तथा चुनावि सभा

0
samajbadi sabha_kalikatimes

वीरगंज । समाजवादी पार्टी पर्साले आज दाेस्राे दिन सखुवा प्रसाैनी गाउँपालिका वडा नं. ५ बलुवामा घरदैलाे गरेकाे छ । महुवनकाे नहर चाैकबाट सुरु भएकाे घरदैलाे बलुवा गाउँकाे परिक्रमा गरि काेण सभामा परिणत भएकाे थियाे ।

काेण सभामा वाेल्दै जिल्ला अध्यक्ष रामनरेश यादवले सदियाै देखी सतासिन रहेका अन्य पार्टिका नेताहरुले विभिन्न प्रलोभन देखाई भोट मांगीरहेकाले त्यसको लोभमा नपर्न सबैमा अनुरोध गरे ।

samajbadi sabha2_kalikatimes

घरदैलाे कार्यक्रममा सहभागि नेताहरुले मतदाताहरु संंग पार्टीका उम्मेदवार रुपलाललाई आफ्नाे मत दिएर विजयी गराउन आग्रह गरेकाे थिए ।

 शिवनाथ साह तेलीको अध्यक्षतामा भएको कार्यक्रममा प्रदेश सांसद मन्जुर अन्सारी, सचिव तबरेज अहमद, नेता सुन्दर कुर्मी, गाउँपालिका प्रमुख प्रदिप जैसवाल, स्थानिय नेता श्यामबाबु पटेल लगायतका नेता तथा कार्यकर्ताहरुको सहभागीता रहेको थियो ।

समाजबादी बिधार्थीले एमडि बसरुदिन अन्सारीको तस्बिर जलायो

0
samajbadi student_kalikatimes

बिरगंज । नेशनल मेडिकल कलेज एण्ड शिक्षण अस्पतालकका सञ्चालक बसरुदिन अन्सारी बिरुद्ध समाजबादी पार्टी निकट समाजबादी बिधार्थी युनियनले आज घण्टाघरमा बिरोध प्रदर्शन गरेको छ ।

कलेजका बिधार्थीहरुकाे शान्तिपूर्ण आन्दोलन पश्चात होस्टेलमा जान खोज्दा भएको कुटपिटको बिरोधमा कलेजका सञ्चालक अन्सारी बिरुद्ध युनियनले बिरोध प्रदर्शन गरेको हो । प्रदर्शनको क्रममा उनीहरुले नेशनल मेडिकल कलेज अस्पतालकका सञ्चालक बस्रुदिन अन्सारीको तस्बिर समेत जलाएका छन् ।

युनियनका केन्द्रिय सचिव सुजित गिरीको नेतृत्वमा गएका बिधार्थी नेताहरुले मेडिकल बिधार्थीहरुलाई भएको कुटपिटको बिरोधमा कलेजका सञ्चालक अन्सारी बिरुद्ध बिरोध प्रदर्शन गरेका हुन । बिरोध प्रदर्शनमा ठाकुरराम बहुमुखी क्याम्पसका ईकाई अध्यक्ष हरेन्द्र साह, सचिव बिकाश मेहता लगायतका बिधार्थी नेताहरुको सहभागिता रहेको थियो ।

हिजो साँझ सरकारले तोकेको भन्दा लिएको बढी शुल्क नेशनल मेडिकल कलेजले फिर्ता गर्नुपर्ने माँग गर्दै कलेज गेट अगाडि धर्नामा बसेका मेडिकल बिधार्थीहरु होस्टेलमा जान खोज्दा उनीहरु माथि कुटपिट भएको थियो । कुटपिटमा कलेजका सञ्चालक अन्सारीले बाहिरबाट मान्छे बोलाएर बिधार्थीहरुलाई कुटपिट गर्न लगाएको आरोप लगाउदै नारा जुलुस गर्दै जिल्ला प्रहरी कार्यालय पर्सामा पुगेका थिए ।

यसैबिच युनियनले आज शनिबार बिदा भएको भन्दै भोलि जिल्ला प्रशासन कार्यालयमा मेडिकल शिक्षाको बिषयमा यस अघि दिईएको ज्ञापन पत्रको बारेमा जानकारी लिने तथा त्यसपछि अगामी दिनको आन्दोलनका कार्यक्रमहरु तय गरिने ससमाजबादी बिधार्थी युनियनका केन्द्रिय सदस्य निखिल बर्णवालले जानकारी दिए ।

सोनार समाजले गढीमाई मेलाका श्रद्धालुहरुको लागि निशुल्क भोजन र बाँस दिने

0

वीरगन्ज । नेपाल सोनार समाज सेवा समिति केन्द्रिय कार्यालय ललितपुर र नेपाल सुनचाँदी व्यवसायी महासंघ प्रदेश नम्बर २ ले पञ्चवर्षीय गढीमाई मेलामा निशुल्क भोजन भण्डारा र बाँसको व्यवस्थापन गरेको जनाएको छ । बाराका सोनार समाज र सुनचाँदी व्यवसायको व्यवस्थापनमा यही मंसिर १५ र १६ गते निशुल्क भोजन तथा बाँसको व्यवस्थापन गर्न लागिएको हो ।

समाजले आयोजना गरेको धार्मिक कार्यमा सहयोग गर्न आग्रह समेत गरिएको छ । हरेक पाँचबर्षमा एक महिनासम्म लाग्ने गढीमाई मेलामा भक्तजहरुको सेवालाई मध्यनजर गर्दै निशुल्क भोजन भण्डारा र बाँसको व्यवस्थापन मिलाईएको समाजका राष्ट्रिय उपाध्यक्ष शिव कुमार सर्राफले बताए ।

मेलामा दर्शन तथा भाकल गर्न आउँने स्वजातिय सहित अन्य समुदायका व्यक्तिहरुलाई समेत निशुल्क रुपमा संस्थाले उपलब्ध गराउँने सम्पूर्ण सेवाहरु प्रदान गरिने छ । गढीमाई मेलालाई दक्षिण एसियाकै एक ठुलो मेलाको रुपमा लिने गरीन्छ ।

मेलामा करोडौं दर्शनार्थीहरु देश तथा विदेशबाट पूजा तथा भाकल गर्न आउने गर्दछन् । सुनचाँदी व्यवसायीहरुले आफ्नो सामाजिक कार्यलाई समेत अघि बढाउनुपर्छ भन्ने उद्देश्यले निशुल्क भोजन तथा बसोवासको व्यवस्था गरिएको उपाध्यक्ष सर्राफले बताए । उनले भने यसलाई सफल बनाउँन स्वजातियले सक्दो सहयोग गर्नुपर्छ ।

वीरगन्ज सांस्कृतिक परिषद संचालनको जिम्मा रौनियारलाई

0

वीरगन्ज । वीरगन्ज सांस्कृतिक परिषदको जिम्मा राजन रौनियारलाई दिईएको छ । शुक्रवार वीरगन्जको रेसमकोठि स्थित आफनै निवासमा सांस्कृतिक परिषदका अध्यक्ष धुव सिंह ठकुरीले आफनो स्वस्थ अवस्था ठिक नरहेकोले आज दखि आर्थीक कारोबार बाहेक संस्थाको सम्पुर्ण जिम्मेवारी रौनियारलाई दिएको बताए ।

सांस्कृतीक परिषद यश भेगको सांस्कृतिक क्षेत्रमा जुडेका कालाकारहरुको छाता संगठन हो । बिगत केहि बर्ष देखी यो संगठन निष्क्रिय रहेको थियो तर अब यस परिषदले आउने दिनमा स्थानिय कलाकारहरुको लागी तालिम लगायत बिभिन्न योजना ल्याउने रौनियारले बताए ।

सांस्कृतिक परिषदको कार्यालय बिरगन्ज नगर सभाहल गृह (टाउन हल ) मा रहेको बेला स्थानिय युवाहरुलाई आफनो सांस्कृति संग जोडने बिभिन्न कार्यक्रमहरु गराउदै आएको थियो । तर नगर सभामा गृह (टाउन हल ) निजिकरण भए लगतै संस्था बिस्तापित भएको थियो ।

स्थानिय सांस्कृति लाई जोगाउन महा—नगरपालिका, स्थानिय, जन प्रतिनिधिहरु उधोगी ब्यपारी, कालाकार र समाजिक अभियन्ताहरुले आफनो भुमिका खेल्न आवश्यक रहेको अध्यक्ष ठकुरीले बताए । अध्यक्ष ठकुरीको घरमा भएको बैठकमा परिषदको सचिव बिक्रम कुमार नगरकोटि र सदस्य खैरुदिन हवारीको बिषेश उपस्तिथि रहेको थियो ।

परिषदका जिम्मेवारी सम्भालेका रौनियारले वीरगन्जमा राष्ट्रीय अन्तराष्ट्रीय कलाकार मार्फत बिभिन्न कार्यकमहरु समपन्न गरी सकेका छन् ।

मेडिकल कलेजमा आन्दोलनरत विद्यार्थीमाथि एमडि अंसारीले भारतीय लगाएर आक्रमण गराए

0

वीरगन्ज । वीरगन्जको नेशनल मेडिकल कलेज तथा शिक्षण अस्पतालले अतिरिक्त शुल्क लिएको विरोधमा आन्दोलनरत विद्यार्थी माथि निर्घात कुटपिट गरिएको छ । शुक्रबार साझ अस्पतालको गेट नम्बर २ मा धर्नारत विद्यार्थीहरु माथि व्यवस्थापन पक्षकाले युवा लगाएर निर्घात कुटपिट गरेको हो ।

उनीहरुको कुटाईबाट एमबिबिएस अठारौं व्याचमा अध्ययनरत तन्जीला मगराती बेहोस् भएकी छिन । उनलाई विद्यार्थीले प्राथमिक उपचार गरेपछि आधाघण्टा पछि होस् आएको एकजना विद्यार्थीले नाम नछाप्ने सर्तमा बताए ।

कलेजका एम.डि बसरुदिन अंसारीले भारतीय विद्यार्थीहरुलाई उचालेर निर्घात कुटपिट गर्न लगाएको उनीहरुको आरोप छ । कलेजका आफूलाई सिनियर भनाउँने उनका आसेपासे पर्ने समिर राज, रमिज अख्तर, तबरेज अंसारी, ईस्तियाक अंसारी र तारिख अंसारीको समूहको युवाहरुले कुटपिट गरेको हो ।

प्रहरीले बाहिर निस्कन नदिएपछि गेटमै शान्तिपूर्ण रुपमा आफनो माँग अगाडी राखेर धर्नामा बसेका थियौ, एकजना महिला विद्यार्थीले भने, त्यतिकैमा एम.डि. अंसारीले पठाएका युवाहरुले हामी माथि आक्रमण गरेका थिए । प्रहरी अगाडी कुटपिट गरिदा पनि प्रहरी मुकदर्शक बनेको उनीहरुको आरोप छ ।

आन्दोलनरत छात्राहरु माथि अशब्द प्रयोग गर्दै अभद्र व्यवहार समेत उनीहरुले गरेका छन । अहिले पनि उनीहरुले धम्काउँदै तिमिहरु कोठामा हिन के के हुन्छ देखाई दिन्छु भन्दै धम्की समेत दिएका छन । बिहिबार राती पनि कलेजका व्यवस्थापन पक्षले विद्यार्थीमाथि कुटपिट गर्दै ज्यान मार्ने धम्की दिएको थियो ।

पूर्वनिर्धारित विरोधको कार्यक्रम सकाएर होस्टेल तर्फ जादै गर्दा एम.डि. अंसारीले केहि युवा लगाएर कुटपिट गराएका थिए । युवाहरुले विद्यार्थीलाई धम्काउँदै दिउँदो जलाई ज्यान मारिदिने धम्की समेत दिएका थिए । आफुलाइ सिनियर बिद्यार्थी भन्ने एम. डि. असारीका आफन्तहरुले होस्टेलमा प्रबेश गर्ने २ नम्बर गेट नै बन्द गरि प्रबेश गर्न दिएका थिएनन् ।

राती १० बजे सम्म आन्दोलनरत बिद्यार्थी लाई गेट बाहिर नै राखियो । बिद्यार्थीलाई जिउँदो जलाइ दिने, काटी दिने लगायत धाक धम्की समेत दिएका थिए ।

एम डि अंसारी स्वम आन्दोलनरत बिद्यार्थीलाई होस्टेल पछाडीको गेटबाट मात्र प्रवेश गराउछु भने पछी उनिहरुको जिउँ जानको कस्ले सुरक्षा लिन्छ भन्दै प्रबेश गर्न मानेका थिएन अन्तमा प्रहरीले नै सम्पुर्ण बिद्यार्थीको सुरक्षाको ग्यारेन्टी लिएपछी सुरक्षाको साथ होस्टेलमा पुर्याइएको थियो । उनीहरुलाइ रातीको खाना समेत दिएका थिएन ।

समाजवादीकाे सखुवा प्रसाैनीमा घरदैलाे सम्पन्न

0
samajbadi ghardailo_kalikatimes

वीरगंज । समाजवादी पार्टीक पर्साले ७ दिने उपनिर्वाचन प्रचार प्रसार कार्यक्रम सार्वजनीक गर्दै आज सखुवा पसौनी गाउँ पालिका वडा नं. ५ मा वृहत घरदैलो कार्यक्रम सम्पन्न गरेको छ । पार्टीकाे तर्फबाट वडाध्यक्षका उम्मेदवार भएका रुपलाल यादवलाई जिताउन नेताहरु घरदैलाे गर्दै मतदाता संग मत मांगेका हुन् ।

नेताहरुले जनताको घर आगंनमा पुगी मतदाताहरुलाई आफ्नो चुनावी घोषण पत्र, पार्टिले दिएको निति तथा कार्यक्रमको बारेमा जानकारी गराउदै आफ्नो पार्टिको उम्मेदवारलाई बिजयी बनाउन अनुरोध समेत गरेकाे समाजवादी पार्टी पर्साका सचिव तबरेज अहमदले वताए ।  घरदैलाे कार्यक्रममा सहभागि नेता तथा कार्यकर्ताहरुले निवर्तमान वडाध्यक्ष स्व. वृजलाल यादवको छोरा रुपलाल यादवको समर्थनमा मत खसाएर बिजयी बनाउन अनुरोध समेत गरे ।

पार्टीका केन्द्रिय सदस्य तथा प्रदेश सांसद प्रहलाद गिरीकाे विशेष उपस्थितीमा भएकाे घरदैलो कार्यक्रममा केन्द्रिय सदस्य फिरोज मन्सुर, जिल्ला अध्यक्ष राम नरेश यादव, सचिव तबरेज अहमद गाउँपालिका प्रमुख प्रदिप जयशवाल लगायतका नेता तथा कार्यकर्ताहरुको सहभागीता रहेको थियो ।

नेशनल मेडिकल कलेजका विद्यार्थी पुनः आन्दोलित

0

वीरगंज । नेशनल मेडिकल कलेज, वीरगंजमा अध्ययनरत १८औं ब्याचका विद्यार्थीहरूले बिहीवारदेखि पुनः आन्दोलन शुरू गरेका छन् ।

कलेजअगाडि विद्यार्थीहरूले ‘अतिरिक्त शुल्क फिर्ता गर’, ‘मेडिकल माफिया मुर्दाबाद’, ‘विद्यार्थीलाई मानसिक तनाव दिन पाइँदैन’, ‘कलेज प्रशासनको विद्यार्थीसँगको सम्बन्ध सुमधुर हुनुपर्छ’ नारासहित प्लेकार्ड बोकी धर्नामा बसेका थिए ।

साँझ ५ बजे धर्ना सकिएपछि कलेजको व्यवस्थापन पक्षले कलेजको ढोका बन्द गरेको थियो । आन्दोलनरत विद्यार्थीहरू रातिसम्म कलेजबाहिर बसिरहेका जानकारी प्राप्त भएको छ ।

  नेपालभरिका मेडिकल कलेजका विद्यार्थीहरूले आन्दोलन गर्दा सरकारले १५ दिनको अन्तिम म्याद तोकी रकम फिर्ता गर्न निर्देशन दिएकोमा सो म्याद सकिन चार दिन बाँकी छँदा विद्यार्थीहरूले दबाबस्वरूप आजदेखि धर्ना दिन शुरू गरेको बताएका थिए । सरकार र कलेज व्यवस्थापनबीच बढी रकम फिर्ता दिने सहमति भएको तर रकम फिर्ता नगरेका नेशनल मेडिकल कलेजलगायत अन्य कलेजहरूमा आन्दोलन जारी छ ।

यसअघि विद्यार्थीहरूले गत कात्तिक ८ गतेदेखि एक सातासम्म आन्दोलन चर्काएका थिए । सोक्रममा कलेजको व्यवस्थापन पक्षले विद्यार्थीहरूमाथि मानसिक यातनासहित भौतिक कारबाई गरेको थियो ।

वीरगंजमा आयोजित “शान्ति संवाद” सम्पन्न

0
santi sambad_kalikatimes

वीरगंज । जी.पी. कोईराला फाउन्डेशन पर्साले आज वीरगंजको आदर्शनगर स्थित रहेको अन्पूर्ण होटलमा आयोजना गरेको “शान्ति संवाद” कार्यक्रम सम्पन्न भएको छ । स्व. गिरीजा प्रसाद कोईरालाको नतृत्वमा माओबादी संग भएको वस्तृत शान्ति सम्झौताको १३ औं वर्ष पुरा भएको अवसरमा आयोजित कार्यक्रम सम्पन्न भएको हो ।

कार्यक्रममा वोल्ने वक्त्ताहरुले शान्ति सम्झौता बारे चर्चा गर्दै शिखर पुरुष स्व. कोईरालाको कमि देशलाई महसुस भईरहेको वताएका छन् । कोइरालाले देशको लागि पुर्याएको योग्दान बारे समेत चर्चा गर्दै वक्त्ताहरुले देशले अभिभावक गुमाएको वताएका हुन् ।

sobhakar prajuli_kalikatimes

नेपाली कांग्रेसका नेता शोभाकर पराजुलीले शिखर पुरुष स्व. गिरजा प्रसाद कोईराला नेपालको गणतन्त्रको पिता भएको वताए । कोईरालाको नेतृत्वमा भएको वृहत शान्ति सम्झौताको कारण नै नेपालमा गणतन्त्र स्थापना भएको र तत्कालिन माओवादी राजनितिको मुल धारमा आएको उनको भनाई थियो । मुलुक नै द्वन्द्धमा डुबेको अवस्थामा कोईरालाले चालेको कदमले शान्ति स्थापना भएको वताउदै उनले कोईराला नेपाली कांग्रेसको अभिभावक मात्र नभई सबै पार्टीको अभिभावक  भएको वताए ।

नेकपाकी नेतृ एवं प्रदेश सांसद जवाला साहले स्व. कोईरालाको सम्झना गर्दा टुहरापन महसुस हुन गरेको वताईन । उनले भनिन देशले अभिभावक गुमाएका कारण सधै हामीलाई उहाँको कमि महसुस हुनेगर्छ । कोईरालाको नेतृत्वमा भएको शान्ति सम्झौताका कारण नै संविधान सभा मार्फत संविधान निर्माण भएको वताईन । उनले भनिन हामीले संविधान त वनाउन सफल भए तर अझै मधेशी, थारू र जनजातिको सवालमा संविधानमा केही कुराको कमि रहेको छ, त्यो हामीले पुरा गर्नु पर्छ ।

पूर्व मन्त्री समेत रहेकी नेतृ साहले अक्रो प्रसंगमा कुरा राख्दै साहले राम्रो कामको सपोट गर्नु पर्ने र गलतको विरोध गर्नु पर्ने वताईन । सरकारले गरेको राम्रो कामको सपोट गर्नु पर्ने उनको भनाई थियो ।

राजपाका महासचिव शिव पटेलले गिरजा प्रसाद कोईराला गए पछि त्यस्ता नेता हामिले खोजी रहेको वताए । उहाँले गरेको कामको नेपालमा मात्र नभई विश्व मै चर्चा भएको पटेलले वताए ।  अहिलेको अवस्थामा कुनै नेतामा बिश्वास नलागेको उनको भनाई थियो । उनले भने बृहत शान्ती सम्झौता जस्तै उहाकै पालामा अरु सम्झौता पनि भए तर उहांको निधन पछि खोई त कार्यन्वयन भएको, उहांले उठाएको सर्वपक्षीय भेला, एकताको प्रयास र मेलमिलापको सिधान्तहरु पनि लागु गर्नु पर्छ ।

जी.पी. कोईराला फाउन्डेसन पर्साका अध्यक्ष महम्मद सहाबुदिनको अध्यक्षतामा र नेपाली कांग्रेस पर्साका सभापति अजय कुमार द्विवेदीको प्रमुख आतिथ्यतामा भएको कार्यक्रममा नेपाली कांग्रेसका नेता तथा पूर्व मन्त्री सुरेन्द्र चाैधरी, नेकपा पर्साका अध्यक्ष प्रभु हाजरा, राजपाका सह महासचिव नेजामुदिन समानी, समाजवादी पार्टीका केन्द्रिय सदस्य शशिकपुर मियाँ, नेपाली कांग्रेस पर्साका सचिव श्याम पटेल, महासमिती सदस्य प्रकाश उपाध्याय, नेपाल पत्रकार महासंघ प्रदेश २ का अध्यक्ष दिपेन्द्र चौहान, उपाध्यक्ष केशी लामिक्षाने लगायतको सहभागिता रहेको थियो ।

कार्यक्रमको संचालन फाउन्डेसन पर्साका सचिव सरोज चैरसियाले गरेका थिए भने स्वागत मन्तव्य संतोश सिंहले राखेका थिए ।

karyapatra prastut_kalikatimes

कार्यक्रममा १० बर्षे सशस्त्र जनयुद्ध र विस्तृत शान्ति सम्झौतालाई समेटेर तयार पारिएको कार्यपत्र पत्रकार रितेश त्रिपाठी र कंचन झाले प्रस्तुत गरेका थिए ।

कार्यक्रममा सहिद परिवारका ४ जनालाई सम्मानित समेत गरिएको थियो । पर्साका सहिद परिवारका श्रृष्ठी भण्डारी, मैयाँ गिरी, गिता कुँवर र हरेराम दासलाई कार्यक्रमका प्रमुख अतिथी र विशेष अतिथीहरुले फुलको माला लगाई र दोसाला ओढाई मायाँको चिनोले सम्मान गरेका थिए ।

‘यो हावा किन चल्छ’ सार्वजनिक

0
richa-yash_kalikatimes

प्रेमकथामा बनेको चलचित्र ‘लभ यू हमेशा’मा समावेश ‘यो हावा किन चल्छ’ बोलको गीत सार्वजनिक भएको छ । मंसिर १३ गतेबाट रिलिज हुन लागेको यो चलचित्रको गीतको भिडियोमा नायक यशराज र कलाकार ऋचा थापालाई फिचरिङ गरिएको छ ।

भाष्कर प्रधानको लेखन तथा निर्देशनमा तयार भएको यो चलचित्रलाई यवन गुरुङले निर्माण गरेका हुन् । गीतमा सुधिर राई र मेलिना राइको स्वर, भासुको शब्द तथा संगीत छ । फिलिपिन्सको समुन्द्रमा यो भिडियो खिचिएको छ । रामजी लामिछानेले भिडियोको कोरियोग्राफी गरेका हुन् ।

यो चलचित्रको प्रदर्शन कात्तिक १५ गतेबाट दार्जिलिङ, सिलगुढी लगायतका स्थानमा भैरहेको छ । शिब ढकालको छायांकन रहेको चलचित्रमा गोपाल ढकाल, शिशिर राणा, करुणा श्रेष्ठ, निराजन मेहता, पिटी योल्मा, सल्देन तामाङ लगायतका कलाकारको अभिनय छ ।

https://www.youtube.com/watch?v=Kog0YNvtg-8

गुटगत र लेनदेनको आधारमा मन्त्रीपरिषद पुनर्गठन : प्रभु साह

0
prabhu sah_kalikatimes

वीरगंज । नेकपाका नेता तथा पूर्वमन्त्री प्रभु साहले सरकार पुनर्गठनप्रति असन्तुष्टि जनाउँदै यसबाट आफू लज्जित भएको प्रतिक्रिया दिएका छन् ।

मन्त्रीका आकांक्षीसमेत रहेका साहले कार्यसम्पादनको आधारमा मन्त्रिपरिषद् पुनर्गठन गर्नुपर्ने भए पनि गुटगत पूर्वाग्रह र लेनदेनको आधारमा गरिएको आरोप लगाएका छन् । योग्यहरूलाई हटाएर अयोग्यलाई मन्त्री बनाइएको साहको दाबी छ ।

कार्यसम्पादनको आधारमा मन्त्रिपरिषद् पुनर्गठन गर्ने भनिए पनि अन्ततः गुटगत पूर्वाग्रह र लेनदेनकै आधारमा गरेको देखियो’, साहले फेसबुकमा लेखेका छन्, ‘मन्त्री हटाउँदा वा राख्दा सामान्य कम्युनिस्ट मूल्य मान्यता पनि लागू भएको देखिएन ।’

मन्त्रिपरिषद् पुनर्गठनमा सामान्य कम्युनिष्ट मूल्य मान्यतासमेत अवलम्बन नगरिएको भन्दै यसबाट आफू लज्जित भएको उनले बताएका छन् । ‘योग्यहरूलाई हटाउने र अयोग्यलाई मन्त्री बनाउने नेतृत्वको यस्तो महान कार्यले हामी फेरि एकचोटी लञ्जित भएका छौं’, उनले लेखेका छन् ।

https://www.facebook.com/507214612942990/posts/1065681693762943/?app=fbl