वीरगंज । सशस्त्र प्रहरी सिमा सुरक्षा बल अमरपट्टीले बिन्दवासिनी गाउँपालिका वडा नं. ४ मधवलबाट अबैध भारतिय कुखुराकाे चल्ला बरामद गरेकाे छ ।
बिन्दवासिनी गा.पा. वडा नं. ३ स्थित रहेकाे ब्यास क्यामबाट आज बिहान ४ बजे शस्त्र प्रहरी निरिक्षक अरूण बिक्रम बस्नेतकाे नेतृत्वमा रहेकाे गस्ती टाेलीले भारतबाट ल्याउदै गरेकाे दुई हजार एक सय ओटा कुखराकाे चल्ला बरामद गरेकाे हाे ।
बि.आर. ०५ एन. १३११ नम्बरकाे माेटरसाइकल सहित रू १ लाख ६८ हजार मूल्य पर्ने कुखुराकाे चल्ला बरामद गरिएकाे सशस्त्र प्रहरीले जनाएकाे छ ।
बरामद भएकाे चल्ला आजै स्थानिय, पत्रकार, क्वाराटाईनकाे प्रतिनिधि, प्रहरीकाे राेहबराेहमा नष्ट गरिएकाे छ भने माेटरसाईकल बीरगँज भान्सार बुझाइएकाे प्रहरी निरिक्षक बस्नेतले जानकारी गराए ।
