बलिउडमा नायक र नायिकाको उमेर अन्तरको चर्चा सधै नै हुने गर्दछ । आफू भन्दा आधा उमेर कान्छी नायिकासँग बलिउडमा नाम चलेका नायकहरुले रोमान्स गरिरहेका छन् । तर, नायिकाको हकमा भने यो लागू भएको छैन ।
नायिका सोनाक्षी सिन्हाले नायक अक्षय कुमार, सलमान खान जस्ता नायकसँग रोमान्स गरेकी छिन्, जो उनी भन्दा आधा उमेरले नै पाका छन् । सोनाक्षी भन्छिन्–‘के माधुरी दिक्षितले इशान खट्टरसँग रोमान्स गरेको सुहाउला त ? यो पक्कै पनि हेर्दा नमिलेको देखिन्छ ।’
तर, नायक सलमान खानले २१ बर्षकी नायिकासँग रोमान्स गर्दा किन नमिलेको जस्तो देखिदैन त भन्ने भारतीय मिडियाको प्रश्नमा सोनाक्षी भन्छिन्–‘सलमान के खान्छन् र उनी सधै नै यूवा जस्तो कसरी देखिन्छन् भन्ने बिषयमा सलमानलाई नै सोध्दा राम्रो हुन्छ । तर, म उमेर अन्तरको बिषयमा सोच्दिनँ । यो मेरो काम हो र यसलाई मैले राम्रोसँग निर्वाहा गर्नुपर्छ ।’
किन, नायिकालाई पाको उमेरको भएपछि यूवा नायकसँग रोमान्स गरेको दर्शकले स्विकार गर्न सकिरहेका छैनन् भन्ने प्रश्नमा उनी भन्छिन्–‘म ५० वर्षकी भएपछि २२ बर्षका नायकसँग रोमान्स गर्न पक्कै पनि असहज महशुश गर्छु ।’
सोनाक्षी अभिनित चलचित्र ‘दबंग ३’ डिसेम्बर २० बाट रिलिज हुँदैछ । जहाँ, उनले नायक सलमान खानसँग रोमान्स गरेका छन् ।
वीरगंज ड्राइपाेट अगाडीकाे मुख्य सडक अवरुद्ध गरी स्थािनयहरु प्रदर्शन गर्दैै । तस्बिर : कालिका टाईम्स
वीरगंज । वीरगंज महानगरपालिकाकाे वडा नं. २५ श्रीसियाको सुक्खा बन्दरगाह र एकीकृत जाँचचौकीबीचको रोक्का राखिएको जग्गा फुकुवाकाे मांग गर्दै आज बाटाे अवरुद्ध गरी टायर बालेर प्रदर्शन भएकाे छ ।
सुक्खा बन्दरगाह अगाडी वीरगंज-पाेखरिया सडक अवरुद्ध गरी स्थानियहरुले विहान ११:३० देखी १:३० सम्म टायर बालेर प्रदर्शन गरेका छन् । बन्दरगाह र एकीकृत जाँचचौकीबीचको राेक्का राखिएकाे ६२ बिघा जग्गाको फुकुवा गर्नु पर्ने अथवा उचित मुआवजा दिनु पर्ने माग राख्दै स्थानिय जग्गा धनीले प्रदर्शन गरेका हुन् ।
वीरगंज ड्राइपाेर्ट बस्ती अतिक्रमण विरुद्धकाे संघर्ष समितिकाे आयाेजनामा भएकाे प्रदर्शनका कारण लामाे तथा सानाे दुरीकाे चल्ने सम्पूर्ण सवारी साधनहरु २ घण्टा सम्म अवरुद्ध भएकाे थियाे ।
बाटाे अरुद्ध भए पछि लामवद्ध भएका ट्रक र बाटाे खुल्ने प्रतिक्षामा ट्रकका चालक । तस्बिर : कालिका टाईम्स
सो क्षेत्रको प्रति कट्ठा जग्गाको न्यूनतम २४ लाख देखि अधिकतम ६७ लाख रुपैयाँ सम्म मुआवजा दिने निर्णय सार्वजनिक भए पछि संघर्ष समितिले थप आन्दाेलनकाे कार्यक्रम घाेषण गर्दै बाटाे नै अवरुद्ध गरी प्रदर्शनमा उत्रेकाे हाे । राेक्का राखिएकाे जग्गा प्रति धुर ५ लाख देखी १५ लाख सम्म बिक्री हुने गरे ता पनि प्रति कठ्ठा २४ लाख देखी ६७ लाख सम्म मुअबजा दने निर्णय आफुहरुलाई मान्य नभएकाे संघर्ष समितिका संयाेजक अमिका प्रसाद पटेलले वताए । उनले भने हामी पहिला देखी नै राेक्का राखिएकाे जग्गा फुकुवाकाे मांग राख्दै आन्दाेलन गर्दै आएका थिए तर एकासी हामीलाई थाहे नदिकन मुअबजा निर्धारण गरिएकाे संचार माध्यमबाट थाह पाए पछि हामी एकासी बसी थप आन्दाेलनकाे कार्यक्रम घाेषण गरेका छाैं, उचित मुआवजाकाे निकास वा पुनर्वासको व्यवस्था नभए सम्म हाम्राे आन्दाेलन जारी रहनेछ ।
भाेली शुक्रबार फेरी ११ बजे देखी २ बजे सम्म सडक अवराेध गर्ने संघर्ष समितिकाे आन्दाेलनकाे कार्यक्रम रहेकाे छ । राेक्का राखिएकाे जग्गामा २ सय ९७ वटा घरहरु पनि रहेकाे संघर्ष समितिले जनाएकाे छ । साे जग्गामा बन्दरगाह बिस्तार गर्ने नेपाल सरकारकाे याेजना रहेकाे छ।
तीन वर्षदेखि राेका राखिएकाे जग्गा फुकुवा तथा मुआवजा वितरण हुन नसक्दा गाउँलेहरूले घरजग्गाको कारोबार तथा वित्तीय कारोबारसमेत गर्न पाएका छैनन् ।
वीरगञ्ज । नेपाल नर्सिंग संघ (नान) पर्साद्वारा आयोजित प्रशंसनिय खोज तथा पेशागत संचारको सिप सम्बन्धी ३ दिने तालिम आज सम्पन्न भएको छ ।
नर्सिंग कर्मचारीको लागि शसक्तीकरण तथा स्वास्थ्य संस्थाको बिकासको बारेमा नर्सहरुलाई जानकारी गराउने तथा सेवा प्रति हौसला प्रदान गर्ने अभिप्रायले तालिमको आयोजना गरीएको नारायण्ी अस्पताल वीरगञ्जकी निमित्त मेट्रोन श्रुति साहले बताउनुभयो ।
नान पर्साकी निमित्त अध्यक्ष हेमा थापाको सभापतित्वमा भएको तालिममा ८० जना बिभिन्न स्वास्थ्य संस्थाहरुसँग आबद्ध नर्सहरुको सहभागिता रहेको थियो । नारायणी अस्पतालको सभाहलमा भएको तालिमको समापन समारोहलाई सम्बोधन गर्दै नारायणी अस्पतालका निमित्त मेडिकल सुपरिटेन्डेन्टन डा. अतुलेश कुमार चौरासियाले नर्सहरु अस्पतालका मेरुदण्ड भएकोले नर्सहरुबिनाको स्वास्थ्य सेवाको कल्पना गर्न नसकिने धारणा राख्नुभयो ।
३ दिन सम्म चलेको तालिममा डा. रामचन्द्र लामीछाने र बिपि कोइराला स्वास्थ्य बिज्ञान प्रतिष्ठान धरानकी प्राध्यापक डा. तारा थापाले सहभागिहरुलाई नर्सको जिम्मेवारी, स्वास्थ्य संस्थाप्रतिको उत्तरदायित्व, कामप्रति इमान्दारीता लगायका बिषयमा प्रशिक्षण दिनूभएको थियो ।
तलिममा नेशनल मेडिकल कलेज वीरगंजकी नर्सिंग डाइरेक्टर गंगा गुरुंग, वीरगंज नर्सिंग क्याम्पसकी क्याम्पस प्रमुख सुर्या कोइराला लगायतको उपस्थिती रहेको थियो । कार्यक्रमको सहजिकरण वीरगंज नर्सिगं क्याम्पसकी उपप्राध्यापक जमुना भट्टराईले गर्नुभएको थियो ।
वीरगंज । आधी रातमा घरमा पसी हुलहुजत गर्ने माथी प्रहीले कारवाही नगरेकाे भन्दै आज पिडित महिलाले पत्रकार सम्मेलन गरेकी छन् ।
मंसिर ११ गते बुधबारका दिन राती १२ बजे जगरनथपुर गाउँपालिका वडा नं. ४ निवासी अति करिम मियाँले साेही गापाकाे वडा नं. १ पिपरडारी टाेलकाे एक महिलाकाे घरमा प्रबेश गरेका थिए । गलत नियतले प्रबेश गर्ने मियाँलाई गाउँलेहरु पक्राउ गरी प्रहीलाई बुझाए पनि त्यसकाे भाेलि पल्ट नै प्रहरीले विना कारवाही छाेडेकाे भन्दै पिडित महिलाले पत्रकार सम्मेलन गरेकी हुन् ।
नेपाल पत्रकार महासंघ पर्सकाे भवनमा पत्रकार सम्मेलन गर्दै पिडित महिला जगरनाथपुर गापा १ पिपरडारी निवासी रामरती देवी मलाहिनले आफुहरु प्रहरीमा उजरी दिए पनि आफुहरुलाई जानकारी नै नगरी इलाका प्रहरी कार्यालय सेढवाले मियाँलाई छाेडेकाे वताइन ।
आफुहरु घरमा खाना खाएर सुति रहेकाे बेला राती १२ बजे माेटरसाईकलले आएका मियाँले घर जनिक रहेकाे बारीमा माेटरसाईकल राखी पैदल आएर घरमा चाेर बाटाेलाे प्रबेश गरेकाे वताइन । घरमा प्रबेश गरी छाेरा र बुहारी सुति रहेकाे काेठाकाे ढाेका बजाउन थाले पछि आफुहरु उठेर तिमी काे हाै ?, कहाँ आए छाै भनेर साेध्दा उल्टै हामी माथी जाईलागेका सुनाईन ।
त्यस पछि हल्ला गर्दै स्थानियहरुलाई गुहारे पछि पुगेका स्थानियहरुले मियाँलाई पक्राउ गरी प्रहरीलाई बुझाएकाे वताइन । मियाँ गाउँपालिका अध्यक्षा जालिम मियाँको गाडीको चालक हुन् ।
उनले गाउँपालिका अध्यक्ष मियाँ कै दबावमा प्रहरीले उनलाई छाेडेको आराेप समेत लगाईन । उनी संगै स्थानिय महिला जयलसिया देवी, फुलमतियाँ देवी लगायतकाकाे पत्रकार सम्मेलनमा सहभागिता थियाे ।
वीरगंज । पर्साको पर्सागढि नगरपालिका वडा नं. ४ बार्वाछतैलीमा नि:शुल्क आँखा शिविर सम्पन्न भएको छ । वीरगंज महानगरकाे मेयर कल्याणकारी कोष अन्तर्गत मातृका फाउन्डेसनबाट संचालित नि:शुल्क अँखा शिबिर सम्पन्न भएको हो ।
श्री नेपाल राष्ट्रिय माध्यामिक विद्यालय बर्वाछतैलीमा भएकाे शिबीरमा ३ सय २९ जनाले आँखाको परिक्षण गराएको मेयरका राजनीतिक सलाहकार मुकेश द्विवेदिले वताउनुभयो । जस मध्ये १ सय ६० जनामा मोतिया बिन्द फेला परेको द्विबेदीले जानकारी गराउनु भयो ।
शिबिरमा मोतियाबिन्द फेला परेकाहरुको शल्यक्रिया मंसिर २८ गते बिरगंजमा माटृका आई फाउन्डेसनमा र तिलगंगा आँखा अस्पतालबाट आएको डाक्टरको टोलिबाट गरिने मेयरको निजि सचिवालयले जनाएको छ ।
शिबिरकाे उदघाटन नगर प्रमुख बिजय सरावगीले गर्नु भएको थियो । समाजवादी पार्टीका नगर अध्यक्ष खुर्सेद आलमकाे अध्यक्षतामा भएकाे शिबिरमा समाजवादी पार्टीका केन्द्रीय सदस्य शसिकपुर मियाँ, बृजमाेहन चाैधरी, जिल्ला अध्यक्ष रामनरेश यादव, मेयरका राजनितिक सलाहकार मुकेश द्विवेदी, पिन्टु उपाध्याय, ओसिर हवारी लगायतकाको सहभागिता रहेको थियो ।
वीरगंज । पर्साकाे सखुवा प्रसाैनी गाउँपालिका वडा नं. ५ महुवनमा अन्तर्राष्ट्रिय अपाङ्ग दिवसको अवसरमा अपाङ्ग विद्यार्थीहरुलाई शैक्षिक सामग्री वितरण गरिएकाे छ ।
दिव्यनि बाल अधिकार मंच सखुवा प्रसाैनी गापा वडा नं. ६ लखनपुरकाे आयाेजनामा मंगलबार एक कार्यक्रमका बिच श्री नेपाल राष्ट्रिय माध्यमिक विद्यालय महुवनका अपाङ्ग विद्यार्थीलाई शैक्षिक सामग्री वितरण गरिएकाे हाे ।
मंचका अध्यक्ष अर्जुन साह तेलीकाे अध्यक्षता र वडाध्यक्ष रुपलाल कुमार यादवकाे प्रमुख आतिथ्यतामा भएकाे कार्यक्रममा स्वास्थ्थ चाैकी महुवनका व्यवस्थापन समिति अध्यक्ष शिव साह, शिक्षक गणपत पण्डित, राकेश साह, उमेश राैनियार लगायतकाले मन्तव्य राखेका थिए ।
बारा । गढीमाई मेलाबाट श्रद्धालु लिएर फर्किदै गरेको पिकप दुर्घटना हुँदा महोत्तरीको बर्दिबासमा दुईजनाको ज्यान गएको छ । घाइते दुवैजनाको शुभ स्वस्तिक हस्पिटल बर्दिबासमा उपचारका क्रममा ज्यान गएको प्रहरीले जनाएको छ । दुर्घटनामा १४ जना घाइते भएका छन् । चारजनाको अवस्था गम्भीर छ।
धनुषाको धनुषाधाम नगरपालिका-३ का ८० वर्षीय सुन्ताला देवी साह र भारतको बिहार जयनगर चितैयाकी ६५ वर्षीया बरतीया देवी महतोको ज्यान गएको इलाका प्रहरी कार्यालय बर्दिबासका डीएसपी निशान थापाले जनाए ।पूर्व-पश्चिम राजमार्गस्थित बर्दिबास-५ को जंगल क्षेत्रमा बुधबार बिहान पाँच बजेतिर दुर्घटना भएको हो ।
विपरित दिशाबाट आइरहेको ट्रकलाई साइड दिने क्रममा ना ५ च १२२७ पिकप दुर्घटनामा भएको हो । ‘ट्रकलाई पिकले साइड दियो, तर ट्रकले हेडलाइट ड्रिम गरेन, ‘दुर्घटनका घाइते विनिता सिंहले भनिन्, ‘बत्तीको लाइटले पिकप चालकले बाटो देख्न सकेन, त्यसपछि गाडी सडक छेउमा गएर पल्टियो ।’
चारजना गम्भीर घाइतेलाई बर्दिबासबाट थप उपचारको लागि धरान पठाएको छ । अन्य घाइतेको उपचार शुभ स्वस्तिक हस्पिटलमा भइरहेको छ। धनुषाधाम नगरपालिका ३ का पिकप चालक दुर्योधन महतोलाई प्रहरीले नियन्त्रणमा लिएको छ ।
êवीरगंज । बिश्व आपाङ दिवसको अवसरमा आज एक कार्यक्रमकाे बिच आशा किरण केन्द्र बिरगंजका सुष्तमन्स्थिती बच्चाहरुका लागि शैक्षिक तथा खाद्य सामग्री हस्तान्त्रण गरिएकाे छ ।
लियाे क्लब अफ वीरगंजद्वारा शैक्षिक सामाग्री र बिस्कुट, चाउचाउ तथा इत्यादि सामाग्रीहरु हस्तान्तरण गरिएकाे छ । एक कार्यक्रमका बिच लियाे क्लब अफ वीरगंजका अध्यक्ष भगवती सिग्देलले आशा किरण केन्द्रका सचिव राजन श्रीवास्तवलाई सामाग्री हस्तान्तरण गरेका थिए ।
सामाग्री हस्तान्तरण कार्यक्रममा मानव सेवा आश्रमका संयोजक देबेस गुप्ता, लियाे क्लबका सरिता खडकी, रिशभ अग्रवाल, समाजसेवी सन्जय अग्रवाल, लक्षमण थापा, दिब्या गिरि, सिन्धु कुशवाहा, बालबालिकाका परिवार लगायतको उपस्थिति रहेको थियो भने समन्वय आशा किरण केन्द्रमा महासचिव ममता राजकर्निकारले गरेका थिए ।
काठमाडौं । गृहमन्त्रालयले ५ जिल्लाको प्रमुख जिल्ला अधिकारी हेरफेर गरेको छ । मंगलबार मन्त्रीस्तरीय निर्णयबाट ५ जिल्लाको प्रमुख जिल्ला अधिकारी (सीडीओ) हेरफेर गरेको छ ।
गृहमन्त्रालयका अनुसार पर्साका सीडीओ नारायणप्रसाद भट्टराई चितवन र चितवनका सीडीओ जितेन्द्र बस्नेत पर्सा सरुवा भएका छन् ।
भक्तपुरका सीडीओ नारायणप्रसाद भट्ट मकवानपुर सरुवा भएका छन् भने गृह मन्त्रालयककी सहसचिव हुमकला पाण्डे भक्तपुरको सीडीओमा सरुवा भएकी छन् ।
लमजुङका सीडीओ डा. डिजन भट्टराई अध्यागमन विभागमा र अध्यागमन विभागका लक्ष्मणबहादुर खड्का लमजुङको सीडीओमा सरुवा भएका छन् ।
गढीमाई मेला हेर्न आएकाे दर्शनार्थीहरुकाे घुइँचाे । तस्बिर : प्रणय साह
वीरगंज । बाराको गढीमाई मेलामा मंगलबारबाट पशुबली दिन सुरु गरिएको छ । सोमबार अबेर रातिबाट सुरु गरिएको मुख्य पूजा सम्पन्न भएपछि मंगलबार बिहान पञ्चबली दिइएको हो । त्यसपछि मेलामा दर्शनार्थीले पशुबली दिन सुरु गरेका हुन् ।
पञ्चबलीमा बोका, पाठो, परेवा, मुसा र पाडा बली पर्छ । मन्दिरका मूल पुजारी थारु समुदायका छन् । ११ औं पुस्ताका रुपमा शिव चौधरी मूल पुजारीको रुपमा छन् । मूल पुजारीको घरमा पुजा सकिएपछि सोमबार रातिबाट ब्रम्हस्थानमा पूजा सुरु गरिएको थियो । त्यहाँ पूजा सकिएपछि माईको मन्दिर अगाडी रहेको पुरानो त्रिशुल हटाएर नयाँ फेरिएको थियो ।
त्यसपछि फर्केर आई ब्रम्हस्थानमै मंगलबार बिहान पञ्चबली दिइएको थियो । गढीमाईलाई हाँस, कुखुरा, सुँगुर लगायत अन्य विभिन्न समेत पशुबली दिइन्छ । पशुबली अघि नरबली दिने चलन छ । चौधरी समुदायका धामीले जिब्रो, आँखा मुनि, छाती, पाखुरा र तिघ्राबाट पाँच थोपा रगत झिकेर चढाउँछन् ।
मंसिर १ गतेदेखि सुरु भएको मेलामा मंगलबार र बुधबार दुई दिन पशुबली दिने कार्यक्रम राखिएकाे छ । मेलामा मंगलबार राँगा र बुधवार बोका, हाँस र कुखुराको पशुबली दिने भनिएपनि दर्शनार्थीहरुले आ–आफ्नो ढंगले बली दिन सुरु गरिसकेका छन् । पसाहा खोलादेखि गढीमाई मन्दिरसम्म नदी किनार तथा खेतमा दर्शनार्थीहरुले पशुबली दिन थालिसकेका छन् ।
गढीमाई मन्दिर बाराको महागढीमाई नगरपालिका अन्तर्गत बरियारपुर गाउँमा पर्छ । तराईमधेस क्षेत्रको विश्व प्रसिद्ध शक्तिपीठ हो । बारा जिल्लाको सदरमुकाम कलैया नगरपालिकाबाट झण्डै आठ किलोमिटर पूर्व बरियारपुरस्थित गढीमाईको मेला हरेक पाँच–पाँच वर्षमा मंसिर शुक्ल सप्तमीदेखि आरम्भ हुन्छ ।
गढीमाई मेलामा मंगलबार विहान रंगकाे बलि दिए पछि । तस्बिर : प्रणय साह
मेलामा लाखौंको संख्यामा दर्शनार्थीको भिड देखिएको छ । मंगलबार र बुधबार मुख्य पूजाको दिन भएकाले भिड अझै बढ्ने मुल पुजा समितिले जनाएको छ । बरियारपुरदेखि कलैयासम्म गढीमाई जाने आउने भक्तजनको घुँईचो छ । गढीमाई मेला नेपालका विभिन्न स्थानबाट मात्रै नभएर भारतबाट समेत उल्लेख्य संख्यामा भक्तजन आउने गरेका छन् ।
सीमावर्ती सहर रक्सौल, आदापुर, घोडासहन लगायत विहार राज्यका विभिन्न स्थानबाट भक्तजन मेलामा आएका छन् सोमबारसम्म २० लाख भन्दा बढी भक्तजनले मेला भरिसकेको र मंगलबार र बुधबार गणना गर्नै नसकिने गरि भक्तजन आएको मेला व्यवस्थापन समितिको भनाइ छ ।
गढीमाई मेला पशु बली दिनरे मान्छे तेलवारकाे साथमा । तस्बिर : प्रणय साह
पैदलै मन्दिर सवारी सवारीसाधन मेला स्थलसम्म पुग्न नसक्ने भएपछि दर्शनार्थीहरु पैदल नै मेला भर्न पुगेका छन् । सोमबार बेलुकीदेखि कलैयाबाटै सवारीको जाम लागेपछि सर्वसाधरण हिँडेरै मन्दिर स्थल पुगेका थिए । सर्वसाधरणले लिएर गएका मोटरसाइकल, जिप, कार, बस, ट्रक, मिनी बस, तथा ट्रयाक्टर मेला स्थल भन्दा २/३ किलोमिटर वरै खेत र सडक किनारमा रोकेर राखिएका छन् ।
सुरुमा शःशुल्क पार्किङको प्रबन्ध गर्ने तयारी गरिएपनि त्यसलाई हटाइएको छ । बरियारपुरको खुल्ला चउरमा राखिएको त्रिशूलबाट मानिसका शूल रूपी तीन ताप आध्यात्मिक, आदिर्देविक र आदिभौक्तिक नाश हुन्छन् भन्ने जनविश्वास छ । त्रिशूल स्थापना भएको दक्षिणतिर हाल देवीको मूर्तिसहित मन्दिर छ ।
पशु बली दिए पछि लग्दै भक्त्तजन । तस्बिर : प्रणय साह