Date
आइत, मंसिर ६, २०८३
Sun, November 22, 2026
Home Blog Page 1017

रेडक्र्स दिवसको अवसरमा दीप प्रज्वलन

0

वीरगंज । नेपाल रेडक्रस सोसाइटी पर्सा शाखाद्वारा ५५ औ जुनियर युवा रेडक्र्स दिवसको अवसरमा आज दिपप्रजवलन गरी दिवस मनाइएको छ ।

रेडक्र्स पर्सा जुनियर युव समितीका संयोजक बिनोद गिरिको सभापतित्वमा भएको कार्यक्रममा रेडक्र्स पर्साका सभापति बिरेन्द्र राज कंडेलले दिपप्रजवलन गरि कार्यक्रमको उदघाटन गरेका थिए । कार्यक्रममा सहभागी सबैले दिपप्रजवलन गरे भने शाखाका मन्त्री शैलेन्द्र कुमार चौरसियाले मन्तव्य दिई सबैमा शुभकामना ब्यक्त गरे ।

कार्यक्रममा उपमन्त्री साबिर अहम्मद एराज, अमन गुरुआचार्य, भरत शर्मा, बिरशम्सेर कुर्मी, लक्ष्मिनारायण राउत, राजन श्रीवास्तव लगायतकाे सहभागिता रहेकाे थियाे ।

राष्ट्रिय प्रारम्भिक पढाई कार्यक्रमकाे विज्ञ टाेलीद्वारा अनुगमन

0

वीरगंज । राष्ट्रिय प्रारम्भिक पढाई कार्यक्रमकाे कार्यान्वयन, स्थिती, प्रभाव र निरन्तरता सम्बन्धि ४ दिने अन्तरक्रिया गाेष्ठि आज वीरगंजमा सुरु भएकाे छ ।

हाेटल दियालाेमा सुरु भएकाे गाेष्ठिमा कार्यक्रमकाे अनगुमन गर्न ५ वटा विज्ञ टाेली गठन गरेकाे छ । वीरगंज महानगरपालिकाका शिक्षा शाखा प्रमुख अरबिन्द लाल कर्ण संयाेजक रहेकाे टाेलीले वीरगंज महानगरका, पाेखरिया नगरपालिकाका शिक्षा शाखा प्रमुख विनाेद पाण्डे संयाेजक रहेकाे टाेलीले पाेखरिया नगरपालिका, शिक्षा समन्वय इकाई कार्यालय पर्साका प्रमुख फत बहादुर संयाेजक रहेकाे टाेलीले पर्सागढी नगरपालिका, सखुवा प्रसाैनी गाउँपालिका शिक्षा शाखा प्रमुख नेपाल इन्दु साह संयाेजक रहेकाे टाेलीले सखुवा प्रसाैनीकाे र शिक्षक महासंघ पर्साका अध्यक्ष संयाेजक रहेकाे टाेलीले पटेर्वा सुगाैली गाउँपालिका अन्तर्गतकाे विद्यालयकाे अनुगमन गर्ने छ ।

५ वटै टाेलीले कार्यक्रम संचालन रहेकाे ५ वटै स्थानिय तहकाे २० वटा विद्यालयहरुकाे अनुगमन गर्ने वताइएकाे छ ।

यसै विच पाेखरिया नगरपालिका अन्तर्गतकाे २ वटा विद्यालयकाे टाेलीले अनुगमन गरेकाे छ । शिक्षा शाखा प्रमुख पाण्डे संयाेजक रहेकाे टाेलीले पाेखरिया नगरपालिका अन्तर्गतकाे श्री नेरा प्रावि फुलवरिया र श्री नेरा प्रावि शिव बर्वाकाे अनगुमन गरेकाे हाे ।

अनुगमन टाेलीमा गैसस महासंघ पर्साका अध्यक्ष छठु साह, रामनारायण कुर्मी लगायतकाे सहभागिता रहेकाे थियाे ।

“पत्र-पत्रिका सम्पादक समाज पर्सा” प्रति समाजका दुई सदस्य कै आपती

0

वीरगंज ।  वीरगंजबाट प्रकाशित दैनिक पत्र-पत्रिकाका सम्पादकहरुको भेलाबाट “दैनिक पत्र-पत्रिका सम्पादक समाज पर्सा” गठन भएको भनिएको प्रति समाज कै दुई सदस्यले आपती जनाएका छन् ।

समाजका सलाहकारमा नाम रहेका सर्वेक्षण दैनिकका सम्पादक किरण राज पाण्डे र समाजका सदस्य सहारा दैनिकका सह-सम्पादक नरेश सरार्फले आज छुटाछुटै प्रेस विज्ञप्ती जारी गर्दै आपती जनाएका हुन् ।

सर्वेक्षण दैनिकका सम्पादक पाण्डेले जारी गरेकाे प्रेस विज्ञप्तीमा  मिति २०७६/११/२१ गतेको संचार माध्यमबाट आफुलाई साे समाजकाे सलाहकारमा राखेको थाहा पाउदा आश्चर्य लागेकाे वताए छन् । उनले जारी गरेकाे प्रेस विज्ञप्तीमा सम्पादक भन्नाले कुनै पनि पत्रिकामा सम्पादकिय लेख्ने क्षमता सहित पत्रिकामा सम्पादक भन्ने जनाएको हुनु पर्ने र त्यस्तै सम्पादक भन्नाले जिल्ला प्रशासन र सुचना विभागको तथ्यांकमा सम्पादक उल्लेख भएको व्यक्तिलाई जनाउँछ उल्लेख छ ।

तर यहाँ योग्य रहेका सम्पादकहरुलाई मानमर्दन हुने गरी जिल्ला प्रशासन र सुचना विभागको तथ्यांकमा नरहेका व्यक्तिहरुलाई समेटी आफ्नो निहित स्वार्थ पुर्तिको लागि गरिएको सो समाज गठन प्रति घोर आपती जनाउदै उनले सो समाजको सलाहकारमा आफुलाई जानकारी समेत नगराई आफै मनपरी तरिकाले आफ्नो नाम समेत राखिएकोमा सो समाज संग कुनै सरोकार नरहेको सम्पादक पाण्डेद्वारा हस्ताक्षरित प्रेस विज्ञप्ती मार्फत जनाइएको छ ।

यस्तै सहारा दैनिकका सह सम्पादक सरार्फले छुट्टै प्रेस विज्ञप्ती जारी गर्दै आफ्नाे गम्भिर ध्यान आकर्षण भएको जनाएका छन् । उनले प्रेस विज्ञप्तीमा मार्फत फागुन २१ गते बुधबार संचार माध्यमबाट साे बारे आफु थाह पाएकाे र सो समितिको सदस्यमा आफ्नाे पनि नाम रहेको देखेर आश्चर्य लागेको वताएका हुन् ।

मेरो कुनै जानकारी र उपस्थित बेगर समितिमा नाम राखिएको प्रति मेरो गम्भिर आपती रहेको समेत उनले जारी गरेको प्रेस विज्ञप्तीमा उल्लेख छ । आफ्नो निहित स्वार्थ पुर्तिको लागि गठन गरिएको सो समाज गठनले वीरगंजको दैनिक पत्र-पत्रिकाहरुका लागि कुनै अनुकर्णिय काम हुन नसक्ने र समाजको नाममा सिमित व्यक्तिले आफ्नो अधि पात्य स्थापित गर्ने उद्देश्यले गठन गरिएको अनुभुति मलाई भएकोले उक्त समिति संग मेरो कुनै सरोकार नरहेको सम्बन्धित सबैको जानकारीको राउन चाहेको सरार्फद्वारा हस्ताक्षरित प्रेस विज्ञप्तीमा उल्लेख छ ।

इलाका प्रशासन सुपाैलीकाे होडिङ बोर्ड च्यातियाे, २ जना पक्राउ

0

जीराभवनी । पर्साको जिराभवानी गाउँपालिकाको वार्ड नम्बर ४ सुपौलीमा रहेको ईलाका प्रशासनको कर्यालयमा बिगत लामो समयदेखि कर्मचारीहरू अनुपस्थित रहेको भन्दै आज युवाहरुकाे एक समुहले कार्यालयको होडिङ बोर्ड च्यातेका छन ।

युवाहरुले बिगत एक महिना देखि नागरिक्ता बनाउन लागि ईलाका प्रशासन कार्यालयमा धाइरहेका थिए । ईलाका प्रशासनका कर्मचारीहरुले फोनमा भोलि पर्सि आउनु भनी ढाटी रहेकोले आक्रोशमा आएर होडिङ बोर्ड च्यातेको बताएका छन ।

होर्डिङ बोर्ड च्यातेको आरोप प्रहरी चौकी सुपौलीले दुइजनालाई पक्राउ समेत गरेको छ । पक्राउ पर्नेमा जिराभवानी गाउँपालिका वार्ड नम्बर ५ का २२ वर्षका अजय महतो र १८ वर्षका शिवशंकर महतो रहेका छन । पक्राउ गरिएका दुबैजनालाई आवश्यक कार्वाहीको लागि जिल्ला प्रहरी कार्यालय पर्सामा पठाइएको ईलाका प्रहरी कार्यालय पटेर्वा सुगौलीका प्रहरी निरीक्षक दिपक चोरवारले वताए ।

कर्मचारी बिगत लामो समय देखि कार्यालयमा अनुपस्थित रहेको सुपौली दैनिक आउने दर्जनौं सेवाग्राहीहरु काम नगराई रितै फर्किनु पर्ने बाध्यता रहेको छ । ईलाका प्रशासन सुपौली अन्तर्ग्त ठोरी गाउँपालिका, जिराभवानी गाउँपालिका, जगरनाथपुर गाउँपालिका र पटेर्वा सुगौली गाउँपालिका पर्दछ । दिनहुुँ त्यहाका सेवाग्राहीहरु कार्यालयमा आउने र कर्मचारी नभएकोले रितै घर फर्किने गरेको स्थानीयले बताएका छन ।

छोहडा सहित २ वटा अटो प्रहरी नियन्त्रणमा

0

वीरगंज । पर्सा प्रहरीले छोहडा सहितको २ वटा अटो नियन्त्रणमा लिएकाे छ ।  विशेष सुचनाको आधारमा  बुधबार दिउसाे २ बजेको समयमा ना २ ह ५२१४ र ना.२.ह.४७४९ नम्बरकाे अटोमा लोड रहेको २० बोरा (१० क्वीन्टल) छोहडा सहितको अटो बरामद भएकाे प्रहरीले जनाएकाे छ

जिल्ला प्रहरी कार्यालय पर्साबाट खटिएको प्रहरी टोलीले बिरगंज महानगरपालिकाकाे वडा नं.१६ नगवा स्थितबाट छाेहडा सहितकाे अटाे नियतन्त्रणमा लिएकाे हाे । नेपालबाट भारततर्फ लैजादै गरेको बरामद भएकाे छाेहड नियन्त्रणमा लिई आवश्यक कारवाहीको लागी बीरगंज भंसार कार्यालय बुझाइएको जिल्ला प्रहरी कार्यालय पर्साले जनाएकाे छ ।

कालिकामाईमा दादुरा रुबेला खाेप अभियान सुरु

0

वीरगंज । पर्साकाे कालिकामाई गाउँपालिकामा  आज देखी दादुरा रुबेला खोप अभियान सुरु भएकाे छ । कालिकामाई गाउँपालिकाकाे सबै वडामा एक साथ दादुरा रुबेला अभियान सुरु भएकाे स्वास्थ्य चाैकी बिरन्चीबर्वाका प्रमुख निरन्जन चाैरसियाले वताए ।

दादुरा रुबेला अभियानकाे पहिलो दिन गाउँपालिकाकाे वडा नं. ५ बिरन्चिबार्वाकाे साविक वडा नं. १ (बलुवा) टोलबाट सुरु गरिएकाे उनले जानकारी गराए । अभियानकाे वडा अध्यक्ष पवन तिवारीले बालबालिकालाई खाेप खुवाई सुभारम्भ गरे ।

अभियान सुभारम्भ कार्यक्रममा गाउँपालिका स्वास्थ्य सह संयाेजक महेन्द्र चाैरसिया, स्वास्थ्य प्राविधिक बालजित साह, धिरेन्द्र कुमार रेवानी र रमेश महतो केवटको पनि सहभागि थिए ।

यस्तै वडा नं. २ भेडिहारीमा सुरु भएकाे दादुरा रुबेल अभियानकाे वडाध्यक्ष साेनालाल चाैरसियाले बालबालिकाहरुलाई खाेप खुवाई सुभारम्भ गरेका थिए ।

बिहिबार देखी सुरु भएकाे अभियान फागुन ३० गते सम्म जारी रहने गाउँपालिका स्वास्थ्य संयाेजक याेगेन्द्र प्रसाद चाैरसियाले वताए । गाउँपालिका अन्तर्गतका ५ वटै वडामा २ समुहमा अभियान संचालन गरिएकाे उनले वताए ।

९ दिन सम्म संचालन हुने अभियानमा जन्मे देखी ५ बर्ष मुनिका बालबालिकाहरुलाई पोलियो थोपा खुवाउईने र ९ महिना देखी ५ बर्ष मुनिका बालबालिकाहरुलाई दादुरा रुवेला खोप लगाईने छ ।

अवैध सामान सहित २ जना पक्राउ

0

वीरगंज । पर्सा प्रहरीले अवैध सामान सहित २ जनालाई पक्राउ गरेकाे छ । लागु औषध व्युराे शाखा रजत जयन्ती चाेकले लागु औषध इन्जेक्सन सहित एक जना र अवैध चांदी सहित एक जना गरी दुई जनालाई बुधबार पक्राउ गरेकाे हाे ।

वीरगंज महानगरपालिकाकाे मनियारी निवासी ३१ बर्षिय हिरालाल महताे लागु औषध इन्जेक्सन सहित पक्राउ परेकाे हुन् । वीरगंज १६ रजतजयन्ती चाेकमा चेक जांच गर्ने क्रममा महताेकाे साथबाट लागु औषध इन्जेक्सन डाइजेपाम ९० पिस, फेनारगन ९० पिस, नुर्फिन ९० पिस र निराभेट १० पता फेला परेकाेले नियन्त्रणमा लिइएकाे लागु औषध ब्युराे शाखा रजतजयन्तीका प्रहरी सहायक निरिक्षक पुष्कर केसीले वताए ।

यस्तै वीरगंजकाे गण्डक चाेकबाट अवैध चांदी सहित नुवाकाेट पंगर गाउँका ४४ बर्षिय राजु लामा भनिने टिक राम तमांङ्गलाई पक्राउ गरिएकाे उनले वताए । पक्राउ परेका थिङ्गकाे साथबाट चाँदीकाे बाला एक थान, चाँदीकाे औंठी एक थान बरामद भएकाे प्रहरी सहायक निरिक्षक केसीले वताए ।

पक्राउ परेका दुबै जनालाई अवैध सामान सहित जिल्ला प्रहरी कार्यालय पर्सालाई बुझाइएकाे छ ।

नर्सिङ क्याम्पसमा ट्राफिक ब्यवस्थापन सम्बन्धी जनचेतना

0

वीरगंज । ब्यवस्थित वीरगंज अभियान र समुदाय प्रहरी साझेदारी कार्यक्रम अन्तर्गत जिल्ला ट्राफिक प्रहरी पर्साको सम्योजनमा आज ट्राफिक ब्यवस्थापन सम्बन्धी जनचेतना कार्यक्रम सम्पन्न भएको छ ।

वीरगंज नर्सिङ क्याम्पसमा भएकाे कार्यक्रममा नुर्सिङका विद्यार्थीलाई दुर्घटनाबाट बच्ने र अरु दुर्घटनामा परेकालाई उद्दार कसरी गर्ने सम्बन्धी जानकारी गराइएको ब्यवस्थित वीरगंज अभियानका संयाेजक दिलिप राज कार्कीले वताए ।

नर्सिङ क्यम्पसका प्रमुख श्रीमती सुर्य कोइरलाको अध्यक्षतामा र पर्सा प्रहरी प्रमुख प्रहरी उपरीक्षक गङगा पन्तकाे प्रमुख आतिथ्यतामा भएकाे कार्यक्रममा ब्यवस्थित वीरगंज अभियानका संयाेजक कार्की, पर्सा ट्राफिक प्रमुख कमल राज पन्डित लगायतकाले मन्तव्य राखेका थिए ।

कार्यक्रममा प्रोजेक्टर मार्फत दुर्घटनाका कारण र बच्ने उपायका साथै उपचारको बारेमा ट्राफिकका प्रहरी नायब निरिक्षक किरण कार्कीले सहजीकरण गरेका थिए।

कार्यक्रमकी प्रमुख अतिथी प्रहरी उपरीक्षक पन्तले हामी कानुन मानेर कानुनको पालना गरे समाजिक घरेलु र यस्ता ट्राफिक दुर्घटनाबाट सुरक्षीत हुने बताइन । क्याम्पस प्रमुख सुर्या कोईरालाले हामी स्वस्थ्य क्षेत्रको ब्यक्तीलाई ट्राफिक जस्तो सरोकारको चेतना दिनु भएकोमा धन्यवाद व्यक्त गरेकी थिइन ।

कार्यक्रम ब्यवस्थित बिरगंज अभियानका संयाेजक कार्कीको सम्योजनमा भएकाे थियाे ।

ठाकुर राम क्याम्पसमा विदाई कार्यक्रम सम्पन्न

0

वीरगंज । ठाकुर राम बहुमुखी क्याम्पस वीरगंजमा विएसी चाैथाे बर्षका विद्यार्थीहरुलाई एक कार्यक्रमकाे विच आज विदाई गरिएकाे छ ।

विएसी तेस्राे बर्षमा अध्ययनरत विद्यार्थीहरुले क्याम्पसमा विदाई कार्यक्रमकाे आयाेजना गरी चाैथाे बर्षमा अध्ययनरत विद्यार्थीहरुलाई विदाई गरेका हुन् । विएसी तेस्राे बर्षका विद्यार्थी प्रविण कुशवाहाकाे अध्यक्षतामा भएकाे कार्यक्रममा सहायक क्याम्पस प्रमुख नर्सिङ्ग महताे, प्रध्यापक रभुनाथ चाैरसिया, डा. राजदेव कुशवाहा, अरुण सिंह, संजय श्रेष्ठ, हरेराज यादव, गुडविलका निर्देशक रामहरी तिवारी लगायतकाले शुभकामना मन्तव्य राखेका थिए ।

कार्यक्रममा समाजवादी विद्यार्थी युनियनका नेता विकास मेेहता, शिवहरी तिवारी लगायत विएसी तेस्राे र चाैथाे बर्षमा अध्ययनरत विद्यार्थीहरुकाे सहभागिता रहेकाे थियाे । कार्यक्रम गुडविल लाेक सेवा इन्सच्युटिट वीरगंजकाे सहयाेगमा भएकाे थियाे ।

जिराभवानीकाे राष्ट्रिय वनमा पाठे बाघ मृत फेला

0

जिराभवानी । पर्साको डिभिजन वन कार्यालय अन्तर्गत रहेको राष्ट्रिय वन क्षेत्रमा आज एक पाठे बाघ मृत अवस्थामा फेला परेको छन् ।

जिराभवानी गाउँपालिकामा रहेको सब डिभिजन वन कार्यालय बसन्तपुर देखि सात सय मिटर उत्तरमा पाठे बाघ मृत अवस्थामा फेला परेको पर्सा राष्ट्रिय निकुञ्ज कार्यालय आधाभारका प्रमुख संरक्षण अधिकृत अमिर महर्जनले वताए । मृत भेटिएकाे बाघको प्रकृति हेर्दा बाघ बाघमा जुधेर मरेकाे हुन सक्ने निकुञ्ज कार्यालयले जनाएको छ ।

घटना स्थलमा पन्चमुखी मध्यवर्ती उपभोक्ता समिति सुनाखरी मध्यवर्ती उपभोक्ता समितीका पदाधिकारी, डिभिजन वन कार्यालय बसन्तपुरको वन कर्मचारी, नेपाली सेना, निकुञ्ज प्रशासन पुगेकाे छ । स्थानीय जनप्रतिनिधिहरुको रोहवरमा सर्जमिन मुचुल्का गरि सनाखत गर्ने प्रक्रिया भइरहेको पर्सा राष्ट्रिय निकुञ्ज कार्यालयले जनाएको छ ।