Date
आइत, मंसिर ६, २०८३
Sun, November 22, 2026
Home Blog Page 1031

गरिवी निवारणकाे लागी सहकारी संस्था उपयुक्त : सांसद यादव

0

वीरगंज । श्री गणेश बचत ऋण सहकारी संस्थाको तेह्राैं बार्षिकाेत्सव आज सम्पन्न भएकाे छ । बार्षिकाेत्वकाे अवसरमा आयाेजित कार्यक्रममलाई सम्बाेधन गर्दै संघिय सांसद प्रदिप यादवले गरिवी निवारण र आर्थिक उन्नतीको लागी सहकारी उपयुक्त एवं सर्वोकृष्ट व्यवस्था भएको धारण व्यक्त गरेका छन् ।

मकालु हाेटलमा भएकाे कार्यक्रमका प्रमुख अतिथी सांसद यादवले छरिएको पुजिलाई एकिकृत गर्दै समुदायको उत्थानमा सहकारीको धेरै राम्रो भूमिका रहेको बताए । उनले देश गरिव नभए पनि चिन्तन गरिव भएको कारण समाजको विकास हुन नसकेको धारणा राखे ।

समाजवादीका नेता समेत रहेका सांसद यादवले राष्ट्रिय परिपेक्षमा सहकारी एन २०७४ र सहकारी नियमावली २०७५ भए पनि प्रदेश २ को सरकारले यहाको समाजिक परिवेश अनुसारको सहकारी नियमावली २ बर्ष सम्ममा बनाउन नसक्नु दुर्भाग्य भएको बताए ।

प्रदेश २ को परिपेक्ष्यमा मधेसी समुदायको आर्थिक उन्नतीको लागी प्रदेश सरकारलाई अविल्ब प्रदेश स्तरिय सहकारी कानुन बनाउनं सांसद यादवले मांग समेत गरे । उनले सहकारी संचालकहरुको गलत रवैयाको कारण सहकारी संस्थाहरु बदनाम भएको बताउदै संचालकहरुलाई पारदर्शी हुन अनुरोध गरे ।

संचालक समितीका पदाधिकारीहरुले समय समयमा सबै सदस्यहरुलाई संस्थाको आर्थिक अवस्थाको बारेमा जानकारी गराए सदस्य र संचालक समिति बिचका सम्बन्ध अझ बजबुत हुने उनकाे भनाई थियाे ।

श्री गणेश बचत तथा ऋण सहकारी संस्थाका अध्यक्ष अशोक टेमानीको अध्यक्षतामा भएको कार्यक्रममा राष्ट्रिय सहकारी बिकास बोर्डका सदस्य शम्भु गुप्ता, सहकारीका पुर्व अध्यक्ष गणेश लाठ, वीरगन्ज उधोग वाणिज्य संघका अध्यक्ष गोपाल केडिया, जिल्ला बचत ऋण सहकारी संघ पर्साका अध्यक्ष राजेश पंडित लगायतकाले  शुभकामना मन्तव्य राखेका थिए ।

रेडक्रस पर्साकाे प्रथम बार्षिक साधारण सभा सम्पन्न

0

पर्सा । पर्साको पोखरीया नगरपालिकामा आज नेपाल रेडक्रस सोसाईटी पर्सा जिल्ला शाखाको प्रथम बार्षिक साधारण सभा सम्पन्न भएकाे छ ।

जिल्ला उच्यांगल रामदेव कलवार उच्च मावि पोखरीयामा भएको साधारण सभामा आर्थिक बर्ष ०७७।०७८ को अनुमानित बजेट ६ करोड २० लाख २३ हजार ५ सय आम्दानी र सोही बराबर खर्च गरिने कोषाध्यक्ष महन्थ प्रसाद यादवले प्रस्तुत गर्दा सहभागीहरुले सर्वसम्मत पास गरे ।

नेपाल रेडक्रस सोसाईटी प्रदेश नम्बर २ का अध्यक्ष फुलमहम्मद मियाले दिप प्रजवलन गरी साधारण सभाको उदघाटन गरेका थिए । सभामा बोल्दै प्रमुख अतिथी मियाले कालिकामाई गाउँपालिकामा उपशाखा बिस्तार गर्ने र अब उपशाखाहरुलाई नै सम्मपुर्ण अधिकार रहेकोले सक्रियता पुर्बक काम गर्न आग्रह गरे ।

शुभकामना मन्तब्य राख्दै पोखरीया नगरपालिकाका प्रमुख दिपनारायण रौनियारले नेपाल रेडक्रस सोसाईटीको स्थापनाले हाम्राे समाजमा बिभिन्न किसिमकाे सेवाहरु उपलब्ध भएकोले पोखरीया नगरपालिका रेडक्रसको सहयोगका लागी तत्पर रहने बताए ।

नेपाल रेडक्रस सोसाईटी पोखरीया उपशाखाको आयोजनामा भएको साधारणसभामा पाेखरिया नगरपालिकाकी उपप्रमुख सलमा खातुन, रेडक्रस सोसाईटी पर्साका मंत्री शैलेन्द्र चौरसिया लगायतकाले शुभकामना मन्तब्य राखेका थिए ।

रेडक्रस पर्साका सभापति बिरेन्द्रराज कडेलको सभापतित्वमा भएकाे कार्यक्रममा समाजसेवीहरुलाई मायाको चिनो, प्रमाण पत्र र दोसाला ओढाई सम्मान समेत गरिएको थियो ।

पकहा मैनपुरमा छाेरी शिक्षा बीमा शिविर सम्पन्न, एक सय ६२ जनाकाे बीमा

0

पर्सा । पर्साको पकहा मैनपुर गाउँपालिकामा आज भएकाे मुख्यमंत्री बेटी पढाउ, बेटी बचाउ अभियान अन्तर्गतकाे छोरी शिक्षा बिमा शिविरमा एक सय ६२ जनाको बीमा भएकाे छ ।

श्री रामचरित्र भगत उच्च मा.वि. पकहा मैनपुरमा भएकाे शिविरकाे उद्घाटन प्रदेश नम्बर २ का मुख्यमंत्री लालबाबु राउत गद्दीले बीमा गराउन आएका छोरीहरुलाई आफ्नो काखमा ली शुभारम्भ गरेका थिए । उदघाटन समारोहलाई सम्बाेधन गर्दै मुख्यमंत्री गद्दीले शिविर स्थल श्री रामचरित्र भगत उच्च माविमा प्रबिधीक शिक्षा ओभरसियरको अब पढाई हुने बताए ।

सोही गाउँपालिकामा रहेको मधुबनी पोखरीलाई सौन्दर्यकरण गर्नकाे लागी आर्थिक बर्ष २०७७।०७८ को बजेटमा राख्ने घोषणा समेत गरे । पर्सा जिल्ला निवासी मुख्यमन्त्री गद्दीले महिला समृद्ध भए हाम्राे समाज नै समृद्ध हुने बताए । उनले हाम्राे समाजमा भ्रुण हत्या गर्नै प्रथालाई छोरी बिमा कार्यक्रमले अन्त गर्ने दाबी गरे ।

उनले प्रदेश २ मा जुनसुकै निकायमा अब चाहे निजामती होस या लोकसेवामा महिलाको लागि ५० प्रतिशत सिट सुरक्षित राख्ने निती आएको बताए । प्रदेश नम्बर २ मा संघिय सरकारको सपोर्टको खाचो रहेकोले आशावादी पनि रहेको उनले कटाछ गरे ।

कार्यक्रममा पकहामैनपुर गाउँपालिकामा जन्मने प्रत्येक छोरीले ६ लाख पाउने भएको गाउँपालिका अध्यक्ष बिजय चौरसियाले घोषणा गरे ।

कार्यक्रममा क्षेत्र नम्बर ३ का निलम्वित सांसद हरिनारायण रौनियार, प्रदेश सांसद प्रल्लाहद गिरी, मंजुर अंसारी, सखुवाप्रसौनी गाउँपालिकाका अध्यक्ष प्रदिप जयसवाल, समाजवादी पार्टीका जिल्ला अध्यक्ष रामनरेश यादव, सचिव तबरेज अहम्मद, पकहामैनपुर गाउँपालिकाकी उपाध्यक्ष कुसुमी देवी, वडाका वडाअध्यक्षहरु, कार्यक्रमका संयोजक आमोद यादव, सह संयोजक चन्द्रिका सहनी लगायतको सहभागीता रहेको थियो ।

आगाेले जलरेर घाइते भएकी महिलाकाे मृत्यु

0

वीरगंज । आगोबाट जलेर गम्भीर घाइते भएकी एक महिलाकाे मृत्यु भएकाे छ । पर्साकाे छिपहरमाई गाउँपालिका वडा नं. १ मीरजापुर निवासी घाइते भिमा साह तुराहाकी ३५ बर्षिय श्रीमती रीना देवीकाे शुक्रबार दिउसाे मृत्यु भएकाे प्रहरीले जनाएकाे छ ।

वीरगंज स्थित नारायणी अस्पतालमा उपचार गराइरहेकी घाइते महिलाकाे मृत्यु भएकाे जिल्ला प्रहरी कार्यालय पर्साका प्रवक्ता विरेन्द्र शाहीले वताए ।

गरिब, विपन्न परिवारकी महिला पुस २५ गते आगाे ताप्ने क्रममा जलेर गभ्भीर घाइते भएकी थिइन । उनकाे उपचारमा कमि आए पछि मृत्यु भएकाे बुझिएकाे छ । आर्थिक अभाव कारण उनकाे उपचार राम्राे हुन सकेकाे थिएन ।

थप उपचारकाे लागि काठमाण्डाै लग्न चिकित्सकहरुले सलाह दिए पनि आर्थिक अभाव कारण उनलाई वीरगंज बाहिर लग्न सकिएकाे थिएन ।

प्रसौनी टि २० कपकाे फाइनल खेलमा युसिसि वीरगंज विजयी

0

वीरगंज । प्रसौनी टि २० नक आउट कपकाे फाइनल खेलमा युनाईटेड क्रिकेट क्लब(युसिसि) वीरगंज विजयी भएकाे छ । बाराकाे प्रसाैनी गाउँपालिकामा जारी प्रसाैनी टि २० कपकाे आज भएकाे फाइनल खेलमा केसिसि कलैयालाई हराउदै युसिसि वीरगंज विजयी भएकाे हाे ।

टस जितेर पहिलाे वैटिङ्ग गरेकाे केसिसि कलैयाले निर्धारित २० ओभरमा ९ विकेटकाे क्षतिमा एक सय ४९ रन बनाएका थियाे । जवाफी वैटिङ्गमा उत्रेका युसिसि वीरगंजले १९.५ ओभरमा ९ विकेटकाे क्षतिमा एक सय ५० रनकाे लक्ष्य पुरा गर्दै जित हासिल गर्याे ।

युसिसिका तर्फबाट सर्वाधिक कप्तान मुर्तजा हवारीले ४ ओभरमा ४ विकेट र सुरज पटेलले ४ ओभरमा २ विकेट लिएका थिए । उक्त खेलकाे म्यान अफ द म्याच युसिसिका रासिद खान ५४ रन नटआउट र एक विकेटकाे सहायताले घोषित भएकाे युसिसिका सदस्य राजुल हवारीले वताए ।

प्रदेश २ का भाैतिक पूर्वधार तथा याेजना मन्त्री जितेन्द्र साेनलले विजेता र उपविजेता टिमालाई पुरस्कार राशी सहित टफीले पुरस्कृत गरे । प्रसाैनी क्रिकेट क्लबकाे आयाेजनामा भएकाे टि २० नक आउट कपमा ८ वटा टिमले भाग लिएका थिए ।

मैत्रीपूर्ण फुटबलमा बैंकर्स एशोसियसन विजयी

0

वीरगञ्ज । वीरगञ्जमा जारी प्रथम गिरिजा प्रसाद कोइराला गोल्डकप फुटबल प्रतियोगिता अन्तर्गत शुक्रबार भएको मैत्रीपूर्ण खेलमा बैंकर्स एशोसियसन विजयी भएको छ ।

आदर्शनगर रंगशालामा भएको खेलमा बैंकर्स एशोसियसनले आयोजक गिरिजा प्रसाद कोइराला फाउण्डेशन पर्सालाइ ३–० गोलले पराजित गरेको हो ।

पहिलो हाफमा २–० ले अग्रता लिएको बैंकर्स एशोसियसनले दोश्रो हाफमा थप १ गोल गरेर ३–० को नतीजा सहित जित हात पारेको हो ।

बैंकर्स एशोसियसनका लागि विशाल श्रेष्ठले २ र सन्तोष साहले १ गोल गरेका हुन् ।

गिरिजा प्रसाद कोइराला गोल्डकप फुटबल प्रतियोगिताको उपाधीका लागि शनिवार हुने फाइनल खेलको पूर्व सन्ध्यामा शुक्रबार बैंकर्स एशोसियसन र आयोजक गिरिजा प्रसाद कोइराला फाउण्डेशन पर्सा बिच मैत्रीपूर्ण खेल भएको हो ।

शनिवार हुने फाइनल खेलमा बारा र सप्तरी बिच भिडन्त हुनेछ । आदर्शनगर रंगशालामा फाइनल खेल शनिवार दिउँसो १ बजे देखि शुरु हुनेछ । सेमीफाइनलमा बाराले धनुषालाइ र सप्तरीले महोत्तरीलाइ पराजित गर्दै उपाधी भिडन्तमा भेट पक्का गरेका हुन् ।

शनिवार प्रतियोगिताको समापन समारोहमा प्रदेश २ का मुख्यमन्त्री लालबाबु राउत , काँग्रेस नेता एंव संविधानसभा सदस्य सभासद शोभाकर पराजुली लगायतका विशिष्ट व्याक्तिहरुको पनि उपस्थिती रहने आयोजक गिरिजा प्रसाद कोइराला फाउण्डेशन पर्साका अध्यक्ष महम्मद शाहबुद्धिनले जानकारी दिए ।

माघ १८ गते देखि शुरु भएको प्रतियोगितामा प्रदेश २ का आठ वटै जिल्ला फुटबल संघका टिमले भाग लिएका थिए ।

प्रतियोगिताको उपाधि विजेता टिमले एक लाख ५१ हजार नगद र उपविजेता टिमले ७५ हजार रुपैयाँ नगद सहितकप र मेडल दिनेछ ।

अलौमा आँखा शिविर सम्पन्न

0

वीरगंज । वीरगंज महानगरपालिकाकाे वडा नं. १७ अलौ स्थित श्री द्वार देवी माध्यमिक बिधालय आज नि:शुल्क आँखा शिविर सम्पन्न भएकाे छ ।

महानगरपालिकाका मेयर विजय कुमार सरावगीकाे विषेश पहलमा मातृका आई फाउन्डेसनद्वारा भएकाे शिविरमा १२०० जना विद्यार्थीहरुको अँखा परिक्षण गरिएको स्थानिय अगुवा अजय साहले वताए ।

विद्यालयका प्र.अ. राजु माली अध्यक्षतामा र नगर शिक्षा समिति सदस्य मुकेश कुमार द्विवेदीकाे प्रमुख आतिथ्यतामा भएकाे शिविरमा मतृका आइ फाउन्डेसनका प्रबन्धक महेश सिंह धामी, जिल्ला समन्वय समिति सदस्य अमोद यादव, स्थानीय नेता छोटेलाल साह, जादो लाल सहनी, सशी पान्डे, असलम अन्सारी लगायत शिक्षक विद्यार्थीहरुको उपस्थिति रहेको थियो

नेवि संघद्वारा रजिष्ट्रार दहाललाई ३ बुंदे ज्ञापन, माग पुरा नभए आन्दाेलन गर्ने चेतावनी

0

वीरगंज । नेवि संघ पर्साले त्रिभुवन विश्व विद्यालयका रजिष्ट्रार पेशल दहाललाई ३ बुंदे ज्ञापन पत्र बुझाएकाे छ । वीरगंज आएका रजिष्ट्रार दहाललाई नेवि संघले ठाकुर राम बहुमुखी क्याम्पसमा भेटी ज्ञापन पत्र बुझाएकाे हाे ।

यथासिघ्र त्रि.वि. रेक्टर नियुक्त गर्न, स्ववीयु निर्वाचनकाे तालिका प्रकाशन गर्न र क्याम्पस प्रमुखकाे नियुक्तिमा निमित हटाउनु पर्ने माग राख्दै नेवि संघले दहाललाई ज्ञापन पत्र बुझाएकाे हाे ।

हाम्रा मागहरु त्रि.वि. पदाधिकारी तथा प्रशासनले यथासिघ्र कार्यन्वयन नगरे आउदा दिनमा त्रि.वि. पदाधिकारी तथा प्रशासनलाई असहयाेग पुग्ने गरी जुन सुकै कठाेर कार्यक्रम लिएर भए पनि आफ्नाे माग पुरा गराउन नेवि संघ आन्दाेलन हुमिने  नेवि संघ ठा.रा.ब. क्याम्पस उपाध्यक्ष मुन राज तिवारीले वताए ।

नेवि संघका पूर्व केन्द्रिय सदस्य सुधिर पटेल,  विद्यार्थी नेता अब्दुल क्युम, प्रकाश राैनियार लगायतकाले ज्ञापन पत्र बुझाउन क्याम्पस पुगेका थिए ।

पर्दाफासकाे नवौं वार्षिकाेत्सव, जिम्मेवार र जवाफदेही पत्रकारिता गर्नुपर्छ : चाैलागाई

0

वीरगंज । वीरगंजबाट प्रकासित पर्दाफास दैनिक पत्रिकाकाे नवौं वार्षिकाेत्सव आज सम्पन्न भएकाे छ । पत्रिकाकाे वार्षिकाेत्सवकाे अवसरमा आयाेजित समाराेहलाई सम्बाेधन गर्दै प्रेस काउन्सिल नेपालका सदस्य गाेबिन्द प्रसाद चाैलागाईले गाउँ गाउँमा पुगि सकेकाे सिंह दरबारकाे अधिकार जनताले प्राप्प गरेकाे छ कि छैन् भने बिषयमा पत्रिकाले खबरदारी गर्नु पर्ने वताएका छन् ।

कार्यक्रमका प्रमुख अतिथी चाैलागाईले अहिलेकाे डिजिटल प्रविधिकाे जबानामा पत्रिकाकाे चुनाैतिहरु थपिदै गएकाे अवस्थामा पत्रिकाहरुले त्यस अनुसार पनि परिवर्तन हुन जरुरी रहेकाे धारणा राखे । उनले डिजिटल मिडियाहरुले छिन छिनमा समाचार दिने अवस्थमा पत्रिकाकाे छुट्टै आफ्नाे गरिमा रहेकाेले त्यसलाई बचाई राख्न जरुरी रहेकाे वताए ।

उनले भने “पत्रिका निकाल्न समस्या छ, याे कुरा देशभरीबाट नै आइरहेकाे छ यसकाे लागि पनि स्थानिय तहहरुले नै सहयाेग गरिदिनु पर्छ ।”

नेपाल पत्रकार महासंघका केन्द्रिय सदस्य समेत रहेका चाैलागाईले जिम्मेवार र जवाफदेही पत्रकारिता गर्नु पर्छ वताउदै त्यसकाे लागि पत्रकार अचारसंहिता पालना गर्नु पर्ने वताए ।

पत्रिकाका प्रकाशक तथा प्रबन्ध निर्देशक राघव साहकाे अध्यक्षतामा भएकाे समाराेहमा नेकपाका केन्द्रिय सदस्य एवं पर्सा इन्चार्ज रामचन्द्र साह, संविधान सभा सदस्य जयप्रकाश थारु, नेपका पर्साका अध्यक्ष प्रभु हाजरा, नेपाली कांग्रेस पर्साका सचिव श्याम पटेल, पर्साका सहायक प्रमुख जिल्ला अधिकारी ललित कुमार बस्नेत, अधिवक्ता प्रमाेद साह, नेपाल पत्रकार महासंघ पर्साका अध्यक्ष श्याम बन्जारा, प्रेस संगठन नेपालका केन्द्रिय सदस्य वृजलाल पासवान, संघिय प्रेसका केन्द्रिय सदस्य विजय कुशवाहा लगायकाले शुभकामना मन्तव्य राखेका थिए ।

वीरगंज मुर्ली स्थित रहेकाे नेपाल पत्रकार महासंघ पर्साका सभा हलमा भएकाे कार्यक्रमकाे संचालन पत्रकार मनाेज पटेलले गरेका थिए ।

जिपि कोईराला गोल्ड कप : बारा फाइनलमा प्रबेश

0

वीरगञ्ज । वीरगञ्जमा जारी प्रदेश स्तरीय फुटबल प्रतियोगिताको फाइनलमा बारा जिल्ला फुटबल संघ प्रवेश गरेको छ ।

वीरगञ्जमा शनिबारबाट सुरु भएको प्रतियोगिता अन्तर्गत धनुषालाई ४–१ गोलको अन्तरले हराएर बारा जिल्ला फुटबल संघ विजयी भएको हो । जि पी कोइराला फाउन्डेसन पर्साद्वारा जारी जी पी कोईराला प्रदेश स्तरीय प्रथम नकआउट फुटबल प्रतियोगिताको आज दाश्रो सेमिफाइनमा बाराले जित हासिल गरेको हो ।

बीरगञ्जको आदर्शनगर स्थित रङगशालामा बारा र धनुषा बिच भएको खेलमा दुबै टिमले निर्धारित समयमा गोल हुन नसकेपछि अन्तमा टाईब्रेकरमा गेम पुगेको थियो । टाईब्रेकर सुटमा बाराले ४ गोल र धनुषाले १ गोल गरेका थिए । धनुषाले टाईब्रकरमा गोल गर्न नसकेपछि गेम बाराको हातमा पुगेको थियो ।

खेलको म्यान अफ द म्याच बाराका गोल किपर जयराम चौधरी घोषित भएका थिए । शनिबार बारा र सप्तरी बिच फाइनल खेल हुने आयोजकले जनाएको छ । प्रतियोगिताको उपाधि विजेता टिमले एक लाख ५१ हजार नगद र उपविजेता टिमले ७५ हजार रुपैयाँ नगद सहित कप र मेडल पाउने छ ।