Date
आइत, मंसिर ६, २०८३
Sun, November 22, 2026
Home Blog Page 1009

लागु औषध गाँजा सहित पर्साका ३ जना पक्राउ

0

वीरगंज । पर्सा प्रहरीले बहुदरमाई नगरपालिकाको वडा नं. ५ पटनीबाट लागु औषध गाँजा सहित ३ जनालाई पक्राउ गरेको छ ।

इलाका प्रहरी कार्यालय पोखरिया मातहतकका प्रहरी चाैकी महुवनले आइतबार राती ९:३० बजे पटनी स्थितबाट १८ किलाेग्राम लागु औषध गाँजा सहित तिन जनालाई पक्राउ गरेकाे पर्सा प्रहरी प्रवक्ता बिरेन्द्र साहीले वताउनु भयाे ।

बिशेष सुचनाकाे आधारमा खटिएको प्रहरी टोलीले बहुदरमाई नगरपालिका वडा नं. ५ पटनी निवासी ५५ बर्षिय राधाकृष्ण राउत अहिर, सोही ठाउँ निवासी ५० बर्षिय लक्ष्मण महतो कोइरी र पकहा मैनपुर गाउँपालिका वडा नं. १ धोरे निवासी मन्द्रिका सहनीलाई नियन्त्रमा लिएकाे प्रहरी नायब उपरिक्षक साहीले वताउनु भयाे ।

तिनै जना सवार बि.आर. ०५ एफ ६५६६ भारतिय नम्बरका मोटरसाइकललाई चेकजांच गर्दा लागु औषध बरामद भए पछि मोटरसाइकल सहित तिनै जनालाई नियन्त्रणमा लिई थप अनुसन्धान भइरहेको जिल्ला प्रहरी कार्यालय पर्साले जनाएकाे छ ।

वीरगन्जका व्यवसायी रुगंटालाई कोरोना संक्रमण नभएको पुष्टि

0

वीरगंज । कोरोना भाइरस (कोभिड-१९) संक्रमण आशंकामा भारतको पटनास्थित अस्पताल भर्ना गरिएका वीरगंजका व्यवसायी शिवकुमार रुगंटामा संक्रमण नदेखिएको पुष्टि भएको छ ।

पटना मेडिकल कलेज अस्पतालले आइतबार उनको परिवारलाई दिएको नमूना परीक्षणको रिपाेर्टमा कोरोना संक्रमणम नेगेटिभ देखिएको हाे । वीरगंज महानगरपालिकाका मेयर विजय कुमार सरावगीले पनि आफ्नाे फेसबुक आइडी पाेष्ट मार्फत रुगंटमा काेराेना संक्रमण नदेखिएकाे जानकारी गराएका छन् ।

यसअघि पटना अस्पतालका चिकित्सकले परिवारलाई पहिलो परीक्षणमा कोरोना पोजेटिभ देखिएको बताए पनि ल्याबको नतीजामा नेगेटिभ आएको रुंगटासँगै पटना अस्पतालमा रहेका भतिजा आकाश रुगंटाले बताए ।

एक हप्ताकाे लागि सीमा नाका बन्द गर्ने मन्त्रिपरिषदकाे निर्णय

0

काठमाडौं : सरकारले चीन र भारसँगको सीमा नाका एक हप्ता बन्द गर्ने निर्णय गरेको छ । आइतबार साँझ बसेको मन्त्रिपरिषद्को बैठकले सोमबार बिहान १० बजेदेखि एक हप्तासम्म नाका बन्द गर्ने निर्णय गरेको हो ।

मन्त्रिपरिषद् बैठकले कोरोना भाइरस (कोभिड १९) को उच्च जोखिमलाई मध्यनगर गर्दै छिमेकी देश चीन र भारतको सीमा नाकाबाट आउजाउ बन्द गर्ने निर्णय गरेको हो।

यस्तै, कोभिड १९ को महामारीका रोकथामका लागिचिकित्साकर्मीले उपयोग गर्ने व्यक्तिगत सुरक्षा उपकरण, मास्क, थर्मोमिटर, भेन्टिलेटर, मनिटरलगायत सामग्री किन्‍न ५० करोडको केन्द्रीय कोष खडा गर्ने निर्णय भएको एक मन्त्रीले जानकारी दिए।

उक्त कोषका लागि सबै मन्त्री १र१ महिनाको पारिश्रमिक दिने निर्णय पनि गरिएको छ।

मन्त्रिपरिषद् निर्णय सार्वजनिक गर्न केही सयमपछि सिंहदरबारमा पत्रकार सम्मेलन हुँदैछ ।

पटनामा भर्ना भएका नेपालीलाई कोरोना संक्रमण पुष्टि भएको छैन : अस्पताल

0

काठमाडौं । कोरोना भाइरस (कोभिड १९) को संक्रमण भएको आशंकामा एक नेपाली पटना मेडिकल कलेज, बिहारमा भर्ना भएका छन् । तर उनलाई कोरोना संक्रमण भएको पुष्टि भइनसकेको पटना मेडिकल कलेज, बिहारका प्रिन्सिपल प्रा. डा. विद्यापति चौधरीले जानकारी दिए ।

‘उनको उपचार जारी छ, केही रिपोर्ट आउन बाँकी नै छ’, चौधरीले टेलिफोन कुराकानीमा भने, ‘हामीले उनको रिपोर्ट नेशनल इस्टिच्यूट अफ मेडिकल साइन्स, पुनेमा पठाएका छौं ।’

वीरगञ्जका उनी केही दिनअघि अस्पतालमा भर्ना भएका थिए ।

उनको विस्तृत रिपोर्ट आउन दुई-तीन दिन लाग्ने उनले बताए । उनले थपे, ‘त्यसपछि मात्रै विस्तृतमा भन्न सकिन्छ ।’

भारतीय टेलिभिजन च्यानलहरुले उनलाई कोरोना संक्रमण भएको पुष्टि भएको दाबी गरेका छन् भने पर्साका सहायक प्रमुख जिल्ला अधिकारी ललितकुमार बस्नेतले पनि परिवारबाट त्यस्तै खबर आएको बताएका थिए । सभार : अनलाइन खबर

कोरोनाले भारतको बिहारमा पनि एक जनाको मृत्यु

0

नयाँदिल्ली । भारतको बिहार राज्यको राजधानी पटनामा एक जना व्यक्तिको कोभिड-१९ को संक्रमणका कारण मृत्यु भएको पुष्टि भएको छ ।

एम्स अस्पताल, पटनामा उपचारको क्रममा शनिबार उनको मृत्यु भएको थियो। शनिबार नै मृत्यु भए पनि उनको परिक्षण रिपोर्ट आज आउँदा उनमा कोभिड-१९ को संक्रमण पुष्टि भएको छ। कतारबाट फर्किएका ३८ वर्षीय ती व्यक्तिसँगै एम्समा उपचाररत अर्को एक महिलामा पनि संक्रमण रहेको पुष्टि भएको छ।

बिहारको मुंगेर निवासी ती व्यक्तिमा पहिले नै मिर्गौलासम्बन्धी रोग पनि भएको चिकित्सकहरुले जानकारी दिएका छन्। योसँगै भारतमा कोभिड-१९ को संक्रमणबाट मृत्यु हुनेको संख्या ६ पुगेको छ। आइतबार नै महाराष्ट्रमा एक जना ६३ वर्षीय व्यक्तिको मृत्यु भएको इन्डिया टुडेले जनाएको छ। आइतबार दिउँसोसम्म भारतमा कोभिड-१९ संक्रमितको संख्या ३ सय २४ पुगेको छ।

कोभिड-१९ संक्रमणको सम्भावित जोखिम न्यूनीकरणका लागि भारतका कैयौं राज्यमा लकडाउन गरिएको छ। प्रधानमन्त्री नरेन्द्र मोदीको आह्वानमा आइतबार भारतभर जनता कर्फ्यु पालना गरिएको छ। प्रधानमन्त्री मोदीको आह्वानको समर्थन गर्दै नागरिक घरबाट बाहिर निस्किएका छैनन्।

गत डिसेम्बरमा चीनको वुहानबाट सुरु भएको कोभिड १९ को संक्रमण अहिलेसम्म विश्वका १८० भन्दा बढी देशमा फैलिइसकेको छ। आइतबार दिउँसोसम्म भाइरसको संक्रमणबाट १३ हजार ६९ को मृत्यु भइसकेको छ भने ३ लाख ८ हजार भन्दा बढी संक्रमित भएका छन्। त्यस्तै संक्रमितमध्ये ९५ हजारभन्दा बढी निको भइसकेका छन् ।

सांसद यादवले बाँडे फुटपाथका व्यापारीहरुलाई माक्स र सेनिटाइजर

0

वीरगंज । संघिय सांसद प्रदिप यादवले आज वीरगंजमा सर्जिकल माक्स र सेनिटाइजर वितरण गरेका छन् ।

वीरगंजकाे माइस्थान तथा घण्टाघर क्षेत्रका फुटपाथका व्यपारीहरुलाई सांसद यादवले माक्स र सेनिटाइजर वितरण गरेका हुन् । काेराेना भाइरसबाट बाच्न माक्स प्रयाेग गर्न र सामान खरिद, बक्री गर्दा, पैसा लिदा वा फिर्ता गर्दा सेनिटाइरजरकाे प्रयाेग गर्न भन्दै माक्स र सेनिटाइजर वितरण गरिएकाे सांसद यादवले वताए ।

फुटपाथ व्यपारीहरु कंहा नै पुगी सांसद यादप माक्स लगाइदिनुकाे साथै सेनिटाइजर दिएका थिए । बजारमा सर्जिक माक्सकाे हहाकार र सेनिटाइजरकाे अभाव भइरहेकाे बेला सांसद यादवकाे माक्स तथा सेनिटाइजर वितरणले व्यारीहरुलाई केही राहत भएकाे छ ।

विभिन्न समुह बनाई दुई हजार एक हजार पांच सय सर्जिक माक्स र ५ सय सेनिटाइजर वितरण गरिएकाे सांसद यादवका स्वकिय सचिव निघिल बर्णवालले वताए ।

माक्स तथा सेनिटाइजर वितरण कार्यक्रममा जिल्ला समन्वय समिति पर्साका संयाेजक नेक महमद अंसारी, प्रदेश सांसद जन्नत अंसारी, समाजवादी पार्टीका जिल्ला सचिव तबरेज अहमद, वीरगंजम हानगर अध्यक्ष इशवर यादव लगायतकाे सहभागिता रहेकाे थियाे ।

बालबालिकाहरु काेराेना भाइरस बारे पर्चा टास्दै

0

वीरगंज । बिन्दवासिनी गाउँपालिकामा काेराेना भाइरस सम्बन्धि जनचेतना जगाउन पर्चा वितरण गरिएकाे छ ।

गाउँपालिका अन्तर्गतकाे वडाहरुमा साबुन पानीले हात धुन, जमघट भएकाे ठाउँमा नजान, सके सम्म घरमै बस्ने सलाह दिदै ठाउँ ठाउँमा पर्चा टास्नुकाे साथै वितरण समेत गरिएकाे हाे । युनिसेफ नेपालकाे सहयाेग र नेपाल रेडक्रस साेसाईटी पर्साकाे आयाेजनामा बिन्दवासिनी गाउँपालिकामा सँचालित बाल केन्द्रित बिपद् जाेखिम न्युनिकरण कार्यक्रम अन्तर्गत जनचेतना जगाउने कार्य गरिएकाे समाजिक परिचालिका मिना देवीले वताइन ।

विश्व भरि महामारीकाे रूपमा फैलिरहेकाे काेराेना भाईरस (काेबिन 19)बाट आफु कसरी बच्ने र अरूलाई कसरी बचाउने भने उदेश्य ले वडा स्तरिय बाल क्लबका बालबालिका पर्चा टांस्नुकाे साथै जनचेतना जगाउने कार्य गरिएकाे बाल सँजालका अध्यक्ष अमन चाैरसियाले वताए ।

यसका साथै गाउँपालिका कार्यालयकाे मुल ढाेकामा बैनर झुन्डियाई गाउँपालिका भरिका सेवाग्राहीहरूलाई चेतना दिन सकने खालकाे बैनर समेत बाल सँजालका बालबालिकाहरूले झुन्डियाएकाे उनले वताए ।

काेराेना भाइरस संक्रमण राेकथाम सम्बन्धमा जनचेतना

0

वीरगंज । पर्साको पोखरियामा काेराेना भाईरस संक्रमण राेकथाम सम्बन्धमा जनचेतना मूलक कार्यक्रम आज सम्पन्न भएकाे छ ।

पाेखरिया नगरपालिकाकाे वडा नं. ४ स्थित पोखरिया बजारको बस स्टेनमा भएकाे कार्यक्रममा काेराेनाबाट बाच्न साबुन पानीले हाथ धुन र सेनिटाइजर प्रयाेग बारे सिकाइएकाे थियाे । कार्यक्रमा साबुन पानीले बारम्बार हात धुन, सेनिटाइजर तथा माक्सको प्रयोग गर्न लगायतका कुरा बारे ईलाका प्रहरी कार्यालय पोखरियाका प्रहरी निरिक्षक चन्द्रकुमार सिंह तथा हेलथ किलनीक पोखरियाको डा. घनश्याम यादवले सिकाएका थिए ।

काेराेनाबाट बाच्न माक्सकाे प्रयाेग गर्नु पर्ने, बारम्बार साबुन पानी हात धुन, सेनिटाइजरकाे प्रयाेग गर्न, नाक तथा मुखमा हातले नछुन र हात नमिलाउन कार्यक्रममा बाेल्ने वक्ताहरुले आग्रह गरे । कार्यक्रमको सहजीकरण स्थानीय युवाहरु सुजित गिरी, सांतोष कुमार, राकेश कुमार, नौसाद आलम, भगवान दास तत्वा लगायतकाले गरेका थिए।

कार्यक्रम इलाका प्रहरी कार्यालय पाेखरिया, सशस्त्र प्रहरी बल पाेखरिया र नागरिक विकास समन्वय समिति पाेखरियाकाे सहयाेग तथा वृक्ष फाउन्डेसनकाे आयाेजनामा भएकाे थियाे ।

पिछिडिएका समुदायलाई कोरोनाबारे सचेत गराउँदै मास्क वितरण

0

वीरगञ्ज । वीरगञ्ज महानगरपालिका वडा न. १६ नगवाको दलित बस्तिका बासिन्दालाई कोरोना भाइरसको बारेमा सचेत गराउदै मास्क समेत वितरण गरिएकाे छ ।

राष्ट्रिय जनता पार्टी नेपाल वीरगञ्ज महानगर कमिटिका अध्यक्ष ओमप्रकाश सर्राफले आज सो दलित बस्तिका बासिन्दालाई निशुल्क मास्क बितरण गर्नुका साथै सरसफाईमा ध्यान दिन आग्रह गर्नु भएकाे हाे । नगवाको दलित बस्तिमा शुरु गरिएको मास्क वितरण तथा सचेतना कार्यक्रमलाई ग्रामिण क्षेत्रमा पनि निरन्तरता दिइने भिजिट मधेशका राष्ट्रिय संयोजक समेत रहनुभएका सर्राफले बताउनुभयो ।

सरकारले २५ जना भन्दा बढीलाई एकै ठाउँमा भेला नहुन निर्देशन जारी गरेपछि सर्राफ नेतृत्वको टोलि सबै स्थानियको घर घरमा पुगेर मास्क वितरणका साथै कोरोनाभाइरसबाट जोगिन अपनाउनुपर्ने सावधानी तथा पुर्व तयारीको बारेमा जानकारी गराइएको हाे ।

भिजिट मधेशका पर्सा संयाेजक किशन सरार्फ, युवा नेता सन्ज्य पटेल, रन्जित पटेल, मुकेश पण्डित लगायतको टोलिले स्थानियलाई सजग भएर नियमित कामकारवाही गर्न र अत्यआवश्यक काम बाहेक घर बाहिर ननिस्किन पनि आग्रह गरेको थियो ।

कोरोनाबाट विश्वभर ११ हजार ४ सय १७ जनाको मृत्यु

0

जेनेभा । विश्वभर महामारीको रुप लिएको कोभिड–१९ को सङ्क्रमणबाट शनिबारसम्म ११ हजार ४१७ जनाको मृत्यु भएको छ । विश्व स्वास्थ्य सङ्गठनले सार्वजनिक गरेको विवरणअनुसार संसारभर दुई लाख ७६ हजार व्यक्ति कोरोना भाइरस सङ्क्रमित भएका छन् ।

सङ्क्रमित व्यक्तिमध्ये ९१ हजार ९५४ जना उपचारपछि घर फर्किएका छन् । एक लाख ७३ हजार व्यक्ति हाल सङ्क्रमित रहेका छन् । कोभिड–१९ को सङ्क्रमण हालसम्म १७६ भन्दा बढी देशमा देखा परिसकेको छ । चीनको हुबेइ प्रान्तको वुहान शहरबाट सुरु भएको कोभिड–१९ लाई विश्व स्वास्थ्य सङ्गठनले ‘विश्वव्यापी महामारी’को सङ्ज्ञा दिएको छ ।

कोरोनाभाइरस सङ्क्रमणबाट चीनभरी तीन हजार २५५ व्यक्तिको मृत्यु भएको छ भने ८१ हजार जना सङ्क्रमित भएका थिए । चीनले अपनाएको उच्चतम सतर्कता, हुबे प्रान्तको राजधानी उहान सहित प्रान्तभर आवतजावतमा गरिएको प्रतिबन्ध, तत्काल उपचार समेतका आपतकालीन व्यवस्थाले संक्रमित व्यक्तिको मृत्युदर कम रहेको मानिएको छ ।

हाल कोरोनाभाइरसका कारण अत्यन्त प्रभावित इटालीमा चार हजार ३२ जनाको मृत्यु भइसकेको छ । हाल ३७ हजार ८६० जना सङक्रमित रहेको इटालीमा पाँच हजार १२९ व्यक्ति उपचारपछि घर फर्किएका छन् । मध्यपूर्वका राष्ट्रहरुमध्ये इरानमा कोरोना भाइरसको सङ्क्रमण सबैभन्दा डरलाग्दो अवस्थामा छ ।

स्पेनमा कोरोना भाइरसको सङ्क्रमणको कारण एक हजार ९३ व्यक्तिको मृत्यु भएको छ । हाल १८ हजार ८९० जना सङक्रमित रहेका छन् । शनिबार प्राप्त समाचार अनुसार एक हजार ५८८ व्यक्ति उपचारपछि निको भएर घर फर्किएका छन् । जर्मनीमा ६८ जनाको मृत्यु भएको छ भने १९ हजार ६०० जना सङक्रमित रहेका छन् । उपचारपछि १८० जना घर फर्किएका छन् ।

संयुक्तराज्य अमेरिकामा २७५ व्यक्तिको मृत्यु भएको छ । हाल १९ हजार ३५२ जना सङक्रमित रहेका छन् भने १४७ जनाको उपचार गरिएको छ । फ्रान्समा ४५० जनाको मृत्यु भएको छ । हाल १० हजार ५७५ जना सङक्रमित छन् । दक्षिण कोरियामा १०२ जनाको मृत्यु भइसकेको छ भने ६ हजार ८५ जनामा अझै पनि सङ्क्रमण छ ।

कोरोनाभाइरस संक्रमणका कारण स्वीटजरल्याण्डमा ५६ जना, बेलायतमा १७७ जना, नेदरल्याण्ड्समा १०६ जना, बेल्जियममा ३७ जना र जापानमा ३५ जनाको मृत्यु भएको छ । भारतमा हालसम्म कम्तीमा २७० जनामा कोरोनाभाइरसको सङ्क्रमण देखिएको छ । पाँच जनाको मृत्यु भइसकेको भारतमा सरकारले आइतबार एक दिन “जनता कफ्र्यु” लागू गर्न र घरबाहिर कोहीपनि ननिस्कन आह्वान गरेको छ ।

दक्षिण एसियाली अन्य मुलुकहरु श्रीलङ्कामा ७३, अफगानिस्तानमा २४, बङ्गलादेशमा २०, माल्दिभ्समा १३ र भुटानमा २ जना सङ्क्रमित देखिएका छन् । नेपालमा भने हालसम्म एक व्यक्तिमा कोरोना संक्रमणको पुष्टि भएकोमा उनी उपचारपछि घर फर्किसकेका छन्, र नयाँ संक्रमित व्यक्ति भेटिएका छैनन् ।