वीरगन्ज । ‘दिगो विकास लक्ष्य प्राप्तिका लागि सहकारी’ भन्ने नारा सहित संचालित श्री हिमाल बचत तथा ऋण सहकारी सँस्था वीरगंजको १२ औं बार्षिक साधारण सभा साेमबार सम्पन्न भएको छ ।
वीरगंज स्थित भिस्वा होटलमा आयोजित साधारणसभालाई सभाका प्रमुख अतिथि नेशनल मेडिकल कलेजका चेयरमैन जैनुद्दिन अन्सारीले पानसमा दीप प्रज्वलित गरि उद्घाटन गरेका थिए ।
सहकारी सँस्थाका अध्यक्ष डा. सधिया यासमीनको सभापतित्वमा भएकाे कार्यक्रममा नेपाल प्राइभेट मेडिकल कलेज एशोसिएशनका अध्यक्ष बसरुद्दिन अन्सारी, राष्ट्रिय सहकारी बोर्डका संचालक समितिका सदस्य शम्भु प्रसाद गुप्ता, नेफस्कुन प्रदेश २ का इन्चार्ज हरेराम पटेल, जिल्ला बचत तथा ऋण सहकारी संघका अध्यक्ष जिस्नु बराल लगायतकाले शुभकामा मन्तव्य व्यक्त गरेका थिए ।
कार्यक्रममा नवनियुक्त्त सहकारी बोर्डका संचालक समिति सदस्य गुप्ता र नेफस्कुन प्रदेश २ का इन्चार्ज पटेललाई सम्मान समेत गरिएको थियो ।
