Date
आइत, मंसिर ६, २०८३
Sun, November 22, 2026
Home Blog Page 1021

पर्सा गोल्डकपको उपाधी हेटौंडालाई

0

वीरगंज । पर्साको बढनिहारमा सञ्चालित प्रथम पर्सा गोल्डकप २०७६ को उपाधी हेटौंडा फुटबल एकेडेमीले जितेको छ । आयोजक पर्सागढी युवा स्पोर्टस क्लबलाई सडेन डेथमा पराजित गर्दै हेटौडाले उपाधी चुमेको हो ।

खेलको दोस्रो हाफ पछि भएको बर्षाको बाबजुद पनि निकै रोमाञ्चक बनेको खेलको निर्धारित समयमा दुबै टिमले गोलरहित बराबरी खेलेपछी खेल टाईब्रेकरमा धकेलिएको थियो । पेनाल्टी सुटआउट ५/५ को बराबरी भए पश्चात् सडेन डेथमा हेटौडाले बाजी मारेको हो ।

नेपाल खेलकुद क्लव चपुरलाई हराउदै हेटौंडा र बीरगंज युथ एकेडेमीलाई हराउदै आयोजक क्लब फाईनल प्रवेश गरेका थिए ।

प्रतियोगितामा विजयी भएको हेटौंडाले एक लाख एक सय एकाउन्न रुपैया सहित ट्रफी पाए भने उप बिजेता बनेको आयोजक क्लबले पचास हजार एक सय एकाउन्न रुपैया सहित ट्रफी पाए । विजयी हुन सफल हेटौडा फुटबल एकेडेमीलाई कार्यक्रमका बिशिष्ट अतिथि समाजबादी पार्टी पर्साका अध्यक्ष रामनरेश यादवले उपाधी हस्तान्तरण गर्नुभएको थियो ।

कार्यक्रममा प्रदेश सांसद सिंहासन साह कलवार, समाजवादी पार्टी पर्साका जिल्ला सचिव तवरेज अहमद, वडाध्यक्षहरु उद्धव बहादुर उप्रेती, सम्सुदिन साह देवान, नेकपा नगर अध्यक्ष गोकर्ण पाठकलगायतको उपस्थिती रहेको थियो ।

आयोजक क्लबका अध्यक्ष याम बहादुर थापाको सभापतित्वमा सम्पन्न कार्यक्रमको सहजिकरण योगेन्द्र चौधरीले गरेका थिए ।

लागु औषध सहित युवक पक्राउ

0

वीरगंज । पर्साको बिन्दवासिनी गाउँपालिका वडा नं.०५ प्रसौनी भाठाबाट बुधबार साझ सशस्त्र प्रहरी बोर्डर आउट पोष्ट अमरपट्टीले लागू औषध सहित एक यूवकलाई पक्राउ गरेको छ।

प्रहरी नायब निरीक्षक अधिर कुमार झा नेतृत्वको सशस्त्र प्रहरी गस्ती टाेलीले चेकजाँच गर्ने क्रममा पर्साकाे जिराभवानी गाउँपालिका वडा न:-३ जितपुर बस्ने २६ बर्षिय अनिल राउत थारुलाई पक्राउ गरेकाे हाे । ना ११ प २६३७ नम्बरको मोटरसाइकल चेकजाँच गर्ने क्रममा लागू औषध भेटिए पछि माेटरसाइकल सहित थारुलाई नियन्त्रणमा लिइएकाे शसस्त्र प्रहरी अमरपट्टीका प्रहरी निरीक्षक अरुण बिक्रम बस्नेतले वताए ।

पक्राउ परेका थारुकाे साथबाट नोफिन ६ यस थान, डाइजेल्यब एक सय थान, पेनारगन ५ सय ९८ थान, डाइजोपाम ४ सय १९ थान र नाइट्रोभेट ३१ थान बरामद भएकाे प्रहरी निरीक्षक बस्नेतले जानकारी गराए ।

पक्राउ परेका थारुलाई लागु औषध र माेटरसाइकल सहित ईलाका प्रहरी कार्यालय पोखरीयालाई बुझाईएको उनले जानकारी गराए ।

पर्साकाे सबै स्थानिय तहमा क्षमता विकास कार्यशाला सम्पन्न

0

वीरगंज । पर्सामा संचालित स्थानिय तहका जनप्रतिनिधि तथा शिक्षा सम्बद्ध पदाधिकारीहरुकाे लागि ३ दिने क्षमता विकाश कार्यशाला सम्पन्न भएकाे छ । राष्ट्रिय प्रारम्भिक कक्षा पढाई कार्यक्रम अन्तर्गत संचालित कार्यशाला आज पर्साकाे १४ वटै स्थानिय तहमा सम्पन्न भएकाे प्रशिक्षक विजय कुमार साहले वताए ।

अमेरिकी अन्तराष्ट्रिय विकास नियाेगकाे सहयाेग र सम्बन्धित स्थानिय तहकाे आयाेजनामा संचालित कार्यशाला सम्पन्न भएकाे साहले जानकारी गराए ।

कार्यशालामा स्थानिय तहहरुकाे सामुदायिक विद्यालयहरुका प्रधानाध्यापक र प्रारम्भिक कक्षा शिक्षक, उप समिति सदस्य, विद्यालय व्यवस्थापन समिति अध्यक्ष, अभिभाव संघका अध्यक्ष र वडाध्य लगायतकाे सहभागिता हुने गरेकाे थियाे ।

कार्यशालामा प्रारम्भिक पढाई कक्षाका उपलब्धिहरु, सुधार्नु पर्ने पक्ष एवं शैक्षिक सामग्रीहरुकाे प्रयाेग र कक्षा संचालन विधि बारे जानकारी गराउने गरिएकाे प्रशिक्षक साहले वताए ।

यसै बिच आज धाेबिनी गाउँपालिमा आयाेजित क्षमता विकास कार्यशाला सम्पन्न भएकाे छ ।  लंगडी स्थित रहेकाे भानु पुस्तकालयमा भएकाे कार्यशालामा प्रशिक्ष साह र गाउँपालिका शिक्षा शाखा प्रमुख जितेन्द्र चाैहान लगायतकाले प्रशिक्षण दिएका थिए ।

वडा नं. ४ का वडाध्यक्ष मजिद मियाकाे अध्यक्षता र गाउँपालिका अध्यक्ष सुरेश प्रसाद कुर्मीकाे प्रमुख आतिथ्यतामा भएकाे कार्यशाला समापन कार्यक्रममा निमित प्रमुख प्रशासकिय अधिकृत भरत चाैधरी, वडाध्यक्ष ललन प्रसाद कुर्मी, नन्दलाल प्रसाद कुर्मी, राजकिशाेर कुर्मी, मनौअर अहमद लगायतकालेे मन्तव्य राखेका थिए ।

यातायात कार्यालय वीरगंजमा अख्तियारकाे छापा

0

वीरगंज । यातायात व्यवस्था कार्यालय वीरगंज सवारी शाखामा बुधबार अख्तियार दुरुपयाेग अनुसन्धान आयाेगकाे कार्यालय हेटाैडाकाे टाेलीले छापा हानेकाे छ ।

यातायातकाे सवारी फाँटमा अख्तियारकाे टाेलीलेे छापा हान्दै विभिन्न कागजपत्र चेकजाँच गर्नुकाे साथै कार्यालय प्रमुख विपिन कर्णसंग साेध पुछ गरेकाे हाे । प्रहरी निरिक्षकाे नेतृत्वमा ३ जना सहभागि रहेकाे अख्तियारकाे टाेलीले ३ घण्टा सम्म विभिन्न कागजपत्र देख्नुकाे साथै कार्यालय प्रमुख कर्ण संग साेधपुछ गरी फर्केका हुन् ।

अख्तियारमा यातायात कार्यालय विरुद्ध उजरी परे पछि अनुसन्धानकाे लागि टाेली पुगेकाे अख्तियार दुरुपयाेग अनुसन्धान आयाेगकाे कार्यालय हेटाैडाका प्रवक्ता शिवराज रेग्मीले वताए । उनले भने “अख्तियारमा उजरी परेकाे थियाे, साेही सम्बन्धमा अनुसन्धानकाे लागि टाेली पुगेकाे हाे । अहिले अख्तियार पारम्भिक अनुसन्धानकाे क्रममा रहेकाले केही भन्न नमिल्ने उनले वताए ।

सवारी नामसारीकाे लागि अनियमितता भएकाे केही संचार माध्यममा समाचार आए पछि र अख्तियारमा उजरी परेपछि अख्तियारकाे टाेली अनुसन्धानकाे लागि यातायात कार्यालय वीरगंज पुगेकाे थियाे । समाचार स्राेतका अनुसार विभिन्न माेटरसाइकल एजेन्सी मार्फत विक्री भएकाे सवारीकाे नामसारी एजेन्सीका दलालहरु मार्फत सवारीधनीहरुकाे विना उपस्थितीमा नामसारी गरी माेटाे रकम असुलीकाे समाचार बाहिर आएपछि अख्तियारले छानविन थालेकाे हाे ।

वडाध्यक्ष अहिरले गल्ती स्विकार गरेपछि बिन्दवासिनीकाे विवाद साम्य

0

वीरगंज । पर्साकाे बिन्दवासिनी गाउँपालिकाका प्रमुख प्रशासकिय अधिकृतलाई दुव्र्यवहार गर्ने वडाध्यक्षले गल्ती स्विकार गरे पछि विवाद साम्य भएकाे छ ।

निमित प्रमुख प्रशासकिय अधिकृत मुन्ना साह राैनियारलाई दुव्र्यवहार गर्ने वडा नं. ५ का वडाध्यक्ष सुकदेव राउत अहिरले गल्ती स्विकार गर्दै अब देखी यस्ताे गल्ती नदाेहाेरिने लिखित सहमति जनाए पछि विवाद साम्य भएकाे हाे ।

दुव्र्यवहारकाे विरुद्धमा फागुन ८ गते देखी नै बिन्दवासिनी गाउँ कार्यपालिकाकाे कार्यालय बन्द गरि त्यहाँका कर्मचारीहरु आन्दाेलित थिए । आज जिल्ला प्रहरी कार्यालय पर्सामा भएकाे दुईपक्षिय छलफलमा लिखित सहमति भए पछि भाेली देखी कर्मचारीहरु काममा समेत फर्कने भएका छन् ।

वाेर्ड बैठककाे बिषयलाई लिएर फागुन ७ गते गाउँ कार्यापालिका कै कार्यालय बहुअर्वा भाठामा वडाध्यक्ष अहिरले प्रशासकिय अधिकृत राैनियारलाई दुव्र्यवहार गरेका थिए । त्यस लगतै त्यहाँका कर्मचारीहरु वडाध्यक्ष अहिर माथी कारवाहीकाे माग गर्दै गाउँपालिका कार्यालय नै बन्द गरी आन्दाेलित भएका थिए ।

जिल्ला प्रहरी कार्यालयमा भएका दुईपक्षिय छलफलमा गाउँपालिकाकी उपाध्यक्ष किरण देवी गुप्ता, नेपाल निजामती कर्मचारी संगठन पर्साका अध्यक्ष अमित कुमार गिरी, वडाध्यक्ष अनुज चाैरसिया, सागिर मियाँ लगायतकाे उपस्थिती रहेकाे थियाे ।

ठगी आरोपमा समाजवादीका युवा नेता पक्राउ

0

वीरगन्ज । प्रहरी हिरासतमा रहेको अभियुक्तलाई छुटाई दिने भनि हजारौं रुपैयाँ ठगी गर्ने समाजवादी पार्टी नेपाल निकट स्थानीय युवा नेतालाई पर्सा प्रहरीले पक्राउ गरेको छ ।

प्रहरीले समाजवादीका युवा नेता तथा वीरगन्ज २ छपकैयाका महमद सम्साद अलीलाई ४० हजार ठगी गरेको आरोपमा पक्राउ गरेको हो ।

गत असोज २० गते वडा प्रहरी कार्यालय विर्ता वीरगन्जको टोलीले सार्वजनिक शान्ति विरुद्धको कसुर मुद्दाका वीरगन्ज महानगरपालिका वडा नम्बर १६ नगवाका २० बर्षिय सदाम हुसैनलाई पक्राउ गरी मुद्दा चलाएको थियो ।

प्रहरी हिरासतमा रहेका सदामलाई प्रहरीलाई नै पैसा दिई थुनाबाट मुक्त गराई छुटाई दिन्छु भनि सम्सादले उनका अभिभावकसंग नगद ४० हजार रुपैया ठगि गरेका थिए ।

अभियुक्तका आफन्तसंग ठगी गरेको आरोपमा सम्सादलाई पक्राउ गरी सार्वजनिक शान्ति विरुद्धको कसुर मुद्दामा जिल्ला अदालतमा मुद्दा दर्ता गरी आवश्यक कारवाहीको प्रकृया अगाडी बढाईएको पर्साका प्रहरी नायब उपरिक्षक विरेन्द्र बहादुर शाहीले बताए ।

“शिक्षाको रुपान्तरमा यूवाको भूमिका” विबषयक वक्तृत्वकला प्रतियोगिता सम्पन्न

0

वीरगंज । “शिक्षाको रुपान्तरमा यूवाको भूमिका” विबषयकजिल्ला स्तरिय वक्तृत्वकला प्रतियोगिता मंगलबार सम्पन्न भएको छ ।

राष्ट्रिय यूवा परिषद् र वीरगंज महानगरपालिकाको संयुक्त आयोजनामा वीरगंजमा भएको प्रतियोगितामा प्रभाकर साह प्रथम भएका छन् । प्रतियोगितामा पुष्पा गुप्ता द्वितिय, गंगा श्रेष्ठ तृतिय र रेष्मा शर्मा सन्तवना पुरस्कार पाए ।

कार्यक्रममा प्रथम, द्वितिय, तृतिय र सन्तावना हुनेलाई क्रमश रु १२ हजार, १० हजार, ८ हजार र ३ हजार पुरस्कार राशि सहित प्रमाण पत्रले पुरस्कृत गरिएको थियो ।

जिल्ला युवा समिति पर्साका अध्यक्ष संतोष साहको अध्यक्षता र वीरगंज महानगरपालिकाका शैक्षिक महाशाखा प्रशासन महाशाखा प्रमुख अरबिन्द लाल कर्णको प्रमुख आतिथ्यतामा भएको कार्यक्रममा नागरिक समाजका शम्भु चौहान, कृष्ण कुशवाहा, मनोज कलवार, राजकुमारी गुप्ता लगायतको उपस्थिती रहेको थियो ।

वीरगंज दरबारमा भएको कार्यक्रमको संचालन राहुल साहले गरेका थिए ।

भारत तस्करी हुन लागेकाे माेटरसाइकल सहित डिजल बरामद

0

पर्सा । प्रहरी चाैकी आसवारीले भारत तर्फ तस्करी हुन लागेकाे डिजल बरामद गरेकाे छ । पर्साको धोबिनी गाउँपालिका वडा नम्बर २ आसवारीबाट एक सय २० लि डिजल र मोटरसाइकल प्रहरीले बरामद गरेको हाे ।

मोटरसाइकलमा भारत तर्फ तस्करी हुन लागेको डिजल र मोटरसाइकल प्रहरी चौकी आसवारीले बरामद गरेको इलाका प्रहरी कार्यालय पोखरियाले जनाएको छ ।

बिआर २२ ७८८५ भारतिय नम्बरको पलाटिना मोटरसाइकल सहित एक सय २० लिटर डिजल नियन्त्रणमा लिइएको इप्रका पोखरियाका प्रहरी निरिक्ष चन्द्र सिंहले वताउनु भयो । बरामद भएकाे डिजल र मोटरसाइकल इप्रका पोखरियामा ल्याइ थप अनुसन्धान भइरहेको सिंहले जानकारी गराउनु भयो ।

प्रहरी गस्ती टाेलीलाई देखेर तस्कर माेटरसाइकल र डिजल फाली  भागेकाे हुन सक्ने उहाँले वताउनु भयाे ।

खण्डेवाल परिवारकाे विवाद झन चक्रदै

0

वीरगन्ज । वीरगन्ज महानगरपालिका – १० आदर्शनगर निवासी सुनिल खण्डेलवालमाथिको तीन दाजुभाईको यातना दिन प्रतिदिन बढ्दै गएको छ । दाजुभाई पशुपति खण्डेलवाल, राजेश खण्डेलवाल तथा सचिन खण्डेलवालबाट पीडित सुनिल दाजुभाईको पीडा सहन नसक्ने अवस्थामा पुगेका छन् ।

तिनै जना दाजुभाईले घर अगाडि राति अबेरसम्म धर्ना दिएर बसेका कारण आफू घरमा प्रवेश गर्न नसकेको पीडित सुनिल खण्डेलवालको आरोप छ । जिल्ला अदालत पर्सामा अँश मुद्दा विचाराधीन रहेको अवस्थामा तिनै दाजुभाईबाट मानसिक तथा शारिरिक यातना खेप्दै आएका सुनिल अहिले दाजुभाईको आतँकबाट झन पीडित बनेका छन् ।

तिनैजना दाजुभाई मिली विगत १ वर्ष देखि शारिरिक तथा मानसिक यातना दिदै आएको सुनिलको आरोप छ । तिनै दाजुभाई मिली सुनिललाई कुटपिट गर्नुका साथै घरमा ताल्चा लगाएर सुनिललाई परिवार सहित घर बाहिर बस्न बाध्य गर्नु, घरको बीचै भागमा पर्खाल खडा गर्नु, शौचालयमा ताल्चा लगाउनु, कुटपिट गर्नु, किचिनमा पस्न नदिनु जस्ता क्रियाकलापहरु गर्दै आएका छन् । तिनै दाजुभाई विगत पाँच महिनादेखि त्यो घर छाडी शालिमार होम्समा फ्लेट किनेर बसिरहेका छन् ।

आफनो कब्जा गरी राखेको व्यापारको कार्यालय पनी अन्यत्र सारेका छन । सुनिल मात्र आफनो परिवारसँग त्यस घरमा बस्दै आएका कारण विवाद केही दिन शान्त रहेपनि अचानक शनिबारदेखि पुनः यो विवाद सुरु भएको छ । सुनिलले एक्लै घरमा कब्जा गरेर बसेको भन्दै तीनै जना दाजुभाईले आइतबार घरको झ्याल फुटाएर घरमा प्रवेश गर्न खोज्दा विवाद उत्पन्न भएको थियो ।

विवाद उत्पन्न भएपछि तत्काल घटना स्थल पुगेको वडा प्रहरी कार्यालय वीर्ताका प्रहरी टोलीले दुबै पक्षलाई वडा प्रहरी कार्यालय वीर्तामा उपस्थिति गराई अबदेखि दुबै पक्षबीच झैझगडा नगर्ने भनेर लिखित सहमति भएको थियो र घरमा कुनै पक्षले ताल्चा लगाएको छ भने आफ्नो सम्पत्ति भएको कारण फोडेर पनि घरमा प्रवेश गर्न सक्ने भएकोले तीन दाजुभाई मिली झ्याल फुटाई घरभित्र प्रवेश गरेका थिए ।

यति हुँदाहुँदै सोमबार पुनः विवाद उत्पन्न भयो । तीन दाजुभाईका कामदारहरु घरको कोठाहरुमा लगाइएको ताल्चालाई अन्धाधुन्ध फोड्न खोज्दा आफूमाथि दुव्र्यवहार हुन सक्ने भन्दै सुनिलका श्रीमतीले त्यहाँ राखिएको पेट्रोललाई खन्याई दिएपछि प्रहरीले उनीलाई वडा प्रहरीमा लगेको थियो ।

केही बेरको छलफल पश्चात सुनिलकी श्रीमतीलाई प्रहरीले आफ्नो घर जान भनेपछि घरमा आउँदा तिनै दाजुभाईका कामदाहरुले घर अगाडि धर्नामा बसेको कारण आफूहरु घरभित्र प्रवेश गर्न नसकेर बाहिरै बसेको सुनिलले आरोप लगाए ।

तर सुनिलका तीन दाजुभाई मध्ये सचिन खण्डेलवालले भने घरलाई सुनिलले कब्जा गरेर राखेको कारण आफूहरु प्रवेश गर्न नसकेको बताए । तर पशुपति, राजेश तथा सचिन खण्डेलवाल तीन दाजुभाई घर छाडेर विगत पाँच महिनादेखि नै शालिमार होम्समा बस्दै आएका छन् ।

तीन दाजुभाईलाई पर्सा जिल्ला अदालतबाट बिगतमा सुनिल माथि कुटपिट अंगभंग गरेको अभियोगमा पक्राउ पुर्जी पनि जारी भएको र तारेखमा जमानतको कागजात लिएर प्रहरी प्रशासनबाट उम्कि रहेका छन् ।

फेटाका प्रशासकिय अधिकृत मेहताद्वारा विद्यालयहरुमा छडके

0

वीरगंज । बाराकाे फेटा गाउँपालिकाका प्रमुख प्रशासकिय अधकृत प्राण मेहताले विद्यालयहरुकाे छड्के अनुगमन गर्नु भएकाे छ ।

प्रशासकिय अधिकृत मेहताले साेमबार ४ वटा विद्यालय र एक स्वास्थ्य चाैकीकाे अनुगमन गर्नु भएकाे हाे ।  अधिकृत मेहताले वडा नं. १ अन्तर्गतका श्री नेरा प्रावि त्रिवेणी, श्री नेरा आधारभुत विद्यालय भरवलिया, श्री नेरा प्रावि भलुवही र वडा नं. २ अन्तर्गतका श्री नेरा आधाभुत विद्यालय जगतपुर र वडा नं. १ कै स्वास्थ्य चाैकी भलुवही भरवलियाकाे अनुगमन गरेका हुन् ।

अनुगमनकाे क्रममा विद्यालयहरुमा शिक्षक अनुपस्थित र भाैतिक संरचनाकाे समस्या देखिएकाे अधिकृत मेहताले वताउनु भयाे । विद्यालयहरुमा अनुपस्थित हुने शिक्षकलाई कारवाही गरिने र भाैतिक समस्याकाे समाधान गर्ने वताउनु भयाे ।

अनुगमनकाे कार्य निरन्तर चल्ने र सबैकाे वडा अन्तर्गत विद्यालय र स्वास्थ्य चाैकीहरुकाे अनुगमन गरिने मेहताले जानकारी गराउनु भयाे ।

छडके अनुगमनमा अधिकृत मेहता संगै वडाध्यक्ष जय प्रकाश दास, गाउँ कार्यपालिका सदस्य विरागमण प्रसाद, रामसुनर ठाकुर, सम्बन्धित विद्यालय व्यवस्थापन समिति सदस्य लगायतकाे पनि सहभागिता रहेकाे थियाे ।