वीरगंज । “गाउँ नगरमा महिला स्वास्थ्य स्वयं सेविका, स्वास्थ्य प्रवर्धनमा अहम भुमिका” भन्ने नाराका साथ देश भर मनाइए जस्ताे १६ औं महिला स्वास्थ्य स्वयं सेविका दिवस पर्सामा पनि बिहिबार मनाइएकाे छ । स्वयं सेविका दिवसकाे अवसरमा पर्साकाे कालिकामाई गाउँपालिकामा र्याली तथा हाजरी जवाफ प्रतियाेगिताकाे आयाेजना गरी मनाइएकाे हाे ।
कालिकामाई गाउँपालिकाकाे आयाेजनामा निस्केकाे र्याली वडा नं. ५ बिरन्चीबर्वा गाउँकाे परिक्रममा गरी सम्पन्न भएकाे थियाे ।
त्यस पश्चात भएकाे हाजरी जवाफ प्रतियाेगितामा हरिहरपुर स्वास्थ्य केन्द्रका महिला समुह प्रथम, मुडली स्वास्थ्य केन्द्रका महिला समुह द्वितिय र पशुरामपुर स्वास्थ्य केन्द्रका महिला समुह तृतिय भएकाे गाउँपालिका कार्यालयका स्वास्थ्य संयाेजक याेगेन्द्र चाैरसियाले वताए ।
विजेता तिनै महिला समुहलाई गाउँपालिका अध्यक्ष नथुनी प्रसाद कुशवाहा, उपाध्यक्ष राजेश चाैरसिया र प्रमुख प्रशासकिय अधिकृत राजु साहले पुरस्कृत गरेका थिए । साे अवसरमा गाउँपालिका अन्तर्गतका ४५ जन महिला स्वयं सेविकाहरुलाई छाता र टर्च पनि वितरण गरिएकाे स्वास्थ्य संयाेजक चाैरसियाले जानकारी गराए ।
