Date
आइत, मंसिर ६, २०८३
Sun, November 22, 2026
Home Blog Page 1047

वीरगंजमा प्रदेश स्तरिय क्यान इन्फोटेक हुदै

0

वीरगंज । कम्प्युटर एसोसिएसन नेपाल महासंघ (क्यान) पर्साको आयोजना तथा क्यान महासंघ प्रदेश २ को संयोजकत्वमा प्रदेश स्तरिय सुचना, प्रबिधि र सञ्चारको ब्यापकतालाई समेट्ने गरी वीरगंजमा ५ दिने सूचना प्रविधि प्रर्दशनी क्यान इन्फोटेक २०२० आयोजना हुन गइरहेको छ ।

प्रदेश स्तरीय दोस्रो संस्करण क्यान इन्फोटेक माघ ९, १०, ११ गरि पाच दिन १३ गते सम्म वीरगंजस्थित नगरसभा गृह (टाउन हल)मा आयोजना हुनेछ । १ दशक पहिला स्थापना भएको क्यान महासंघ पर्साले जिल्लामा सूचना संचार तथा प्रविधि सम्बन्धी विभिन्न कार्यक्रमहरु संचालन गरिरहेको छ ।

नेपालमा सूचना तथा सञ्चार प्रविधि (आईसीटी) बारे चेतना बढाउन, उद्योग तथा उद्यमीहरुको आवश्यकता थाहा पाउन र त्यसका लागि चाहिने सहयोग दिलाउन क्यान इन्फोटेक २०२० को आयोजना गरिन लागेको क्यान पर्साका अध्यक्ष दिपक साहले बताए ।

यसले व्यवसायी तथा ग्राहकका लागि अन्तक्र्रियाको एक प्लाटफर्म सिर्जना गर्ने छ । ग्राहकसंगको छलफलबाट व्यवसायीले आफ्ना वस्तु तथा सेवाको आपूर्तिमा सुधार ल्याउन सक्नेछन् । स्वदेशी तथा विदेशी कम्पनी तथा व्यवसायीहरु वीच नेटवर्क सिर्जना गर्ने लक्ष्य पनि लिएको आयोजकले जानकारी दिएको छ ।

क्यान इन्फोटेक २०२० मा आइसिटी एक्ससरिज, गेम पार्लर, प्रडक्ट लञ्चिङ, रकेट प्रदर्शनी, रोबोटिक्स, इ–वेष्ट म्यानेजमेण्ट, वाइफाइ, इण्टरनेट र लर्निङ सेन्टर, आईटी कलेजका विद्यार्थीद्वारा निर्माण गरेका प्रोजेक्ट तथा रोजगार केन्द्र मुख्य हुने आयोजकले जानकारी दिएका छन ।

सूचना प्रविधि प्रर्दशनीमा क्यानमहासंघका सदस्य संस्थाका साथै विभिन्न राष्ट्रिय र अन्तर्रा्ष्ट्रिय सूचना तथा सञ्चार प्रविधि सम्बन्धी कम्पनीहरुको सहभागिता रहनेछ । प्रर्दशनीलाई व्यवसायीहरूले व्यापार विस्तारका साथै नयाँ-नयाँ प्रविधिको प्रदर्शनी गर्ने थलोका रूपमा उपयोग गर्न सक्नेछन् भने अवलोकनकर्ताले एकै थलोमा सूचना तथा सञ्चार प्रविधिका नौला प्रविधि र उपकरणको अवलोकन तथा खरिद गर्न पाउनेछन् ।

अपरेटिङ सिष्टम सफ्टवेयर, नेटवर्किङ सोल्यशन, मोबाइल फोन तथा सोलुशन, इलेक्ट्रिकल तथा इलेक्ट्रोनिक्स, सेक्युरिटि सोल्युशन, सोलार पावर सिष्टम, इन्भर्टर, युपीएस, ल्यापटप तथा डेस्कटप कम्प्युटर, प्रिण्टर, पावर सिष्टम, कम्प्युटर एक्सेसरिज, एण्टिभाइरस सफ्टवेयर, बैंकिङ सोल्युशन, सीसीटीभी र हार्ड डिस्क जस्ता उत्पादनहरु प्रदर्शनीमा राखिने छन् ।

त्यसैगरी, आर्र्टि्फिसियल ईन्टेलिजेन्स सम्बन्धि जानकारी, आईटी कलेज, बैंक, बीमा तथा लेखा सम्बन्धी सफ्टवेयर, सरकारी क्षेत्रमा प्रयोगमा आएका तथा आउने  सफ्टवेयर, सेल्फ लर्निङ सफट्वेयर तथा ट्युटोरियल आदि पनि प्रर्दशनीमा रहने जनाइएको छ ।

गत वर्ष करिब २० हजार भन्दा बढीले अवलोकन गरेको यस मेलामा यो वर्ष ५० हजार भन्दा बढी अवलोकनकर्ता आउने हामीले अपेक्षा आयोजकको छ । यसैगरी क्यान इन्फोटेक २०२० को बुकिङ्ग समेत खुल्ला गरिएको छ ।

केन्द्रिय स्तरको क्यान इन्फोटेक तथा प्रदेश र जिल्ला स्तरीय इन्फोटेकको शिर्ष प्रायोजन प्रभु पे, एसोसिएट प्रायोजकमा वल्डलिंक कम्युनिकेशन लिमिटेड, अफिसियल इन्सोरेन्स  प्रभु इन्सोरेन्सले  प्रायोजन गरेको छ । त्यस्तै हाल सम्म प्लाटिनम स्पोन्सरमा डाईनामिक टेक्नोसफ्ट, गोल्ड स्पोन्सरमा ब्रदर र लर्ड बुद्ध एजुकेशन फाउण्डेसन, सिल्भर स्पोन्सरमा एस पावर, भायनेटले प्रायोजन गरेका छन् । भने अफिसियल मिडिया संगठनमा प्रविधि पत्रकार मञ्च( टिजेएफ) रहेको छ ।

क्यान महासंघ प्रदेश २ का अध्यक्ष आलोककुमार चौरसियाको प्रमुख आतिथ्यमा आयोजित कार्यक्रममा क्यान महासंघका केन्द्रिय सचिव भुपाल दास श्रेष्ठ, क्यान बाराका जिल्ला अध्यक्ष गणेश ठाकुर, क्यान पर्साका जिल्ला उपाध्यक्ष प्रशान्त कुमार, क्यान पर्साका सचिव जीवन प्रकाश गुप्ता, क्यान पर्साका कोषाध्यक्ष संजय कुर्मी, क्यान बाराका सचिव संजय केशरी, सुरजबाबु  पटेल  लगयातको उपस्थिति रहेको थियो । कार्यक्रमको सहजीकरण आशु कुमार सर्राफले गरेका थिए  ।

वीरगंज ड्राइपाेर्टमा श्रीसिया बासीले पुन: सुरु गरे धर्ना

0

वीरगंज । श्रीसिया बासीले वीरगंज २५ सिर्सिया स्थित रहेको सुक्खा बन्दरगाहकाे मुल गेटमा आज देखी पुन: धर्ना सुरु गरेका छन् । सुक्खा बन्दरगाह र एकिकृत चेकजांच चाेकीकाे बिचमा राेक्का राखिएकाे जग्गाकाे उचित मुअबजाकाे मांग गर्दै धार्ना सुरु गरेका हुन् ।

पूर्व निर्धारित आन्दाेलनकाे कार्यक्रम अन्तर्गत मुअबजा संघर्ष समितिकाे आयाेजनामा धर्नाकाे सुरु गरिएकाे हाे । स्थानियहरुकाे धर्ना विहान ८ बजे देखी सांझ ८ बजे सम्म धर्ना चल्ने संघर्ष समितिले जनाएकाे छ ।

स्थानियहरुकाे धर्नाकाे कारण सुक्खा बन्दरगाह र एकिकृत जांच चाेकी पूर्ण रुपले थप भएका छन् भने स्कुल बस, माेटरसाईक र साइकल लगायतकाे आवागमन सुचारु रहेकाे छ ।

साहकाे आयाेजनामा बिन्दवासिनिमा नि:शुल्क स्वास्थ्य शिविर सम्पन्न

0

पर्सा । पर्साको बिन्दवासिनी गाउँपालिका वडा नम्बर ५ हास्वामा शनिबार नि:शुल्क स्वास्थ्य शिविर सम्पन्न भएकाे छ । हास्वा स्थित निमियामाई मठको प्रांगनमा नि:शुल्क आँखा शिविर, मधुमेह परिक्षण, स्वास्थ्य शिविर तथा औषधी बितरण कार्यक्रम सम्पन भएको हाे ।

केडिया आँखा अस्पताल परवानीपुर र मंगलम डाईगनोसिस सेन्टर बिरगंज पर्सा तथा बिन्दवासिनी गाउँपालिका स्वास्थ्य शाखाकाे प्राबिधीक सहयोगमा शिविर सम्पन्न भएकाे हाे ।

स्थानिय भोला साह कलवारले आयाेजना गरेकाे शिविरकाे उदघाटन बिन्दवासिनी गाउँपालिकाकी उपाध्यक्ष किरण देवी गुप्ताले गरेकी थिइन । शविरमा ५ सय ३५ जनाले आँखा परिक्षण गराएका थिए भने जसमा २ सय ८० जनामा मोतियाबिन्दु भेटिएकाे  बिन्दवासिनी गाउँपालिका समाजिक शाखाका रमेन्द्रनाथ तिवारीले बताए ।

उनिहरुको यहि सोमबार, मंगलबार र बुधबार नि:शुल्क अप्रेशन हुने गाउँपालिकाकी उपप्रमुख गुप्ताले बताइन । शविरमा ८२ जनाकले मधुमेह परिक्षण र १ सय १५ जनाले स्वास्थ्य परिक्षण गराएका थिए ।

शिविरमा डा. अम्रेन्द्र ठाकुर, डा. शिवशंकर प्रसाद , नरेश चौहान, जयराम पंडित, पिंकी कुश्वाहा र जानकी चौधरीले स्थास्थ्य तथा आँखा परिक्षण गरेका थिए ।

पक्राउ गरिएको ट्याक्टर नछाडे प्रहरी विरुद्ध सडकमा उत्रिन्छौ : स्थानिय

0

वीरगन्ज । प्रहरीले शुक्रबार बिहान वीरगन्ज महानगरपालिका वडा नम्बर ३० लालपर्साबाट पक्राउ गरेकाे बालुवा बोकेको ६ वटा ट्याक्टर शनिबार सार्वजनिक गरेको छ । जिल्ला प्रहरी कार्यालय पर्साको आधिकारीक ईमेल आईडीबाट विभिन्न संचारमाध्यममा पक्राउ गरेको बालुवा बोकेको ६ वटै ट्याक्टर प्रेस विज्ञप्ती मार्फत सार्वजनिक गरेको हो ।

प्रहरीले विभिन्न संचारमाध्यममा ईमेल मार्फत पठाईएको प्रेस विज्ञप्तीमा भनिएको छ, वीरगन्ज महानगरपालिका वडा नम्बर २१ बगहीबाट बालुवा सहितको ट्याक्टर पक्राउ गरेको हो । अवैध रुपमा नेपालबाट भारत तर्फ बालुवा लोड गरी लैजादै गरेको अवस्थामा ना ६ त ५४८१, ना ३ त ९३९१, ना ४ त ९२८६, ना ७ त ४३६५, ना ४ त ५३०० र ना ७ त २०६ नम्बरको ट्याक्टर पक्राउ गरिएको हो ।

पक्राउ गरिएको ट्याक्टरलाई आवश्यक अनुसन्धानको लागि वीरगन्ज भंसार कार्यालयमा बुझाउँने कार्य भईरहेको प्रेस विज्ञप्तीमा जनाईएको छ । पर्साका प्रहरी उपरिक्षक सोमेन्द्र सिंह राठौरले विशेष सूचनाको आधारमा भारत तर्फ अवैध रुपमा बालुवा निकासी गर्न लागेको आरोपमा पक्राउ गरेको दावी गरेका छन ।

प्रहरीले शुक्रबार नै तीन वटा ट्याक्टर वीरगन्ज भंसार कार्यालयमा बुझाई सकेको छ भने, बाकी रहेको तीन वटा ट्याक्टर आज दिउँसो बुझाएको हो । ट्याक्टर सहित ६ जना चालकलाई समेत पक्राउ गरी छाडेको भएपनि प्रहरीले जारी गरेको प्रेस विज्ञप्तीमा चालक पक्राउ गरेको बारे उल्लेख गरेको छैन । प्रहरीले पक्राउ गरेको चार घण्टाभित्र ४ जना चालकलाई छाडेको थियो ।

अवैध रुपमा भारतमा निकासी गर्न लागेको भनि प्रतिवेदनमा हस्ताक्षर गर्न लगाएर ४ जना चालकलाई पक्राउ गरेको केहि घण्टामै छाडिएका थिए । चालक सद्दाम र फकरुदिनले प्रतिवेदनमा हस्ताक्षर गर्न नमानेपछि जबरजस्ती सार्वजनिक अपराध मुद्दामा फसाईदिने भनि धाकधम्की देखाउँदै थुनुवामा राखेको थियो । प्रहरीले बेलुका प्रतिवेदन सच्याएपछि सद्दाम र फकरुदिनले हस्ताक्षर गरेपछि वडा नम्बर ३० का वडा अध्यक्ष चुमन चौधरीको जिम्मा छाडिएको थियो ।

प्रहरी उपरिक्षक राठौरले पक्राउ गरेको ट्याक्टर नेपाल भारत सिमा नाका भन्दा करिब ८ किलो मिटर उत्तर तर्फबाट नियन्त्रणमा लिएका हुन् । शुक्रबार बिहान साढे छ बजेको समयमा वीरगन्ज ३० लालपर्साबाट ३ वटा ट्याक्टर र ३ वटा लालपर्सा र बगही चौकको विच बाटोमा नियन्त्रणमा लिएको एकजना प्रत्यक्षदर्शीले बताए ।

मिलन चौक तर्फबाट आउँदै गरेको ट्याक्टरलाई दुईवटा मोटरसाईकलमा चारजना आएको प्रहरी टोलीले लालपर्सा चौकबाट ३ वटा र नजिकै वगही चौकबाट ३ वटा गरी ६ वटा ट्याक्टर नियन्त्रणमा लिएको स्थानिय प्रत्यक्षदर्शी फर्कुदिन मियाँले बताए । उनले भने, नेपाल भारत सिमा भन्दा ८ किलो मिटर वरै पक्राउ परेको ट्याक्टर भारत तर्फ नै लागि गरेको छ भने प्रहरी उपरिक्षक राठौर संग कुनै आधार छ ।

सूचनाको भरमा जे मन लाग्छ त्यो गर्न मिल्छ प्रहरीलाई ? के उनी अगमजानी हुन ? उनले पहिले नै भविष्माणी गरी सकेका थिए कि त्यो ट्याक्टर भारत तर्फ नै लगि रहेका छन ? आक्रोशित हुदै प्रश्न गरे के प्रहरी अनुसन्धानको भरमा नभई भविष्यवाणीकाे भरमा काम गर्छ ? प्रहरीले सरासरी ज्यादती गरेको छ, वर्दीको धाकमा सर्वसाधारण माथि हैकमदावी लाग्न खाजेका छन । ट्याक्टर धनी शेख मुख्तारले भने, प्रहरीले हामी माथि धेरै नै ज्यादती गरेको छ ।

बाराको बकुलीया स्थित दुधौरा खोलाबाट कर तिरेर ल्याएको बालुवा प्रहरीले नियन्त्रणमा लिई जबरजस्ती भारत तर्फ अवैध रुपमा निकासी गर्न लागेको झुठो आरोपमा पक्राउ गरेर आफनो कमिशनको लागि अनावश्यक दु:ख दिन भंसार कार्यालयमा बुझाएको छ ।

ट्याक्टर धनी लगायत स्थानिय शनिबार पर्सा क्षेत्र नम्बर १ का सांसद प्रदीप यादव र जिल्ला समन्वय समितिका सभापती नेक महमद संग भेटघाट गरी घटना बारे यर्थात जानकारी गराएका छन । समितिका सभापती नेक महमद मियाँले भने सांसद यादव ज्यू संग समन्वय गरेर पर्साका प्रमुख जिल्ला अधिकारी जितेन्द्र बस्नेतलाई घटना बारे सत्यतथ्य छानविन गर्न निर्देशन दिएको छु ।

वीरगन्ज वगही र लालपर्साबाट पक्राउ परेको ट्याक्टर अवैध रुपमा भारत मै कसरी निकासी गर्न लागेको भन्न सकिन्छ, सभापती मियाँले भने, यसमा प्रहरीको बदमासी छ, यदी प्रहरीको नियत ठिक भएको भए, बालुवा सहितको ट्याक्टर जिल्ला समन्वय समिति वा वन कार्यालयमा बुझाउँनु पर्ने हो तर त्यसो गरेन ।

स्थानिय प्रहरी प्रशासनले विना सर्त ट्याक्टर नछाडे आईतबार देखि वीरगन्जमा आन्दोलन हुने छ । वीरगन्ज ३० वेल्वाका शेख भिखारीले भने, प्रहरीले ट्याक्टर नछाडे जिल्ला प्रशासन कार्यालय घेराउ गरेर विरोध प्रदर्शन गर्छौ, पर्साको ग्रामिण भेग संग जोड्ने जितपुर सडकखण्ड अवरोध गर्ने चेतावनी दिदै यसबाट उत्पन्न अपस्थितीको जिल्लामा स्थानिय प्रशासनले नै लिने छ ।

शंकराचार्यद्वारमा भोलन्टियरद्वारा आठौं शनिबार पनि सरसफाइ

0

वीरगंज । भोलेन्टियर समूह बिरगंजद्वारा आज आठौ सप्ताह पनि नेपालको मुख्य प्रवेशद्वार शंकराचार्य गेट लगायत वरिपरि सरसफाइ गरि वातावरणलाई सफा सुन्दर बनाउन कार्यमा सफल भएका छन् ।

डाइकाण्डोका प्रशिक्षक असेसर पटेलले आर्थिक अवस्थाले कमजाेर रहेका परिवारहरुका बालबालिकाहरुलाई नि:शुल्क रुपमा रामगढवामा कक्षा संचालन गर्दै आएका र सो कक्षामा रहेका ३० जना बालबालिकाले शंकराचार्य गेटमा हुने गरेको सरसफाइमा हामी बिद्यार्थीहरु पनि सहभागी हुने अनुरोध गरे अनुसार प्रशिक्षक असेसर पटेलले ३० जना विद्यार्थीहरुलाई गेटमा हुने सरसफाइ कार्यक्रममा सहभागी गराइएको भाेलन्टियर समुहका महासचिव श्याम सरार्फले वताए ।

सरसफाइ कार्यक्रममा आएका विद्यार्थीहरु सानासाना हाथमा पन्जा र मास्क लगाइ गेटको वरिपरि रहेका प्लास्टिक, गुटखा, चाउचाउ इत्यादिहरुको फ्यालिएको प्याकेटहरुलाई टिपिटिपी वातावरण सरसफा बनाउनमा खुशी खुसी सहयोग गरे । सरसफाइ पश्चात् बालकहरुले आफ्नो प्रतीभा प्रस्तुत गरि visit nepal 2020 को स्वागत एक शुभकामना ब्यक्त गरे ।

साथै सरसफाइ कार्यमा उपस्थिति सबैले छातिमा हाथ राखी रास्ट्रकाे सम्मानमा राष्ट्रगान गाई एक आपसमा नयाँ वर्ष एवं भ्रमण वर्षको शुभकामना आदानप्रदान गरेका थिए ।

कार्यक्रममा टाइकाण्डोका प्रशिक्षक असेसर पटेल, महानगपालिकाका दमकल टोलि नेता नेहाल खान, अनुप सरावगी, राधेश्याम कुमार, कमलेस कुश्वाहा, राजा सरार्फ, शेस हजरा, नुतन सरावगि, बलराम मन्डल, बिनय गुप्ता, महानगरका कर्मचारी लगायत १२० जनाको सहभागिता रहेको थियाे ।

भोलेन्टियर समुहका संयोजक राजन श्रीवास्तवको अध्यक्षतकमा भएको सरसफाइ कार्यक्रमको ब्यवस्थापन किशन सरार्फले गरेका थिए ।

राजनितिमा केही पनि असम्भव छैन : राजेशमान सिंह (भिडियाे सहित)

0

राजपा नेपाल र नेकपा बिच राष्ट्रिय सभा निर्वाचनकाे लागि दुई बुंदे सम्झाैता भए लगतै समाजवादी पार्टी संघ सरकारबाट बाहिरिएकाे छ । समाजवादी सरकारबाट बाहिरिए पछि राजपा सरकारमा सामिल हुन लागेकाे  हाे भने खुब चर्चा छ । त्यसका साथै समाजवादी पार्टी नेतृत्वमा रहेकाे प्रदेश २ सरकार परिवर्तन हुन लागेकाे हाे भने पनि चर्चा छ ।

अक्राे तिर वीरगंजकाे पानीटंकी स्थित भ्रखर संचालनमा आएकाे प्रभु अस्पतालमा एकै दिन अप्रेशन भएका २ महिलाकाे मृत्यु भएकाे छ । अस्पतालकी डा. लक्ष्मी थापकाे लापरवाहीले मृत्यु भएकाे पिडितहरुले वताइरहदा हाल सम्म सम्बन्धीत निकायबाट कुनै किसिमको छानविन अगाडी बढन सकेकाे छैन् ।

साेही बिषयमा केन्द्रित रहेर राष्ट्रिय जनता पार्टी (राजपा) नेपालका महासचिव एवं पर्साका अध्यक्ष समेत रहेका वीरगंजका चर्चीत युवा नेता राजेशमान सिंह संग सहकर्मी दिपेन्द्र यादवकाे सहयाेगमा अनिल साहले गर्नु भएकाे कुराकानी भिडियाेमा

अलाैंमा नालाकाे निकास निजी खेतमा राखिएका कारण ५ विगहाकाे धान बाली नष्ट

0

वीरगंज । वीरगंज महानगरपालिकाकाे वडा नं. १७ अलाैंमा निर्माण भएकाे नालाकाे निकास निजी जग्गामा राखेका कारण ५ विगहाकाे धान बाली नष्ट भएकाे छ ।

वडा कार्यालयले निर्माण गरेका नालाकाे निकास निजी खेतमा राखिएकाे कारण स्थानिय रामानन्द चाैधरी, रमेश चाैधरी, अफजल अंसारी, फरमान अंसारी लगायतका करिब ५ बिगहा धान बाली नष्ट भएकाे हाे । पटक पटक साे वडाका वडाध्यक्ष सुक्रानी देवीका समक्ष नालाकाे निकास सवालमा कुरा राख्दा कुनै सुनवाई नभएकाे पिडितहरुले गुनासाे गरेका छन् ।

राजनितिक आग्रह पूर्वाग्रहका कारण पदकाे दम्भमा वडाध्यक्ष सुक्रानीले निजी खेतमा नाला निकास राखेकाे पिडित मध्येका रामानन्द चाैधरीले वताए ।

वीरगंज महानगरकाे वडा नं. ५ मा नेकपाको कमिटी चयन

0

बीरगंज । नेकपा बीरगंज महानगर कमिटिको आयोजनामा वडा नं. ५ रेशमकोठीमा नेकपाका जिल्ला सदस्य सुशिल सिंह क्षेत्रीको अध्यक्षतामा वडा भेला सम्पन्न भएको छ । उक्त भेलामा २७ सदस्यीय नेकपाको वडा स्तरीय सम्पर्क समिति चयन गरिएको छ ।

भेलामा वडा नं. ५ अन्तर्गतका गाउँ, टोलका कार्यकर्ताहरुलाई समेटीे संगठन विस्तारका लागि जनताको राय, सल्लाह तथा सुझाव संकलन तथा संगठन बलियो बनाउनका समितीलाई जिम्मेवारी समेत दिएको हो ।

भेलाका प्रमुख अतिथी नेकपाका केन्द्रिय सदस्य तथा वीरगंज महानगर ईन्चार्ज दिनेश राई, विशिष्ट अतिथी नेकपा वीरगंज महानगरका अध्यक्ष रहबर अंसारी, नेकपाका महानगर सचिव डा. विश्मर शर्मा अतिथी नन्दकिशोर पंजियार, सगीर आलम, अखिल नेपाल राष्ट्रिय विद्यार्थी युनियनका केन्द्रीय सदस्य मोहम्मद जुबैर आलम, बीरगंज युवा समाजका अध्यक्ष कमल चौलागाई, मनोज साह, उमेश पटेल, निशान लामिछाने लगायत नेकपा पार्टीका नेता तथा कार्यकर्ताहरु उलेखनिय सहभागिता रहेको थियो ।

उक्त भेलामा प्रमुख अतिथि राई, बिशिष्ट अतिथी अन्सारी, डा. शर्मा, पजियारले पार्टी एकता तथा संगठन बलियो बनाउनेप्रति जोड दिएका थिए । उक्त कार्यक्रममा नेकपाका नेता मनोज साहले स्वागत मन्तबय ब्यक्त गरेका थिए भने सहजीकरण श्रवण रायमाझीले गरेका थिए ।

नदेखिने विभेद बढेको छ

0

   – रिमा कुमारी पासवान

मेरो घर वीरगन्ज महानगरपालिका–२७ कुहडीमा हो । म सोनो छँदा जातीय भेदभाव निकै हुन्थ्यो । अहिले भेदभाव कम हुँदै गएको मैले अनुभव गरेकी छु । म अचेल वीरगन्जकै निजी क्षेत्रको गण्डक अस्पताल प्रालिमा अनमीका रूपमा कार्यरत छु । विगतमा बाक्लै जातीय भेदभाव भए पनि अहिले अन्त्य भएको महसुस गरेकी छु ।

बाल्यकालमा म पनि विभिन्न किसिमको भेदभावको सिकार भएँ । विभिन्न किसिमको भेदभाव मैले पनि भोगेको छु । म सानो छँदा हाम्रो गाउँतिर जातीय भेदभाव निकै हुथ्यो । गाउँका उपल्लो जातिका व्यक्तिले सजिलै घरभित्र पस्न दिँदैनथे । उनीहरूको घरमा जान प्रतिबन्ध थियो । उपल्लो जातिको घरमा पुग्दा लखेट्थे । आँगनतिर बस्न पनि दिँदैनथे । उपल्लो जातिको घरमा दलित जातिका व्यक्तिलाई प्रवेश निषेध थियो ।

त्यसैले होला, घरका सदस्यले ठूला जातिको घरमा जान रोक लगाउँथे । गाउँका जमिन्दारले काम गराएको मजदुरी लिन जाँदा घरबाहिरै आँगनमा बसाएर दिन्थे । उपल्लो जातिको घर र खेतमा काम गरेपछि त्यसबापतको ज्याला लिन हामी आफ्ना अभिभावकसँग त्यहाँ जान्थ्यौँ । त्यसवेला उनीहरूले हेला गर्थे । खेतमा काम गरेको मजदुरी लिनलाई घन्टौँ जमिन्दारको घरबाहिर कुर्नुपथ्र्यो । पछि जातीय भेदभाव, छुवाछुत गर्नेलाई कानुनी कारबाही हुने भएपछि गाउँका उपल्लो जातिका व्यक्तिले गर्ने भेदभाव अलि कम भएको हो ।

सानो उमेरमा पढ्दा, खेल्दा, कसैको घरमा आउजाउ गर्दा हाम्रै घरका सदस्यले रोक लगाउँथे । बिस्तारै विद्यालय जान थालेपछि छुवाछुत, भेदभाव, साना–ठूला जातका कुरा कानुनी अपराध हो भन्ने थाहा पाएँ । त्यसपछि जातीय भेदभाव, छुवाछुतको न्यूनीकरण भयो भनेर महसुस हुँदै गयो । सामुदायिक विद्यालयमा पढ्दा कुनै पनि किसिमको भेदभाव नभएको अनुभव मसँग छ ।

घरबाट उपल्लो जातिका मानिससँग बढी नबोल्न र बोलेको कुरा सुनेर प्रतिउत्तर नफर्काउन सिकाएर विद्यालय पठाउँथे । सायद त्यो विभेदको त्रास थियो । तर, आजभोलि विगतमा जस्तो भेदभावबाट पीडित हुनुपरेको अनुभव छैन । विभिन्न किसिमको अधिकारको व्यवस्था, सबै जातजातिको समान हक–अधिकारको व्यवस्था गरेपछि जातीय भेदभावको अन्त्य भएको महसुस भइरहेको छ । त्यसैले होला, स्कुलको भन्दा अनमीको कक्षा लिने समयमा जातीय भेदभावको सिकार झन् कहिल्यै हुनुपरेन ।

विद्यालयमा पढ्दा, जागिरको समयमा कुनै पनि प्रकारको जातीय, छुवाछुत, सानोठूलो जातको सिकार हुनुपरेको छैन । अहिलेको समयमा समाजमा पनि सजिलै सबैले सबैलाई स्वीकार गरेकाले मैले पढेर जागिर पनि पाएकी छु ।

सरकारी अस्पतालमा दुई वर्षपहिले अस्पताल विकास समितिको तर्फबाट नियुक्त भएँ । पछि अस्पताल विकास समितिले नियुक्त गरेको कर्मचारीलाई अस्पताल प्रशासनले खारेज गरेपछि मैले सरकारी अस्पतालको जागिर छोडेँ । अहिले म निजी अस्पतालमा कार्यरत छु । अहिले दिमागमा कुनै पनि किसिमको भेदभाव, छुवाछुत, सानोठूलो जात, तलमाथि केही छैन ।

दलितहरूको समाजिक अवस्थामा मैले व्यापक परिवर्तन भएको महसुस गरेकी छु । विगतमा दलितहरूको सामाजिक अवस्था अत्यन्तै दयनीय र दर्दनाक थियो । खासगरी, मधेसको भूभागमा बसोवास गर्ने राज्यद्वारा सूचीकृत जातजातिहरू दुसाद, चमार, मुसहर, धागड, तत्वा, हलखोर, डोम, मेस्तर आदि जातका थर सुन्नेबित्तिकै आफूलाई उपल्लो जाति भन्नेहरूले नाक खुमच्याउँथे । अमानवीय व्यवहार गर्थे । कतिसम्म भने दलित जातिहरूबाट शरीर छोइँदा सुनपानी छर्केर आफूलाई शुद्ध पार्ने गर्थे । यो व्यवहार र प्रवृत्तिमा अहिले धेरै परिवर्तन आएको छ ।
मान्छेबाट मान्छे छुइनेजस्ता अमानवीय स्रोत र व्यवहारमा व्यापक परिवर्तन भएको मैले देखेकी छु । दलित जातिका मान्छेसँग उठबस गर्नै नहुने खालको व्यवहारमा परिवर्तन आएको छ । आजको अवस्थामा निर्धक्कसँग उठबस गर्ने र विभिन्न व्यवहारसँगै गर्ने, हिँडडुल गर्ने, खाजा खाने अवस्था निर्माण भइसकेको छ ।

म बच्चा हुँदा आँखाको सामु देखेका परिघटना अझै झलझली आउँछन् । सम्झँदा पीडा हुन्छ । दैनिक उपभोगका सामग्री जो प्रकृतिबाट प्राप्त हुन्छ, जस्तो पानीका कारण दलित परिवार निकै प्रताडित थिए । सार्वजनिक उपभोगका लागि जडान गरिएको धारोमा उपल्लो जातिका भएका वेला तल्लो जातिले छुन पाइँदैनथ्यो । एकपछि अर्को गर्दै सबै उपल्लो जातिकाले पानी भरिसकेपछि मात्रै दलितले पानी लिन पाउने बाध्यता थियो । यो व्यवहारमा पनि अहिले पूर्णतः परिवर्तन आएको छ । यस्ता प्रताडनाबाट मुक्ति पाएको अनुभूति मैले गरेकी छु ।
पहिला–पहिला धार्मिकस्थलमा पूजापाठका लागि पनि बन्देज थियो । सामाजिक रूपमा दलितलाई कमजोर पारिएको थियो । त्यसमा पनि तुलनात्मक परिवर्तन आएको छ । यो प्रवृत्तिमा पूर्णतया परिवर्तन नआए पनि तुलनात्मक रूपमा सामाजिक परिवर्तन भने आएको छ ।

घरबाट उपल्लो जातिका मानिससँग बढी नबोल्न र बोलेका कुरा सुनेर प्रतिउत्तर नफर्काउन सिकाएर विद्यालय पठाउँथे । सायद त्यो विभेदको त्रास थियो

मेरै बाल्यकालको अवस्थामा हाम्रो समुदायका व्यक्तिमा राजनीतिक चेतना थिएन । त्यसको प्रत्यक्ष प्रभाव सामाजिक अवस्थामा पर्दै आएको महसुस मैले गरेकी छु । राजनीतिक चेतनाविना आफ्नो अधिकारका लागि लड्न सकिँदैन, अधिकारको आवाज बलियो नभएसम्म टाउको उठाएर हिँड्नसमेत नसकिने कुरा अनुभव गरेकी छु । त्यही संकोचमा थियो, हाम्रो समुदाय । तर, हाल त्यो अवस्थामा पनि परिवर्तन आएको छ । हाम्रो राजनीतिक अधिकार यो तहसम्म रहेको बुझेर अचेल गाउँघरमा हुने सभा सम्मेलनदेखि स्थानीय निकायसमेतमा दलित अगुवाहरूको उपस्थिति हुन पुगेको छ । यसले हाम्रो सामाजिक मानमर्यादामा प्रगति भएको महसुस गरेकी छु ।

त्यति मात्र होइन, विगतको दलित समुदायको इतिहास कोट्याउँदा त आर्थिक अवस्था अत्यन्तै दयनीय थियो । सामाजिक अवस्थामा सुधार आउन सकिरहेको थिएन । प्रायः दलितहरू सुकुमबासी थिए । पारिश्रमिकस्वरूप दलित आफ्नो परिवारको पालनपोषण गर्न गाउँका जमिनदारको बधुवा मजदुर भएर काम गर्थे । परिवार पाल्न हुनेखानेको अधीनमा रहनुपथ्र्यो । अरूको अधीनमा रहनुपर्दा हाम्रो समुदायको स्वाभिमान जोगाउन सम्भव थिएन । त्यो स्मरण गर्दा पनि पीडाबोध हुन्छ । तर, आजको त्यो सामाजिक परिवेशमा व्यापक परिवर्तन भएको छ । प्रायः दलित पहिलेको भन्दा अहिले स्वाभिमानका साथ जीवन व्यतित गरिरहेका छन् । आर्थिक उपार्जनका लागि बधुवा मजदुर भई काम गर्नुपर्न बाध्यता कम भएको छ । दैनिक ज्यालादारी गरेरै भए पनि जीविकोपार्जनमा केही सुधार आएको छ ।

दलितहरू प्रायः बंगुरपालन गर्ने भए पनि त्यो खानेचाहिँ कथित उपल्लो जातिकै हुन्थे । तर, सम्पूर्ण नकारात्मक भार दलितले व्यहोर्नुपथ्र्यो । आजका दिनमा बंगुर पाल्ने दलितको संख्या नगन्य छ । बंगुर पालेबापत व्यहोर्नुपर्ने लाञ्छना र हेयभाव आज कम भएको छ । सामाजिक रूपले दलितलाई हेर्ने दृष्टिकोण पनि फेरिएको छ । दलित समुदायमा सामाजिक, शैक्षिक र आर्थिक रूपले पहिलेको भन्दा अहिले व्यापक परिवर्तन आइरहेको छ । उनीहरूले पनि सामाजिक सुधार भइरहेको अनुभव गरिरहेका छन् । राजनीतिक, आर्थिक, शैक्षिक र चेतनाको परिवर्तनले गर्दा पहिले जुन दृष्टिले हाम्रो समुदायलाई हेरिन्थ्यो अब त्यसरी हेरिन छोडिएको छ ।

आज गैरदलितलाई लाग्न सक्छ, राज्यले दलितलाई धेरै दियो । तर, मलाई के लाग्छ भने राज्यले बाहिर देखाउनका लागि धेरै दिएको जस्तो गरेको छ, तर यथार्थमा हामीसँग कानुनी बेइमानी गरिरहेको छ । किनभने, पहिलेको जस्तो अन्य गैरदलितबाट प्रत्यक्ष विभेद नभई अप्रत्यक्ष विभेद बढेको छ । दलितलाई निश्चित असवर दिएजस्तो गरेर भित्र–भित्रै षड्यन्त्र जारी राखेजस्तो लाग्छ । दलितलाई राष्ट्रिय रूपमै नेतृत्वदायी भूमिकामा ल्याउनुहुन्न भनेर कुनै गोप्य खेल त भइरहेको छैन ? मलाई शंका लाग्छ । यस्तो किसिमको षड्यन्त्रले दलितहरूमा अहिले देखिएको सामाजिक परिवर्तनमा नकारात्मक असर पर्ने खतरा उत्तिकै देखिएको छु  ।

अनेरास्ववियुकाे केन्द्रिय सदस्यमा पर्साबाट ३ जना मनाेनित

0

वीरगंज । तत्कालिन नेकपा एमाले निकट अनेरास्ववियु र तत्कालिन नेकपामा माओबादी निकट अनेरास्ववियु (क्रान्तिकारी) काे एकता पछि बन्नेकाे अनेरास्ववियुकाे केन्द्रिय समिति ३ सय ३५ सदस्यीय भएकाे छ ।

साविक अनेरास्ववियुबाट एक सय ८० जना र साबिक अनेरास्ववियु (क्रान्तिकारी) बाट एक सय ५५ जना प्रतिनिधित्व हुने गरी अनेरास्ववियुकाे केन्द्रिय कमिटिकाे टंगु लागेकाे हाे ।

जुन समितिमा पर्साबाट प्रभाकर गुप्ता, शिवम साह र माेहमद जुबेर आलम मनाेनित भएका छन् । तिनै जना साबिक अनेरास्ववियु (क्रान्तिकारी) का विद्यार्थी नेता हुन् । साबिक अनेरास्ववियु पर्साबाट केन्द्रिय सदस्यमा एक जना पनि परेका छैनन् ।

अनेरास्ववियुका फ्याक्सन ईन्चार्ज हितमान साक्य, सह इन्चार्ज विनाेद ढकाल, संयाेजक एन महर र सह संयाेजक रंजित तामाङकाे उपस्थितमा बिहिबार बसेकाे फ्याक्स समितिकाे बैठकले केन्द्रिय समितिकाे टुंगाे लगाएकाे हाे ।

यस्तै  बैठकले केन्द्रिय कमिटिकाे सचिवालय एक सय ११ सदस्यीय र स्थायी कमिटी ४५ सदस्यीय मनाेनित भएकाे छ ।