Date
सोम, मंसिर ७, २०८३
Mon, November 23, 2026
Home Blog Page 1063

अन्जुको नेपाली गीत कोहिनूर हिरा बजारमा

0
anju yadav_kalikatimes

राजविराज । मिथिला क्षेत्रकी प्रसिद्ध गायिका अन्जु यादव तथा गायक गङ्गे विकको ‘कोहिनूर हिरा हौ कि पूर्णिमाको जुन, चाहन्छु म जुनीजुनी प्रियसीकै हुन’ बोलको नेपाली म्युजिक भिडियो सार्वजनिक भएको छ ।

उक्त्त म्युजिक भिडियो आरके फिल्म्स् ईन्टरटेन्मेन्ट नामक युट्युब च्यानलबाट सार्वजनिक गरिएको हो । सागरवीर कडारीले लेखेको गीतलाई शिला देवी निर्देशन गरेकी छन् भने सङ्गीत शैलेन्द्र विश्वकर्माको रहेको छ । सन्दीप लोहराको नृत्य निर्देशनमा राजिव साह र पूजा ठाकुरले मोडलिङ्ग गरेका छन् ।

सुरेन्द्र कुजुरले छायाङ्कन गरेको म्युजिक भिडियोमा ड्रन छायाङ्कन राजु श्रोफ, मेकअप मोहन कुमारले गरेका छन । म्युजिक भिडियो अरु भन्दा फरक र समय सान्दर्भिक रहेकाले सबैले मन पराउनेमा आफूहरु आशावादी रहेको निर्माण पक्षको  दाबी छ ।

पर्सा प्रहरीको कारवाही : न्याय माग्न जाँदा २८ दिन थुना

0

वीरगन्ज  । प्रहरी कहाँ न्याय माग्न पुगेकी बाराको जितपुर सिमरा उपमहानगरपालिका वडा नम्बर ७ नसिमटोलकी ३५ बर्षिय रिजवाना खातुन २८ दिन प्रहरी थुनामा बस्नु परेको घटना सार्वजनिक भएको छ । पर्सा प्रहरीले ठगि मुद्दामा झुठो आरोप लगाएर खातुनलाई २८ दिन थुनामा राखेको हो ।

खातुनकी सव परिवार शुक्रबार पत्रकार सम्मेलनको आयोजना गरी प्रहरीले गरेको अत्याचार बारे खुलासा गर्दै न्याय माग्दा पैसा र पहुँचको बलमा बारा र पर्सा प्रहरीका प्रहरी अधिकृतले नै प्रताडित गरी २८ थुनामा राख्न लगाएको आरोप लगाएका हुन । छिमेकी अहमद देवानले माँग गरेको ५० हजार रुपैया सापटी नदिएपछि विभिन्न बहाना लगाएर घरमा पसेर निर्घात कुटपिट गरेका थिए ।

यही भदौ ४ गते देवान सहित उनका परिवार सहित १० जनाको समूहले एक्कासी मेरो घरमा आक्रमण गरेका थिए, पत्रकार सम्मेलनमा पिडित खातुनले भनिन् २२ बर्षिय बहिनी घरमा बसीरहेको अवस्थामा एकासी आक्रमण गरी निर्घात कुटपिट गरीरहेका थिए । बचाउँन जाँदा मलाई र मेरो १५ बर्षिय भाई मुमताज अंसारीलाई समेत निर्घात कुटिपट गरेका थिए ।

उनीहरुको कुटाईबाट बहिनी मुन्नी खातुन बेहोस भएकी थिईन । गम्भिर घाईते भएकी बहिनी मुन्नीलाई वीरगन्जको नारायणी अस्पतालमा दुईदिन सम्म भर्ना गरी उपचार गराउँदा सघन उपचार हुन नसकेपछि वीरगन्जकै नेशनल मेडिकल कलेजमा भर्ना गराएका थिए ।

त्यहाँपनि १० दिन भर्ना गरेर उपचार गराउँदा उपचार हुन नसकेपछि थप उपचारको लागि मेडिकल कलेजले काठमाण्डौ रेफर गरेको थियो । काठमाण्डौको बल्खुमा रहेको राजधानी अस्पतालमा १५ दिन राखेर संघन उपचार गराउँदा समेत अहिले पनि उनको स्वास्थ्य अवस्थामा पूर्ण सुधार आएको छैन उनले बताईन् ।

घटनामा संलग्न देवान सहित उनका श्रीमती गुलसन देवान, छोराहरु प्रवेज, राजु, गोरका देवान र उनीसंगै कुटपिटमा संलग्न स्थानिय जाकिर हुसैन, औरन्जेब अंसारी, रियावुल, रियाजुल र शेष रहमान विरुद्ध ज्यानमार्ने मुद्दा ईलाका प्रहरी कार्यालय सिमरा बारामा दिएको बताइन् ।

देवान राजपा पार्टीबाट आबद्ध छन । उनको पहुँच ठूला बडा सम्म छ । पैसाको बलमा खातुनले दिएको उजुरी प्रहरीले दर्ता गर्न मानेन् उल्टै घटनालाई मिलापत्र गर्न प्रहरी कार्यालयका प्रहरी नायब उपरीक्षक गोविन्द पुरीले दबाब दिई रहे । जबरजस्ती पिडितकै घरमा गएर उनका आमा सहितका व्यक्तिलाई पक्राउ गरेर घटना मिलापत्र गराउँन खोजेको पिडितहरुको आरोप छ ।

घटनामा संलग्न दोषीलाई कारवाही गर्न कुटपिट गर्ने र घरमा लुटपाट समेत गरेको प्रमाणसहितको भिडियो उपलब्ध गराउँदा प्रहरीले उल्टै धाकधम्की देखाउँदा मिलापत्र गर्न दबाब दिएको पिडितले बताए ।

प्रहरी कार्यालय सिमराले मुद्दा दर्ता गर्न नमानेपछि उच्च अदालत जनकपुर अस्थायी ईजलास वीरगन्जबाट कारण देखाउँ परमादेश जारी समेत गराउँनु परेको थियो । सिमरा प्रहरी कार्यालयमा कात्र्तिक ८ पुग्दा प्रहरी नायब उपरिक्षक पुरीले उल्टै आफूलाई नियन्त्रणमा लिई जिल्ला प्रहरी कार्यालय पर्साको जिम्मा लगाएको थियो ।

जिल्ला प्रहरी कार्यालय पर्सामा पिडक देवानकी बहिनी वीरगन्ज महानगरपालिका वडा नम्बर ३१ वेल्वाकी गुलवानी खातुनले दिएको ठगि मुद्दामा रिजवाना खातुनलाई नियन्त्रणमा थिएको थियो । गुलवानीले ४ लाख ८० हजार रुपैया दिएको दावी सहित ठगि मुद्दा दर्ता गराएका थिए तर उनले दिएको निवेदनमा रकम लेनदेनको कुनै प्रमाण छैन ।

जिल्ला अदालत पर्साको पछाडी चिया पसल थापेका कृष्ण प्रसाद लम्साललाई १ लाख रुपैयाको प्रलोभन देखाएर साक्षी बनाएर उनकै बयानको आधारमा प्रहरीले ठगि मुद्दा दर्ता गरेको उनको आरोप छ । उनले भनिन् जिल्ला अदालतमा ५ लाख धरौती राखेर आफू तारेखमा छुटेका छु ।

पर्साका प्रहरी उपरिक्षक सोमेन्द्र सिंह राठौर, मुद्दा शाखाका प्रहरी निरिक्षक असरफ अली, सिमरा प्रहरी कार्यालयका प्रहरी नायब उपरिक्षक गोविन्द पुरीलाई मोटो रकम घुस दिएर प्रायोजित घटना बनाएर मुद्दा दबाउँनको लागि आफू माथि ठगिको झुठो आरोप लगाएर मुद्दा गरी २८ दिन थुनामा राख्न लगाएको पिडित खातुनले बताईन ।

पत्रकार सम्मेलनमा खातुनले भनिन् म कसैसंग कुनै रकम लेनदेन गरेको छैन, यदी गरेको छु भने प्रहरीले किन प्रमाण देखाएको छैन ? ठगि गरेको दावी गर्ने गुलवानी खातुनसंग आफनो कुनै सम्बन्ध वा चिनजान समेत छैन, यदी प्रहरी दावी गरीरहेको छ भने, मेरो कल डिटेल समेत चेकजाँच गर्दा कुनै प्रमाण किन फेला परेन ?

आफू ठगिएको भन्ने खातुनले खुश्बु नेशाको नामले उजुरी दर्ता गराएपनि प्रहरीले कुन आधारमा आफूलाई पक्राउ गरेको थियो ? उनले पत्रकार सम्मेलनमा आफनो नागरिकता समेत सार्वजनिक गर्दै मेरो नाम रिजवाना खातुन नागरिकतामा स्पष्ट लेखिएको छ तर प्रहरीले कुनै सुनवाई गरेन उल्टै थुनामा राखेर प्रताडित गर्ने काम ग¥यो ।

अन्यायमा परेको व्यक्ति न्याय माग्न प्रहरी कार्यालयमा पुग्छ तर त्यहाँका प्रहरीहरु नै पैसामा बिक्न थाल्यो भने, हामी कहाँ न्याय माग्न जान्छौ पर्सा प्रहरीको आफूले के विगारेका छौ किन आफूमाथि अन्याय र अत्याचार गरेका हुन प्रश्न गर्दै आफूलाई न्याय दिलाई दिन पत्रकार समक्ष गुहार गरेका छन ।

वीरगन्जमा ब्रेन टियुमरको सफल सलक्रिया

0

वीरगन्ज । वीरगन्ज १४ बहुअरी गण्डक स्थित रहेको वीरगंज हेल्थ केयर अस्पतालले ब्रेन टियुमरको सलक्रिया गर्न सफल भएको छ । ब्रेन टियुमर रोगले ग्रसित पर्साको जिराभवानी गाउँपालिका वडा नम्बर ३ नवका टोलाका २१ बर्षिय किशोरी ईन्दु कुमारी महतोको अस्पतालले सलक्रिया सफल भएको हो ।

विगत कयौं महिनादेखि टाउँकोको दुखाईको समस्या आएको थियो, ईन्दुका पिता रामा महतो थारुले भने, टाउँको दुखनुका साथै पेटमा अपच हुन्थ्यो, कुनैपनि खानेकुरा खादाँ लगतै बान्ता आईहाल्ने जस्ता समस्या देखिएपछि उपचारको लागि हेल्थ केयर अस्पतालमा मंसिर ६ गते भर्ना गराएका थिए ।

अस्पतालका न्यूरो सर्जन डा. फिरोज अफजलले ब्रेन सर्जरी गरेर टियुमर निकालेका थिए । महताले भने, डा. अफजल सहितको चिकित्सकको टोलीले गरेको योगदान हाम्रो लागि बर्दानको रुपमा छ, जसले गर्दा मेरो छोरीको स्वास्थ्य अवस्थामा धेरै सुधार आएको छ र अहिले सहज रुपमा बोल्न खान पनि सकिरहेकी छिन ।

अस्पतालले शुक्रबार गरेको पत्रकार सम्मेलनमा महतोले भने, हाम्रो परिवार सम्पन्न छैन, वीरगन्ज बाहेक अन्त्य उपचार गराउँन पनि असक्षम छौ, तर हेल्थ केयरमा १ लाख रुपैयाको खर्चमै सम्पूर्ण उपचार सम्पन्न भएको छ, अन्त्य तीन देखि चार लाख रुपैया उपचारमा खर्च हुन्थ्यो ।

पत्रकार सम्मेलनमा न्यूरो सर्जन डा. फिरोजले प्रदेश नम्बर २ लाई नै मध्यनजर गरी यो अस्पतालमा ब्रेन टियुमरको सर्जरी संचालनमा ल्याएको बताए । उनले भने, पर्सा जिल्लामा ठूला ठूला अस्पताल छन, तर कसैसंग सुविधा सम्पन्न उपकरणहरु छैन, ब्रेन टियुमर समस्या देखिएका विरामीहरुलाई वीरगन्ज भन्दा राजधानी अथवा भारतको महँगो अस्पतालमा उपचार गराउँन बाध्य हुन्थ्यो ।

पहिला ब्रेन टियुमरको सलक्रियाका लागी देशकै राजधानी, विदेश सम्म जानुपर्ने अवस्थाले ठूलो रकम खर्च हुने र उपचार समयमा न पाउँदा अकालमै मृत्यु हुने भएकाले सो विकल्पको रुपमा वीरगंज हेल्थ केयर अस्पतालमा ब्रेन टियुमरको सलक्रिया सुरु गरिएको चिकित्सक अफजलले बताए ।

ब्रेन टियुमर रोग एउटा क्यान्सर जस्तै प्राण घातक रोग हो, उनले भने, प्रत्येक १० हजार व्यक्ति मध्ये १ जनालाई हुन्छ । यो रोगको मुख्य लक्षण भनेको टाउँको दुखाई, टाउँको दुखाई हुने तलदेखि माथि सम्मको भाग सुनिने र कमजोर हुने, वान्ता हुने, पटक पटक वेहोस हुने हो । समयमै उपचार हुन नसके अकालमै ज्यान गुमिन्छ ।

उनले ब्रेन टियुमरको अप्रेशन गर्न ८० हजार र २० हजार जतिको औषधी मात्र लाग्छ तर यही रोग काठमाण्डौ वा देश बाहिर गराउँन गए ३ देखि ४ लाख सम्म खर्च हुने गरेको छ जसले गर्दा विपन्न वर्गका व्यक्तिले वा सम्पन्न व्यक्ति समेत समयमा उपचार लिन सकिदैन् ।

पत्रकार सम्मेलनमा हेल्थ केयरका प्रबन्धक अबुलेस अन्सारी, मेट्रोण भुमिका अधिकारी, स्वास्थ्य कर्मी जयमोद ठाकुर लगायत संचारकर्मीहरुको सहभागिता रहेको थियो ।

जनता आवास कार्यक्रमलाई प्रभावकारी बनाउन प्रदेश सांंसदकाे छलफल

0

वीरगंज । जनता आवास कार्यक्रमलाई थप प्रभावकारी बनाउन प्रदेश सभा सदस्यहरु सँग छलफल बैठक सम्पन्न भएको छ ।

सहरी विकास भवन डिभिजन कार्यालय पर्सामा आज बसेको बैठकले जनता आवास कार्यक्रम अन्र्तगत पर्सा जिल्लामा निर्माणाधिन घरहरुको काम तिब्र गतिमा अगाडि बढाउन कार्यक्रममा सहभागीहरुले जोड दिएका थिए । पर्सा जिल्लामा गरिब, बिपन्न, दलित वर्गहरुको घर निर्माण कार्य अधुरा रहेकोले त्यसलाई छिटोभन्दा छिटो तिब्र गतिमा अगाडि बढाउन निर्णय गरिएको हो ।

जनता आवास कार्यक्रम पर्साका संयोजक एवं प्रदेश सभा सदस्य रमेश प्रसाद कुर्मीको सभापतित्वमा बसेको बैठकमा प्रदेशसभा सदस्यहरु करिमा बेगम, मञ्जुर आलम, शंकर चौधरी, प्रहलाद गिरी, सिंगासन साह कलवार, रागिनी वर्णवाल, अंजु यादव, सहरी विकास भवन डिभिजन कार्यालय कार्यालय पर्साका अधिकृत सरोज गोईत लगायतको सहभागीता रहेको युवा नेता शेख फिरोजले जानकारी दिनु भयो ।

मेयर कल्याणकारी कोषकाे आँखा शिविर रघुनाथपुरमा सम्पन्न

0
aankha sibir sampan_kalikatimes

वीरगंज । पर्साकाे पर्सागढि नगरपालिका वडा नं. ७ रघुनाथपुरमा आज नि:शुल्क आँखा शिबिर सम्पन्न भएको छ । वीरगंज महानगरपालीका मेयर कल्याणकारी कोष र मातृका आइ फाउन्डेसनको सहयोगमा भएकाे अँखा शिबिर सम्पन्न भएकाे हाे ।

शिविरमा ३ सय ८१ जनाको OPD आँखा परिक्षण भएको मेयरका राजनितिक सलाहका मुकेश द्विवेदीले वताउनु भयाे । जस मध्ये एक ७० जनामा मोतियाबिन्द फेला परेकाे द्विवेदीले जानकारी गराउनु भयाे । मोतियाबिन्द निस्केको बिरामीहरुको मंसिर २९ गते मातृका आइ फाउन्डेसनमा फाउन्डेसनमा काठमाडौंका बरिस्ठ चिकित्सकहरुकाे टोलिद्वारा शल्यक्रिया गरिने समेत द्विवेदीले वताउनु भयाे ।

sibirma sahabhagi_kalikatimes

जयराजपुर स्कुलमा  भएकाे आँखा शिबीरकाे उदघाटन बिरगंज महानगरपालिका मेयर विजय कुमार सरावगीले गर्नु भएकाे थियाे । वडाध्यक्ष राजजी साह तेलीकाे अध्यक्षतामा भएकाे कार्यक्रममा समाजबादी पार्टी पर्साका अध्यक्ष रामनरेश यादव, मेयरका राजनीतिक सल्लाहकार मुकेश कुमार द्विवेदी, पर्सागढि समाजबादी पार्टीका नगर अध्यक्ष खुर्शेद आलम, नेता बृजमोहन चौधरी, जितेन्द्र मिश्र, धुरुब गिरि नरेन्द्र पतेल, बहुदरमाइ समाजबादी पार्टी नगर अध्यक्ष सिङघासन साह तेलि, नेता बिपिन यादव, नेता पिन्तु उपाध्याय, अजय साह, मतृका आइ फाउन्डेसनका डा. महेश सिंह धामी लगायतको उपस्थिति रहेको थियोे ।

यस्तै मंसिर २१ गते सनिवार वीरगंज महानगरपालिकाकाे वडा नं. २७ सुगौली बिर्ता स्कुलमा बिहान ८ बजे देखी नि:शुल्क आँखा शिविर संचालन हुनेछ ।

दीपिकाले साइन गरिन् करणको नयाँ फिल्म

0
deepika & karan_kalikatimes

निर्माता करण जोहरको चलचित्रमा काम गर्ने चाहना त बलिउडका अधिकांश कलाकारमा हुन्छ । तर, करणलाई भने परिवारवादमाथि विश्वास गर्ने गरेको आरोप लाग्दै आएको छ । नायिका दीपिका पादुकोण र निर्माता करण जोहरले चलचित्र ‘ए जवानी हे दिवानी’मा एकसाथ काम गरेका थिए । दीपिका र नायक रणवीर कपुर करणका मनपर्ने कलाकार हुन् ।

उनै, दीपिका र करण फेरि एकसाथ चलचित्रमा देखिने भएका छन् । भारतीय मिडियामा अनुसार, दीपिकाले करणले बनाउन लागेको नयाँ चलचित्रमा काम गर्ने पक्का भएको छ । यो चलचित्रलाई साकुन बात्राले निर्देशन गर्दैछन्, जसले करणकै ब्यानरमा ‘कपुर एन्ड सन्स’ निर्देशन गरेका थिए ।

यो चलचित्रले नायिकालाई केन्द्रिय भूमिकामा प्रस्तुत गर्नेछ । चलचित्रको बिषयमा यसको निर्माणपक्षले केही पनि बोलेको छैन । बलिउडमा पछिल्लो समयमा नायिका दीपिका पादुकोणले महिला केन्द्रित चलचित्रलाई बढी ध्यान दिन थालेको पाइन्छ ।

पटेर्वा सुगौलीमा एक महिने आल्मुनियम फेब्रिकेटर तालिम सुरु

0

वीरगंज । पर्साकाे पटेर्वा सुगौली गाउँपालिकामा एक महिने आल्मुनियम फेब्रिकेटर तालिम सुरु भएकाे छ । गाउँ कार्यपालिकाकाे कार्यालय पटेर्वा सुगाैलीकाे आयोजनामा सुरु भएकाे तालिमकाे बिहिबार गाउँपालिकाकी उपाध्यक्ष ममता महताेले गरेकी छिन् ।

श्री नेपाल राष्ट्रिय माध्यमिक बिधालय दापु सुगौलीको तालिम हलमा तालिम सुरु भएकाे हाे ।

वडा अध्यक्ष राजेशवर महतोको अध्यक्षतामा भएकाे तालिम उदघाटन कार्यक्रममा तालिम संयोजक बिरेन्द्र चौधरी, सुर्य इन्सच्यिुट प्रालिका कार्यक्रम संयोजक अर्जुन चौधरी थारु, आई.टी.अफिसर सोलेन्द्र पंजियार, उर्जा शाखा अधिकृत केश राज चौधरी, समाजिक शाखा अधिकृत राजकुमार महतो थारुको र बिधालयको प्र.अ.मोहन चौधरीको उपस्थिति रहेको थियोे।

तालिमकाे मुख्य उदेश्य वेरोजगार युवा युवतीहरूलाई सीप प्रदान गरि रोजगार प्रदान गर्नु रहेकाे छ । गत बर्ष २०७५/०७६ मा यसै आल्मुनियम फेब्रीकेटरको तालिम २० जना परिक्षार्थिहरू मध्ये १६ जना रोजगार भइसकेकाे जनाइएकाे छ । तालिममा प्रशिक्षक तपसी चौधरीले प्रशिक्षण दिइरहेका छन् ।

स्वय‌ं सेविका दिवसकाे अवसरमा कालिकामाईमा र्‍याली तथा हाजरी जवाफ प्रतियाेगिता

0

वीरगंज । “गाउँ नगरमा महिला स्वास्थ्य स्वय‌ं सेविका, स्वास्थ्य प्रवर्धनमा अहम भुमिका” भन्ने नाराका साथ देश भर मनाइए जस्ताे १६ औं महिला स्वास्थ्य स्वयं सेविका दिवस पर्सामा पनि बिहिबार मनाइएकाे छ । स्वयं सेविका दिवसकाे अवसरमा पर्साकाे कालिकामाई गाउँपालिकामा र्‍याली तथा हाजरी जवाफ प्रतियाेगिताकाे आयाेजना गरी मनाइएकाे हाे ।

कालिकामाई गाउँपालिकाकाे आयाेजनामा निस्केकाे र्‍याली वडा नं. ५ बिरन्चीबर्वा गाउँकाे परिक्रममा गरी सम्पन्न भएकाे थियाे ।

त्यस पश्चात भएकाे हाजरी जवाफ प्रतियाेगितामा हरिहरपुर स्वास्थ्य केन्द्रका महिला समुह प्रथम, मुडली स्वास्थ्य केन्द्रका महिला समुह द्वितिय र पशुरामपुर स्वास्थ्य केन्द्रका महिला समुह तृतिय भएकाे गाउँपालिका कार्यालयका स्वास्थ्य संयाेजक याेगेन्द्र चाैरसियाले वताए ।

विजेता तिनै महिला समुहलाई गाउँपालिका अध्यक्ष नथुनी प्रसाद कुशवाहा, उपाध्यक्ष राजेश चाैरसिया र प्रमुख प्रशासकिय अधिकृत राजु साहले पुरस्कृत गरेका थिए । साे अवसरमा गाउँपालिका अन्तर्गतका ४५ जन महिला स्वयं सेविकाहरुलाई छाता र टर्च पनि वितरण गरिएकाे स्वास्थ्य संयाेजक चाैरसियाले जानकारी गराए ।

अन्तराष्ट्रिय स्वयंसेवक दिवसको अवसरमा अन्तरक्रिया, प्रजिअ भट्टराईको विदाई

0
cdo saheko bidai_kalikatimes

वीरगंज । अन्तराष्ट्रिय स्वयंसेवक दिवसको अवसरमा बिहिबार भोलन्टियर वीरगंजले आयोजना गरेको अन्तरक्रिया कार्यक्रम सम्पन्न भएको छ । नेपाल पत्रकार महासंघ पर्साको सभाहलमा आयोजित कार्यक्रमलाई सम्बोधन गर्दै वीरगंज महानगरपालिकाका मेयर विजय कुमार सरावगीले निस्वार्थ भवनाबाट भोलन्टियर समुहले गरेको कामको प्रशंसा गर्दै निरन्तरता दिनु पर्नेमा जोड दिए ।

उनले वीरगंज स्थित रहेको नेपालको मुख्य प्रबेशद्वार शंकराचार्य गेट सरसफाई अभियानको अगुवाई गरे जस्तै अरु पनि यस्ता महत्वपूर्ण कामको आवश्यकता बोद्ध गराउने काम भोलन्टियरले गर्नु पर्ने वताए । उनले भने “जुन सुकै राम्रो कामका लागि महानगर सहयोग गर्न तयार छ, राम्रो कामको लागि भोलन्टियरले दबाव दिए महानगरलाई काम गर्न झन सजिलो हुने छ ।”

prajia vatarai_kalikatimes

अन्तरक्रिया कार्यक्रम मै पर्साका प्रमुख जिल्ला अधिकारी नारायण प्रसाद भट्टराईको विदाई समेत गरिएको थियो । एक बर्ष देखी पर्सामा कार्यरत रहेका प्रजिअ भट्टराईको चितवन सरुवा भए पछि भोलन्टियर समुहले विदाई गरेको हो ।

कार्यक्रममा वोल्दै प्रजिअ भट्टराईले आफुले राम्रो काम गर्न प्रयास गरेको वताए । मान्छे भगवान नभएको वताउदै भट्टराईले काम गर्दा गल्ती पनि हुन सक्ने वताए । उनले भने “काम गर्दा कतिको मन पनि दु:खेको होला, कतिलाई नराम्रो पनि लागेको होला, मान्छे कुनै भगवान होइन, काम गर्दा सबै ठिक पनि हुन सक्दैन् त्यही भएर राम्रो मात्र लिनु होला ।

उनले थपे भोलन्टियर समुहले गरेको काम प्रशंसिय छ, मेरो सरुवा तपाईहरुको छिमेकी जिल्ला चितवन मै भएको छ, कुनै टांढा पनि छैन् पछि पनि विभिन्न माध्यमले भेट भईरहनेछ, हाम्राे देश कुनै ठूलाे पनि छैन् जिल्लामा पनि भेट हुन सक्छ ।”

volontier samuh_kalikatimes

भोलन्टिय वीरगंजका अध्यक्ष राजन श्रीवास्तवको अध्यक्षतामा भएको कार्यक्रममा नेपाल पत्रकार महासंघ प्रदेश नं. २ का अध्यक्ष दिपेन्द्र चौहान, नेकपाका युवा नेता अरबिन्द सिंह, प्रभाकर गुप्ता लगायतकाले मन्तव्य राखेका थिए भने कार्यक्रमको संचालन भोलन्टियरका महासचिव श्याम सरार्फले गरेका थिए ।

कार्यक्रममा ३ जना स्वयंसेवक र एउटा संस्थालाई सम्मान समेत गरिएको थियो । भोलन्टियर समुह तथा अन्य समाजिक कार्यमा निस्वार्थ भवनाले सहयोग गर्ने अनिशकान्त कुशवाहा, भोलन्टियर समुहमा उत्कृष्ट काम गरेका किशन सरार्फ र विनय गुप्तालाई सम्मान गरिएको थियो । यस्तै 4GR नामक महिलाहरुको संस्थालाई राम्रो काम गरे वापत सम्मान गरिएको थियो ।

उपनिर्वाचनबाट निर्वाचित वडाध्यक्ष चौधरीद्वारा पद तथा गोपनियताको शपत ग्रहण

0
pad tatha gopniyetako sapat_kalikatimes

कलैया । बाराकाे बारागढी गाऊँपालिकाको वडा नं. १ का वडा अध्यक्ष सुरेश प्रसाद चौधरीले पद तथा गोपनियताको शपत ग्रहण गरेका छन् । मंसिर १४ गते सम्पन्न उपनिर्वाचनबाट निर्वाचित वडाध्यक्ष चाैधरीले आज एक कार्यक्रमका बिच पद तथा गाेपनियताकाे सपत लिएका हुन् ।

गाऊँपालिकाका अध्यक्ष देवदत बछाडले नवनिर्वाचित वडा अध्यक्ष सुरेश चौधरीलाई पद तथा गोपनियताको शपत ग्रहण गरेका छन् । आफु जुनपनी पार्टिबाट निर्वाचित भएपनि वडावासिलाई आफुले कुनै पक्षपात नगरी सबैको भलो हुने काम गर्ने वडाध्यक्ष चाैधरीले बताए ।

शपत ग्रहण कार्यक्रममा रामबाबुर साह, ज्योती साह, सुखल चौधरी, अशोक साह, विजय साह लगायत विभिन्न राजनितिक दलका नेता तथा कार्यकर्ताहरुको उपस्थिति रहेको थियो । कार्यक्रमकाे सहजिकरण प्रमुख प्रशासकिय अधिकृत अमोद चौधरीले गरेका थिए ।