Date
आइत, मंसिर ६, २०८३
Sun, November 22, 2026
Home Blog Page 1022

क्यान्सर भन्दा खतरनाक हो लभ जिहाद : केन्द्रिय अध्यक्ष पटेल

0

बीरगंज । हिन्दू परिषद नेपालका केन्द्रिय अध्यक्ष संतोष पटेलले क्यान्सर भन्दा खतरनाक लभ जिहाद रहेको बताएका छन् ।

महोत्तरी जिल्लाका संचारकर्मीहरुसंग कुराकानीको दौरान यस्ताे बताएका हुन । वर्तमान अवस्थामा देशको बिभिन्न भागमा सुनियोजित तरिकाले मुस्लिम युवाहरु हिन्दू दिदिबहिनीहरुको सिकार बनाई रहेका छन । बिशेष गरी आर्थिक लोभ र प्रेम जालको माध्यमले पहाड़ी र हिमाली जिल्लामा ब्यापक रुपमा हुदैछ र तराईको जिल्ला पनी अछूतो छैन।

लभ जिहाद गर्ने केटालाई पुरस्कृत गर्ने गरेको कुरा सुन्दा आफु आश्चरय चकित भएको उनले बताए । पटेलले तेती मात्र कहा हो र चाइनीजले त प्रेम विवाह गरी चाइना लगेर देह ब्यपार गराई रहेको तथ्य समेत मीडियामा समेत सार्वजनिक भई सकेको वताए ।

सम्पूर्ण नेपाली दीदीबहिनीहरुलाई समयमा सजक र सतर्क हुन पटेलले आग्रह गरे । उनले नेपाल सरकार र देशको जिम्मेवार राजनीतिक दलहरुलाई यस्ता बिषय गम्भीर रुपमा लीन समेत आग्रह गरे ।

एक फरक प्रषंगमा उनले भने “भारत, पाकिस्तान, बांग्लादेश, अफगानिस्तान, श्रीलंकाबाट नेपाल आउने रोहंगिया मुसलमान नेपालको लागी घातक रहेको र समयमा नरोकिए राष्ट्रियताको लागी खतरा हुने छ ।”

जिराभवानीमा आगलागी, २ घर जलेर नष्ट

0
फाइल तस्बिर

वीरगंज । पर्साकाे जिराभवानी गाउँपालिका वडा नं. ५ हरैयामा आगलागी हुदा २ घर जलेर नष्ट भएकाे छ । लामखुट्टे धपाउन बालिएकाे घुरबाट आगलागी हुदाँ अमिना चौधरीको गोठघर र सुरेन्द्र भण्डारीको संगै रहेको खपडाको एक तल्ले कच्ची घर जली पुर्ण रुपमा क्षती भएको प्रहरीले जनाएकाे छ ।

साेमबार विहान ०४:०० बजेको समयमा भएकाे आगलागीले मानबिय तथा चौपाय क्षती नभए पनि उक्त आगलागीबाट अन्नपात, लताकपडा तथा भाडाकुडा गरी दुबै जनाको रु ३ लाख बराबरको क्षती भएको जिल्ला प्रहरी कार्यालय पर्साले जनाएकाे छ । उक्त आगो प्रहरी र स्थानियबाँसीको सहयोगमा आधी घण्टा पछि नियन्त्रणमा आएको थियाे ।

सयौ जुटे फोहोर उठाउन

0

सप्तरी । मुस्लिम समुदायको तीन दिने धार्मिक सम्मेलन इज्तिमाका कारण दुर्गन्धित बनेको सप्तरीको बोदे बर्साइन ५ जाँजरमा थुप्रिएको फोहोर राजविराज जेसीजलगायत नगरपालिका, विभिन्न संघ–संस्था, नागरिक र प्रहरीले मिलेर उठाउन सुरु गरेका छन् ।

नगरपालिकाको संयोजनमा राजविराज जेसीज, सप्तरी युथ नेपाल, इज्तिमा आयोजक समिति जाँजर, ग्रिन नेपाल, सबल नेपाल, विवेकशिल नेपाल, नयाँ समाज विकास प्रतिष्ठान, छिन्नमस्ता विकास केन्द्र, समग्र जनउत्थान केन्द्र लगायतका संघ–संस्थाआबद्ध व्यक्तिहरुले सरसफाई सुरु गरेका हुन् ।

सामुहिक सरसफाई कार्यक्रममा जिल्ला प्रशासन कार्यालय, जिल्ला प्रहरी कार्यालय, सशस्त्र प्रहरी कार्यालय, जिल्ला ट्राफिक प्रहरी कार्यालय, नेपाली सेनाको भिम दल गणको उल्लेख्य सहभागिता रहेको थियो ।

राजविराज जेसीजको तर्फबाट अध्यक्ष नानीमैया कटवालको नेतृत्वमा कार्यकारिणी उपाध्यक्ष मनिष दास, महासचिव खेलानन्द दास, उपाध्यक्ष मीना साह, जनसम्पर्क अधिकारी इमरान अली, सदस्य अमर यादवलगायतको सहभागिता रह्यो ।

आयोजकले दुई हजार दुई सय शौचालय निर्माण गरेपनि सहभागि सङ्ख्या एक लाख बढी भएकाले आसपासका क्षेत्रमा दिसाको र परालको थुप्रो, खाना खाएका प्लेट, प्लाष्टिकका बोतल र गिलासले भरिएको छ । बोदे बर्साइन नगरपालिकाका नगर प्रमुख आतेशकुमार सिंह यादवले ट्रयाक्टर र १० वटा हाते पम्पबाट भि भ्याक्स औषधी छर्कने, खाना र शौच पुर्ने र फोहोर संकलन गरी आगोले नष्ट गर्ने कार्य भइरहेको बताउनु भयो ।

एक सयभन्दा बढी विघा क्षेत्रफलमा फोहोर थुप्रिएकोले नगरपालिकाले मात्रै सरसफाई गरेर सम्भव नहुने देखेपछि सवैलाई सरसफाई कार्यक्रममा जुट्न नगरपालिकाले आग्रह गरेको छ । नगर प्रमुख यादवले सरसफाई कार्यक्रममा सहयोग र साथ दिनुहुने सम्पूर्ण सरकारी तथा गैर सरकारी संघ संस्थाप्रति आभार व्यक्त गर्नुभएको छ ।

गत फागुन ३, ४ र ५ गते आयोजना गरिएको धार्मिक सम्मेलन इज्तिमामा नेपाल भारतका एक लाख बढी मुस्लिम समूदायको सहभागीता थियो । ‘ठूलो परिमाणमा फोहोरको डुंगुर जम्मा भएर दुर्गन्ध फैलिएपछि आसपासका मानिसहरु विरामी पर्न थालेको र झिंगा, लामखुट्टेको प्रकोप बढेको स्थानीयवासी बताउँछन् ।

स्वयम्सेवी, अभियन्ताहरू तथा प्रहरीको सामूहिक सहभागिता निरन्तर सरसफाई भएमा फोहोर सफा गर्न करिब एक महिना लाग्ने राजविराज जेसीजका अध्यक्ष नानीमैया कटवालले बताउनु भयो ।

प्रधानमन्त्रीकाे जन्मदिन मनाउने शैलीकाे उनकै पार्टीका नेताद्वारा विराेध

0

वीरगंज । प्रधानमन्त्री केपी शर्मा ओलीले आफ्नाे जन्मदिन बढी तामझमका साथ मनाए पछि उनकै पार्टी निकटका एक विद्यार्थी नेतालेे बिराेध जनाएका छन् । नेकपा निकटका विद्यार्थी संगठन अनेरास्ववियुका केन्द्रिय सदस्य प्रभाकर गुप्ताले प्रधानमन्त्री ओलीकाे जन्मदिन मनाउने शैलीकाे बिराेध गरेका हुन् ।

उनले आफ्नाे समाजिक संजाल फेसबुकमा प्रधानमन्त्री ओलीले आफ्नाे जन्मदिनकाे अवसरमा नेपालकाे नक्सा अंकित केक काट्दै जन्मदिन मनाउदै गरेकाे फाेटाे राख्दै कडा विराेध जनाउनुकाे साथै जन्मदिन बहिष्कार गरेकाे जनाएका छन् ।

उनले “सुंदर देश नेपाल एक सांस्कृतिक भौगोलिक हिसाबले एक थियो । तर यस्ता यस्ता visioney ले गर्दा देश टुक्रा टुक्रामा बिभाजन हूने स्तिथि छ। हाम्रो देश को अस्तित्तव माथी प्रहार हूँदै छ। त्यस कारण प्रधानमन्त्री ओलीकाे जन्मदिन बहिस्कर गर्छु ।” आफ्नाे समाजिक संजाल फेसबुकमा लेखेका छन् ।

यसका साथै उनले कालिका टाइम्स संग कुरा गर्दै प्रधानमान्त्रीले आफ्नाे गृह जिल्ला जन्मदिन मनाउन कै लागि हेलिकेप्टर चार्टर गरेर गएकाे कार्यकाे पनि विराेध गरे । उनले भने “पार्टीले केही दिन पहिला मात्र अंचारसंहिता निर्माण गरेकाे थियाे त्यसकाे स्वम् पार्टीका अध्यक्ष समेत रहेका प्रधानमन्त्रीबाट उलंघन भएकाे छ, याे देश र पार्टीकाे लागि राम्राे हाेइन ।”

यस्तै प्रधानमन्त्री ओलीकाे नेपालकाे नक्सा अंकित केक काटेर जन्मदिन मनाउने कार्यकाे चाैतर्फी आलाेचना भइरहेकाे छ भने समाजिक संजाल फेसबुकमा आलाेचना र बिराेधकाे बाढी नै देखिएकाे छ ।

पश्चिमी नयून चापीय प्रणाली र हिउँदे बर्षा

0

प्राचीन कालदेखि विश्व समुदायले प्रकृतिमा रहेका विभिन्न सजीव र निर्जिव वस्तुहरुसंग निरन्तर कृया प्रतिकृया गरिरहेको हुन्छ । हाम्रो वरपर रहेका हावापानी, वनजंगल, बोटबिरुवा, माटो, जीवजन्तु, धर्म–संस्कृति, भेषभूषा, चाडपर्व, रहन–सहन, बोलीचाली, सामाजिक रीतिरिवाज, मठमन्दिर लगायत जैविक र भौतिक वस्तुहरुको समष्टि रुप वातावरण हो जुन दुई शब्दहरु वात र आवरण मिलेर बनेको छ । वात भन्नाले वायु र आवरण भन्नाले वायुले ढाकेको क्षेत्रलाई बुझिन्छ । समुन्द्रि चक्रवात, हुरिकेन, ट्रोनाडो, बाढी, भूस्खलन, पहिरो, खडेरी, हिमपात, अतिवृष्टि, लू, शितलहर, मेघगर्जन सहितको हुरिवतास जस्ता विभिन्न वायुमण्डलीय चरम मौसमी घटनाहरु श्रृजना हुनुमा प्रत्यक्ष वा अप्रत्यक्ष रुपले सबभन्दा बढि भूमिका ‘वायु वा वायुराशि’ कै हुन्छ ।

नेपाल सरकार उर्जा जलस्राेत तथा सिँचाई मन्त्रालय जल तथा माैसम विज्ञान विभागकाे आधिकारिक निकाय माैसम पूर्वानूमान महाशाखाले हरेक दिन जारी गर्ने बिशेष माैसम बुलेटिनलाई आधार मानेर विभिन्न समाजिक संजालले नेपालमा प्रबेश गरेकाे पश्चिमी न्यून चापीय प्रणालीका कारण देशभरी कै माैसममा आएकाे बदलावलाई हिउँदे याममा प्रमुख शिर्षककाे रुपमा समाचार बनाई प्रसारण गरिरहेका हुन्छन् । तसर्थ पश्चिमी न्यून चापीय प्रणाली के हाे र कसरी उत्पन्न हुन्छ भने बिषयमा सबैकाे मनमा जिज्ञासा आउने स्वाभाविकै हाे ।

वास्तवमा पश्चिमी न्यून चापीय प्रणाली अर्थात वेस्टर्न डिस्टर्बेन्स प्रायः हिउँदको याममा बाह्य ट्रोपिकल चक्रवातको रुपमा भूमध्यसागरमा जन्म लिई आउने एक प्रकारको आँधी तूफान हो जुन वायुमण्डलको माथिल्लो तहमा भूमध्यसागर, आन्ध्र महासागर र कैस्पियन सागरको केही भागबाट जलवाष्पयुक्त हावा लिएर अफगानिस्तान, पाकिस्तान हुँदै भारतीय उपमहाद्विपको उत्तर–पश्चिम क्षेत्र लगायत नेपालमा हिउँदे झरी वा वर्षा गराउँछ । यो प्रणाली पश्चिमी जेट स्ट्रीम द्वारा भूमध्यसागरीय प्रदेशबाट प्रवेश गर्दछ । जलवायु विज्ञान अनुसार– वायुमण्डलको सबभन्दा तल्लो तह निम्नमण्डलको उच्च सीमा ट्रोपोपाँज र समताप मण्डलमा सयौं किलोमीटरको चौडाइमा करिब ७.५ देखि १४ किलोमीटर को उचाईमा पश्चिमदेखि पूर्व दिशामा अत्यधिक तिब्र गतिले प्रवाहित हुने वायुधारालाई जेट स्ट्रीम भनिन्छ ।

दोस्रो विश्व युद्वको बेला अमेरिकी बमवार्षक जेट विमान जापानतिर उडान भर्दा (पूर्वदेखि पश्चिम) विपरीत वायुको सामना गर्नुपथ्र्याे र विमानको गतिमा कमी हुन्थ्यो । तर यसको ठीक विपरीत फर्किदा –पश्चिमदेखि पूर्व) विमान को गति अधिक हुन्थ्यो । पछि अध्ययन अनुसन्धान गरि त्यस वायुधारा लाई जेट स्ट्रीम नामांकरण गरियो । सन् १९४९ मा यसलाई विश्व जलवायुसँग जोडिएको देखिन्छ । यसरी पश्चिमी जेट स्ट्रीम (२० – ३५) डिग्री उत्तरीअक्षांशको सम्बन्ध सुख्खा, शान्त तथा शुष्क हावासँग हुन्छ र यसले हिउँदको बेला पश्चिमी न्युन चापीय प्रणाली लाई आंशिक वर्षाको लागि उत्तरदायी बनाउँछ । यो एउटा वायुमण्डलीय राजमार्ग हो । संसारभरि प्रत्येक वर्षमा लगभग ७० देखि ९० वटा चक्रवाती सिस्टम भौगोलिक घटनाको रुपमा विकसित हुन्छन् ।

उत्तरी अफ्रिका, यूरोप, अनातोलिया तथा मध्य पूर्वकोे बीचमा अवस्थित भूमध्यसागर पृथ्वीको एक विशाल सागर हो जसको क्षेत्रफल २५ लाख वर्ग किलोमीटर रहेको छ । सन् १८६८ मा स्वेज नहरले लाल सागर संग भूमध्यसागरलाई जोडेको कारण यस सागरलाई अन्तर्राष्ट्रिय व्यापारिक दृष्टिबाट झन् ठूलो मह्त्व दिइएको देखिन्छ । यस सागरको पश्चिमी भागको जलीय सतहको तापक्रम लगभग ११.७ डिग्री सेल्सियस तथा पूर्वी भागको तापक्रम माघ÷फाल्गुन तिर १७ डिग्री सेल्सियस र श्रावण÷भदौ तिर लगभग २७ डिग्री सेल्सियस को बीचमा रहन्छ । सातमहादेशमध्ये विश्वको सबभन्दा ठूलो महादेश “एशिया” को मध्य भागमा अवस्थित कैस्पियन सागर क्षेत्रफलको हिसाबले विश्वको सबभन्दा ठूलो जलाशय हो । जसको क्षेत्रफल ४,३०,००० वर्ग किलोमिटर र आयतन ७८,२०० घन किलोमिटर रहेको छ । यस सागरको कुनै बर्हिगमन नरहेको तथा वाष्पिकरण माध्यमद्वारा मात्र पानी बाहिर जाने भएको हुँदा वेस्टर्न डिस्टर्बेन्स प्रकृयामा यसको महत्वपूर्ण भूमिका रहेको अनुसन्धान कर्ताहरुको भनाई छ । ऐतिहासिक रुपमा यो सागर पनि भूमध्य सागर सँग जोडिएको मानिन्छ ।जाडो याममा युक्रेन र त्यस आसपासको क्षेत्रमा एक किसिमको उच्च चापीय प्रणाली को विकास भएको हुन्छ जसको कारण ध्रुवीय क्षेत्रबाट चिसो हावा तुलनात्मक रुपमा जलवाष्पयुक्त (आद्रता) तातो हावा भएको क्षेत्रतिर प्रवाह हुन्छ ।

फलस्वरुप माथिल्लो वायुमण्डलमा चक्रवात निर्माण (साइक्लोजेनेसिस) को लागि अनुकुल स्थिति श्रृजना हुन्छ र यसको कारण पश्चिमदेखि पूर्वतिर चल्ने एक बाह्य ट्रोपिकल डिप्रेशनको उत्पत्तिमा मद्दत पुग्दछ । विस्तारै विस्तारै यो डिप्रेशन अर्थात न्यूनचापीय प्रणाली पश्चिमी तुफानको रुपमा भूमध्य सागरबाट पश्चिमी वायुको मद्दतले कालो सागर र कैस्पियन सागरबाट आद्र्रयुक्त हावा इरान, अफगानिस्तान र पाकिस्तानको मध्य पूर्व हुँदै उत्तर–पश्चिम भारत लगायत नेपालमा प्रवेश गर्दछ ।

गर्मी महिनामा आउने दक्षिण्ी मनसुनी वायु र वेस्टर्न डिस्टरवेन्स सँग कुनै सम्बन्ध हुँदैन । मनसुनी वायुको कारणले हुने वर्षा विश्वको तेश्रो ठूलो महासागर ‘हिन्द महासागर’बाट आउँछ र यसको प्रवाह वायुमण्डलको तल्लो तहमा हुन्छ । वेस्टर्न डिस्टरवेन्सलाई गाउँबस्तीका किसानहरुले गैर मनसुनी वर्षा अर्थात बेमौसमी वर्षा भन्ने गर्दछन् । यति मात्र नभई गर्मी याममा तापक्रम वृद्धिको कारण हावा ताते भई माथि उडेर जान्छ जसको कारण जमिनको वायुको चाप न्यून हुन्छ तर ठीक यसको विपरित जाडो महिनामा हावा (वायु) माथि नउडेको कारण वायुको चाप अधिक रहन्छ । त्यसकारण हिउँदको समयमा मात्र प्रायजसो “वेस्टर्न डिस्टरबेन्स” ले आफ्नो प्रभाव देखाउँछ । साथ–साथै विभिन्न अध्ययन र अनुसन्धान अनुसार यदि वेस्टर्न डिस्टरबेन्स प्रणाली मनसुनको आगमनभन्दा पहिले देखि उत्तर–पश्चिम भारत वा नेपालतिर घुमिरहेको छ भने त्यसबेला मनसुनले आफ्नो समय भन्दा अगाडी नै आएको संकेत दिन्छ ।

अतः समग्रमा भन्नु पर्दा पश्चिमी न्यून चापीय प्रणालीले नेपाली अर्थतन्त्रमा तथा खाद्य सुरक्षामा महत्वपूर्ण प्रभाव पारेको हुन्छ । यसको कारणले हुने वर्षा वा हिमपात हिमाली भेगमा हुने स्याउ, सिमी तथा तराई क्षेत्रमा हुने गहुँ, चना, मटर, मसुरो आदिको लागि एकदमै लाभदायक हुन्छ । हिमाली क्षेत्रमा हिउँ पर्दा देश–विदेशका पर्यटकहरुको संख्यामा वृद्धि हुनु, माटोको उर्वराशक्तिमा वृद्धि हुनु को साथै तराई भेगमा लगाईएको हिउँदे वालीनालीलाई चिसो र तुषारोबाट बचाउँछ । कुनै बेला यो प्रणाली एकदम शक्तिशाली भई अतिवृष्टि वा मेघगर्जन सहितको असिना पानी पर्दा स–साना खोलामा बाढी आउने तथा भू–क्षय, पहिरोको सम्भावना बढ्न गई बालीनाली उत्पादनमा ह्रास आउन सक्छ । मौसम विज्ञानको अनुसार, ‘शीतकालीन समयमा रातीको तापक्रममा वृद्धि हुनु पश्चिमी न्यून चापीय प्रणाली वा वेस्टर्न डिस्टरर्बेस’ आउने पूर्व संकेत हुँदा हरेक आम नागरिकले समय मै सचेत र सजग हुन मौसम पूर्वानुमान महाशाखा को वेभ पेज www.mfd.gov.np सँग जोडिनु हामी सबै नेपालीको कर्तब्य हो । (लेखक अखिलेश प्रसाद चौरसिया सहायक मौसमविद् हुन्)

गलत काम गर्नेलाई छाड्दिनँ : आईजीपी ज्ञवाली

0

वीरगंज । प्रहरी महानिरीक्षक (आईजीपी) ठाकुरप्रसाद ज्ञवालीले स्वार्थ वा प्रलोभनमा परेर गैरव्यावसायिक कार्य गर्ने जोकोही प्रहरी कर्मचारीलाई क्षमा नदिने बताएका छन् ।

बारा, पर्सा र रौतहट जिल्ला तथा मातहत कार्यालयहरुमा कार्यरत प्रहरी कर्मचारीलाई प्रदेश नम्बर २ ट्राफिक प्रहरी कार्यालय पथलैयामा आयोजित कार्यक्रममा निर्देशन दिँदै ज्ञवालीले यस्तो बताएका हुन् ।

राज्य र प्रहरी संगठनले सोचेजस्तो एवं आमनागरिकले खोजेजस्तो उत्कृष्ट प्रहरी सेवा प्रवाह गर्नु प्रहरी कर्मचारीको दायित्व रहेको उनको भनाइ छ । प्रहरी समाजको अभिन्न अंग भएकाले आमनागरिकलाई व्यावसायिक एवं सहज रूपमा सेवा प्रदान गर्नुपर्ने उल्लेख गर्दै ज्ञवालीले भने, “उत्कृष्ट सेवाको प्रतिफल स्वरूप नागरिकबाट प्राप्त स्याबासी नै हाम्रो ऊर्जा हो । त्यसैले नागरिक सेवालाई केन्द्रमा राखी थप उत्कृष्ट सेवा दिनेतर्फ सबै प्रहरी कर्मचारीहरु केन्द्रित र दृढ रहनुपर्छ ।”

प्रहरी कर्मचारीहरू उच्च आचरण र व्यवहारको नमुना बनुन् भन्ने आफ्नो उत्कट चाहना रहेको आईजीपी ज्ञवालीले बताए । संगठनविरुद्ध लाग्ने जो कोही सजायको भागिदार हुनुपर्ने तर असल नियतले सबैको हितका लागि संगठनको नीतिअनुरूप गरेका कुराहरूको संरक्षण संगठनले गर्ने उनले बताए ।

वीरगंजमा एकताकाे लागि दाैड

0

वीरगंज । सेना दिवसको उपलक्ष्यमा नेपाली सेनाले ‘एकताको लागि दौड– वीरगन्जमा म्याराथन २०२०’ प्रतियोगिताको आयाेजना गर्न लागेकाे छ ।

नेपाल सरकार रक्षा मन्त्रालय, नेपाली सेना मध्य पृतनाको अगुवाई र मध्य पूर्वी पृतनाको सहयोगमा नं. २८ बाहिनी अड्डाको सेनाले ४२ किलोमिटरको वीरगन्ज म्याराथन २०२० को आयोजना गर्न लागेको हो ।

वीरगन्ज महानगरपालिकाको संयोजकत्व, भिजिट नेपाल २०२० प्रदेश २ र वीरगंज उद्योग वाणिज्य संघको सह आयोजनामा यही फाल्गुन १७ गते प्रतियोगिता शुरु हुने वीरगन्ज महानगरपालिकाका मेयर विजय कुमार सरावगीले बताए । प्रतियोगितामा ६ हजार भन्दा बढीको सहभागिता हुने छ । जसमध्ये ४१ सय जनालाई नि:शुल्क टि सर्ट र टोपी उपलब्ध गराईने छ ।

सेनाले आईतबार उद्योग वाणिज्य संघमा अयोजना गरेको पत्रकार सम्मेलनमा “स्वच्छ देश—स्वस्थ मधेश” भन्ने मुल नाराका साथ ‘एकताको लागि दौड’ म्याराथन प्रतियोगिताको सम्पूर्ण तयारी पुरा भएको मेयर सरावगीले बताए । उनले विभिन्न सहयोगि दाताहरुको सहयोगमा करिब ७५ लाखको लागतमा प्रतियोगता गर्न लागिएको जानकारी दिए ।

विभिन्न १४ समूहमा प्रतियोगितालाई विभाजन गरिएको छ । पहिलो दौड प्रतियोगितामा ४२ किलोमिटर दुरी तय गर्ने प्रथम प्रतियोगिलाई नगद २ लाख प्रदान गरी सम्मान गरिने छ । त्यसैगरी दोश्रो हुनेलाई एक लाख पचास हजार र तेश्रो हुनेलाई १ लाख नगद प्रदान गरिने छ । बाराको पिलुवाबाट शुरु हुने ४२ किलोमिटरको दौड कलैया हुदै गढीमाई र गढीमाईबाट पुन फर्कदै वीरगन्ज स्थित नेपाली सेनाको व्यारक सम्मको दुरी तय गरिने छ ।

त्यसैगरी हाफ म्याराथनमा महिला र पुरुष गरी छुटाछुट्टै २१ किलोमिटरको दुरी तय गरिने छ । व्यारकबाट शुरु हुने दौड बाराको सिसहनिया चौकबाट पुन फर्कदै व्यारक सम्मको दुरी तय गरिने छ । यसका प्रथम हुनेलाई ७५ हजार, दोश्रो हुनेलाई ५० हजार र तेश्रो हुनेलाई ३५ हजार नगद प्रदान गरिने मेयर सरावगीले बताए ।

म्याराथन प्रतिगितालाई १४ समूहमा विभाजन गरिएको छ । १५ हजार देखि २ लाख सम्म नगद रासीको व्यवस्था समेत गरिएको आयोजक संस्थाले जनाएको छ । प्रतियोगितामा सिभिलियन र फौज तर्फको १०-१० कि.मि. को दौड, विभिन्न स्कुले छात्रछात्राहरुको लागि ५ कि.मि.को दौड, ५ किलोमिटरको हारिटेज वाल र १ किलोमिटरको जेष्ठ नागरिकको लागि दौडको आयोजना गरिएको छ ।

प्रतियोगिताको उद्घाटन नेपाली सेनाका प्रमुख पुर्णचन्द्र थापा र प्रदेश २ का मुख्यमन्त्री मोहमद लालबाबु राउत गद्दीले संयुक्त रुपमा गर्ने निश्चित भएको नेपाली सेनाको २८ बाहिनी अड्डाका सहायक रथी अनुपजंग थापाले बताए ।

म्याराथन प्रतियोगिताले प्रदेश २ मा खेलकुदको विकासमा टेवा पुग्ने, नया खेलाडीको उत्पादन र पहिचान, विभिन्न निकायहरु संग सम्बन्ध विस्तार हुने र प्रदेश सरकारले संचालन गरेको स्वच्छता अभियानमा पूर्णरुपमा सहयोग पुग्ने उदेश्यले यो प्रतियोगिताको आयोजना गरिएको उनले बताए ।

वीरगन्ज उद्योग वाणिज्य संघका अध्यक्ष गोपाल केडियाको अध्यक्षतामा भएकाे पत्रकार सम्मेलनमा संघका वरिष्ठ उपाध्यक्ष सुबोध गुप्ता, महासचिव माधव राजपाल, नेपाल पत्रकार महासंघ पर्सा शाखाका अध्यक्ष श्याम बन्जारा, नेपाली सेना चण्डीप्रसाद गण पर्साका गणपती मदन जंग राणा लगायतको सहभागिता रहेको थियो ।

भारतिय कुखुराकाे चल्ला र माेटरसाइकल बरामद

0

वीरगंज । सशस्त्र प्रहरी सिमा सुरक्षा बल अमरपट्टीले बिन्दवासिनी गाउँपालिका वडा नं. ४ मधवलबाट अबैध भारतिय कुखुराकाे चल्ला बरामद गरेकाे छ ।

बिन्दवासिनी गा.पा. वडा नं. ३ स्थित रहेकाे ब्यास क्यामबाट आज बिहान ४ बजे शस्त्र प्रहरी निरिक्षक अरूण बिक्रम बस्नेतकाे नेतृत्वमा रहेकाे गस्ती टाेलीले भारतबाट ल्याउदै गरेकाे दुई हजार एक सय ‌ओटा कुखराकाे चल्ला बरामद गरेकाे हाे ।

बि.आर. ०५ एन. १३११ नम्बरकाे माेटरसाइकल सहित रू १ लाख ६८ हजार मूल्य पर्ने कुखुराकाे चल्ला बरामद गरिएकाे सशस्त्र प्रहरीले जनाएकाे छ ।

बरामद भएकाे चल्ला आजै स्थानिय, पत्रकार, क्वाराटाईनकाे प्रतिनिधि, प्रहरीकाे राेहबराेहमा नष्ट गरिएकाे छ भने माेटरसाईकल बीरगँज भान्सार बुझाइएकाे प्रहरी निरिक्षक बस्नेतले जानकारी गराए ।

रजतजयन्तीकाे अवसरमा मानव सेवा आश्रममा सहयाेग

0

वीरगंज । यूनाईटेड फाईनान्स लीमिटेडले आफ्नाे पचिसाै बर्षकाे अवसरमा मानव सेवा आश्रम वीरगंलाई सहयाे गरेकाे छ ।

संस्थागत सामाजिक उत्तरदायित्व अन्तर्गत मानव सेवा आश्रममा आश्रीत अशक्त एवम् जेष्ठ नागरिकलाई भाेजन तथा सहयाेग सवरुप चप्पल वितरण गरिएकाे वीरगंज आदर्शनगर फाईनान्स शाखाका प्रबन्धक संजोग खड्काले वताए ।

वीरगंज रानिघाट स्थित आश्रम मै पुगी फाईनान्सकाे रजतजयन्तीकाे अवसरमा केक काट्नुकाे साथै खाना समेत खुवाइएकाे फाईनान्सका कर्मचारी मनोज सरार्फले बताए ।

जनताका हरेक समस्याको समाधान गर्न तत्पर छु : सांसद यादव

0

वीरगंज । समाजवादी पार्टीका केन्द्रिय सदस्य एवं संघीय सांसद प्रदीप यादवले ‘जनता दर्शन’ कार्यक्रमअन्तर्गत आज (आईतबार) भवानीपुरको जनतासंग भेटघाट गरेका छन् ।

वीरगंज महानगरपालिका वडा नं. १८ भवानीपुरको समस्याबारे अवलोकन तथा भेटघाट गर्दै सांसद यादवले क्षेत्रभित्रका जनताको समस्या बुझी समाधानका निम्ति संसददेखी सडकसम्म सधै जनताको विकास र समृद्धिको कुरा उठाई रहेकाे वताए । पर्सा क्षेत्र नं. १ बाट निर्वा्चित सांसद यादव ‘‘जनता दर्शन’’ कार्यक्रम अन्तर्गत विभिन्न ठाउँको समस्या पहिचान गरी समाधान पनि गरिसकेका वताए ।

उनले केही दिन अगाडी मात्र वीरगंज महानगरपालिका–२० अपौनीमा ४० लाखको लागतमा खेलकुद मौदान निर्माण तथा वीरगंज मनपाकै वडा नं. १८ मा नै पर्ने ईनार्वामा ४५ लाखको लागतमा पोखरी सौन्दर्यीकरण तथा छठघाट निर्माणस्थलको सिलन्यास गरेकाे वताए ।

यस्तै वीरगंजको राधेमाईस्थित रहेको रामजानकी मंदिर निर्माण कार्यको पनि सिलान्यास गरेकाे वताए ।  सधै जनताको सम्पर्कमै रहने चाहना अनुसार आफु खाली समयलाई पनि विशेष रुपमा सदुपयोग गर्नका लागि ‘अपनेके सांसद, अपने के द्धार’ नाराका साथ जनता दर्शन कार्यक्रम सुरु गरेको वताए ।

आफु क्षेत्रका हरेक जनताको घरमा पुगेर समस्या बुझ्ने र त्यो समस्या तत्कालै समाधान गर्ने योजना सहितको अठोट लिई अगाडी बढिरहेको वताए ।

अवलाेकन तथा भेटघाटकाे क्रममा सांसद यादव संग भवानीपुर बासीले स्कुल निर्माण, समसानघाट निर्माण, पोखरी सौन्दर्यीकरण, सडक ढलान लगायतको समस्या रहेकाे सुनाएका थिए । उनले स्थानीयद्वारा आएको समस्या चाँडै नै समाधान गर्ने प्रतिबद्धता जनाए ।

आफू जनप्रतिनिधि भएको हुनाले जनताका हरेक समस्याको समाधान गर्ने आफु तत्पर रहेको उनकाे भनाई थियाे । उनले भने ‘जनता दर्शन कार्यक्रमा आएका समस्या कहाँबाट समाधान हुन्छ, त्यहाँ सम्बन्धित व्यक्ति लिएर आफै पुग्छु, चाहे केन्द्र होस्, प्रदेश होस् या स्थानीय तह नै किन नहोस् सबै ठाउँमा आफै पुगेर त्यसको समाधानका लागि प्रयास गरी आफ्नै पालामा आफ्नो क्षेत्रलाई समृद्ध देख्न चाहने सपना रहेको बताए ।