Date
आइत, मंसिर ६, २०८३
Sun, November 22, 2026
Home Blog Page 1010

चैत ९ गतेदेखि सार्वजनिक, सामुदायिक र निजी कार्यालय बन्द

0

काठमाडौं– सरकारले आगामी ९ गतेदेखि सवै सार्वजनिक, सामुदायिक र निजी कार्यालय बन्द गरेको छ। प्रधानमन्त्री केपी शर्मा ओलीले शुक्रबार राष्ट्रका नाममा सम्बोधन गर्दै अनिवार्य सेवा दिनुपर्ने कार्यालयबाहेक बन्द गरिएको जनाएका हुन्।

अत्यावश्यक सेवामा विमानस्थल,  सञ्चार,  पर्यटक,  सुरक्षा,  स्वास्थ्य,  पेट्रोलियम पदार्थ र दैनिक उपभोग्य वस्तु, फोहोरमैला व्यवस्थापन  र बै‌ंक बिमा क्षेत्र अनिवार्य सेवा अन्तर्गत पर्छन्।

कार्यालय  ९ देखि २१ सम्म बन्द गरिएको उनले आफ्नो सम्बोधनमा बताए। यसैगरी चैत १० गतेदेखि लामो दूरीका यात्रुबाहक बस बन्द गरिनेछन्।

नेपाल भित्रिने सबै अन्तर्राष्ट्रिय उडान ९ गतेदेखि बन्द गरिएको उनले बताएका छन्। यसैगरी सीमाबाट हुने आवागमनमा कडाइ हुनेछ। सवै यात्रुलाई अनिवार्य स्वास्थ्य जाँचको व्यवस्था गरिने उनले बताएका छन्।

एक दर्जन मदिरा भट्टी नष्ट

0

वीरगंज । इलाका प्रहरी कार्यालय पाेखरिया अन्तर्गतका विभिन्न प्रहरी युनिटहरुले मदिरा मुक्त अभियान अन्तर्गत एक दर्जन भन्दा बढी घरेलु मदिरा उत्पादन गर्ने मदिरा भट्टीहरु नष्ट गरेकाे छ ।

छिपहरमाई गाउँपालिकाकाे बंजारीमा ३ वटा, सखुपा प्रसाैनीकाे महुवनमा एक वटा, बिन्दवासिनी गाउँपालिकाकाे प्रसाैनी र बहुअर्वा भाठामा ६ वटा, धाेबिनी गाउँपालिकाकाे जानकी टाेलामा एक वटा, कालिकामाई गाउँपालिका र पकहा मैनपुर गाउँपालिकामा एक/एक वटा मदिरा नष्ट गरिएकाे इलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

मदिरा भट्टीहरुकाे भाँडा ब्रतन र कंचा पदार्थ नष्ट गर्नुकाे साथै एक हजार भन्दा बढी तयारी मदिरा नष्ट गरिएकाे प्रहरी निरिक्षक सिंहले वताउनु भयाे ।

नारायणी अस्पतालमा उच्च शतर्कता

0

वीरगंज । नारायणी अस्पतालले उपचारका लागि आउने जो कसैलाई पनि थर्मल जाँच पछि मात्रै प्रबेस दिन थालेको छ ।

कोरोना भाइरसको संक्रमणबाट जोगिन अस्पतालले उपचारका लागि आउने सबैलाई गेटमै थर्मल जाँचको व्यवस्था मिलाएको छ । थर्मल जाँच गरेर मात्रै प्रवेश दिन थालिएको अस्पतालका मेडिकल सुपरिटेण्डेण्ट डा. मदन उपाध्यायले जानकारी दिनुभयो ।

थर्मल जाँचका लागि अस्पतालले ६ जना स्वयम् सेवक परिचालन गरेको छ । उनिहरू अस्पतालको गेटमा थर्मल चेकका लागि स्ट्याण्डवाई रहने पनि उहाँले बताउनुभयो ।

यस्तै अस्पतालको आइसोलेसन वार्ड र ओपिडि वार्डमा स्यानिटाइज गरिएको छ । अस्पतालमा उपचारका लागि आउने बिरामीको भिडभाड हुने भएकाले उच्च सतर्कता अपनाईएको सुपरिटेण्डेण्ट डा. उपाध्यायले बताउनु भयो ।

यता नारायणी अस्पतालकाे बन्द डायलासिस सेवा आज देखी सुचारु भएकाे छ । केमिकल अभावका कारण चैत ५ गते देखी बन्द रहेकाे डायलासिस सेवा पुन: संचालनमा आएकाे अस्पतालले जनाएकाे छ ।

पोखरियामा कोरोना संकरमण राेकथाम समबन्धि छलफल

0

वीरगंज । पर्साको पोखरिया नगरपालीकामा आज कोरोना भाईरस नियन्त्रण समबन्धि गोष्ठी सम्पन भएको छ । नगरपालिका कार्यालयमा भएकाे गोष्ठीमा काराेना संकरमण राेकथाम सम्बन्धमा छलफल भएकाे हाे ।

पर्साकाे दोस्रो सदरमुकाम तथा ग्रामीण भेगकाे बजारकाे रुपमा समेत रहेकाे पाेखरियामा काेराेना संकरमण सर्न सक्ने सम्भावना रहेकाेले जनचेतना जगाउन सहभागिहरु सहमत भएका थिए । पोखरिया बजारमा बिभिन्न ठाउँबाट सरसमान खरिद गर्नकाे लागी मानिसहरु आउने गरेकाले र भारतकाे सिमा नजिक रहेकाेले काेराेना संकरमण सर्न सक्ने स्थितीलाई नियन्त्रण गर्न बजारको दिनमा प्रहरीको सहयोगमा माइकिङ्ग गर्न निर्णय भएकाे छ ।

छलफल कार्यक्रममा नगरपालीकाकी उप प्रमुख सलमा खातुन, नेपाल रेडक्रस सोसाइटी पर्सा शाखाका सभापति भगवान प्रसाद कुर्मी, पोखरिया अस्पतालका डाक्टर अर्पनलाल कर्ण, इलाका प्रहरी कार्यालय पोखरियाका प्रहरी निरिक्षक चन्द्र कुमार सिंह, सशस्त्र प्रहरी पोखरियाका प्रहरी प्रमुख हरिसिंह बिष्ट, श्री जिल्ला उचांगल रामदेव कलवार माबिका प्रधानाध्यापक ब्यास महतो चौहान, वाडध्यक्ष सोनाला प्रसाद, समाजसेवी वकिल मियाँ लयायतकाे सहभागिता रहेकाे थियाे ।

लण्डनबाट फर्किएकी गायिका कनिका कपुरमा कोरोना संक्रमण

0

गायिका कनिका कपुरमा कोरोना संक्रमण देखिएको छ । ‘बेबी डल’ गीत गाएर चर्चामा आएकी कनिकामा कोरोना संक्रमण देखिएको भारतीय मिडियामा उल्लेख छ । उनी केही दिन लखनउमा पनि बसेकी थिइन् । उनले, लखनउमा रहँदा केही साथीहरुलाई बोलाएर डिनर पार्टी समेत दिएकी थिइन् ।

उनी लखनउको एक महंगो होटलमा बसेको भारतीय मिडियाले उल्लेख गरेका छन् । उनीलाई लखनउमा नै आइसोलेसनमा राखिएको थियो ।

उनी केही दिन अगाडि मात्र बेलायतबाट फर्किएको भारतीय टेलिभिजन एबीपी न्यूजले उल्लेख गरेको छ । केही भारतीय मिडियाले भने कनिकाले आफ्नो संक्रमणको बिषयमा लुकाएको समेत उल्लेख गरेका छन् ।

भन्सार छलीकाे भैंसी, पाडा र पाडी प्रहरी नियन्त्रणमा

0

वीरगंज । पर्साको पोखरिया नगरपालीका वडा नम्बर ८ बैरिया बिर्ताबाट भन्सार छली गरि ल्याईएकाे ५ वटा भैंसी, २ वटा पाडी र २ वटा पाडा प्रहरीले नियन्त्रणमा लिएकाे छ ।

ईलाका प्रहरी कार्यालय पोखरियाले पर्साको सखुवा प्रसौनी गाउँपालीका वडा नम्बर ६ बाट २ वटा भैंसी र १ वटा पाडा नियन्त्रणमा लिएको हो । यस्तै पाेखरिया नगरपालिकाकाे वडा नं. ६ बैरियाबाट ३ वटा भैंसी, २ वटा पाडा र १ वटा पाडी नियन्त्रणमा लिइएकाे इलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे ।

नियन्त्रणमा लिइएकाे भैंसी, पाडा र पाडी लिलामीकाे लागि वीरगंज भन्सार संग समन्वय भइरहेकाे प्रहरी निरिक्षक सिंहले वताउनु भयाे ।

बहुदरमाईकाे पहिलाे प्राथमिकता सडक र नाला : मेयर साह

0

वीरगंज । बहुदरमाई नगरपालिकाकाे पहिलाे प्राथमिकता सडक र नाला निर्माण भएकाे मेयर नितेन्द्र साहले वताउनु भएकाे छ ।

कालिका टाईम्स संगकाे कुराकानीमा मेयर साहले नगरपालिकाकाे विकासकाे लागि पहिलाे आवश्यकताकाे रुपमा देखिएकाे सडक र नाला निर्माण तिब्र गतिमा भइरहेकाे वताउनु भयाे । यसका साथै शिक्षा र स्वास्थ्य क्षेत्रकाे अवस्था सुधारकाे लागि पनि काम भइरहेकाे वताउनु भएकाे हाे ।

समाजिक विकास तर्फ विभिन्न किशिमकाे सिप मूलक तालिमहरु भइरहेकाे उहाँले जानकारी गराउनु भयाे । गत बर्षमा पनि ब्युटिसियन, सिलाइकटाइ लगायतकाे सिप मूलक तालिम संचालन गरिएकाे र यस बर्ष पनि भइरहेकाे साहले जानकारी गराउनु भयाे ।

मेयर साहका अनुसार वडा नं. ३ नगरदाहाँ देखी पर्सागढीकाे सिमा सम्म नाला निर्माण तथा सडक कालाे पत्र गर्ने कार्य तिब्र गतिमा भइरहेकाे छ । साढे ५ कराेडकाे याेजना अन्तर्गत २ किलाे मिटर सडक कालाे पत्र र ४ किलाे मिटर नाला निर्माण कार्य सुचारु रहेकाे छ भने त्यसकाे ५० प्रतिशत काम सम्पन्न समेत भइसकेकाे छ ।

यस्तै पदम राेड देखी बिश्रामपुर हुदै छपकैया टाेल सम्म आरसिसि सडक ढलान २ किलाे मिटर सम्पन्न भइसकेकाे छ । ढेड कराेडकाे याेजना अन्तर्गत थप २ किलाे मिटर सडक ढलान र नाला निर्माण कार्य सुचारु रहेकाे छ ।

नगरदाहा मै माेतिलाल साह तेलीकाे घर देखी चेतु पण्डितकाे घर सम्म नाला निर्माण तथा आरसिसि राेड ढलान कार्य भइरहेकाे र त्यसकाे ८० प्रतिशत कार्य सम्पन्न समेत भइसकेकाे मेयर साहले वताउनु भयाे । गत बर्ष वडा नं. ४ बहुअरी पिडरीमा नगरपालिका कार्यालय देखी राजेन्द्र यादवकाे घर सम्म पक्कि सडक ढलान समेत भएकाे उहाँले वताउनु भयाे ।

नगरदाहा मै हवाहुरीले क्षतिग्रस्त विद्यालयकाे शैक्षिक भवन निर्माण कार्य सम्पन्न भएकाे छ । गत बर्ष वड नं. २ मा जितेन्द्र पटेलकाे घर देखी बैरिया जाने बाटाे सम्म सडक ढलान तथा नाला निर्माण सम्पन्न भएकाे र यस बर्ष पनि थप काम भइरहेकाे छ ।

बहुदरमाई मन्दिरलाई पर्यटकिय स्थलकाे रुपमा विकास गर्न मन्दिर शाैन्दर्यकरण, धर्मशाला निर्माण, सेड निर्माण, शाैचालय निर्माण लगायतकाे काम भएकाे साहले वताउनु भयाे । यसका साथै नगरपालिका अन्तर्गतका जेहन्दार विद्यार्थीलाई छात्र वृत्ति समेत प्रदान गरिएकाे छ ।

नगरपालिकाद्वारा वडा नं. ८ रामनगरीका दलित समुदायका एक विद्यार्थीलाई एमबिबिएस पढन रु ५ लाख सहयाेग गरिएकाे र त्यसकाे सम्पूर्ण खर्चकाे जिम्मेवारी नगरपालिकाले लिए पनि पछि साे विद्यार्थीले कलेज टप गर्दै पूर्ण छात्रवृत्ति त्यहींबाट पाएकाेले मात्र अन्य खर्च तिर्नु पर्ने वताउनु भयाे ।

यस्तै दलित समुदायकाे एक छात्रालाई समेत कानुन पढनकाे लागि सहयाेग गरिएकाे उहाँले वताउनु भयाे । वडा नं. २ सिसियाडीकाे एक छात्रालाई कानुन अध्ययनकाे खर्च नगरपालिकाले तिर्दै आएकाे वताउनु भयाे । यसका साथै नगरपालिका अन्तर्गतका सम्पूर्ण कक्षा ९, १०, ११ र १२ का छात्राहरुलाई निशुल्क साइकल प्रदान गरिएकाे वताउनु भयाे ।

यस्तै नगरपालिका उज्यालाे अभियान अन्तर्गत सबै वडामा साेलार वत्ति जडान, खानेपानीकाे लागि चापा कल जडान लागयतकाे कार्य भएकाे वताउनु भयाे । यसका साथै गत बर्षमा एक हजार जनाकाे निशुल्क आँखाकाे सल्यक्रिया गराइएकाे र यस बर्ष पनि ६ सय जनाकाे सल्यक्रिया भएकाे मेयर साहले वताउनु भयाे ।

यसका साथै हिन्दुहरुकाे महान चाँड छठ पर्वमा दलित तथा विपन्न परिवारका छठ ब्रतालुलाई साडी वितरणकाे साथै शितलहर र चिसाेकाे समयमा कम्बल वितरण गर्दै आइएकाे वताउनु भयाे ।

नगरपालिकाले के के गर्दै छ काे जवाफमा मेयर साहले यस्ता थुप्रै कामहरु भएकाे र अहिले भइरहेकाे समेत वताउनु भएकाे हाे । उहाँले अब नगरपालिकाकाे नयाँ कार्यक्रम अन्तर्गत यस बर्ष २ जना दलित र अति विपन्न परिवारकाे नगरपालिका घर निर्माण गर्ने याेजना रहेकाे र अक्राे बर्ष पनि यस कार्यक्रमलाई निरन्तरता दिदै थप घरहरु निर्माण गरिने वताउनु भयाे ।

कालाे बजारी र महंगी बढेकाे गुनासाे पछि बजार अनुगमन

0

वीरगंज । जिल्ला प्रशासन कार्यालय पर्साले आज वीरगंज बजार अनुगमन गरेकाे छ । सहायक प्रमुख जिल्ला अधिकारी ललित कुमार बस्नेत नतृत्वकाे टाेलीले बिहिबार दिउसाे वीरगंजकाे केही पसलहरमा अनुगमन गरेकाे हाे ।

कालाे बजारी र महंगी बढेकाे गुनासाे आए पछि अनुगमन वीरगंज घण्टाघर स्थित २ वटा औषधी पसल र एउटा फन एण्ड फन नाम गरेकाे पसलकाे अनुगमन गरिएकाे सहायक प्रजिअ बस्नेतले वताउनु भयाे । अनुगमनकाे क्रममा औषधी पसलहरुमा एमआरपी अनुसारकाे सेनिटाइजर पाइए पनि माक्स नपाइएकाे उहाँले वताउनु भयाे ।

बजारकाे अन्य पसलहरुमा कपडाकाे माक्स पाइए पनि औषधी पसलहरुमा पाइने माक्सकाे अभाव देखिएकाे बस्नेतले वताउनु भयाे ।

बजार अनुगमन टाेलीमा वाणिज्य कार्यालय वीरगंजका प्रमुख जित बहादुर बस्नेत, औषधी व्यवस्था विभागका दिपेन्द्र साह लगायतकाे सहभागिता रहेकाे थियाे ।

नेकपाका महानगर अध्यक्ष अंसारीद्वारा माक्स वितरण

0

वीरगंज । नारायणी अस्पताल बिरगंजमा आज नेकपाका वीरगंज महानगर अध्यक्ष रहब्बर अंसारीको नेतृत्वको टोलीले एक कार्यक्रमका बिच १२ सय माक्स बितरण गरेको छ ।

कोरोना भाईरसको प्रकोपलाई रोकथाम गर्न मदत पुग्ने उदेश्यले नेकपाका युवा नेता तथा महानगर अध्यक्ष अंसारीले कोरोनाबाट बच्न माक्स बितरण गर्नु भएको हो ।

माक्स वितरण कार्यक्रममा नेकपाका जिल्ला सदस्य नन्दकिशाेर पंजियार, सुदिप लामा, संगिर आलम, शुशिल सिंह ठकुरी, युवा संघका केन्द्रिय सदस्य अरुण यादव, जिल्ला अध्यक्ष नेजाम मियाँ अनेरास्ववियुका केन्द्रिय सदस्य जुबेर आलम लगायतको सहभागीता रहेको थियो ।

माक्स रोगी, कुरुवा, कर्मचारी र अस्पतालमा भेटन आएका सम्मपुर्ण मानिसहरुलाई बितरण गरिएको बिधार्थी नेता जुबेर आलमले बताए ।

सशस्त्र प्रहरीद्वारा धोरेबाट पेस्ताेल बरामद

0

वीरगंज । सशस्त्र प्रहरीले पर्साको पकहा मैनपुर गाउँपालिका वडा नम्बर १ धोरेबाट एक थान कटुवा पेस्ताेल बरामद गरेकाे छ ।

सशस्त्र प्रहरी बेस क्याम्प पकहा मैनपुरले धाेरेकाे दक्षिणपटि रहेको एक झारीबाट पेस्तोल बरामद गरेको हाे । बिशेष सुचनाको आधारमा भारतको सिमावर्ती गाउँ भेलाहीको उतरपटि र नेपालको धोरे गाउको दक्षिणपटी रहेको झारीबाट प्रहरीले कटुवा पेस्तोल बरामद गरेको सशस्त्र प्रहरी निरिक्षक सुमन रानाभाटले बताए ।

सिमाको नजिकै कटुवापेस्तोल बराम्मद भएकोले कसैले कुनै घटनाको लागी योजना बनाएको हुन सक्ने स्थानियहरु शंका गरेका छन । यता केही स्थानियहरुका अनुसार ठुल्ला तस्करहरुले पनि राख्न सक्ने अनुमान गरेका छन् ।