Date
आइत, मंसिर ६, २०८३
Sun, November 22, 2026
Home Blog Page 1011

एक सय २५ सिसिकाे नयाँ पल्सर माेटरसाइकल बजारमा

0

पर्सा । वीरगंज बजारमा एक सय २५ सिसिकाे पल्सर माेटरसाइकल आएकाे छ । वीरगंज स्थित भारतिय राजदुतावास नजिक रहेकाे रिसभ मोटर्सले आज देखी औपचारिक रुपमा एक सय २५ सिसिकाे नयाँ पल्सर माेटरसाइकल बजारमा ल्याएकाे हाे ।

एक कार्यक्रमका बिच डेभलपमेन्ट समाज पर्साका अध्यक्ष राहुल साहले रिबन काटी तथा नयाँ पल्सर माेटरसाइकलबाट पर्दा हटाई उदघाट्न गरे । उद्घाट गर्दै साहले नेपालमा बजाजका बाइकहरू निकै चर्चित रहेकाे वताए । उनले युवादेखि पाको उमेर समूहका लागि बजाजले धेरै मोडलका बाइक बजारमा ल्याएको वताए ।

उनले भने “नेपालमा बजाज पल्सर माेटरसाइकल लोकप्रिय मानिन्छ, लोकप्रियता घट्न नदिन बजाजले विभिन्न मोडल भित्र्याइरहेको छ ।”बजाजले महंगोदेखि सस्तोसम्म, विभिन्न मोडलको उच्च गुणस्तरीय मोटरसाइकल भित्र्याउने हुँदा नेपालमा यसको लोकप्रियता बढेको उनकाे भनाई थियाे ।

उदघाट्न कार्यक्रममा रिसभ मोटर्सका संचालक संजय कुमार रौनियार, अरुण कुमार चौबे, बृजकिशोर पटेल, रूपेश साह, राज कुमार बैठा लगायतकाे उपस्थित रहेको थियो ।

लाेक सेवाकाे परिक्षा पनि स्थगित

0

काठमाडौं । लोक सेवा आयोगले चैत ८ गतेपछिका सबै लिखित परीक्षा स्थगित गरेको छ । काेराेना भाइरसका कारण लाेक सेवाले आफ्नाे परिक्षा स्थगित गरेकाे हाे ।

चैत ६ गते बसेको आयोगको बैठकले चैत ८ गतेदेखि चैत मसान्तसम्मको लिखित परीक्षा स्थगित गर्ने निर्णय गरेको उपसचिव एक नारायण शर्माले जानकारी दिए ।

लोक सेवा आयोगले सञ्चालन गर्ने निजामती सेवा, सुरक्षा निकाय र संगठित संस्था तर्फका लिखित परीक्षाका कार्यक्रम अर्को सूचना नभएसम्मका लागि स्थगित गरिएको शर्माले विज्ञप्तिमार्फत जनाएका छन् ।

यस अघि एसइइ लगायतकाे चैत मसान्तमा हुने सम्पूर्ण परिक्षा समेत स्थगित भएकाे थियाे ।

विद्यार्थीहरुलाई निशुल्क मास्क वितरण

0

वीरगञ्ज । कारोना भाईरसको संक्रमणबाट बच्नका लागि मुनलाईट माविले आफ्ना विद्यार्थीहरुलाई मास्क वितरण गरेको छ । वीरगञ्ज कारागार तथा मुनलाईट माविको समन्वयमा विद्यार्थीहरुलाई मास्क तथा जनचेतनामुलक पर्चा प्रदान गरिएको हो ।

बुधबार बसेको नेपाल सरकारको कोरोना रोकथाम समन्वय समितीको निर्णय बमोजिम र प्याब्सन पर्साको आकस्मिक बैठकले जारी गरेको निर्देशनुसार विद्यालय अर्को सुचना जारी नहुन्जेल सम्मका लागि बन्द गरिएको छ । कारागार प्रमुख श्रवण कुमार पोखरेल, वडा नं ५ का अध्यक्ष प्रदिप चौरसियाको उपस्थितीमा विद्यार्थीहरुलाई मास्क तथा पर्चा प्रदान गरिएको थियो ।

विद्यार्थीहरुलाई प्रदान गर्न मास्क खरिद गर्न जाँदा बजारमा मास्कको अभाव देखिएका कारण एक सय ५० थान मास्क कारागार कार्यालय पर्साले सहयोग स्वरुप प्रदान गरेको विद्यालयका प्रबन्ध निर्देशक सुलभ के.सीले बताए । कारागारबाट मास्क प्राप्त भएपछि केही राहत महशुस भएको उनको भनाई छ ।

बजारमा भेटिएका मास्क उचित मुल्यभन्दा दोब्बर/तेब्बरमा खरीद गर्नुपरेको उनले बताए । सरकारले बजारमा कालोबजारी विरुद्धको अनुगमन तीब्र पारेको बताएपनि बजारमा कालोबजारी व्याप्त रहेको केसीको गुनासो छ । विद्यार्थीहरुलाई प्रदान गरिएका मास्क कारागार भित्र रहेका कैदिबन्दीहरुले बनाएको कारागार प्रमुख पोखरेलले बताए ।

कार्यक्रमलाई सम्बोधन गर्दै कारागार प्रमुख पोखरेलले बजारमा मास्कको अभाव भएका बेला कैदीबन्दीहरुले मास्क बनाउन सुरु गरेको बताए । उनका अनुसार बजारमा उचित मुल्यभन्दा दोब्बरमा मास्क बेचिएपनि कैदीबन्दीहरुले बनाएका मास्कको मुल्य बढीमा २० रुपैया कायम गरिएको छ् ।

महामारीका बेलामा विद्यालयले आफ्ना विद्यार्थीहरुलाई मास्क प्रदान गर्नु सराहनिय कार्य भएको भन्दै उनले विद्यालयको उच्च प्रशंसा गरेका थिए ।

कार्यक्रममा वडा नं ५ का अध्यक्ष चौरसिया, विद्यालयका प्रधानाध्यापक श्याम केसी लगायतकाले कोरोनाबाट बच्ने उपायका बारे प्रकाश पारेका थिए । कार्यक्रमको सहजीकरण सञ्जारकर्मी उज्जवल घिमिरे गरेका थिए ।

नारायणी अस्पतालकाे डायलासिस सेवा बन्द, बिरामीहरु मर्कामा

0

वीरगंज । नारायणी अस्पताल विरगंजकाे डायलासिस सेवा बन्द हुदा बिरामीहरु मर्कामा परेका छन् । सेवा बन्द हुदा डायलासिस गराउन अस्पताल पुग्ने बिरामीहरु बिचल्लीमा परेका छन् ।

अस्पताल प्रशासनकाे लपरवाहीले सेवा बन्द हुदा आफुहरु बिचल्लीमा परेकाे पिडित विरामीहरुले वताएका छन् । दिनहु १६ देखी १८ जना सम्मका बिरामीहरु डायलासिसकाे लागि नारायणी अस्पताल पुग्ने गर्छन । हप्तामा दुई पटक गराउनु पर्ने डायलासिस सेवा अस्पतालले सुचना नै टांस गरी अनिश्चितकालकाे लागि बन्द गरेकाेले पिडित बिरामीहरु झन पिडामा परेका छन् ।

वीरगंजकाे एक मात्र सरकारी नारायणी अस्पतालकाे डायलासिस सेवा बन्द हुदा मृत्यु संग लड्न बिरामीहरु बाध्य भएका हुन् ।

अस्पतालकाे मौज्दातमा एपार्ट र बिपार्ट डायलासिस केमिकल नभएकाेले सेवा बन्द गरिएकाे अस्पतालले जनाएकाे छ । केमिकल उपलब्ध नहुन्जेल सम्मकाे लागि मिति २०७६ चैैत ५ गते देखी सेवा बन्द गरिएकाे अस्पतालका मेसु डा. मदन कुमार उपाध्यायले वताए ।

उनले भने “बजारमा केमिकल नपाएकाेले सेवा बन्द गरिएकाे हाे, केमिकल पाए पछि मात्र सेवा सुचारु गर्न सकिन्छ । नेपालकाे कुनै पनि ठाउँमा केमिकल पाइरहेकाे छैन्, पायाे भने आजैबाट सेवा सुचारु हुन सक्छ नत्र कहिले देखि हुन्छ भन्न सकिदैन् ।”

तर वीरगंज स्थित नै निजी अस्पताल र काठमाण्डाै लगायका अन्य ठाउँमा डायलासिस सेवा सुचारु रहेकाे छ । निजी अस्पतालमा एक पटक डायलासिस गराउन रु ५ देखी ८ हजार लाग्ने गर्छ भने सरकारी अस्पतालमा निशुल्क रहकाे छ ।

अन्य ठाउँमा डायलासिस सेवा सुचारु हुनु र नारायणी अस्पतालमा केमिकल अभाव हुनु अस्पताल प्रशासनकाे लापरवाही देखिएकाे पिडित बिरामी किशनाउती देबीले वताइन । उनले भनिन “केमिकलकाे प्रबन्ध त पहिला देखी नै गर्नु पर्ने हाे, सके पछि त गर्ने हाेइन नि ? प्रश्न गर्दै अस्पतालले कसैकाे जान संग खेल्वाड गर्न पाइदैनन् ।”

किशनावती जस्तै डायलासिसकाे लागि अस्पताल पुगेका सिता देवी, पुजा गुप्ता, रुमैसा खातुन, फुनेसा खातुन, आयसा खातुन, पुजा कुमारी लगायत बिरामीहरु डायलासिस नहुदा बिचल्लीमा परेका छन् ।

डायलासिस शुल्क निजि अस्पतालमा महंगाे हुदा मध्यम र गरिब परिवारका बिरामीहरु सरकारी अस्पतालकाे निशुल्क सेवा बन्द हुदा मृत्यु संग लडन बाध्य भएकाेले सम्बन्धित निकायकाे ध्यान पुग्न जरुरी रहेकाे बिरामीहरुकाे आफन्तजनकाे भनाई छ ।

नेपाल लाईफ ईन्स्युरेन्स बिमितलाई ठग्दै

1

पोखरिया । नेपाल लाईफ ईन्स्युरेन्स कम्पनी लीमिटेडले आफुहरुलाई ठगीरहेको आरोप बिमितहरुले लगाएका छन् ।

पर्साको पोखरिया नगरपालीका वाडा नम्बर ४ बस्ने श्री फीरंगी महरा चमार र उनकी श्रीमती पार्बती देवी महराको नेपाल लाईफ ईन्स्युरेन्समा एजेंट बिरेन्द्र चौहानले सन २०११ सालमा बिमा गरेका थिए । बिमितहरुका अनुसार त्यस पछि बिमितको घरमा पुगेर एजेन्ट चाैहानले किस्ताको पैसा लिने गर्थे ।

धेरै पटक बिमाकाे किस्ताकाे रकम एजेन्ट साहले लगेको पनि अफुहरुलाई त्यसकाे रसिद नदिदा त्यस पछिकाे किस्ताकाे रकम उनीहरुकाे राेकेकाे थियाे । पहिला दिएकाे किस्ताकाे रकम बुझाएकाे रसिद नदिए सम्म अक्राे किस्ताकाे रकम नदिने अडान बिमितहरुले लिए पछि अजेन्ट साह त्यस पछि सम्पर्क विहिन भए ।

विमित चमारले भने “म पैसा दिदैन भने पछी किस्ताको लागी अजेन्ट साहेब अउन नै छोडेनु भयाे ।” केही समय विते पनि एजेन्ट साहेब किस्ताकाे रकमकाे लागि नआए पछि बिमाको कागजात गाउँ घरमा स्थानीयहरुसित हेराउदा साे बिमाकाे कम्पनी कार्यालय पोखरियामा रहेकाे वताएका थिए ।

साे बारे पोखरिया शाखामा बारम्बार बुझन जादा कार्यालयमा भएका कर्मचारीहरु वास्तै नगरेकाे पिडित चमारले वताए ।

साे बिषयमा शाखा कार्यालयको प्रमुख चिरन्जीबि मिश्रा सित बुझ्दा एजेन्टको काम बिमा खोलने मात्र हो । किस्ता बुझउने काम बिमितको हो भनेर गैर जिम्मेवार पूर्ण जवाफ दिदै आफु ब्यवस्त रहेको र आफुलाई संचारकर्मी सित थप कुरा गर्न समय नै नरहेकाे वताए ।

नेपाल लाईफ ईन्स्योरेन्स पर्साका फिलड कोरडीनेटर कमरुलहक आलमले संचारकर्मी सित यो कुरा तपाइको होइन र तपाई सरोकारवाला ब्यकिती होईन भनेर जवाफ दिएका थिए । यो मेरो संस्था हो, मैले जे भन्छु त्यही हुन्छु भनेर नेपाल लाईफ ईन्स्युरेन्सलाई आफ्नो हो भनेर बताए ।

नारायणी अस्पताल वीरगंजमा कर्मचारी माग

0

वीरगंज । वीरगंज स्थित नारायणी अस्पतालले रिक्त रहेका विभिन्न २७ पदका लागि ५८ जना कर्मचारी भर्ना गर्न लागेको छ ।

फिजिसियन, रेडियोलोजिष्ट, साईक्याट्रिष्ट, प्याथोलोजिष्ट, मेडिकल अधिकृत, स्टाफ नर्स लगायत रिक्त रहेका विभिन्न २७ पदमा कर्मचारी भर्नाका लागि अस्पतालले सूचना प्रकाशित गरेको छ । चिकित्सक वा स्वास्थ्यकर्मी करार सेवामा व्यवस्थापन गर्ने सम्बन्धी कार्यविधि २०७६ बमोजिम कर्मचारी भर्ना आह्वान गरेको अस्पतालका मेडिकल सुपरिटेण्डेण्ड डा. मदन उपाध्यायले जानकारी दिनुभयो ।

अस्पतालमा चिकित्सक तथा स्वास्थ्यकर्मी नहुँदा सेवा प्रवाहमा कमी आएकाले रिक्त रहेका पदमा भर्ना आह्वान गरिएको उहाँले बताउनुभयो । सबैभन्दा धेरै स्टाफ नर्स १८ जना, मेडिकल अधिकृत ८ जना, अनमी ४ जना माग गरिएको छ । अस्पतालले लामो समयपछि चिकित्सक र स्वास्थ्यकर्मी सार्वजनिक आह्वान मार्फत माग गरेको हो ।

यसअघि मेडिकल सुपरिटेण्डेण्टको सिफारिसमा नै कर्मचारी नियुक्त गर्ने गरिएको थियो । मेडिकल सुपरिटेण्डेण्ड डा.सुमन प्रसादको समयदेखि विज्ञापन आह्वान गरेर कर्मचारी भर्ना गरिएको छैन । त्यसपछि अस्पतालले पाँच जना मेडिकल सुपरिटेण्डेण्ट पाए पनि कसैले पनि सार्वजनिक सूचनामार्फत कर्मचारी भर्ना नगरेको अस्पतालका कर्मचारीहरु बताउँछन् ।

कर्मचारी आह्वानका लागि सूचना जारी हुने गरेको भए पनि विवाद ल्याएर स्थगित गर्ने परम्परा रहेको थियो । डा.चित्तरञ्जन साह मेडिकल सुपरिटेण्डेण्ट भएको समयमा नर्सिङका लागि गरिएको विज्ञापन आह्वान विवादका कारण स्थगित हुन पुगेको थियो । अस्पतालमा राजनीति बढी हुँदा मेसुहरुले राजनीतिक दलको आडमा विज्ञापन नै नगरी कर्मचारी राख्ने गरिएको थियो ।

जगरनाथपुरकाे विशेष गाउँ सभा सम्पन्न

0

वीरगंज । पर्साकाे जगरनाथपुर गाउँपालिकाको बिशेष गाउँ सभा आज सम्पन्न भएको छ । गाउँपालिका अध्यक्ष जालिम मियाँकाे अध्यक्षतामा भएकाे सभाले बिकास निर्माण, स्थानीय समस्य र गाउँको समग्र बिकासको मध्य नजर गर्दै केही याेजनाहरु फेर बदल समेत गरेकाे हाे ।

गाउँ कार्यपालिकाकाे कार्यालयमा भएकाे सभामा गाउँपालिकाकी उपाध्यक्ष विशमुलाह खातुन, प्रमुख प्रशासकीय अधिकृत अमित  कुमार गिरि, सम्पूर्ण वडाध्यक्ष र गाउँ सभा सदस्यहरुकाे सहभागिता रहेकाे थियाे ।

विशेष सभा सम्पन्न भए पछि गाउँपालिकाकाे केही जटिलता अन्त्य भए पछि विकास निर्माण कामले तिब्रता पाउने प्रमुख प्रशासकिय अधिकृत गिरीले वताउनु भयाे ।

वीरगंज राजधानी हुने सम्भवना बढ्याे : सांसद साह

0

वीरगंज । प्रदेश २ काे नामाकरण र स्थायी राजधानीकाे लागि मंगलबार मतदान भए पनि टुंगाे लाग्न सकेन् । प्रदेशकाे नाम र स्थायी राजधानीकाे लागि दर्ता भएकाे सबै प्रस्ताव बहुमत संख्या नपुगे पछि अस्वीकृत भयाे ।

राजधानीकाे लागी सतारुढ दल समाजवादी पार्टी र राष्ट्रिय जनता पार्टी (राजपा)ले संयुक्त रुपमा दर्ता गराएकाे जनकपुरधामकाे पक्षमा ५२ र विपक्षमा ५२ मत परेकाे थियाे । ३ मत बदर भएकाे थियाे । नेपाली कांग्रेसका सांसद राजेशवर साहले दर्ता गराएकाे वीरगंजकाे पक्षमा ३३ र विपक्षमा ७२ मत परेकाे थियाे ।

सतारुढ दलले दर्ता गराएकाे स्थायी राजधानी जनकपुरधामकाे प्रस्ताव अस्वीकृत भए पछि वीरगंजकाे सम्भावना बढेर गएकाे सांसद साहले वताएका छन् । कालिका टाइम्स संग कुरा गर्दै सांसद साहले जनकपुरधामकाे प्रस्ताव समेत अस्वीकृत भए पछि वीरगंजकाे सम्भावना बढेर गएकाे प्रतिकृया दिए ।

प्रदेशकाे राजधानी हरेक दृष्टिकाेणले वीरगंज नै उपयुक्त रहेकाे जिकिर गर्दै सांसद साहले यसकाे लागि पहल जरुरी रहेकाे वताए ।

यस्तै नामाकरण मतदानबाट पनि टुंगाे लाग्न सकेन । सतारुढ गठबन्धन समाजवादी पार्टी र राजपाले दर्ता गराएकाे प्रस्ताव मधेश प्रदेश अस्वीकृत भए पछि टुंगाे लाग्न सकेन । मधेश प्रदेशकाे पक्षमा ६० र विपक्षमा ४६ मत परेकाे थियाे । नेकपाले दर्ता गराएकाे प्रस्ताव जानकी प्रदेशकाे पक्षमा ३७ मत र विपक्षमा ७० मत खसेकाे थियाे । नेपाली कांग्रेसले दर्ता गराएकाे प्रदेशकाे नाम “मिथिला -भाेजपुरा” काे पक्षमा २८ मत र विपक्षमा ७९ मत परेकाे थियाे ।

नेपाली कांग्रेस र नेकपाले दलिय रुपमा दर्ता गराएकाे “मिथिला -भाेजपुरा” र जानकरी प्रदेशकाे पक्षमा परेकाे मत भन्दा साेही नेपाली कांग्रेसका सांसद साहले दर्ता गराएकाे “मध्य मधेश” प्रदेशकाे पक्षमा बढी मत परेकाे थियाे । साहले दर्ता गराएकाे मध्य मधेशकाे पक्षमा ४२ मत र विपक्षमा ६५ मत परेकाे थियाे ।

प्रदेशकाे नाम पनि मध्य प्रदेश नै उपयुक्त रहेकाे सांसद साहकाे दाबी छ । मधेशी दलहरुले नै विगतमा २२ जिल्लाकाे मधेश प्रदेश भन्दै आएकाे र साेहि दलहरुले समग्र मधेश र स्वत प्रदेशकाे माग समते गर्दै आएकाेले ८ जिल्लाकाे प्रदेशकाे नाम मधेश प्रदेश उपयुक्त नरहेकाे साहकाे भनाई छ । प्रदेशकाे नाम “मध्य मधेश” प्रदेश भए सबै धर्म, जाति, पार्टी अटने खाले हुने र मधेशकाे लागि कालखण्ड देखी नै लडेका र सहिद भएकाहरुकाे सपना पनि सहकार हुने कालिका टाईम्स संगकाे कुराकानीमा उनले वताए ।

नेकपा नेता साहलाई मातृ शोक

0

वीरगंज । नेपाल कम्युनिस्ट पार्टीका नेता बलिराम साहलाई मातृ शोक परेको छ । पर्साको कालिकामाई गाउँपालिका वडा नं. २ गदियानी निवासी नेता साहकी मामतामयी आमा श्रीपती देवीको मंगलबार सांझ ५ बजे निधन भएको हो ।

नेकपा जिल्ला कमिटी सदस्य साहकी ७९ बर्षिय आमाको वीरगंज पानीटंकी स्थित न्युरो हस्पिटलमा असमायिक निधन भएको परिवारजनले जनाएका छन् । भोलि बुधबार विहान ९ बजे निजि निवास गदियानी स्थित आर्यघाटमा अन्त्येष्टि गरिने परिवारजनले जनाएका छन् ।

नारायणीको आइशोसन बार्डलाई सुधार्न सांसद यादवको निर्देशन

0

वीरगन्ज । कोरोना सक्रमितको लागी नारायणी अस्पालमा गरिएको तैयारीबारे सांसद प्रदिप यादवले चासो लिनु भएको छ ।

सामेबार दिउसो नारायणी अस्पतालको स्थलगत अनुगमन गर्दै क्रोना संक्रमितको लागी गरिएको पुर्व तयारीको बारेमा अस्पताल प्रमुखसगं जानकारी दिनु भएको हो । अनुगमनमा संक्रमितका लागि वीरगन्जको नारायणी अस्पतालमा स्थापना गरिएको आइशोलसन वार्ड नै फोहोर र दुर्गन्धित रहेको पाइएको छ ।

नारायणी अस्पतालको महेन्द्र आरोग्य भवनको भुइ तल्लाको कोठामा अस्पतालले कोरोना संक्रमितका लागि ५ शैयाको आइशोलेसन वार्ड स्थापना गरेको छ ।

आइशोलेसन वार्ड स्थापना गरिएको कोठा भित्र माकुराको जालो र फगस व्यामरुपमा दिखिए पछि अस्पतालका मेडिकल सुपरिटेन्डेन्ट माथि पडकनु भएको थियो ।

वार्डको भुइ पनि धुलोले ढाकिएको छ । वार्डमा राखिएका बेड पनि सफा छैन ।

यस्तै आइशोलेशन वार्डमा राखिने संक्रमीतका लागि छुटटै शौचालय पनि बनाइएको छैन । शौचालयको निर्माण कार्य बल्ल अजबाट सुरु गरिएको छ ।

निरिक्षणका क्रममा आइशोलेसन वार्ड फोहोर र दुर्गन्धित देखेपछि सांसद यादवले तत्कालै सरसफाइ गरेर वार्डलाइ सफासुग्घर र स्वच्छ बनाउन अस्पतालका मेसु डाक्टर मदन उपाध्यायलाइ निर्देशन पनि दिनु भयो।

स्थलगत अनुगमन पछि सन्चारकर्मीसंग कुरा गर्दै सांसद यादवले कोरोनाको संक्रमीत राख्नका लागि अस्पतालमा स्थापना गरिएको आइशोलेसन वार्डमा चरक लापरवाही गरिएको बताए ।

उनले भने ,‘ संक्रमीतलाइ राख्न बनाइएको वार्ड नै सफा छैन , जालो र धुलोले ढाकेको छ , यस्तो कोठामा यदि कोहि संक्रमीतलाइ राखियो भने उ झन अर्कै रोगले संक्रमीत बन्छ ।

अस्पतालको पुरानो भवनमा रहेको स्टोर रुममा स्थापना गरिएको आइशोलेसन वार्ड कुनै दृष्टिले सुरक्षित नरहेको भन्दै उनले भने ,‘ वार्ड भित्र पस्ने बितिक्कै ढुसी गन्हाइरहेको छ , यसलाइ सफाइ गरेर सुधार गर्न मेसुलाइ निर्देशन दिएको छु ।

निरिक्षणका क्रममा नारायणी अस्पतालको पनि अवस्था लथालिङग भेटिएको सांसद यादवले जानकारी दिए । टर्सरी अस्पतालका रुपमा स्तरोन्नत्ती गरिएको भएपनि अस्पतालमा सेवा सुविधा थपिनुको सटटा अस्पताल झन धराशायी बन्दै गएको पाइएको उहाले बताउनु भयो ।

अनुगमनका क्रममा मेसु उपाध्यायलाइ निर्देशन दिदै सांसद यादवले अस्पतालमा कर्मचारी र स्वास्थ्यकर्मी कमीशन तन्त्रको कारण अस्पताल धराशायी बन्दै गएकोमा सुधार तर्फ उन्मुख हुन अस्पताल प्रमुख उपाध्यायलाई सचेत गराउनु भयो ।

जवाफमा मेसु उपाध्यायले अस्पतालको सुधारका लागि आफु लागि परेको बताउदै आउने दिमयमा सुधार आउने प्रतिवद्धता व्यक्त गरेका थिए ।