Date
आइत, मंसिर ६, २०८३
Sun, November 22, 2026
Home Blog Page 1018

आइबुकन प्लस सिरफ गुणस्तरहीन रहेकाे फेला

0

वीरगंज । कन्सेप्ट फर्मास्युटिकल्स लिमिटेड भारत औराङ्गाबाद बाट उत्पादित औषधी आईबुकन प्लस गुणस्तरहीन फेला परेको छ ।

भारतमा उत्पादित सो औषधीको सुपर डिस्ट्रब्यूटर वीरगंज आदर्शनगर निवासी राहुल खण्डेवाल रहेका छन् । बच्चाको ज्वरोमा लाग्ने आईबुकन प्लस ६० एमएलको सिरफमा फङ्गस पाईएकोले गुणस्तरहीन प्रमाणित भएको हो ।

औषधी माफियाको रुपमा परिचित सुपर डिस्ट्रब्यूटर राहुल खण्डेवालले विक्री वितरण गर्दै आएको आईबुकन प्लसको ब्याच नं. C70007 रहेको छ भने सो सिरफमा एक्सपायर डेट 11-2020 उल्लेख छ ।

आइबुकन औषधीको कारण एक ७ महिनाको शिशुले करिब एक हप्ता सम्म मृत्यु संग जुधेकाे शिशुका आफन्त संचारकर्मी जितेन्द्र कुमारले वताए ।

सो औषधीको बारेमा केही दिन पहिला संचारमाध्यमले सार्वजनिक गरे पनि हाल सम्म नियमनकारी निकायले कुनै किसिमको कारवाही अगाडी नबढाउदा सचेत नागरिकहरु आश्चर्यमा परेका छन् ।

राष्ट्रिय प्रारम्भिक कार्यक्रमकाे बैठक विभिन्न निर्णय गर्दै सम्पन

0

वीरगंज । जिल्ला समन्वय समिती पर्साको आयोजनामा आज वीरगंजको भिस्वा होटलमा बसेको राष्ट्रिय प्रारम्भिक पढाई कार्यक्रमकाे बैठकले बिभिन्न महत्वपूर्ण निर्णय गर्दै सम्पन भएको छ ।

जिल्ला शिक्षा विकास समन्वय ईकाई पर्साका संयोजक फतबहादुर श्रेष्ठको अध्यक्षतामा बसेको बैठकले राष्ट्रिय प्रारम्भीक कक्षा पढाई कार्यक्रम आर्थिक बर्ष २०७२।०७३ बाट शुरु भएको कार्यक्रम सकारात्मक र सफल भएकोले स्थानिय सरकार, प्रदेश सरकार र केन्द्रिय सरकार संग निरन्तरता दिन सिफारिश गर्ने, पर्साका १४ वटा पालिकाहरुमा प्रध्यानाध्यापकहरुको नियमित बैठक गर्दै जाने र राष्ट्रिय प्रारम्भीक कक्षा पढाई कार्यक्रमका एजेन्डाहरुलाई नियमित रुपमा छलफल गर्ने र यस आर्थिक बर्ष तथा अगामी दिनमा जीटुजी तथा ईजीआरपी मार्फत सम्पन हुने क्रियाकलापहरुलाई तथा त्यसको कार्यन्वयन प्रक्रियाका बारेमा छलफल, अभिमुखिकरण गरी त्यसलाई प्रभावकारी रुपमा सम्पन गर्ने निर्णय गरेकाे राष्ट्रिय पा्ररम्भीक पढाई कार्यक्रमका जिल्ला संयोजक भरत सहनीले बताउनु भयाे ।

बैठकमा शिक्षक महासंघ पर्साका अध्यक्ष तिर्थराज यादव, गैरसरकारी संस्था महासंघ नेपाल पर्साका अध्यक्ष छठु साह, नेपाल पत्रकार महासंघ पर्साका सचिव युवराज खडका, शिक्षक अभिभावक संघका अध्यक्ष अमर गौतम, र पर्साका १४ वटा स्थानिय तहका प्रमुख प्रशासकिय अधिकृत र शिक्षा तथा समाजिक शाखाका प्रमुख तथा प्रतिनिधीहरुको सहभागीता रहेका थियो ।

ओबिसीद्वारा प्रदेश २ काे मुख्यमन्त्रि तथा मन्त्रि परिषद्को कर्यालय घेराउ

0

वीरगंज । नेपाल पिछडा बर्ग (ओबिसी) महासंघ प्रदेश नं. २ समितिको आहवानमा प्रदेश नं. २ को मुख्य मन्त्रि तथा मन्त्रि परिषद्को कर्यालय आज घेराउ गरिएकाे छ |

महासंघका प्रदेश संयोजक शिव कुमार साहको नेतृत्वमा गोपाल धर्मशाला जनकपुरबाट सुरु भएको जुलुस बिभिन्न नारा, झन्डा र बैनर लिएर  परिषदकाे कार्यालय पुगी ओबिसीका नेता तथा कर्याकर्ताहरुले घेराउ गरेको थिए | माघ २८ गते ओबिसेले १५ बुंदे ज्ञापन पत्र मन्त्री परिषदकाे कार्यालयलाई बुझाउदै १५ दिने अल्टिमेटम दिएकोमा सो अल्टिमेटम बितिसक्दा पनि कुनै वास्ता नगरिएकोले बाध्य भएर आन्दोलनमा उत्रिएको संयाेजक साहले बताए |

कार्यालय घेराउ कार्यक्रममा मुख्य मन्त्रि तथा मन्त्रि परिषद्को कर्यालय जनकपुरका उपसचिव धनश्याम जोशी र महासंघ पदाधिकारी बीच छलफल भई दुई दिन भित्रमा बर्तामा बोलाई जायज मांगहरु सम्बोधन गरि सहकार्यको बाटोमा आगाडी बढ्ने सहमतिमा आन्दोलन स्थगित भएको छ |

दुई दिन भित्रमा सम्झौता र सहकार्य नभए थप आन्दोलनका कार्यक्रमहरु सार्वजनिक गरि शान्तिपूर्ण ढंगले आन्दोलन आगाडी बढाइने सह-संयोजक उमेश ठाकुरले बताए |

घेराउ कार्यक्रममा सुरेश ठाकुर, सुरेन्द्र महतो, अमृता देवी यादव, गीता देवी महतो, बबिता साह र धनिलाल ठाकुर लगायत आठै जिल्लाका ओबिसीका नेता तथा कार्यकर्ताहरुको सहभागी रहेको थियो |

संघ सरकार संग भएकाे १५ बुंदे सम्झाैता कार्यन्वयनकाे माग गर्दै ओबिसि आन्दाेलित भएकाे हाे ।

२० बर्ष पुगे, नपुगेको विवाहका लागि सिफारिस लिनु पर्छ : प्रमुख राैनियार

0

पर्सा । पोखरिया नगरपालिकाका प्रमुख दिपनारायण रौनियारले अब प्रत्येक वडाबाट २० बर्ष पुगेको नपुगेको विवाहका लागी अनुमती सहितकाे सिफारिसपत्र लिनु पर्ने अनिवार्य गर्नु पर्ने बताउनु भएको छ ।

नगरपालिकाको सभाहालमा मंगलबार भएकाे बालविवाह अन्तयका लागी राष्ट्रिय रणनिती कार्यदलको कार्यक्रमलाई सम्बाेधन गर्दै यस्तो बताउनु भएको हो । विवाहका लागि हुने देखासुनी सके पछि विवाहको उमेर प्रमाणित गरेर मात्रै विवाह गर्न नगरवासीमा आग्रह समेत गर्नु भयो ।

पोखरीया नगरपालिकाकाकी उपप्रमुख सलमा खातुनको अध्यक्षतामा भएको कार्यक्रममा निमित कार्यकारी अधिकृत संजय पाण्डे, वडा नम्बर १ का अध्यक्ष बंका राउत कुर्मी, वडा नम्बर ९ का अध्यक्ष रामबाबु चौहान, पोखरीया नगरपालिकाका बालबालिका शाखा प्रमुख संदिप साह, समाजिक शाखा तथा शिक्षा शाखा प्रमुख बिनोद पाण्डे लगायतकाले आ आफ्ना धारणा राखेका थिए ।

कृपा संस्थाको आयोजनामा भएकाे कार्यक्रममा संस्थाका प्रमुख बृजकिशोर प्रसाद कुश्वाहाले पोखरीया नगरपालिकाले बालविवाह मुक्त नगरपालिका बनाउन अभियान संचालन गरेको, बालविवाह न्युनिकरण गर्न कार्यक्रम संचालन गरेको र नगरपालिकाका युवाहरुको भुमिका सक्रिय रहेको प्रस्तुती गर्नु भएकाे थियाे । यसका साथै ६ वटा रणनिती कार्यदिशाा बारे छलफल र पालिकाले गर्न सक्ने बुंदाहरुकाे बारेमा बिस्तृत प्रस्तुती र छलफल गरेका थिए ।

कार्यक्रम पोखरीया नगरपालिकामा १८ महनिा देखी संचालनमा रहेको कार्यक्रमकी सहजकर्ता अन्जु चौहानले बताउनु भयाे ।

कानु हलुवाई समाज पर्साकाे समिति विस्तार

0

वीरगंज । कानु हलुवाई कान्दु मध्यदेशिय समाज नेपाल पर्साको जिल्ला स्तरिय अगुवा भेला आज पोखरीयामा सम्पन्न भएकाे छ ।

श्री जिल्ला उच्यांगल रामदेव कलवार उच्च माविमा भएकाे भेलाले ३ सदस्यीय रहेको जिल्ला समितीलाई २५ सदस्यीय बिस्तार गरेकाे जिल्ला सचिव सोनालाल प्रसाद कानुले बताउनु भयाे । भेलाले सुरेन्द्र साह कानुको अध्यक्षतामा २५ सदस्यी जिल्ला कार्य समिती बिस्तार गरेको उंहाले जानकारी गराउनु भयाे ।

समितिकाे उपाध्यक्षमा कलशा देवी कानु, हिरालाल साह कानु, सचिवमा सोनालाल साह कानु, कोषाध्यक्षमा सुखेन साह कानु, सहसचिवमा युगलकिशोर साह कानु, सदस्यहरुमा पुरनदेव साह कानु, उमेश साह कानु, हरिन्द्र साह कानु, अनिल कानु, रामानन्द कानु, बिरेन्द्र कानु, शुबास कानु लगायत रहेका छन ।

जिल्ला संयोजक सुरेन्द्र साह कानुको अध्यक्षत र पोखरीया नगरपालिका वडा नम्बर ४ का वडाध्यक्ष लक्ष्मण साह कानुको प्रमुख आतिथ्यमा भएको भेला भएकाे थियाे ।

तस्करी नियन्त्रणमा आए पनि अवैध खसि, बाख्रा नेपाल भित्रदै

0

वीरगंज । वीरगंजकाे इनार्वा नाका भएर अवैध तरिकाले दिनहु सयाैं खसि, बाख्रा नेपाल भित्रि रहेकाे छ । प्रहरी कै मिलाेमताेमा अवैध खसि, बाख्रा भित्रने गरेकाे स्थानिहरुले वताएका छन् ।

पशु क्वारेन्टाइन कार्यालयकाे विना चेक जांच खसि बाख्रा चाेर बाटाेबाट नेपाल भित्रने गरेकाे प्रत्यक्षदर्शीहरु वताउँछन् । वीरगंज भन्सार स्थित रहेकाे सशसत्र प्रहरी कार्यालय गुल्म र इनार्वा प्रहरी चाैकीकाे मिलाेमताेमा खसी, बाख्रा भित्रने गरेकाे उनीहरु वताउँछन् ।

नेपाल सरकारकाे नियम अनुसार पशु क्वारेन्टाइनकाे विना चेक चाँच कुनै पनि पशुु चाैपाया अन्य मूलकबाट आफ्नाे मूलकमा ल्याउन पाइदैन् । तर विना चेक जाँच र विना भन्सारकाे दिनहु भित्रनुले प्रहरीकाे मिलाेमताे रहेकाे प्रमाणित गर्दछ ।

अवैध तरिकाले खसी, बाख्रा भारत भित्र्याउन बालबालिका प्रयाेग हुने गरेकाे छ । प्रत्यक्षदर्शीहरुका अनुसार २/३ जना बालबालिकाकाे समुहले एक पटकमा ४/५ वटा गरी एक दिनमा दर्जन पटक भन्दा बढी खसि, बाख्रा नेपाल भित्र्याउने गरेकाे देखिन्छ ।

नेपाल सरकारले यस्ता क्रियाकलाप प्रतिबन्धमा कडाई गरे पनि सिमा नाकामा खटेकाे प्रहरीले पैसाकाे लाेभमा गराउने गरेकाे वताइन्छ । पर्सा प्रहरी प्रमुखमा प्रहरी उपरिक्षक गंगा पन्त आए देखी अन्य थाेककाे तस्करी नियन्त्रणमा आए पनि खसि, बाख्राकाे तस्करी रुकन सकेकाे छैन ।

नेपाली काँग्रेस एकजुट हुनुको बिकल्प छैन : अध्यक्ष बस्नेत

0

वीरगंज । नेपाली काँग्रेसको भातृ संगठन तरुण दलका केन्द्रिय अध्यक्ष जितजंग बस्तेतले नेपाली काँग्रेस एकजुट हुनुको बिकल्प नरहेकाे बताउनु भएकाे छ ।

प्रेस युनियन पर्साले आज वीरगञ्जमा आयोजना गरेको पत्रकार सम्मेलनमा वाेल्दै अध्यक्ष बस्नेतले नेकपाको सरकार भ्रष्टाचारमा लिप्त भएकोले अब संविधानको रक्षा गर्ने जिम्मेवारी नेपाली कांग्रेसको भएको बताउनुभयो । स्थानिय, प्रादेशीक र केन्द्रिय सरकारले कर मात्रै बढाएर जनताको ढाड सेक्ने काम गरेको बस्नेतको आरोप छ ।

त्यसैगरी नेपाल विद्यार्थि संगठनका केन्द्रिय अध्यक्ष राजीब ढुंगानाले नेकपाको सरकारले गरेको क्रियाकलापदेखी आजित भएर बिप्लब तथा दक्षिणपन्थी तर्फ आकर्षित हुन सक्ने धारणा राख्नुुभयो । प्रधानमन्त्रि जनताको रक्षक हुनुको सट्टा भ्रष्टाचारीको रक्षक भएको आरोप समेत अध्यक्ष ढुंगानाले लगाउनुभयो ।

संविधानलाई कमजोर बनाउने तर्फ बर्तमान सरकार उन्मुख भएको बताउँदै उहाँले अबिधेशन पछि नेपाली कांग्रेसको गुटगत विवाद समाधान हुने बिश्वास पनि व्यक्त गर्नुभयो ।

प्रेस युनियन पर्साका उपाध्यक्ष बिजय चौहानको सभापतित्वमा भएको पत्रकार सम्मेलनमा नेपाली काँग्रेस पर्साका सभापति अजय द्विवेदी, सचिव श्याम पटेल, पार्टीका वीरगञ्ज महानगर अध्यक्ष भोला कलवार, पत्रकार महासंघ प्रदेश न. २ का अध्यक्ष दिपेन्द्र चौहान, युवा नेता नविन सिंह, नेवि संघका पूर्व केन्द्रिय सदस्य सुधिर पटेल, तरुण दल पर्साका सचिव विवेक चाैरसिया लगायतको उपस्थिती रहेको थियाे भने नेविसंघ पर्साका निवर्तमान अध्यक्ष दिलिपराज कार्कीले कार्यक्रमकाे संचालन गर्नु भएकाे थियाे ।

पोखरियामा पोखरीमा डुबेर एक बालकको मृत्यु

0

पर्सा । पोखरिया नगपालिकामा एक बालकको पोखरीमा डुबेर मृत्यु भएको छ । वडा नं. ४ पोखरियाका राजेश चौहानको डेढ वर्षिय छोरा विकास चौहानको पोखरीमा डुबेर मृत्यु भएको प्रहरीले जनाएको छ ।

विहान ८ बजे घर नजिकै रहेको पोखरीको डिलमा खेली रहेकाे बालक पोखरीमा डुबेको थियो । त्यस पछि उपचारको लागि वीरगंज हेल्थ केयर अस्पतालमा लगिदा मृत्यु भएको इलाका प्रहरी कार्यालय पोखरियाका प्रहरी निरीक्षक चन्द्र कुमार सिंहले वताउनु भयो ।

पथलैया वीरगंज रुटमा चल्ने बसहरुमा घरेलु मदिरा बरामद

0

वीरगंज ।  पथलैया देखि बीरगंज चल्ने बसहरुबाट प्रहरीले भारी परिमाणमा घरेलु मदिरा बरामद गरेकाे छ ।

स्थानिय स्तरमा उत्पादित तयारी घरेलु मदिरा अवैध रुपमा ओसार पसार भइरहेकाे बिशेष सुचनाको आधारमा आइतबार पथलैया देखी वीरगंज रुटको लोकल बसहरु चेकजाँच गर्ने क्रममा अबैध घरेलु तयारी मदिरा ५ सय लिटर फेला पारेकाे जिल्ला प्रहरी कार्यालय पर्साले जनाएकाे छ ।

उक्त मदिरा साेमबार स्थानिय भद्रभलादमी तथा संचारकर्मीहरुको रोहवरमा जिल्ला प्रहरी कार्यालय पर्साले नष्ट गरेकाे हाे ।

गुडविलमा हाेली मिलन कार्यक्रम सम्पन्न

0

वीरगंज । वीरगंजकाे पानीटंकीमा रहेकाे गुडविल लाेक सेवा इन्स्च्युटले हाेली मिलन कार्यक्रम गरेकाे छ ।

इन्स्च्युटमा भएकाे कार्यक्रममा फागुपुर्णिमा अर्थात हाेलीकाे अवसरमा शुभकामना अदान प्रदान गरिएकाे थियाे । इन्स्च्युटका शिक्षक र विद्यार्थीहरुले एक आपसमा अविरकाे टिका लगाउदै हाेलीकाे शुभकामना आदान-प्रदान गरेका थिए ।

इन्स्च्युटका संस्थापक राम हरी तिवारीकाे अध्यक्षतामा भएकाे कार्यक्रममा प्रशिक्षक कपिल लामिक्षाने, साेनु सिंह, रेशम विसी, बरुण कुमार निषाद, विकास मेहता, श्यासुन्दर सरार्फ, सुनिल गुुप्ता लगायतकाे सहभागिता रहेकाे थियाे ।

साे अवसरमा लाेक सेवा, शिक्षक सेवा, वृज काेर्स अध्ययन गर्न इन्स्च्युटमा आउने दलित, अपांग, महिला, पिछिडिएकाकाे लागि विशेष छुटकाे व्यवस्थामा समेत राखिएकाे इन्स्च्युटका काेर्डिनेटर शिवहरी तवारीले वताए ।