Date
आइत, मंसिर ६, २०८३
Sun, November 22, 2026
Home Blog Page 1030

बैयक्ति समाजिक सहयोग सम्बन्धी ३ दिने तालिम सुरु

0

वीरगंज । पर्साको पोखरीया नगरपालिकामा किशोरी शशक्तिकरणका लागी शिक्षा कार्यक्रम अन्तर्गत ठुलीदिदीहरुको लागी परियोजना सम्बन्धी परिच्यात्मक कार्यक्रम तथा बैयक्ति समाजिक सहयोग सम्बन्धी ३ दिने तालिम आज देखी सुरु भएकाे छ ।

पाेखरिया नगरपालिकाकाे सभा हलमा सुरु भएकाे तालिमकाे एक कार्यक्रमका बिच गैरसरकारी संस्था महासंघ नेपाल पर्साका अध्यक्ष छठु साहले उद्घाटन गरेका छन् ।

भिएसओ नेपालको सहयोगमा संचालित कार्यक्रम अन्तर्गत संचालित तालिममा १७ जना ठुलीदिदी, ३ जना सामुदायिक परिचालक र ५ जना सहजकर्ता गरी २५ जनाको सहभागीता रहेको छ ।

सहभागीहरुलाई भिएसओकी जिल्ला अधिकृत बेबी न्यौपाने, राष्ट्रिय स्वयम सेवक चन्दन जयसवाल र कार्यक्रम संयोजक गणेशबहादुर ठकुरीले प्रशिक्षण दिरहेका छन् । उद्घाटन समारोहमा भिएसओका मेसिहाक, हेनरीजीप र बैबी न्यौपाने लगायतकाले मन्तब्य राखेका थिए ।

बिधालय बाहिर रहेका बहिनीहरुलाई शिक्षा दिने उदेश्यले र बिधालयमा जान सपोर्ट गर्ने उद्देश्य राखी किशोरीहरुलाई सशक्तिकरण तालिम दिईरहेको कार्यक्रम संयोजक ठकुरीले बताए ।

हिन्दू राष्ट्रको लागि राष्ट्रिय गठबन्धन निर्माण गरिने

0

वीरगंज । काठमाण्डाैमा बसकाे हिन्दू परिषद नेपालकाे केन्द्रिय कमिटिको बिस्तारिक बैठक ११ बुन्दे निर्णय गर्दै सम्पन्न भएको छ ।

अनामनगर स्थित मधेस मीडिया हाउसको सभा हलमा परिषदका केन्द्रिय अध्यक्ष संतोष पटेलको सभापतित्वमा बसेकाे बैठकले हिन्दू राष्ट्रको लागि राष्ट्रिय गठबन्धन निर्माण गर्ने, जनजागरण सभालाई निरन्तरता दिने, संगठन बिस्तार कार्यमा तीब्रता दिने, हिन्दूवादी अगुवाहरुलाई उचित सम्मानका साथ परिषदमा आबद्ध गराउने, मठ-मन्दिर सरसफाई कार्यलाई निरन्तरता दिने, एकादर्शीको दिन नेपाल भरी माछा, मासु बन्द गरौ अभियान संचालन गर्ने, छुवाछुत र बिभेद मुक्त समाज निर्माण अभियान संचालन गर्ने, धर्म परिवर्तन बिरुदको महाअभियान संचालन गर्ने, गौ संरक्षण एवं सम्बर्धन अभियान संचालन गर्ने, धार्मिक र सामाजिक कार्यलाई निरन्तरता दिने निर्णय गरेकाे छ ।

यस्तै सनातन हिन्दू धर्मको संरक्षण र सम्बर्धन महाअभियानलाई तीब्रता दिनुकाे साथै १५ जनालाई देश भरीबाट केन्द्रिय कमिटिमा समाबेश गरेको छ ।

नवनियुक्त केन्द्रिय सदस्य चयन हुनेहरुमा अमरेन्द्र साह, शान्त बहादुर शाक्य, मनोज राउत, नबीन कुमार सिंह, मनोज मण्डल, साहेब ठाकुर, खगेन्द्र राज जोसी, बिष्णु ज्ञवाली, लोकनाथ भण्डारी, लोकनाथ पाण्डे, रीता झा, राजकुमार रौनियार, संतोष बस्नेत, राममान महर्जन, संजय अग्रवाललाई रहेका छन् ।

केन्द्रिय बिस्तारिक बैठकमा हिन्दू परिषद नेपालका केन्द्रिय उपाध्यक्षहरु बिजय गुप्ता, सुनीता रौनियार, महासचिव अनिरुद्ध सिंह, कोषाध्यक्ष संजय सरार्फ, केन्द्रिय सदस्यहरु श्रीराम उपाध्याय, लालबाबु प्रसाद कुर्मी, सुरेश साह कानू, भरत सरार्फ, चितरंजन श्रीवास्तव, उमेश साह कानू, श्यामसुंदर राय, साधना यादव, अजिता देवी, गायत्री साह, हंसा साह, पिंकी महासेठ, सजना खटिवटा, राकेश चौधरी लगायतको उपस्थिति रहेको थियो । साथै आउदो साउन महीनामा नेपालीहरुको सुख, शान्ति र समृद्धि हेतु रथ यात्रा संचालन गर्ने समेत निर्णय गरेकाे छ ।

वीरगंजमा विश्व विद्यालय बनाउन पुन: माग

0

वीरगंज । वीरगंजमा विश्व विद्यालय बनाउनु पर्ने माग फेरी उठेकाे छ । केही समेय पहिला उठेकाे माग सेलाइसके पछि फेरी एक व्यक्तिले उठाएका छन् ।

देश प्रमी भनिने विरेन्द्र भगत कुशवाहाले आइतबार पत्रकार सम्मेलन गर्दै वीरगंजमा विश्व विद्यालय बनाउनु पर्ने माग गरे । उनका अनुसार प्रदेश २ काे राजधानी जनकपुर भए पछि विश्व विद्यालय वीरगंजमा बनाउनु पर्छ ।

वीरगंज मुर्ली स्थित नेपाल पत्रकार महासंघ पर्साकाे भवनमा आयाेजित पत्रकार सम्मेलनमा उनले भने “वीरगंजमा विश्व विद्यालय बनाउने कुरा जनकपुर भन्दा पहिला देखी नै उठेका कारण वीरगंजमा बनाउनु पर्छ । राजधानी र विश्व विद्यालय दुबै जनकपुरमा हुनु हुदैन् ।”

यसका साथै उनले वीरगंज देखी काठमाण्डाै सम्म मेट्राे ट्रेन चल्नु पर्ने र शिक्षा पेशामा महिलाकाे ५० प्रतिशत आरक्षणकाे व्यवस्था हुनु पर्ने माग गरे । सरकारले माग पुरा नगरे आन्दाेलन गर्ने उनकाे चेतावनी थियाे । उनले २० दिन भित्र सरकारले माग पुरा नगरे आफुले हजराैं महिला र पुरुष वीरगंज स्थित सडकमा उत्राने चेतावनी दिए ।

यस अघि २०७४ सालमा पनि वीरगंजमा विश्व विद्यालय बनाउनु पर्ने माग उठेकाे थियाे । त्यसकाे लागि एउटा समिति पनि गठन भएकाे थियाे । जुन समितिले विश्व विद्यालयका लागि चन्दा समेत संकलन गरेकाे थियाे ।

हरि खेतान बहुमुखी क्याम्पस वीरगंजका निर्देशक भगवान यादवकाे संयाेजक रहेकाे समितिले कराेड रुपया भन्दा बढी संकलन समेत गरेकाे थियाे । तर केही समय पछि विश्व विद्यालयकाे कुरा विस्तार सेलाउदै गयाे । त्यस पछि कुनै राजनितिक दल अथवा अन्य कुनै व्यक्ति हाल सम्म विश्व विद्यालयकाे विषयमा वाेलेका थिएनन् ।

स्वदेशमै उच्च शिक्षा प्रदान गर्न वीरगञ्जमा २ दिने शैक्षिक मेला हुँदै

0

वीरगञ्ज । वीरगन्जको नगर सभा गृहमा हुन गइरहेको स्टडी ईन नेपाल एजेुकेशन फेयरको सम्पुर्ण तयारी पूरा भएको छ । भिजन मिडिया ईनकर्परेशन र एजुकेसन डटकमको संयुक्त आयोजनामा यही माघ २७ र २८ गते (भोलि र पर्सि) आयाेजना हुने मेलाकाे सम्पूर्ण तयारी पुरा भएकाे आयाेजकले आइतबार पत्रकार सम्मेलनको आयोजना गरी जनाएको छ ।

एजुकेशन डटकमका प्रमुख कार्यकारी अधिकृत जीवन लामा गोलेको सभापतित्वमा भएको पत्रकार सम्मेलनलाई सम्बोधन गर्दै नेपाल पत्रकार महासंघ पर्साका अध्यक्ष श्याम बन्जाराले बिदेशी कन्सलटेन्सीहरूले विभिन्न आकर्षक नाराका साथै विभिन्न प्रलोभन देखाएर नेपाली विद्यार्थीहरूलाइ ठग्ने किसिमका शैक्षिक मेला हरू भईरहेको बेला स्वदेशमै उच्च शिक्षा प्रदान गर्ने उदेश्यले आयोजित शैक्षिक मेलाले गरीब, बिपन्न र आर्थिक अवस्था कमजोर भएका विद्यार्थीहरूलाई पनि समेट्नुपर्नेमा जोड दिए ।

महंगो मुल्यमा विदेश जानुको सट्टा सस्तो र सर्वसुलभ मुल्यमा गुणस्तरीय शिक्षा प्रदान गर्ने शैक्षिक संस्थाहरू नेपालमै भएतापनि सबैको पहुँचमा पुग्न नसकेको हुँदा यस मेलाले सहयोग पुग्ने विश्वास पनि उनले व्यक्त गरे।

“स्वदेशमै शिक्षा, सबैको ईच्छा“ भन्ने नाराका साथ हुन गईरहेको २ दिने शैक्षिक मेलामा काठमाडौं विश्वविद्यालय, त्रिभुवन विश्वविद्यालय, पोखरा विश्वविद्यालय, ठाकुराम बहुमुखी क्याम्पस लगायतका २७ भन्दा बढी कलेजले विद्यार्थीहरूलाई नि:शुल्क परामर्श दिने आयोजकले जनाएको छ ।

उच्च शिक्षा हासिल गर्न विदेशमा जानेहरूको संख्या बढ्दै गएको परिवेशलाई मध्यनजर गर्दै स्वदेशमै गुणस्तरीय शिक्षा प्रदान गर्ने शैक्षिक संस्थाहरू छन् भन्ने कुराको जानकारी गराउने अभिप्रायले शैक्षिक मेलाको आयोजना गरीएको मेला व्यवस्थापक नविन कार्कीले बताए ।

पत्रकार सम्मेलनमा प्रेस संगठन पर्साका संयोजक निरज पिठाकोटे, नेपाल पत्रकार महासंघ प्रदेश न.२ का सदस्य जगत राई, सन्तोष श्रेष्ठ लगायतकाे उपस्थिति रहेको थियो भने पत्रकार सम्मेलनको सहजिकरण सञ्चारकर्मी सुर्य शुभचिन्तकले गरेका थिए ।

स्व. कोइरालाकाे पाँचाै स्मृतिमा नेवि संघद्वारा दिप प्रज्वलन

0

वीरगंज ।  पूर्व प्रधानमन्त्री स्व. सुशील कोइरालाकाे पाँचाै स्मृतिमा आज दिप प्रज्वलन गरिएकाे छ । नेवि संघ पर्साकाे आयाेजनामा वीरगंज स्थित ठाकुर राम बहुमुखी क्याम्पसकाे मुल गेट  अगाडी दिव प्रज्वलन गर्नुकाे साथै कोण सभा गरिएकाे हाे ।

नेवि संघ पर्साका उपाध्यक्ष बिकेश पटेलको अध्यक्षता तथा नेवि संघका पूर्व केन्द्रिय सदस्य बद्री नारायण तिवारीकाे प्रमुख आतिथ्यतामा भएकाे कार्यक्रममा जिल्ला सचीव अबदुल क्युम, जिल्ला उपाध्यक्ष रुद्र हाल्दार, नगर अध्यक्ष विवेक कालवर, नेवि संघ पर्साका नेता मुन राज तिवारी, मोनाजिर आलम, सुरेन्द्र प्रजापति, प्रकाश रौनियार, सैलेश कल्वार, शेर बहादुर सिंह, राज भर राय क्षेत्रि लगायत नेताहरूको उपस्थिती थियो ।

जिल्ला स्तरिय बाल क्लब समन्वय संजाल गठन

0

पर्सा । पर्साकाे पाेखरियामा नगरपालिकामा आज भएकाे जिल्ला स्तरिय बाल भेलाले जिल्ला स्तरीय बाल क्लब समन्वय संजाल गठन गरेकाे छ । पाेखरिया नगरपालिकाकाे सभा हलमा भएकाे भेलाले अर्जनु साहको अध्यक्षतामा ३१ सदस्यीय जिल्ला स्तरिय बाल क्लब समन्वय संजाल गठन गरेकाे हाे ।

जुन समितिकाे सदस्यहरुमा राजकपुर साह, सुन्तान मिया, अमन चौरसिया, प्रियांका पाण्डे, तम्ना खातुन, राहुल कुमार साह, मेघराज पंजियार, सुस्मिता चालिसे, ,ममता साह, संदिप साह, दिपक पटेल, केशव यादव, निभा यादव र शोभा कुश्वाहा रहेका छन ।

वाकी रहेकाे स्थानिय तहरुमा बाल क्लब संजाल गठन भए पछि थप सदस्य मनाेनित र पदाधिकारी चयन गरिने अध्यक्ष साहले वताए ।

जिल्ला समन्वय समितिकाे समन्वय र किशाेरी संवाद कार्यक्रमकाे सहयाेग तथा दिब्यानी बाल अधिकार मंचको आयोजनामा सुनिश्चित बाल अधिकार, समृद्ध नेपालको आधार मुल नाराका साथ भएकाे जिल्ला स्तरिय बाल क्लब समन्वय संजाल गठन तथा अभिमुखिकरण कार्यक्रम  भएको हाे ।

जिल्ला समन्वय समिती पर्साका उपाध्यक्ष ठाकुर न्यौपानेको प्रमुख आतिथ्यमा भएको कार्यक्रममा पोखरिया नगरपालिकाका प्रमुख दिपनारायण रौनियारले मैनबतीबाली भेलाकाे उद्घाटन गरेका थिए ।

कार्यक्रममा बोल्दै वक्ताहरुले बालबालिका देशको कर्णधार भएकाले यिनीहरुलाई अधिकार सम्पन बनाउनु पर्ने धारणा राखे । कार्यक्रममा पाेखरिया नगरपालिकाकी उप प्रमुख सलमा खातुन, पटैर्वासुगौली गाउँपालिकाकी उपाध्यक्ष ममता महताे, पत्रकार छठु साह, वडाअध्यक्ष अजय साह कलवार, लक्ष्मण साह कानु लगायतको सहभागीता रहेको थियो ।

नेपाली कांग्रेस निकटका भातृ संगठनहरुद्वारा वीरगंजमा प्रदर्शन

0

वीरगंज । नेपाली कांग्रेस निकटका विभिन्न भातृ संगठनहरुले आज वीरगंजमा विराेध प्रदर्शन गरेका छन् ।  बालुवाटारको जग्गा प्रकरणमा नेकपा नेतालाई उन्मुक्ति तथा अन्यलाई राजनैनितक बदनियत र प्रतिशाेधपूर्ण मुद्दा लगाउने निर्णय भएकाे भन्दै कांग्रेस निकटका भातृ संगठनहरुले विराेध प्रदर्शन गरेका हुन् ।

वीरगंजकाे घण्टाघरबाट निस्केकाे विराेध जुलुश माईस्थान, महाविरस्थान, आदर्शनगर, घडिहर्वा हुदै पुन: घण्टारमा पुगी काेण सभामा परिणत भएकाे थियाे । बिराेध जुलुशमा सहभागिहरुले स्वतन्त्र र निष्पक्ष न्याय गर, निर्दाेषलाई फसाउन पाइदैन्, काण्डै काण्डकाे सरकार चाहिदैन्, भ्रष्ट सरकार चाहिदैन् लगायतका नारा लेखिएकाे प्ले कार्ड सहित चक्राे नाराबाजी समेत गरेका थिए ।

तरुण दल पर्साकाे आयाेजनामा भएकाे विराेध प्रदर्शनमा नेपाली कांग्रेस पर्साका काेषाध्य इमतियाज आलम, तरुण दलका नेता सहरुम राउत गद्दी, हुकुम सिंह, कालु सिंह, राजु गुप्ता, नेवि संघका पूर्व केन्द्रिय सदस्य बद्री तिवारी, तरुण दल पर्साका सचिव विवेक चाैरसिया, विद्यार्थी नेता बिकास तिवारी, राेशन सिंह, मुनराज तिवारी, राज चाैरसिया लगायत नेवि संघ, महिला संघ, किशान संघ लगायतका नेपाली कांग्रेस निकटका भातृ संगठनका नेता तथा कार्यककर्ताहरुकाे सहभागिता रहेका थियाे ।

बालबालिकाको चौतर्फी बिकासका लागि खेलकुद अपरिहार्य : मेयर सरावगी

0

वीरगंज । नवदिप एकडेमी साताैं बर्ष पुरा गरि आठाैं बर्षमा प्रवेश गरेको अवसरमा आयाेजिक बार्षिकाेत्सव कार्यक्रम सम्पन्न भएकाे छ । विद्यालय प्राङ्गणमा भएकाे कार्यक्रमकाे वीरगंज महानगरपालिका मेयर विजय कुमार सरावगीले पानसमा बती बाली उद्घाटन गरेका थिए ।

बिधालयले बिगत झै प्रत्येक बर्ष बिभिन्न कार्यक्रम गरि मनाउदै आएको बार्षिकाेत्सव कार्यक्रममा यस बर्ष खेलकुद कार्यक्रम गरि सम्पन्न भएको हो । बलबाललिकाको बिभिन्न शारिरिक तथा मानसिक बिकासका लागि अति आवश्यक खेलकुद भएकोले बार्षिकाेत्सवमा यो कार्यक्रम आयोजना गरिएको बिधालयकी निर्देशिका जोतसाना गुप्ताले बताइन ।

कार्यक्रमका प्रमुख अतिथि समेत रहेका मेयर सरावगीले बालबालिकाको चौतर्फी बिकासका लागि खेलकुद अपरिहार्य रहेको कुरामा जोड दिए ।

कार्यक्रममा पोखरिया नगरपालिकाकी उप मेयर सल्मा खातुन, बीरगंज महानगरपालिका राजनितिक सल्लाहाकार मुकेश दुवेद्धी, समाजिक अभियान्ता प्रकाश थारु, शैलेन्द्र त्रिपाठी, डिन पर्साका अध्यक्ष शम्भु साह, प्रहरी निरिक्षक रबि भुषण यादब, अभिभावक लगायत बालबालिका सहित एक हजार भन्दा बढिको उपस्थिति रहेको थियो ।

बार्षिकोत्सव कार्यक्रममा शिक्षकद्वय गिता साह, शुस्मा मंण्डललाई बिधालयलाई योग्दान पुर्‍याए बापत प्रसंसा पत्र सहित दाेसल्ला ओढाई सम्मान गरिएको थियो । कार्यक्रम बिधालयकी निर्देशिका तथा प्रधानाध्यापिका सुशिला साहको अध्यक्षतामा भएको कार्यक्रमको संचालक बाल अधिकारकर्मी जया साह र शिक्षिका नेहा अग्रवालले गरेका थिए ।

प्रदेश स्तरीय फुटबल प्रतियोगिताको फाइनलमा सप्तरी बिजयी

0

वीरगञ्ज । वीरगञ्जमा जारी प्रदेश स्तरीय फुटबल प्रतियोगिताको फाइनलमा सप्तरी जिल्ला फुटबल संघ बिजयी भएको छ ।

जिपी कोइराला फाउन्डेसन पर्साद्वारा जारी जिपी कोइराला प्रदेश स्तरीय प्रथम नकआउट फुटबल प्रतियोगिताको सेमिफाइनल सप्तरीले जित हासिल गरेको हाे । बीरगञ्जको आदर्शनगरस्थित रङगशालामा बारा र सप्तरी बिच भएको खेलमा २ गोलले सप्तरील विजयी भएको थियो ।

सप्तरीका जर्सी नम्बर १४ का उज्ज्वल सिंह सेवाले दोश्रो आफमा १९ औं मिनेटमा गाेल गरेका थिए भने दाश्रो गोल जर्सी १६ नम्बरका देवस श्रेष्ठले गरेका थिए । बाराले गोल गर्न धेरै प्रयास गरेपनि कुनै गोल गर्न सकेन र जित सप्तरीको हातमा गयाे । पहिलो हाफसम्म नभएको खेलमा दोस्रो हाफमा सप्तरीले २ गोल थप्दै फाइनल जित्याे ।

खेलकाे म्यान अफ दी म्याच सप्तरीका दिव सेष्ट भए भने वेस्ट गोलकिपर रामरुप चौधरी भए । माघ १८ गते देखि भईरहेकोे प्रतियोगितामा प्रदेश २ का आठ वटै जिल्लाका जिल्ला फुटबल संघका टिमले भाग लिएका थिए ।

प्रतियोगिताको सप्तरी विजेता टिमले एक लाख ५१ हजार नगद र उपविजेता बारा टिमले ७५ हजार रुपैयाँ नगद सहितकप र मेडल प्राप्त गरे । बिजेता टिमलाई शिल्ड र प्रमाणपत्र प्रदान प्रदेश २ का मुख्य मन्त्री लालबाबु राउत गद्दीले गरे ।

गरिवी निवारणकाे लागी सहकारी संस्था उपयुक्त : सांसद यादव

0

वीरगंज । श्री गणेश बचत ऋण सहकारी संस्थाको तेह्राैं बार्षिकाेत्सव आज सम्पन्न भएकाे छ । बार्षिकाेत्वकाे अवसरमा आयाेजित कार्यक्रममलाई सम्बाेधन गर्दै संघिय सांसद प्रदिप यादवले गरिवी निवारण र आर्थिक उन्नतीको लागी सहकारी उपयुक्त एवं सर्वोकृष्ट व्यवस्था भएको धारण व्यक्त गरेका छन् ।

मकालु हाेटलमा भएकाे कार्यक्रमका प्रमुख अतिथी सांसद यादवले छरिएको पुजिलाई एकिकृत गर्दै समुदायको उत्थानमा सहकारीको धेरै राम्रो भूमिका रहेको बताए । उनले देश गरिव नभए पनि चिन्तन गरिव भएको कारण समाजको विकास हुन नसकेको धारणा राखे ।

समाजवादीका नेता समेत रहेका सांसद यादवले राष्ट्रिय परिपेक्षमा सहकारी एन २०७४ र सहकारी नियमावली २०७५ भए पनि प्रदेश २ को सरकारले यहाको समाजिक परिवेश अनुसारको सहकारी नियमावली २ बर्ष सम्ममा बनाउन नसक्नु दुर्भाग्य भएको बताए ।

प्रदेश २ को परिपेक्ष्यमा मधेसी समुदायको आर्थिक उन्नतीको लागी प्रदेश सरकारलाई अविल्ब प्रदेश स्तरिय सहकारी कानुन बनाउनं सांसद यादवले मांग समेत गरे । उनले सहकारी संचालकहरुको गलत रवैयाको कारण सहकारी संस्थाहरु बदनाम भएको बताउदै संचालकहरुलाई पारदर्शी हुन अनुरोध गरे ।

संचालक समितीका पदाधिकारीहरुले समय समयमा सबै सदस्यहरुलाई संस्थाको आर्थिक अवस्थाको बारेमा जानकारी गराए सदस्य र संचालक समिति बिचका सम्बन्ध अझ बजबुत हुने उनकाे भनाई थियाे ।

श्री गणेश बचत तथा ऋण सहकारी संस्थाका अध्यक्ष अशोक टेमानीको अध्यक्षतामा भएको कार्यक्रममा राष्ट्रिय सहकारी बिकास बोर्डका सदस्य शम्भु गुप्ता, सहकारीका पुर्व अध्यक्ष गणेश लाठ, वीरगन्ज उधोग वाणिज्य संघका अध्यक्ष गोपाल केडिया, जिल्ला बचत ऋण सहकारी संघ पर्साका अध्यक्ष राजेश पंडित लगायतकाले  शुभकामना मन्तव्य राखेका थिए ।