Date
आइत, मंसिर ६, २०८३
Sun, November 22, 2026
Home Blog Page 1016

भंसार छली लैजादै गरेको डिजेल बरामद

0

वीरगंज । नेपालबाट भारत तर्फ लैजादे गरेकाे ७ सय लिटर डिजल प्रहरीले बरामद गरेकाे छ । प्रहरीले आज पर्साकाे पकाहामैनपुर गाउँपालिका वडा नं.१ धोरे स्थितबाट ३ वटा भारतिय माेटरसाइकल सहित डिजल बरामद गरेकाे हाे ।

नेपालबाट भारततर्फ लैजादै गरेको BR22K 3731, BR22G 8424 र BR05D 2896 नम्बरकाे मोटरसाइकल सहित ७०० लिटर डिजेल बरामद गरेकाे जिल्ला प्रहरी कार्यालय पर्साले जनाएकाे छ । नेपालबाट भंसार छली चोरी निकासी गरी अवैध रुपमा डिजेल लैजादै छ भनि विशेष सुचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले डिजल बरामद गरेकाे जनाइएकाे छ ।

बरामद डिजल र माेटरसाइकल आवश्यक कारवाहीको लागी बीरगंज भंसार बुझाउने कार्य भइरहेको प्रहरी कार्यालयलेे जनाएकाे छ ।

सह लेखापालबाट लेखापालमा ५ जनाकाे बढुवा

0
सह लेखापालबाट लेखापालमा बढुवाकाे लागि सिफारिस भएका क्रमश दास, पटेल र सहनी

वीरगंज । काेष तथा लेखा नियन्त्रक कार्यालय पर्साले ५ जना सह लेखापाललाई लेखापालमा बढुवा लागि सिफारिस गरेकाे छ ।

सह लेखापाल धनन्जय दास, संजय पटेल, लक्ष्मण गाैतम, अकलेश कुमार सहनी र सुदीप माझीलाई लेखापालमा बढुवाकाे लागि सिफारिस गरेकाे हाे । लेखापालकाे रिक्त पदमा बढुवाकाे लागि फारम पेश गर्ने उम्मेदवारहरु मध्ये बढुवा समितिकाे मिति २०७६/११/२२ काे निर्णय अनुसार ५ जनालाई बढुवाकाे लागि सिफारिस गरिएकाे काेष तथा लेखा नियन्त्रक कार्यालय पर्साले जनाएकाे छ ।

बढुवा सुचना नं. ३५२/०७६/०७७ (जेष्ठता तथा कार्यसम्पादनकाे मूूल्यांकनद्वारा) क्रमश दास, पटेल र गाैतमलाई, बढुवा सुचना नं. ३५३/०७६/०७७  (कार्यक्षमता मूूल्यांकनद्वारा) सहनी र माझीलाई बढुवाकाे लागि लेखा नियन्त्रक कार्यालयले सिफारिस गरेकाे हाे ।

मालपोत कार्यालय पर्सामा घुस नदिए काम हुँदैन

0

वीरगंज । मालपोत कार्यालय पर्सा अझै पनि भ्रष्टाचारको अखडाको रुपमा स्थापित रहे पनि अख्तियार दुरुपयोग अनुसन्धान आयोग मुकदर्शक बनेको छ ।

मालपोत कार्यालय पर्सामा जग्गा खरिद बिक्री तथा रोक्का फुकुवा लगायतको काम लिएर जाने सेवाग्रहीले पियुनदेखि हाकिमसम्मलाई घुस नदिएसम्म काम अगाडि नबढ्ने प्रवृत्ती कायम रहे पनि सम्बध निकाय मौन रहेको पाइएको छ ।

मालपोत कार्यालयका कर्मचारी तथा हाकिमले समेत सेवाग्रहीबाट हाका हाकी घुस माग्ने गरेको दृष्य शुक्रवार प्रत्यक्ष रुपमा देखियो ।

राष्ट्रिय सहारा दैनिकका प्रकासक/सम्पादक चन्द्रभुषण साहले आफनो श्रीमतीको नाममा खरिद गरेको जग्गा नामसारीको लागि फागुन १९ गते सोमवार १०ः३० बजेको समयमा मालपोत कार्यालय पर्साको मोठ फटमा मोठ भिडाउन जाँदा त्यहा कार्यारत रोशन नाम गरेको कर्मचारीले रु ५ सय दिए आजै काम गर्ने नभए मंगलवार मात्र हुन्छ भनेर लाइनमा राखि दिए ।

त्यसपछी मंगलवार मात्र मोठ भिडाएर अन्य प्रक्रिया अगाडी बढे पछि जग्गा बिक्री गर्ने र खरिद गर्ने बीच पैसाको लेनदेनबारे सोधपुछ गरी नामसारीको प्रक्रिया पूरा गर्ने सुब्बा मुकेश पटेलले सोधपुछ गरी नामसारीमा सहमती अर्थात हस्ताक्षर गर्न रु १ हजार घुस मागे । उनलाई पनि तत्काल घुस नदिएपछि १ दिन अल्झाएर बुधवार अवेर मात्र हस्ताक्षर गरे ।

त्यसपछि राजस्व तिरेको भौचरसहित रसिद कटाउन जाँदा त्यहा पनि कर्मचारीले मागेको रु ५ सय घुस नदिदा एक दिन अल्झाएर बिहीवार अवेर मात्र रसिद काटेर दियो ।

रसिद काटेर लालपुर्जा बनाउन शुक्रवार जाँदा पुनः कर्मचारीहरुले तत्काल लालपुर्जा चाहिए रु १ हजार घुस दिनुपर्ने र कम्प्युटर एन्ट्रिको लागि छुट्टै रु ५ सय घुस दिनुपर्ने सर्त राखे ।

फाँटै पीच्छे मागेको घुस रकमबारे निमित कार्यालय प्रमुख सुमन झा समक्ष गुनासो गर्न जाँदा उनले समेत कर्मचारीहरु मेहनत गर्छन मजदुरी स्वरुप रकम दिनुपर्ने दावी गरे ।

यसरी हाकाहाकी सानादेखि ठूला ओहदाका कर्मचारीहरुले घुस माग गरेको सम्बन्धमा पर्साका प्रमुख जिल्ला अधिकारी विष्णु कुमार कार्कीसँग गुनासो गर्दा उनले अब कार्यालय बन्द हुने बेला भएको छ कार्यालय खुले पछि उनिहरुलाई बोलाएर कुरा बुझेर आवस्यक कारवाही गर्ने बताए ।

पक्राउ गरिएकाे भैंसी र पाडा लिलामी

0

वीरगंज । इलाका प्रहरी कार्यालय पाेखरियाले नियन्त्रणमा लिएकाे २ वटा भैंसी र ६ वटा पाडा लिलामी गरेकाे छ ।

पाेखरिया नगरपालिकाकाे सिर्सियाबाट नियन्त्रणमा लिइएकाे भैंसी र पाडा रु ८३ हजार एक सयमा लिलामी गरिएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

भारतबाट नेपाल ल्याइरहेकाे अवस्थामा नियन्त्रणमा लिएकाे २ वटा भैंसी र ६ वडा पाडा भन्सार कर्मचारीकाे उपस्थितीमा लिलामी गरिएकाे प्रहरी निरिक्षक सिंहले जानकारी गराउनु भयाे ।

अवैध कुखुरा र माछा खाडलमा पुरेर नष्ट

0

वीरगंज । इलाका प्रहरी कार्यालय पाेखरियाले विभिन्न समयमा नियन्त्रण लिएकाे अवैध कुखुरा खाडलमा पुरेर नष्ट गरेकाे छ ।

इलाका प्रहरी कार्यालय प्रसाैनी भाठाकाे समेत सक्रियतामा बिन्दवासिनी गाउँपालिका वडा नं. ३ झाैवाबाट वटा साइकल सहित एक क्वीन्टल २५ केजी (५० वटा) कुखुरा नियन्त्रणमा लिएकाे थियाे । यस्तै प्रहरी चाैकी आशवारीले धाेबिनी गाउँपालिका वडा नं. २ भिखमपुरबाट १७ वटा (४० केजी) कुखुरा र ४० केजी माछा नियन्त्रणमा लिएकाे थियाे ।

यस्तै इप्रका पाेखरिया र इप्रका प्रसाैनी भाठाकाे टाेलीले पकहा मैनपुर गाउँपालिकाकाे वडा नं. २ मानिपुरबाट थप २८ वटा (७० केजी) कुखुरा नियन्त्रणमा लिएकाे थियाे ।

भारतबाट नेपाल भित्रयाइएकाे बरामद तथा नियन्त्रणमा लिइएकाे अवैध कुखुरा र माछा जेसिबिले खाडल खनेर क्वारेन्टाइन र पशुपंक्षी व्यवसायी संघकाे प्रतिनिधिकाे राेहबरमा खाडलमा गाडी नष्ट गरिएकाे इप्रका पाेखरियाका प्रहरी निरिक्षक चन्द्र कुमार सिंहले वताउनु भयाे ।

पाेखरियामा खानेपानी तथा सरसफाई सम्बन्धी दिर्घकालिन योजना निमार्ण

0

वीरगंज । पर्साको पोखरीया नगरपालिकाले आज १५ बुंदे खानेपानी तथा सरसफाई स्वच्छता समबन्धी दिर्घकालिन योजना निमार्ण गरेको छ ।

पोखरीया नगरपालिकाका प्रमुख दिपनारायण रौनियारको अध्यक्षतामा नगरपालिकाको सभाहालमा भएको गोष्ठिमा निर्माण भएकाे खानेपानी तथा सरसफाई स्वच्छता समबन्धी दिर्घकालिन योजना सर्वसम्मत पास भएको उपप्रमुख सलमा खातुनले बताउनु भयाे । तथ्यांक संकल्नकर्ताको छनौट, खानेपानी योजना, बिधालयहरु, स्वास्थ्य संस्थाहरु, सार्वजनिक शौचालयहरु, लगायतका तथ्यांक संकल्न, वार्ड स्तरिय, छलफल, गोष्ठी, टोल, समुदाय, बस्तीबाट तथ्यांक संकल्न कार्य र सुचनाहरुको प्रबिष्टीकरण, प्रारम्भ खास्व योजना माथी वार्ड स्तरिय परामर्श गोष्ठी लगायत १५ बुद्धे कार्ययोजना बनाईएको हो ।

युनिसेफको सहयोग र पोखरीया नगरपालिकाको आयोजनामा भएको कार्यक्रममा मुख्यमंत्री स्वच्छता अभियानका संयोजक सलाउदीन अहम्मद, सरसफाईका बिज्ञ होमनाथ आचार्य, वडाध्यक्ष लक्ष्मण साह, सोनालाल साह गोढ, बंका राउत कुर्मी, रामबाबु चौहान, ननद्यलाल कुर्मी, उमा साह, किशोरी साह, निमित प्रशासकिय अधिकृत बिजय कुमार झा, ईलाका प्रहरी कार्यालय पोखरीयाका प्रहरी निरिक्षक चन्द्र कुमार सिंह लगायतकाले मन्तब्य राखेका थिए ।

कार्यक्रममा बिज्ञ होमनाथ दवाडीले फोहोरबाट बेफाईदाको बारेमा प्रस्तुती गर्नु भएको थियो भने पोखरीया नगरपालिकाका सरसफाई संयोजक नरेन्द्र साहले पोखरीया नगरपालिकामा ५ हजार ९१ घरदुरी मध्ये ३ हजार ९ सय ६४ घरदुरीमा मात्रै शौचालय रहेको र ९ सय ९७ घरदुरीमा चर्पी नरहेको प्रस्तुती गर्नु भएको थियो ।

१ देखी १० नम्बर वडा सम्म रहेको प्रत्येक वडामा ३० देखी ३ सय सम्म शौचालय नरहेको कार्यक्रम संयोजक साहले प्रस्तुती गरेका थिए । कार्यक्रमकाे सहजीकरण समाजिक शाखाका प्रमुख बिनोद पाण्डेले गरेका थिए ।

फेटा गाउँपालिकाकाे प्रशासनिक भवनकाे शिलान्यास

0
वीरगंज । बाराकाे फेटा गाउँपालिकाकाे प्रशासनिक भवन निर्माण हुने भएकाे छ । निर्माण हुने भवनकाे आज एक कार्यक्रमकाे विच प्रतिनिधि सभा सदस्य (सांसद) रामबाबु यादवले शिलान्यास गर्नु भएकाे छ ।
फेटा गाउँपालिकाकाे वडा नं. ३ फेटा स्थित निर्माण हुने भवनकाे बारा क्षेत्र नं. ३ का सांसद यादवले शिलान्यास गरेका हुन् । 
गाउँपालिका अध्यक्ष अमिरीलाल प्रसादकाे अध्यक्षतामा भएकाे कार्यक्रममा बारा क्षेत्र नं. ३ (ख)का प्रदेश सभा सदस्य पारस प्रसाद साह, गाउँपालिकाकी उपाध्यक्ष कमरुण खातुन, समाजवादी पार्टी बाराका अध्यक्ष अजय पटेल, नेकपाकी नेतृ मालती कुशवाहा, प्रमुख प्रशासकिय अधिकृत प्राण मेहता, वडा नम्बर १ देखि ७ सम्मका वडाध्यक्ष लगायत सयाैं गाउँवासीकाे सहभागिता रहेको थियो ।
८ कराेडकाे लागतमा निर्माण हुने भवनकाे लागि गाउँपालिकाले चालु आर्थिक बर्षमा एक कराेड रकम छुट्याएकाे छ ।

 

भेडिहारीमा रक्तदान कार्यक्रम सम्पन्न

0

वीरगंज । पर्साकाे कालिकामाई गाउँपालिकाकाे वडा नं २ भेडिहारीमा आज रक्तदान कार्यक्रम सम्पन्न भएकाे छ । नेपाल आर्य समाज भेडिहारीकाे आयाेजनामा भएकाे रक्तदान कार्यक्रममा एक महिला सहित २१ जानाले रक्तदान गरेका छन् ।

भेडिहारीमा भएकाे कार्यक्रमकाे सुभारम्भ वडाध्यक्ष साेनालाल चाैरसियाले रक्तदान गरी गर्नु भएकाे थियाे । साे कार्यक्रममा स्थानिय राजु चौरसिया, अनिल कुशवाहा, तबरेज खान लगायतकाले २१ जनाले रक्तदान गरेकाे वडाध्यक्ष चाैरसियाले वताउनुभयाे ।

चन्दा उठाउने दुई मजदुर नेतालाई मजदुरहरुले नै कालो मोसो दले

0

बीरगंज । मजुदर नेता रहेको दाबी गर्दै फागु पूर्णिमाको अवसरमा विभिन्न औद्योगिक प्रतिष्ठानहरुमा चन्दा उठाउन पुगेका दुई मजदुर नेतालाई मजदुरहरुले नै कालो मोसो दल्नुकाे साथै जुत्ताको माला लगाई दिएका छन् ।

धाेबिनी गाउँपालिकाकाे वडा नं. ५ धाेबिनी निवासी शम्भु पटेल र बीरगन्ज वडा नं. १८ निवासी टुनटुन तिवारीलाई मजदुरहरुले आज वीरगंजमा कालाे माेसाे दलेकाे भिडियाे समेत सार्वजनिक भएकाे छ ।

विगत लामो समयदेखि नै विभिन्न बहानामा चन्दा उठाउन सिपालु र चन्दा आतंक मच्चाउदै आएका पटेल र तिवारीलाई मजुदुरहरुले नै शुक्रबार मुखमा कालोमोसो दलेका हुन् । साथै, मजदुरको नाममा चन्दा उठाएको भन्दै आक्रोसित मजदुरहरुले उनीहरुलाई जुत्ताको माला पनि लगाई दिएका छन् ।

मजदुरहरुको नाममा चन्दा उठाउने उनीहरुको धन्दा नै भईसकेको एक मजुदर बताएका छन् । विगतमा पनि निजहरुलाई मजदुरहरुको मानमार्दन हुने गरी चन्दा संकलन नगर्न मजुदरहरुले सुझाव दिदैं आएका थिए ।

तर उनीहरुको व्यवहारमा परिवर्तन नआएपछि बाध्य भई मजदुरहरुले यस्तो कदम उठाएको बुझिएको छ । मजदुरहरुले कालोमोसो दल्ने क्रममा उनीहरुको बनाएकाे भिडियो समाजिक संजालमा भाइरल भएकाे हाे ।

यता मजदुर नेता तिवारीले मेराे माथी कसैले कालाे माेसाे नदलेकाे वताएका छन् । शम्भु माथी उद्याेग वाणिज्य संघमा वाेलाई एक समुहले माेबिल खसालेकाे वताउदै उनले साे समयमा आफु त्यहाँ नरहेकाे र आफु माथी कसलै केही नगरेकाे दाबी गरेका छन् ।

सखुवा प्रसौनीमा आगलागी हुदा ३ वटा घर जल्यो

0
फाइल तस्बिर

वीरगंज । पर्साको सखुवा प्रसौनी गाउँपालिका वडा नं. ६ लखनपुरमा आज दिउँसो आगलागी भएको छ । बिधुत स्वर्ट भइ भएको आगलागीले ३ वटा घर जलेर नस्ट भएको प्रहरीले जनाएको छ ।

आगलागीले स्थानिय भरत राउत कमकर, रामायण ठाकुर र शिवबालक राउत कमकरको फुसको घर पुर्ण रुपले जलेको ईलाका प्रहरी कार्यालय पोखरियाले जनाएको छ । दिउँसो १:३० बजे भएको आगलागी एक घण्टा पछि पोखरिया नगरपालिकाबाट पुगेको दमकल, प्रहरी र स्थानीयको सहयोगमा नियन्त्रणमा आएको ईप्रका पोखरियाका प्रहरी निरीक्षक चन्द्र कुमार सिंहले वताउनु भयो ।

प्रहरीका अनुसार आगलागीले भरतको घरमा रहेको धान, चामल, लत्ताकपडा, कुर्सी, साइकल लगायतका सामानहरु जल्दा एक लाख ५० हजारको क्षति भएको छ । यस्तै रामायणको धान, चामल, साइकल, बाख्राको पाठा, फर्निचर लगायतको सामान जलि एक लाख ५० हजारको र शिवबालकको घर, धान, चामल, लत्ताकपडा लगायतका सामान जलि एक लाख गरि जम्मा ४ लाख बराबरको क्षति भएको छ ।