Date
आइत, मंसिर ६, २०८३
Sun, November 22, 2026
Home Blog Page 1034

पूर्व सांसद रुंगटाद्वारा नारायणी अस्पताललाई कम्बल र तन्दा सहयाेग

0

वीरगंज । नेपाली कांग्रेसका नेता एवं पूर्व सांसद अनिल रुंगटाले आज आफ्नाे ५१ औं जन्म दिनकाे अवसरमा नारायणी अस्पताल वीरगंजलाई एक सय थान कम्बल र बेडसिट (तन्दा) सहयाेग गरेका छन् ।

नारायणी अस्पतालमा मै पुगेर पूर्व सांसद रुगंटाले एक कार्यक्रमकाे विच  कम्बल र तन्दा अस्पताललाई हस्तान्तरण गरेका हुन् । अस्पतालमा आवश्यक रहेकाे सामग्री अस्पताल प्रशासनकाे समन्वयमा आफ्नाे जन्मदिनकाे अवसरमा सहयाेग गरेकाे नेता रुंगटाले वताए ।

साे अवसरमा नेपाली कांग्रेसका क्षेत्र नं. १ का सभापति विजय सरार्फ, नेवि संघ पर्साका निवर्तमान अध्यक्ष  दिलीप राज कार्की, वडाध्यक्ष जगत साह कानु, अस्पतालकी प्रस्सुति निमित मेट्राेन श्रुति साह, मेडिकल इन्चार्ज रामनरेश कुशवाहा, सर्जिकल वार्डकी अन्जना श्रेष्ठ, संताेश सिंह लगायतकाे उपस्थिती रहेकाे थियाे ।

तीन दाजुभाईको यातना सीमाभन्दा बाहिर, सुनिल झन पीडामा

0

वीरगन्ज । तीन दाजुभाईबाट पीडित वीरगन्ज महानगरपालिका – १० आदर्शनगर निवासी सुनिल खण्डेलवाल झन पीडामा पर्दै गएका छन् । दाजभाई पशुपति खण्डेलवाल, राजेश खण्डेलवाल तथा सचिन खण्डेलवालबाट पीडित सुनिल दाजुभाईको पीडा सहन नसक्ने अवस्थामा पुगेका छन् ।

जिल्ला अदालत पर्सामा अँश मुद्दा विचाराधीन रहेको अवस्थामा तिनै दाजुभाईबाट मानसिक तथा शारिरिक यातना खेप्दै आएको सुनिल अहिले दाजुभाईको आतँकबाट झन पीडित बनेका छन् । तिनैजना दाजुभाई मिली विगत १ वर्ष देखि शारिरिक तथा मानसिक यातना दिदै आएका छन् ।

तिनै दाजुभाई मिली सुनिललाई कुटपिट गर्नुका साथै घरमा ताला मारेर सुनीललाई परीवार सहित घर बाहिर बस्न बाध्य गर्नु, घरको बीचै भागमा पर्खाल खडा गर्नु, शौचालयमा ताला मारेर कुटपिट गर्नु, किचिनमा पस्न नदिने गरी भौतिक अवरोध गर्नु जस्ता यातना दिदै आएका छन् ।

तिनै दाजुभाईलाई समाज, प्रशासन को डर, शर्म केही पनि छईन। अब तिनै दाजुभाई मिलेर अर्को नया कांड बीरगंज_बिजूलि_कांड गरेका छन। तर यस पटकको यातना भने सीमा नाघि सकेको छ । माघ १५ गते बिहिवार बेलुका ५ बजे तिर नेपाल विद्युत प्राधिकरणको कर्मचारी लाई मिलाएर अहिले सुनील बसी रहेकॊ घर को बिजूली को लाइन काटन लगाएका छन ।

जानी जानी विगत ८ महिना देखि आदर्शनगर स्थित घरको बिजुलि को बिल नबुझाएको र तिनै दाजुभाई विगत १ महिना बढ़ी देखि त्यो घर छाडी शालिमार होम्समा फ्लेट किनेर बसिरहेका छन । आफनों कब्जा गरी राखेको व्यापारको कार्यालय पनी अन्यत्र सारेका छन। सुनील मात्र आफनों परिवार संग त्यस घरमा बसि रहेको अवस्था छ। जसले गर्दा सुनिलको घरमा विजुली तथा पानी नआएर अंध्यारो मा बस्न बाध्य भई पीडित बनेका छन् ।

सुनील का दाजुभाईहरुले सबै सम्पत्ति र तथा त्यसको सम्पूर्ण आयस्ता आफनों कब्जा मा राखेका छन। पैसाको आडमा तिनै दाजुभाईले सुनिललाई पटक पटक अलपत्र अवस्थामा पार्दै आएका छन। तिनै दाजुभाई अहिले प्रशासनसँगको पहुँचको कारण उम्किदै आएका छन् ।

वीपिएलकाे फाइनलमा सिंह ११ प्रबेश

0

वीरगंज । वीरगंज प्रिमियर लिग (वीपिएल) टि २० क्रिकेट प्रतियोगिताको आज भएको आठाैं दिनको पहिलो खेलमा सिंह ११ विजयी भएको छ । राैतहट राइनाेजलाई ७ विकेटले हराउँदै सिंह ११ विजयी भएको हो ।

राैतहट राइनाेज १९ ओभरमा सबै विकेटको गुमाएर १ सय ४ रन बनाएको थियो । जवाफी बैटीङ्गमा उत्रेकाे सिंह ११ ले १६.४ ओभरमा ३ विकेटकाे क्षतिमा एक ५ रनकाे लक्ष्य पुरा गर्दै विजयी घाेषित भएकाे थियाे ।

खेलको म्यान अफ द म्याच विजयी टिम सिंह ११ का कप्तान मैहबुब आलम ४ ओभरमा १७ रन खर्च गरेर ३ विकेट लिएर र १७ बलका ३४ रन बनाउदै भएका थिए ।

यस्तै आजै सम्पन्न दोश्रो खेलमा केआईईसी वीरगंज विजयी भएको छ । वीरगंज स्टारलाई ५ विकेटले हराउँदै केआईइसी विजयी भएको हो ।

टस जितेर ब्याटिङ रोजेका वीरगंज स्टारले निर्धारित २० ओभरमा ८ विकेटको नोक्सानीमा ९५ रन बनाएका थिए । जवाफी ब्याटिङमा उत्रेका केआईइसी वीरगंजले १८.१ ओभरमा ५ विकेटको क्षतिमा ९७ रन बनाउदै विजयी भएका थिए ।

दाेस्राे खेलकाे म्यान अफ द म्याच विजयी टिम केआईइसिका आदिल अन्सारीले ४ ओभरमा १८ रन खर्चेर एक विकेट लिएर र ३६ बलमा ४० रन बनाएर घाेषित भएका थिए ।

भाेली आइतबार हुने सेमिफाइन खेल वीरगंज स्टार र केआईईसी वीरगंज विच हुने वीपिएलका  प्रवक्ता राजुल हवारीले बताए ।प्वाइन्टकाे आधारमा पहलाे स्थानमा रहेकाे टिम सिंह ११ सिधै फाइनलमा प्रबेश गरेकाे समेत प्रवक्ता हवारीले जानकारी गराए ।

हिन्दू परिषदकाे कार्यक्रममा ६६ जनाद्वारा रक्तदान

0

वीरगंज । हिन्दू परिषद नेपाल जिल्ला कमिटि पर्साद्वारा आज वीरगंजमा आयाेजित रक्तदान कार्यक्रममा एक महिला सहित ६६ जनाले रक्तदान गरेका छन् । परिषदका पर्सा जिल्ला अध्यक्ष हरेन्द्र पटेलको सभापतित्वमा भएकाे कार्यक्रमकाे शुभारम्भ हिन्दू परिषद नेपालका केन्द्रिय अध्यक्ष संतोष पटेलले रक्तदान गरी गरेका थिए ।

वीरगंजकाे घण्टाघरमा भएकाे कार्यक्रममा सुरेश साह कानू, मनीष वर्णवाल, अमोद कुमार, कृष्णा यादव, अंशु कुमार, चंद्रेश्वर साह, लेक्चन सोनार, सुरेश झा, अमरदीप प्रसाद, अभिनास चौधरी, धीरज कुमार, आनन्द गुप्ता, श्याम गुप्ता, शकर सोनार, सोनु कुमार कुशवाहा, शिव रंजन पटेल, लक्षमण यादव, अवधेश कुशवाहा, नवराज भट्टराई, साहेब साह कानू, रिजाल कुशवाहा, अनिल सिंह, रामेस्वर गुप्ता, बिकास चन्द्र रिजाल, बिरेन्द्र गुप्ता, राजन सिंह, अवधेश गिरी, राजू महतो, सोभराज साह, बिरेन्द्र साह तेली, नबीन यादव, चन्द्र भूषण यादव, रिसब जायसवाल, श्यामबाबू पाण्डे, रोहित गुप्ता, शिवपूजन यादव, रंजीत चौरसिया, बिनीता भण्डारी, प्रबीन पटेल, सुनील श्रेष्ठ, नबीन पाण्डे, संजय पाण्डे, मुकेश प्रसाद, बिकी कुमार तिवारी लगायतकाले रक्तदान गरेका थिए ।

रक्तदान कार्यक्रममा भारतिय दूतावास बिरगंज कॉन्सुलर बिनोद लोशाली, प्रदेश सांसद रमेश कुर्मी, राजपा नेपालका केन्द्रिय उपाध्यक्ष सुरेन्द्र कुर्मी, शह-महासचिव निजामुद्दीन समानी, नेपाल जेसिसका पूर्व केन्द्रिय अध्यक्ष डा. दीपक शाक्य, स्वत्रन्त्र मानव अधिकार समाजका केन्द्रिय अध्यक्ष कृष्णा खनाल, समाजवादी पार्टी नेपाल बिरगंज नगर अध्यक्ष इश्वर यादव, सामाजिक अभियन्ता प्रकाश थारू, वरिष्ठ समाजसेवी मुकेश सरावगी, नेपाली कांग्रेस पर्सा जिल्ला सचिव किशोरी साह कानू, रामराज्य परिषद नेपालका केन्द्रिय संयोजक धर्मेंद्र पटेल, नेपाल जोतिष परिषदका केन्द्रिय सह-महासचिव पुरषोत्तम दुबे लगायतकाे उपस्थिती रहेकाे थियाे ।

रक्त संचार केन्द्र वीरगंजका प्रमुख साैरभ राज पाण्डे नेतृत्वकाे प्राविधिका टाेलीकाे सहयाेगमा रक्तदान कार्यक्रम भएकाे थियाे ।

जिल्ला कृषि सहकारी संघ पर्साकाे आठौं बार्षिक साधारण सभा सम्पन्न

0

वीरगंज । जिल्ला कृषि सहकारी संघ लि. पर्साकाे आठौं बार्षिक साधारण सभा आज वीरगंजमा सम्पन्न भएकाे छ । जिल्ला समन्वय समिति पर्साकाे सभा हलमा भएकाे साधारण सभाकाे उद्घाटन प्रदेश सांसद राजेशवर प्रसाद साहले गरेका थिए ।

सभाकाे उद्घाटन गर्दै सांसद साहले प्रदेश २ मा चुरे संरक्षण जरुरी रहेकाे वताए । कार्यक्रमकाे प्रमुख अतिथी समेत रहेका साहले चुरे संरक्षण भएन भने आउने सन्ततीलाई ग्राहाे हुने समेत वताए ।

किशानकाे समस्या नबुझे सम्म प्रदेश समृद्ध नहुने वताउदै सांसद साहले किशानकाे समस्या समाधान नहुनुमा संघ र प्रदेश दुबै सरकार दाेषी रहेकाे आराेप लगाए । उनले भने “चिनिमिलहरुले किशानकाे पैसा नदिनुमा सरकार पनि दाेषी रहेकाे छ, संघ सरकारले मिलहरुलाई दिनु पर्ने १३ प्रतिशत रिफन्डिङ्ग भ्याटकाे पैसा नदिएका कारण दाेषी छ ।”

प्रदेश सरकारले ८ वटै जिल्लामा २०/२० कराेडकाे लागतमा काेल्ड स्टाेर बनाइरहेकाे जानकारी गराउदै उनले त्यसकाे जरुरी नरहेकाे धारणा राखे । उनले भने प्रदेश २ मा खान नपुगेकाे अवस्थामा काेल्ड स्टाेरकाे के काम, त्याे पनि ठुलाे ठुला व्यापारीहरुलाई ८० प्रतिशत अनुदानमा बनाउन दिनु राम्राे हाेइन् ।

उनले किशानहरुलाई तालिम दिन जरुरी रहेकाे समेत वताए । त्यसकाे लागि किशान पाठशाला स्थापना गर्न प्रदेश सरकार संग आफुले माग समेत गरि सकेकाे वताए ।

यसका साथै किशानकाे अनुदानकाे रकम सिधै किशानकाे खातामा जान्नु पर्ने व्यवस्था हुनु पर्छ । किशान समृद्ध नभए सम्म प्रदेश समृद्ध हुदैन् नेपाली कांग्रेसका नेता समेत रहेका सांसद साहकाे भनाई थियाे ।

कृषी सहकारी संघ पर्साका अध्यक्ष शिव कुमार साहकाे अध्यक्षतामा भएकाे साधारण सभा उद्घाटन समाराेहमा राष्ट्रिय सहकारी विकास वाेर्डका सदस्य शम्भु गुप्ता, समाजबादी पार्टीका केन्द्रिय सदस्य फिराेज मंसुर, जिल्ला वचत तथा ऋण सहकारी संघ पर्साका अध्यक्ष राजेश पंडित, काेपरेटीभ मनेजर क्लब पर्साका अध्यक्ष जिस्नु बराल, जिल्ला किशान संघ पर्साका अध्यक्ष असर्फी साह, युवा साना व्यवसाय राेजगारी काेषकाे संयाेजक सुनिल राैनियार लगायतकाले शुभकामना मन्तव्य राखेका थिए ।

कार्यक्रममा राष्ट्रिय सहकारी वाेर्डका सदस्य गुप्ता, जिल्ला बचत सहकारी संघ पर्साका अध्यक्ष पंडित, काेपरेटीव मनेजर क्लब पर्साका अध्यक्ष बराल, पत्रकार शम्भु कुमार सुमन, समाजिक अभियान्ता प्रकाश थारु, युवा साना व्यवसाय राेजगारी काेषकाे संयाेजक राैनियार, कृषी सहकारी संघका लेखा समिति संयाेजक अरविन्द कुमार साहलाई प्रशंसा पत्रले सम्मान समेत गरिएकाे थियाे ।

कार्यक्रमकाे संचालन सिद्धनाथ कृषि सहकारी संस्थाका सचिव मनाेज यादवले गरेका थिए भने स्वागत मन्तव्य जिल्ला कृषि सहरकारी संघका महासचिव जगदिश यादव र प्रतिवेदन प्रस्तुत लेखा समिति संयाेजक साहले गरेका थिए ।

ईप्रका पोखरियाद्वारा ४ जना कुखुरा तस्कर पक्राउ

0

पर्सा । पर्साको जगरनाथपुर गाउँपालिकाबाट आज बिहान प्रहरीले ३ क्वीन्टल ५० किलो कुखुरा सहित ४ जना कुखुरा तस्करलाई  पक्राउ गरेको छ ।

सुचनाको आधारमा ईलाका प्रहरी कार्यालय पोखरीया र जानकीटोला प्रहरी चौकीको संयुक्त टोलीले भारतबाट मोटरसाइकलमा कुखुरा ल्याईरहेको अवस्थामा  पक्राउ गरेको हो ।

जगरनाथपुर गाउँपालिका वडा नम्बर २ दसौताको सडकबाट ना. ६ प. ८४०२, ना. ६ प. ७९९६, ना.२ प. २६३०, ना. ७ प. ७७४१ , गा. १ प. ९०१५ नम्बरको मोटरसाईकलमा लोड गरी भारतबाट ल्याईरहेको अवस्थामा १ सय ३० पीस कुखुरा तौल गर्दा ३ कवीन्टल ५० किलो पक्राउ गरिएको ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंहले बताए ।

बहुदरमाई नगरपालिका १ निवासी रबि बानिया, वडा नम्बर ५ नसुरीन मिया, तबरेल आलम र सागिर आलमलाई मोटरसाईकल  सहित पक्राउ गरि ईलाका प्रहरी कार्यालयमा राखिएको र आवश्यक कार्यवाही अगाडी बढाउने प्रहरी निरिक्षक सिंहले बताए ।

मुक्तिनाथ बैंकको वीरगंज शाखामा आगलागी, २० लाख जतिकाे क्षति

0

वीरगंज । मुक्तिनाथ बिकास बैंकको वीरगंज शाखामा गाएराति आगलागी भएको छ । वीरगंज लिंकरोडस्थित नगर विकास समितिको भवनमा रहेको बैंकको शाखा कार्यालयमा शुक्रबार राती ११ बजे आगलागी भएको हो ।

आगलागीबाट बैंकभित्र रहेको एक दर्जन कम्युटर, प्रिन्टर ३ थान, २ सेट सोफा, ४ थान एसी, फर्निचर लगायतका समान र कागजपत्र जलेर नष्ट भएको बैंकका एक कर्मचारीले वताए । उनका अनुसार बैंकमा रहेकाे रकम भने सुरक्षित छ ।

आगलगीबाट २० लाख जतिकाे क्षति भएकाे हुन सक्ने अनुमान गरिएकाे छ ।

सुरक्षा गार्डले बैंकभित्र आगो लागेको देखेपछि प्रहरीलाई खबर गरेका थिए ।  आगलागीको कारण खुलेको छैन । तर, विद्युत सर्ट भएर आगलागी भएको हुन सक्ने अनुमान प्रहरीले गरेको छ ।

वीरगंज महानगरपालिकाको दमकलको सहयाेगमा सुरक्षाकर्मी र स्थानीय मिलेर आगो नियन्त्रणमा लिएकाे थियाे ।

वीरगंज मै डॉ. अफ़रोज़द्वारा मुटुको सफल शल्यक्रिया

0

वीरगंज ।  नेशनल मेडिकल कॉलेज वीरगंजमा कार्यरत बरिष्ठ डॉक्टर अफरोज अंसारी तथा उनका टीमले मुटुको शल्यक्रिया गरी (नयाँ भलभ) हालेका छन ।

मेडिकल कॉलेजमा उपचारार्थ पर्साकाे धोबिनी गाउँपलिका घर भएका ४५ बर्षिय मंजिला खातुन वर्षौं दिन देखी मुटुरोगबाट ग्रसित थिइन। उनको देब्रे साइड मुटुमा रगत जम्मा भई रगत प्रवाह अवरुद्ध भएको थियो ।

डाक्टर अफरोजकाे टिमले उनको भलभ् प्रतिस्थापन सर्जरी गरी मुटुमा जम्मा भएको रगत मेशीनद्वारा निकाली नयाँ कृतिम मेटालिक मुटु भल्ब प्रतिस्थापन गर्न सफल भएका छन् ।

डॉ. अफरोज तथा उनका टीमले गरेकाे जोखिम पूर्ण रहेकाे ऑपरेशन सफल भएको र बिरामीलाई सकुशल उपचार गरी समान्य अवस्थामा ल्याएका छन् ।

प्रदेशको एकमात्र मेडिकल कॉलेज जहां मुटुको सफ़ल शल्यक्रिया गर्ने बिधुतिय उपकरण सहित विशेसज्ञहरुको टोली रहेको छ।

छिपहरमाईका वडाध्यक्ष कानुद्वारा कहरथुवाहरुलाई दुर्व्यवहार

0

वीरगंज । पर्साकाे छिपहरमाई गाउँपालिका वडा नं. ५ भस्वाका वडाध्यक्ष मऔजीलाल साह कानुले तिर्थ यात्रुहरुलाई दुर्व्यवहार गरेका छन् । वडाध्यक्ष कानु सहितका स्थानिय ३ जनाकाे समुहले वडा कार्यालयकाे प्राङ्गमा बास बसेका कहरथुवाहरुलाई  दुर्व्यवहार गरेका हुन् ।

रक्सी खाएर मातिएका वडाध्यक्ष कानु सहितकाे समुहले आफुहरुलाई गाली गलाैज गर्दै दुर्व्यवहार गरेकाे कहरथुवाहरुले वताएका छन् ।

भारतकाे त्रिवेनीबाट धार्मिक तिर्थ यात्राबाट घर फक्रने क्रममा बिहिबार राती मिर्जापुर कहरथुवाहरुले वडा ५ भिस्वाको वडा कार्यालयकाे प्राङ्गणमा बास बसेका थिए । साेही बेला रातीकाे १० बजेकाे समयमा वडाध्यक्ष कानु सहितकाे ३ जनाकाे समुहले त्यहाँ पुगी तिमीहरु किन यहाँ बसेकाे ?, कस संग साेधेर बसेकाे ? म वडाकाे मुखियाकाे हु भन्दै जल समेत खसाली दिएकाे कहरथुवा भुलन यादवले वताए ।

रक्सी खाएर मातेका उनीहरुले आफुहरुलाई खुट्टाले हिर्काउदै जल समेत खसाली दिएकाे उनले वताए ।

त्यस लगतै कहरथुवाहरुलेे प्रहरी चाैकी भिस्वामा पुगेर केही समय धर्ना दिदै घटना बारे जानकारी समेत गराएका थिए । त्यस पछि शुक्रबार विहान पंचायती बसी विवाद साम्य भएकाे स्थानियहरुले वताए छन् । पंचायतीमा वडाध्यक्ष कानुले आफु संग गल्ती भएकाे स्विकार गर्दै माफी मागे पछि विवाद साम्य भएकाे समाचार स्राेतले जनाएकाे छ ।

वीरगंज स्टार र डिसिसि वीरगंज विजयी

0

वीरगन्ज । वीरगन्ज प्रिमियर लिग (बिपिएल) टि २० क्रिकेट प्रतियोगिताको आज भएको सातौ दिनको पहिलो खेलमा वीरगन्ज स्टार विजयी भएको छ । ड्राइगन साहेब दरबाबरलाई ४४ रनले हराउँदै वीरगन्ज स्टार विजयी भएको हो ।

टस जितेर ब्याटिङ रोज्दै निर्धारित २० ओभरमा ४ विकेटको क्षतिमा वीरगन्ज स्टारले १ सय ५२ रन बनाएको थियो । १ सय ५३ रनको लक्ष्य सहित जवाफी ब्याटिङमा उत्रेका ड्राइगन साहेब दरबारले २० ओभरमा ९ विकेट गुमाउँदै १ सय ८ रन मात्र बनाउन सकेकाे थियाे ।

खेलको म्यान अफ द म्याच विजयी टिम वीरगन्ज स्टारका हरिशंकर साह २६ बलमा ३५ रन र ४ ओभरमा २ विकेट लिएर घोषित भएका थिए ।

यस्तै आजै सम्पन्न दोश्रो खेलमा डिसिसि वीरगन्ज विजयी भएको छ । केआईईसि वीरगन्जलाई ६ विकेटले हराउँदै डिसिसि विजयी भएको हो ।

टस जितेर ब्याटिङ रोजेका केआईईसिले निर्धारित २० ओभरमा ६ विकेटको नोक्सानीमा १ सय ३५ रन बनाएका थिए । जवाफी ब्याटिङमा उत्रेका डिसिसिले १९.४ ओभरमा ४ विकेटको क्षतिमा १ सय ३९ रन बनाई विजयी भएकाे हाे ।

४ ओभरमा १२ रन खर्च गरेर ४ विकेट लिएर दाेस्राे खेलकाे म्यान अफ द म्याच डिसिसिका कप्तान अभिनाष कर्ण भएको विपिएलका प्रवक्ता राजुल हवारीले बताए ।

शनिबारको पहिलो खेल सिंह ११ भर्सेज रौतहट राईनोज र दोश्रो खेल वीरगन्ज स्टार भर्सेज केआईईसि वीरगन्जबीच हुने प्रवक्ता हवारीले बताए ।