वीरगंज । पर्साकाे जिराभवानी गाउँपालिका वडा नं. ५ हरैयामा आगलागी हुदा २ घर जलेर नष्ट भएकाे छ । लामखुट्टे धपाउन बालिएकाे घुरबाट आगलागी हुदाँ अमिना चौधरीको गोठघर र सुरेन्द्र भण्डारीको संगै रहेको खपडाको एक तल्ले कच्ची घर जली पुर्ण रुपमा क्षती भएको प्रहरीले जनाएकाे छ ।
साेमबार विहान ०४:०० बजेको समयमा भएकाे आगलागीले मानबिय तथा चौपाय क्षती नभए पनि उक्त आगलागीबाट अन्नपात, लताकपडा तथा भाडाकुडा गरी दुबै जनाको रु ३ लाख बराबरको क्षती भएको जिल्ला प्रहरी कार्यालय पर्साले जनाएकाे छ । उक्त आगो प्रहरी र स्थानियबाँसीको सहयोगमा आधी घण्टा पछि नियन्त्रणमा आएको थियाे ।
