Date
आइत, मंसिर ६, २०८३
Sun, November 22, 2026
Home Blog Page 1015

काेराेना भाइरसबाट बाच्न पूर्व तयारी जरुरी : डा. सरार्फ

0

नेशनल मेडिकल क्लेज तथा शिक्षण अस्पतालका मेडिकल डाइरेक्ट्र डा. प्रमाेद सरार्फले काराेना भाइरस संग बाच्न सावधानी जरुरी रहेकाे वताएका छन् । काराेना भाइरसकाे बारेमा समाजिक संजालमा देखीकाे जति त्रास यथार्थमा नरहेकाे वताउदै उनले तर सावधानी अपनाउन जरुरी रहेकाे वताउनु भएकाे हाे । यस सम्बन्धमा सहकर्मी अनिल साहले गरेकाे कुराकानी हेर्नुहाेस् भिडियाेमा ।

वीरगंजकाे लक्षुमणवामा सांसद यादवद्वारा धर्मशाला शिलान्यास

0

वीरगंज । वीरगंज महानगरपालिकाकाे वडा नं. १५ लक्षुमणवामा आज सांसद प्रदिप यादवले धर्मशाला शिलान्यास गरेका छन् ।  पर्सा निर्वाचन क्षेत्र नं. १ मा पर्ने लक्षुमणवामा संसदिय कोष अन्तर्गत स्थानिय पुर्वाधार बिकास साझेदारी कोषबाट निर्मित धर्मशालाको सांसद यादवले शिलन्यास गरेकाे उनका सवकिय सचिव निखिल बर्णवालले वताए ।

पर्सा क्षेत्र नं. १ बाट निर्वाचित सांसद यादवले सोमबार बिहान एक कार्यक्रमका बिच विधिवत पूजापाठ गरी धर्मशालाको शिलन्यास गरेका हुन । स्थानीय पूर्वाधार विकास साझेदारी कार्यक्रम अन्तर्गत सांसद यादवको संसदीय कोषबाट रु २० लाखको लागतमा धर्मशाला निर्माण कार्यको शिलन्यास गरिएको हो ।

शिलन्यास कार्यक्रमलाई सम्बोधन गर्दै सांसद यादव धर्मशालाले समाजिक संस्कृति सम्बन्धलाई बलियो बनाउनमा टेवा पु¥याउने बताए । उनले समाजिक, धार्मिक, संस्कृति र ऐतिहासिक सम्बन्धलाई अझै प्रमाढ बनाउन धर्मशालाको धेरै नै महत्व रहेको विश्वास व्यक्त गरे ।

उनले धर्मशालाले विभिन्न बिबाह, महोत्सव, समाजिक तथा धार्मिक सांस्कृति कार्यक्रमको साथ साथै गरिब, विपन्न र दलित परिवारको बिबाहमा समेत खुशियाली प्रदान गर्न निकै ठुलो भूमिका हुने बताए ।

शिलान्यास कार्यक्रममा समाजवादी वीरगंज महानगर कमिटि अध्यक्ष ईश्वर यादव, जिल्ला सदस्य रमेश यादव, समाजवादी विधार्थी युनियन ठाकुर राम बहुमुखी क्याम्पसका अध्यक्ष हरिन्द्र साह लगायत स्थानीय वासीको बाक्लो उपस्थिति रहेको थियो ।

काेराेना भाइरसकाे भ्रम र यथार्थ विषयक बहस सम्पन्न

0

वीरगंज । करोना भाइरसको संक्रमणको जोखिम भए पनि त्यसबाट आत्तिनु नपर्ने तर सर्तक हुनु पर्नेमा बिज्ञहरुले जोड दिएका छन ।

देशकै चर्चीत टेलीभिजन न्यूज २४ ले बीरगंजमा आयोजना गरेको कोरोन भ्रम र यर्थाथ बिषयक बहशको लाइभ प्रशारणमा बिज्ञहरुले यस्तो धारणा ब्यक्त गरेका हुन । कोरोना भाइरसको संत्रास बढेको अवस्थामा सामाजिक उत्तरदायित्वलाई मनन गर्दै टेलीभिजनले जनचेतना मुलक कार्यक्रमको आयोजना गरेको थियाे ।

चिनबाट शुरु भएको प्राणघातक करोना भाइरसको संक्रमणलाई नियन्त्रण गर्नकालागि बीरगंज नाकामा हेल्थ डेस्कको स्थपना गरेको पर्साका प्रमुख जिल्ला अधिकारी बिष्णु प्रसाद कार्कीले जानकारी दिनु भयो । उहाँले करोनाको संक्रमणलाई रोक्न कुनै औषधी पत्ता नलागेको अवस्थामा आफ्नो आनी वानीमा परिर्वतन गर्न जोड दिनु भयो ।

उहाँले हातसंगको सम्पर्कलाई मात्र पनि नियन्त्रण गर्न सक्दा निकै फाइदा हुने बताउनु भयो । कारोना भाइरसको लाग्दैमा अत्तिनु नपर्ने बताउदै डा. अभिसेक सिंहले सरसफाईमा ध्यान दिन जरुरी रहेको बताउनु भयो । उहाँले कोरोना जीवाणु कपडामा ९ घण्टा र धातुमा १२ घण्टा र २० देखी २६ डिग्री तापक्रममा अलि बढी फैलीन सक्ने भएकोले सरसफाईमा जोड दिन अनुरोध गर्नु भयो ।

बीरगंज महानगरपालिकाका प्रमुख बिजय कुमार सरावगीले बीरगंजको नारयणी अस्पतालमा ६ बेड, नेशनल मेडिकल कलेजमा ५० बेड र नारायणी बयोधा अस्पतालमा ४ बेड आइसोलेशनका लागि ब्यवस्था गरिएको जानकारी गराउनु भयो । उहाँले सबैजना सचेत हुने सर्तकता अपनाउनु सकेमा संक्रमणबाट तर्सिनु पर्ने अवस्था नरहेको प्रष्ट पार्नु भयो ।

न्यूज २४ टेलीभिजनले संक्रमण फैलिएपछि चिन्ता गर्ने होइन की संक्रम फैलन नदिनका लागि चिन्तन गर्ने परिपाटीको बिकास गर्न कार्यक्रमको आयोजना गरेकाे केन्द्रीय ब्यूरो प्रमुख राजु श्रेष्ठले बताउनु भयो ।

नेपालको प्रमुख प्रवेशद्वार र्शकराचार्य गेटमा वीरगंज महानगरपालिकाले नेपाल भित्रने विदेशि पर्यटक र यात्रुहरुको स्वास्थ्य परिक्षण गर्न हेल्थ डेस्कको स्थापना गरेको छ । वीरगंज महानगरपालिकाले हेल्थ डेस्कमा सेवा दिने ३ जना हेल्थ असिस्टेन्ट परिचालन गरेको छ ।

मकालु हाेटलमा आइतबार भएकाे कार्यक्रममा बीरगंजका राजनीतिक दलका नेताहरु, नागरिक समाजका बिभिन्न सरोकार समुहका प्रमुखहरुको सहभागिता रहेको थियो ।

नक्कली नागरिकता बनाउने आराेपमा पूर्व गाबिस सचिव पक्राउ

0

वीरगंज । नक्कली नागरिकता बनाउने आराेपमा एक जना पूर्व गाबिस सचिव पक्राउ परेका छन् ।

वीरगंज १६ नगवा फुलवारी टाेलबाट आइतबार दउसाे प्रहरीले पर्साकाे बहुदरमाई नगरपालिका वडा नं. ८ रामनगरी निवासी ६० बर्षिय पूर्व गाविस सचिव बिन्दा प्रसाद साहलाई पक्राउ गरेकाे हाे ।

नक्कली नेपाली नागरिकता, जन्म/मूत्यु दर्ता, बसाईसराई, विवाह दर्ता लगायतका बिभिन्न सरकारी कागजातहरु मोटो रकम लिई बनाईदिने गरेको छ भनी विशेष सुचनाको आधारमा जिल्ला प्रहरी कार्यालय पर्साले उनी बस्दै आएकाे नगवा स्थित घरमा आइतबार दउसाे एक बजे छापा मारेकाे थियाे ।

छापा मारीकाे क्रममा उनी बस्दै आएकाे घरमा नेपाली नागरिकताहरु, नागरिकता बनाउन प्रयोग हुने फोटो टासी तयारी गरेका अनुसुची-१ का फारमहरु, जन्मदर्ता, मुत्यू दर्ता, बिवाह दर्ता, बसाई सराई, जन्म प्रमाणित लगायतका नक्कली कागजात बनाउन प्रयोग हुने विभिन्न अन्य कागजातहरु बरामद भएकाे पछि उनलाई नित्यन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

बरामद भएकाे कागजात सहित उनलाई जिल्ला प्रहरी कार्यालय पर्सामा ल्याई आवश्यक अनुसन्धान भइरहेको प्रहरी कार्यालयले प्रेस विज्ञप्ती मार्फत जानकारी गराएकाे छ ।

राष्ट्रिय प्रारम्भीक पढाई कार्यक्रम प्रभावकारी भएकाे ठहर

0

वीरगंज । शिक्षा विकास तथा समन्वय ईकाई पर्साको आयोजनामा राष्ट्रिय प्रारम्भीक कक्षा पढाई कार्यक्रमको कार्यन्वयन, प्रभाव र निरन्तरता सम्बन्धी ४ दिने अन्तरक्रिया कार्यक्रम आइतबार सम्पन भएको छ ।

शिक्षा विकास समन्वय ईकाईका प्रमुख फत बहादुर श्रेष्ठको अध्यक्षतामा भएको कार्यक्रममा सरोकारवालाहरुले कार्यक्रमको प्रभाव साकारात्मक रुपमा परेकोले कार्यक्रमलाई निरन्तरता दिनु पर्नेमा जोड दिए । बिभिन्न पक्षहरुलाई औलाउदै पर्साका शिक्षा सित सरोकार राख्न सम्मपुर्ण शिक्षा बिज्ञ, प्रमुख, प्रतिनिधीहरुले निरन्तरता दिन एकमत भएका थिए ।

४ दिन सम्म अन्तरक्रिया, स्थलगत अनुगमन, लक्षित वर्ग, लक्षित समुदाय, लक्षित बिधालयमा पुगी प्रत्यक्ष रुपमा कुराकानी, लिखित दस्तावेज सहित समुहमा बिभाजन भई छलफल र प्रस्तुतीकरणको माधयमबाट वक्ताहरुले पर्सामा कार्यक्रम प्रभावकारी रहेको र यसलाई थप केही दिन निरन्तरता दिन आग्रह गरे ।

प्रत्यक्ष, अप्रत्यक्ष रुपमा पर्साका अति बिपन्न, गरीब, दलित, असहायले पढने सामुदायिक बिधालयमा पढने गरेको र त्यसैमा कार्यक्रम संचालन रहेकोले यसबाट लक्षित समुदाय नै बढी लाभान्वीत भएको ४ दिने कार्यक्रमले ठहर गरेको शिक्षक महासंघका अध्यक्ष तिर्थराज यादवले बताए ।

कार्यक्रममा प्रत्येक पालिकाका शिक्षा प्रमुख, बिधालयका शिक्षक, प्रध्यानाध्यापक, बिधालय ब्यवस्थापन समितीका अध्यक्षहरु, गैरसरकारी संस्थाका अध्यक्ष, सहितको सहभागीता रहेको थियो । कार्यक्रममा बोल्दै प्रमुख अतिथी तथा शिक्षा विकास निर्देशनालयका चुडामिण फुंयालले शिक्षकले चाहे गुणस्तरिय शिक्षा लागु हुन सक्ने बताउनु भएको छ ।

कार्यक्रममा शिक्षण तालिम केन्द्रका प्रमुख गोपाल कडेल, समाजिक विकास मंत्रालयका लक्ष्मण राम, बिरगंज महानगरपालिकाका शिक्षा ईकाई प्रमुख, अरबिन्दलाल कर्ण, प्रध्यानाध्यापक छोटेलाल साह, प्रशिक्षक बिनोद गिरी, प्रध्यानाध्यापक मोहनलाल चौहान लगायतकाले मन्तब्य राखेका थिए ।

इप्रका पाेखरियाद्वारा काेराेना भाइरस सम्बन्धि जनचेतना

0

वीरगंज । इलाका  प्रहरी कार्यालय पाेखरियाकाे आयाेजनामा पाेखरियामा काराेना भाइरस सम्बन्धि जनचेतना कार्यक्रम सम्पन्न भएकाे छ । समुदाय प्रहरी साझेदारी कार्यक्रम अन्तर्गत पाेखरिया नगरपालिकाकाे वडा नं. ४ स्थित पाेखरिया बजारमा भएकाे कार्यक्रम सम्पन्न भएकाे हाे ।

पोखरिया नगरपालिकाका मेयर दिपनारायण रौनियारकाे अध्यक्षतामा भएकाे कार्यक्रममा उप मेयर सलमा खातुन, संविधान सभा सदस्य प्रधुमन प्रसाद चौहान, वडाध्यक्ष लक्षमण साह कानु, सशस्त्र प्रहरी बेस क्याम्प पोखरियाका प्रहरी निरिक्षक हरि सिंह लगायत सयाैं सहभागि थिए ।

कार्यक्रममा इलाका प्रहरी कार्यालय पोखरियाका प्रहरी निरिक्षक चन्द्र कुमार सिंहले काेराेना भाइरसकाे लक्षण र बच्ने उपाय बारे वताउनुकाे साथै पर्चा पम्पलेट र मास्क समेत वाडिएकाे थियाे ।

कार्यक्रममा वाेल्दै सिंहले १००.४ डिग्री भन्दा बढी ज्वरो लागे, स्वास प्रस्वासमा गह्रो, ज्वरो आएको छोटो समयमा निमोनिया हुने, निमोनिया बढदै गएर मृगौलाले काम गर्न नसकने काेराेना भाइरसकाे लक्षण भएकाे सिंहले वताउनु भयाे । उहांले त्यसबाट बाच्न अनिवार्या मास्कको प्रयोग गर्न, कोरोना भाईरस तातो पानीले कमजोर हुने हुदा सकेसम तातो पानी खाने, प्राय सुर्यको किरणमा रहन, खोक्दा वा छिक्दा अन्य व्यक्तिकाे समपर्कबाट टाडा रहन, कसै संग भेटदा वा हात मिलाउदा अंकमाल गर्नु भन्दा नमस्कार गर्न, कोरोना भाईरसको जिवाणु धातुजन्य सतहमा १२ घण्टा सम र कपडा पोसाकमा ६ घण्टा देखी १२ घण्टा सम्म जिबित रहने हुदा हातलाई बारम्बार साबुन पानीले धुन, पशुजन्य मासु तथा अण्डा राम्रो संग पकाएर खान सहभागिहरुलाई आग्रह गर्नु भएकाे थियाे ।

यस्तै इलाका प्रहरी कार्यालय पोखरिया मातहतमा पर्ने पर्साको १० स्थानिय तहकाे १९ ठाउँमा काेराेना भाइरस सम्बन्धि जनचेतना मूलक कार्यक्रम सम्पन्न भएकाे प्रहरी निरिक्षक सिंहले वताउनु भयाे ।

समुदाय प्रहरी साझेदारी कार्याक्रम अन्तर्गत पोखरिया नगरपालीका, बहुदरमाई नगरपालीका, बिन्दवासनी गाउँपालीका कालीकामाई गाउँपालीका, धोबिनी गाउँपालीका, छिपहरमाई गाउँपालिका, पकहा मैनपुर गाउँपालीका, सखुवा प्रसौनी गाउँपालीका, जगरनाथपुर गाउँपालिका र वीरगंज महानगरकाे वडा नं. १९ बिन्दवासिनीमा गरी १९ ठाउँमा काेराेना भाइरस सम्बन्धि जनचेतना मूलक कार्यक्रम सम्पन्न भएकाे सिंहले जानकारी गराउनु भयाे ।

सिंहका अनुसार कार्यक्रमहरुमा कोरोना भाइरस सम्बन्धि पर्चा पम्पलेट वाडनुकाे साथै एक हजार भन्दा बढी मास्क समेत बितरण गरिएकाे हाे ।

नारी दिवसकाे अवसरमा महिला कैदीहरुलाई सेनेटरी पैड

0

वीरगंज । नेकपा निकट अखिल नेपाल प्रगतिशील जनस्वास्थ्यकर्मी महासंघले आज वीरगंज कारागारमा रहेका महिला कैदीहरुलाई पैड वितरण गरेकाे छ ।

महासंघकाे वीरगंज महानगर समितिले नारी दिवसकाे अवसरमा पर्सा कारागार वीरगंजका महिला कैदिहरुलाई पैड बितरण गरेकाे विद्यार्थी नेता इशक कुमारले वताए । कारागारकी महिला चाैकीदार कुंवरलाई सेनेटरी पैड हस्तान्त्रण गरिएकाे उनले जानकारी गराए ।

महासंघकाे वीरगंंज महानगर अध्यक्ष करण पटेलकाे अध्यक्षता भएकाे कार्यक्रममा महासंघका केन्द्रिय सचिव सुभाष गुप्ता, केन्द्रिय सदस्य कुन्दन गुप्ता , महानगर कोषाध्यक्ष चन्द्रकिशोर राम, विद्यार्थी नेता इशक कुमार, कारागारका सुचना अधिकारी नवराज बस्ताेला लगायतकाे उपस्थिती रहेकाे थियाे ।

यस्तै कोरोना भाइरसबाट आफू पनि बचौ र अरुलाई पनि बचाऔ नाराका साथ कारागार भित्रका रुघाखोकी र ज्वरो प्रभावित करिव एक सय ४० बन्दिहरुको स्वास्थ्य परिक्षण गरिएकाे छ । प्रभावितहरु सामान्य अवस्थामा रहेको हुदा औषधि बितरण गरिएकाे कारागार कार्यालय पर्साले जनाएकाे छ ।

यसका साथै कारागार भित्र र बाहिर सचेतनाका लागि काेराेना भाइरस सम्बन्धि सन्देश उल्लेखित पम्प्लेट समेत बितरण गरिएकाे वताइएकाे छ ।

भोलेन्टियर समूहले बाडे किशाेरीहरुलाई प्याड

0

वीरगंज । विभिन्न सेवा मुलक कार्य गर्दै आएका भोलेन्टियर समूह बिरगंजले आज लालपर्साका समृद्धि सृजना किशोरी संबाद समूह र सागर सुनौलो किशोरी संबाद समूहमा २ सय थान सेनेटरी प्याड बितरण गरेका छन । ८ मार्चका दिन मनाउने गरिएको नारी दिवसको अवसर पारेर भोलेन्टियर समुहले सो प्याड बितरण गरेको हो ।

भोलेन्टियर समुहका संयोजक राजन श्रीवास्तवको सभापतित्व र किशोरी समुहका किशोरी प्रीति कुमारी यादवकाे प्रमुख आतिथ्यमा भएकाे प्याड वितरण कार्यक्रम भएकाे थियाे । कार्यक्रममा स्वास्थ्यकर्मी अनिसकान्त कुश्वाहा, दिपक यादवले महिलाहरुको सरसफाइ प्रती दिन आवश्यक रहेको र सेनेटरी प्याडको सहि प्रयोगको बारेमा समेत सहभागी किसोरिहरुलाई जानकारी दिनु भयो ।

कार्यक्रमका बिशिस्ट अतिथी भोलेन्टियर समुहका महासचिव श्याम सरार्फले आफुले रचेको किसोरीहरुलाई लक्षित गरेर एक भोजपुरी गित समेत प्रस्तुत गरेका थिए ।

देशलाई बिकास गर्नका लागि सबै भन्दा पहिला महिला एवं किसोरिहरुको स्वतन्त्रता शिक्षा, स्वास्थ्यको पहुचलाई बिकास गर्नु पर्छ र हर घरमा सिक्षित नारिहरु भए मात्र देशको बिकाश हुन सक्ने भन्ने कुरामा जोड दिदै भोलेन्टियर समुह बिरगंजको तर्फबाट राजन श्रीवास्तवले नारी दिवसको शुभकामना ब्यक्त गरेका थिए ।

कार्यक्रममा किशोरी समुहका तर्फबाट  सहभागी भएका सबै अतिथिहरुलाइ फुलमाला अबिर लगाएर स्वागत गरिएको थियो भने किसोरीहरुबाट कबिता, गितहरु समेत प्रस्तुत गरिएको थियो ।

सेनेटरी प्याड सानोपाइला संस्थाबाट भोलेन्टिय समुहलाई सहयोग प्राप्त भएकोमा नारी दिवसको अवसर पारेर किशोरी समुहका बिच बितरण गरिएको राधेश्याम गुप्ताले जानकारी गराए ।

कार्यक्रमा बिनय गुप्ता, किसन सरार्फ, कमलेश कुश्वाहा, दयाशन्कर सरार्फ, सन्चारकर्मी राम मन्डल लगायतको सहभागीता रहेको थियो भने किशोरी समुहका एनिमेटर सबिता गुप्ता, सुष्मिता गुप्ताले कार्यक्रम संचालन एवं स्वागत मन्तव्य राख्नु भएको थियाे ।

कालाे मोसाे खन्याउने उपर कारवाहीकाे मांग

0
kalikatimes

वीरगंज । नेकपा निकट अखिल नेपाल सेक्यूरेटी मजदुर संघ प्रदेश २ ले आज एक प्रेस विज्ञप्ती जारी गर्दै शुक्रबार भएकाे कालाे माेसाे सम्बन्धि घटनामा संलग्न दाेषी उपर कारवाहीकाे माग गरेकाे छ ।

प्रदेश अध्यक्ष घनश्याम भट्टाराईले प्रेस विज्ञप्ती जारी गर्दै सेक्यूरेटी कम्पनीकाे प्राेपराइटर मनाेज अर्यालले श्रमिककाे समस्याकाे बारेमा छलफल गर्न सेक्यूरेटी श्रमिक संघका प्रदेश सदस्य शम्भु पटेललाई आफ्नाे कार्यालयमा वाेलाएर छाेटेलाल पटेल र अवधेश सिंहकाे नेतृत्वमा रहेकाे केही अपरिचित मानिसहरुकाे समुह संग कालाे मसी टाउकाेमा खन्याएर अपमानीय हर्कत गराएकाे प्रति सेक्यूरेटी मजदुर संघ प्रदेशकाे गम्भिर ध्यान आकर्षण भएकाे जनाएका छन् ।

उनले सुनयाेजित तरिकाले अमानवीय हर्कत गरिएकाे भन्दै घटनाकाे निन्दा गर्दै प्रेस विज्ञप्ती मार्फत दाेषी उपर कडा कारवाहीकाे माग समेत गरेका छन् ।

यसका साथै साेही घटनामा जाेडी अखिल नेपाल सेक्यूरेटी मजदुर संघ प्रदेश २ का उपाध्यक्ष टुुनटुन तिवारीकाे समेत समाचार प्रकाशनमा आएकाे भन्दै साे समयमा साे ठाउँमा तिवारी नभएकाे अध्यक्ष भट्टराईद्वारा हस्ताक्षरित प्रेस विज्ञप्तीमा उल्लेख छ ।

भंसार छली ल्याउदै गरेको खसि नियन्त्रण

0

वीरगंज । पर्साकाे पोखरीया नगरपालिका वडा नं.४ स्थितबाट अवैैध १० वटा खंसी प्रहरीले पक्राउ गरेकाे छ । इलाका प्रहरी कार्याल पाेखरिया र जिल्ला प्रहरी कार्यालय पर्साकाे संयुक्त टोलीले आज दिउसाे १२:०० बजे भारतबाट भंसार छली चोरी निकासी गरी अवैध रुपमा ल्याउदै गरेकाे खसीहरु नियन्त्रणमा लिएकाे हाे ।

विशेष सुचनाको आधारमा खटेकाे प्रहरी टाेलीले रु १ लाख २० हजार मुल्य बराबर १० वटा खसी नियन्त्रणमा लिएकाे जिल्ला प्रहरी कार्यालय पर्साले जनाएकाे छ । नियन्त्रमा लिएकाे खसी अवश्यक कारवाहीको लागी बीरगंज भंसार कार्यालय बुझाइएकाे इप्रका पाेखरियाका प्रहरी निरिक्षक चन्द्र कुमार सिंहले वताउनु भयाे ।

हाेलीकाे लागि व्यपारीले पर्साकाे ग्रामिण नाका भएर भारतबाट अवैध तरिकाले नेपाल ल्याउदै गरेकाे खसी प्रहरीले नियत्न्त्रणमा लिएर भन्सार बुझाएकाे हाे ।