Date
आइत, मंसिर ६, २०८३
Sun, November 22, 2026
Home Blog Page 1005

लकडाउनमा एन.आई.सी. बैंककाे फाेन सहायता केन्द्र संचालन

0

वीरगंज । एनआईसीएसिया बैंकले प्रदेश नम्वर दुईमा पाँच ठाँउमा ग्राहक सेवा केन्द्र तोकेको बैंकले जनाएको छ । सो बैंकले सर्वसाधारण जनताको गुनासो र आर्थिक रुपमा अब आउने दिनमा पर्ने अफ्टेरोपनलाई हटाउने उद्देश्यका साथ यो कार्यक्रम अघि सारेको हो ।

सरकारले कोरोना भाईरसको महामारीमा फोनबाटै ग्राहकको गुनोसोहरु बुझ्न र संवोधनकालािग ग्राहक सहायता केन्द्र सन्चालनमा ल्याएको एनआईसी एसिया बैंक प्रदेश नम्बर २ का प्रमुख प्रकाश चन्द्र अधिकारीले जानकारी दिए ।

बैकले दिएको जानकारीका अनुसार सो बैकको बिरगंज शाखामा पुजा खेतान, अमृत राना, चन्द्रनिगाहपुर शाखामा बिशाल शर्मा, रवी थापा, हरिवन शाखामा सुनित श्रेष्ठ, सुमन सिंह, जनकपुर शाखामा उत्सुक श्रेष्ठ, ईश्वर आचार्य, लहान शाखामा मुकेश कुमार साह, प्रदिप कुमार साह, संतोष कुमार राठी, प्रकाश चन्द्र अधिकारी र प्रदेश नम्बर २ मा मनु प्रसाद शर्मा र गोपाल प्रसाद सुबेदी रहेको एनआईसी एसिया वीरगंज लिंकराेड शाखाका शाखा प्रबन्धक हासिम मंसुरीले जानकारी दिए ।

यस्तै बैंकले लकडाउनकाे अवधिमामा पनि केही शाखाकाे संचालनमा ल्याएकाे प्रबन्धक मंसुरीले वताए । वीरगंजकाे शाखाका काउँटर विहान ११ बजे देखी दउसाे एक बजे सम्मकाे लागि संचालनमा ल्याइएकाे उनले जानकारी गराए ।

ग्रामिण भेगकाे भिस्वा पनि सुनसान, बजार व्यवस्थित गरिदै

0

वीरगंज । लकडाउनकाे आज पांचाै दिन पर्साकाे ग्रामिण भेग पनि सुनसान देखियाे । पर्साकाे ग्रामिण भेगकाे छिपहरमाई गाउँपालिकाकाे वडा नं. ५ भिस्वा बजारकाे सबै पसलहरु बन्द रहे ।

विश्वभरी महामारीकाे रुपमा फैलीरहेकाे काेराेना भाइरस संक्रमण राेकथामकाे लागि संघ सरकारले गरेकाे लकडाउनकाे पालना गराउन प्रहरी चाैकी भिस्वाका प्रहरी नायब निरिक्षक (सई) मुक्तिनारायण यादव सक्रिय देखिए । यादव नेतृत्वकाे प्रहरी टाेलीले लकडाउनकाे उलंघन गर्ने सवारी साधन चालकहरु समझाउदै फिर्ता पठाउने गरेकाे हाम्रा सम्वाददाताले वताएका छन् ।

यस भन्दा पहिला पनि सई यादवकाे सक्रियतामा स्थानियहरुले लकडाउनकाे पूर्ण पालना गर्दै आएका छन् । गाउँपालिकाकाले खाद्य सामग्री खरिद बिक्रीकाे लागि विहान ६ बजे देखी ९ बजे सम्म र तरकारी दिउसाे २ देखी सांझ ६ बजेकाे सम्मकाे लागि समय निर्धारण गरेकाे छ ।

साे निर्णय कार्यान्वयनकाे लागि र बजारमा भिडभाड हुन नदिन पनि सई यादव सक्रिय देखिएकाे हाम्रा सम्वाददता आलाेक कुशवाहाले वताए । गाउँपालिका अध्यक्ष मनाेज कुमार गुप्ताकाे साथमा सई यादव पनि बजारमा पुगी ३-३ फिटकाे दुरीमा तरकारी खरिद बिक्री गर्न चिनाे लगाएकाे उनले वताए ।

वडाध्यक्ष आलमकाे सक्रियतामा माक्स,गल्फस र सेनिटाईजर वितरण

0

वीरगञ्ज । विश्वभरी महामारीकाे रुपमा फैलिएका कोरोना भाईरस संक्रमण राेकथामकाे लागि पर्सागढीनगरपालिका वडा नं ५ का वडाध्यक्ष असलम आलमले माक्स, गल्फस र सेनिटाइजर वितरण गरेका छन् ।

वडामा लागने हाटबजारमा पुगी वडाध्यक्ष आलम नेतृत्वकाे टाेेलीले माक्स, गल्फस, डिटवल साबुन र सेनिटाईजर वितरण गरेकाे हाे । विश्वभरी महामारीको रुपमा फैलिरहेको कोरोना संक्रमणबाट बच्न साे सामग्री वितरण गरिएको अध्यक्ष आलमले बताए ।

बुधबार र शनिबार लाग्ने वहुअर्वा हाटबजारमा पुगी वडाध्यक्ष आलममले ३-३ फिटको दुरीमामा सामग्री खरिद बिक्री गर्न व्यवस्थित गराएका थिए ।

यसका साथै वडाकाे बहुअर्वामा लामखुट्टे मार्ने औषधी समेत छरिएको वडाध्यक्ष आलमले बताए । त्यसौ गरी वडाकाे विभिन्न टोलहरुमा वितारण गर्नको लागि माक्स, सेनिटाईजर र गल्फस वडा सदस्यहरुकाे जिम्मा लगाइकाे उनले वताए ।

संक्रमण र भोकमरी रोकथाम गर्न अध्यक्ष जयसवालको उदहारणीय काम

0

वीरगंज । बिश्वभरी महामारीकाे रुपमा फैलीरहेकाे काेराेना भाइरस संक्रमण राेकथामकाे लागि पर्साकाे सखुवा प्रसाैनी गाउँपालिका अध्यक्ष प्रदिप जयसवाल अग्रसर देखिएका छन् ।

संक्रमण राेकथामकाे लागि नेपाल सरकारले गरेकाे लकडाउनकाे पहिलाे दिन देखि नै पालिकाकाे वडाहरुमा देखिएका अध्यक्ष जयसवालले भाेलि (आइतबार) देखि गरिब र विपन्न परिवारलाई खाद्यान्न सामग्री वाड्ने भएका छन् । संक्रमण राेकथामकाे लागि सरकारले गरेकाे लकडाउनका कारण दैनिक ज्यालादारी मजदुरी गरी छाक टार्ने अति गरिब र विपन्न परिवारकाे समस्यालाई मध्यनजर गरी खाद्यान्न सामग्री वाड्न लागिएकाे अध्यक्ष जयसवालले वताए ।

पालिका अन्तर्गतकाे सबै वडाका अति गरिब र विपन्न परिवारलाई चामल, दाल, नुन, तेल, आलु र साेवाबिन वाड्न लागिएकाे अध्यक्ष जयसवालले वताए । कालिका टाइम्स संगकाे कुराकानीमा अध्यक्ष जयसवालले लकडाउनमा घर भित्र नै बस्न सबै पालिका बासीलाई आग्रह गर्दै आफु गरिब र विपन्न परिवारकाे घर घरमा नै खाद्य सामग्री लिएर पुग्ने वताए ।

यसकाे लागि अध्यक्ष जयसवालले शुक्रबार एक सुचना गर्दै याे कठिन प्रस्थितीमा गाउँपालिकाकाे स्राेत साधन र जनशक्तिले भ्याए सम्म जनताकाे सुरक्षा र सहायताकाे लागि आफु प्रयासरत रहेकाे वताएका थिए । अध्यक्ष जयसवालले अति गरिब परिवार काेइ नछुटने गरी आफ्नाे घर घडेरी नभएकाे, घर भए पनि अन्य जग्गा नभएकाे, दैनिक ज्यालामा मात्र आश्रित, घरमा कमाउने मान्छे नभएकाे र आफैले हामी भाेकाे छाैं वा खाने कुरा छैन् भन्ने परिवारका दुबै जना छिमेकी संग यकिन निज परिवार आदीकाे नमावली तयार गर्न वडाध्यक्ष र वडा सदस्यहरुलाई आग्रह गरेका थिए ।

उनले यसका साथै गाउँपालिका भित्रका अन्य जनताहरुको लागी सुपथ मुल्यको पसल पनि संचालनमा ल्याउने र सो मार्फत खाद्य सामग्रीकाे होम डिलेभरी सेवा दिने तयारी पनि भै रहेको पनि वताए । लकडाउनमा गाउँपालिका बासीलाई कुनै किशिमकाे अप्ठयाराे नहाेस भने उद्देश्य आवश्यकता अनुसारकाे खाद्य सामग्री हाेम डिलेभरी गर्ने याेजना रहेकाे अध्यक्ष सयसवाले जानकारी गराए ।

यस भन्दा पहिला पनि अध्यक्ष जयसवालकाे सक्रियतामा गाउँपालिकाकाे सबै वडामा लामखुट्टे मार्ने औषधी छर्नुकाे साथै काेराेना भाइरस राेकथामकाे लागि सार्वजिन स्थलहरुमा साबुन पानीको व्यवस्था गरि सकिएकाे छ । यसका साथै काेराेना भाइरस राेकथामकाे लागि अध्यक्ष जयसवाल नेतृत्वकाे टिमले गाउँपालिकामा मास्क तथा सेनिटाइजर वितरण समेत गरिसकेकाे छ ।

लकडाउनमा सबैले आ आफ्नाे घरमा बसिरहेकाे बेला अध्यक्ष जयसवाले आफै पालिकाकाे सबै वडाहरुमा घुुम्दै लेजर थर्मामिटरकाे माध्यमले ज्वराे परिक्षण समेत गर्ने गरेका थिए । अध्यक्ष जयसकाे गाउँपालिका मै संक्रमण राेकथामकाे लागि क्वारेन्टाइन स्थापना गर्ने याेजना रहेकाे छ ।

नेपालमा भेटियो कोरोनाको पाचौं संंक्रमित

0

काठमाडौं । नेपालमा कोरोनाका पाँचौ संक्रमित भेटिएका छन्। स्वास्थ्य तथा जनसंख्या मन्त्रालयका प्रवक्ता डा. विकास देवकोटाका अनुसार बेल्जियमबाट काठमाडौं आएकी युवतीमा कोरोना देखिएको हो।

बेल्जियमबाट कतार हुँदै काठमाडौं आएकी ती १९ वर्षीया युवतीमा कोरोना पोजिटिभ देखिएको हो। उनका अनुसार ती युवती अहिले चिकित्सकको निगरानीमा उपचार गरिरहेकी छन्।

देवकाटाका अनुसार राष्ट्रिय जनस्वास्थ्य प्रयोगशाला टेकुमा गरिएको परीक्षणमा ती युवतीमा कोरोना देखिएको हो। उनी चैत ४ गते कतार एयरवेजको क्युआर ५२५ उडानमार्फत् काठमाडौं आएको खुलेको छ।

यसअघि फ्रान्सबाट कतार हुँदै आएकी काठमाडौंकी युवतीमा कोरोना देखिएको थियो। उनी अहिले टेकु अस्पतालमा उपचाररत छिन्।

भारतमा संक्रमितको संख्या नौ सय नाघ्यो, मृत्यु हुनेको संख्या २०

0

एजेन्सी । भारतमा कोरोना भाइरस (कोभिड–१९) बाट संक्रमित हुनेहरुको संख्या नौ सय नाघेको छ । शनिबार मात्र भारतमा १५ नयाँ संक्रमित फेला परेका छन् । यसअघि शुक्रबार १६० नयाँ संक्रमित देखिएका थिए । शुक्रबार भारतमा एकैदिनमा अहिलेसम्म सबैभन्दा धेरै मानिसमा यो भाइरसको संक्रमण देखिएको हो ।

भारतको सबैभन्दा प्रभावित राज्य केरलामा १७६ संक्रमित फेला परेका छन् भने महाराष्ट्रमा संक्रमितको संख्या १६२ पुगेको छ । अहिलेसम्म भारतको २७ राज्यमा कोभिड–१९ को प्रकोप फैलिइसकेको छ । नेपालसँगको सीमानाका जोडिएका राज्यहरुमध्ये बिहारमा अहिलेसम्म नौ जनामा भाइरसको संक्रमण देखिएको छ भने उत्तर प्रदेशमा ४९ जनामा संक्रमण देखिएको छ ।

त्यस्तै, उत्तराखण्डमा ५ तथा पश्चिम बंगालमा १५ जनामा यो भाइरसको संक्रमण पाइएको छ । यसैबीच दिल्लीका मुख्यमन्त्री अरविन्द केजरीवालले आफ्नो राज्यमा यो भाइरस तेस्रो चरणमा प्रवेश गर्ने अवस्थामा रहेकोले तयारी अवस्थामा रहन सबैलाई आग्रह गरेका छन् ।

यो अवस्थामा कुनै विदेश गएर आएका मानिससँगको सम्पर्क बिना नै यो भाइरस पूरै समुदायमा फैलिन सुरु गर्छ ।

लकडाउमा पनि कुखुरा तस्करी गर्ने एक जना पक्राउ

0

वीरगंज । एक क्विन्टल ५० किलाे ग्रम कुखुरा सहित एक जनलाई प्रहरीले पक्राउ गरेकाे छ । लकडाउनमा पनि आज विहान ७:३० बजे माेटरसाइकलमा भारतबाट कुखुरा ल्याइरहेका सुचनाकाे आधारमा पर्साकाे बहुदरमाई नगरपालिका वडा नं. ४ बहुअरीका नौसाद अंसारीलाई पक्राउ गरिएकाे प्रहरीले जनाएकाे छ ।

ग. ७. प. ६५६७ नम्बरकाे माेटसाइकल र कुखुरा सहित मानिसलाई नियन्त्रणमा लिइएकाे इलका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताउनु भयाे । अस्थाइ प्रहरी चाैकी बहुअर्वा भाठाले पक्राउ गरेकाे कुखुरा आजै इलाका प्रहरी कार्यालय पाेखरियाकाे परिसरमा जेसिबीले खाल्डाे खनी नष्ट समेत गरिएकाे प्रहरी निरिक्षक सिंहले वताउनु भयाे ।

बिन्दवासिनी गाउँपालिकाकाे बहुअर्वा भाठाबाट नियन्त्रणमा लिइएकाे ६५ वटा कुखुरा पशु क्वारेन्टाइनका प्रतिनिधि, स्थानिय पत्रकार लगायतकाे राेहबारमा खाल्डाेमा पुरी नष्ट गरिएकाे सिंहले जानकारी गराउनु भयाे  ।

काेभिड १९ काे चुनाैतिलाई अवसरकाे रूपमा रूपान्तरण गराैं : बस्नेत

0

हामीले धेरै पहिले नभएतापनि कम्तिमा WHO ले COVID -19 लाइ महामारी घाेषणा गरिसकेपछि नेपालका सबै सीमानाका लक गर्नुपर्थ्याे । त्याे गर्न सकेनाैं , त्यही भएर काेराेना संक्रमण भएका विश्वका धेरै देशहरूमा छरिएका नेपालीहरू हतार हतार नेपाल फर्केिए । उनीहरूमध्ये कति संक्रमित थिए, कतिलाइ संक्रमण फैलाए, फैलाइरहेका छन् र फैलाउन सक्नेछन, त्यसकाे व्यवस्थापन अहिलेकाे प्रमुख प्राथमिकताकाे विषय हुनुपर्दछ ।

अहिलेकै व्यवस्था जारी रहने हाे भने COVID -19 ले कति मानिस मर्दछन भन्ने पूर्वानुमान गर्न त सकिदैन तर यति पूर्वानुमान चाहिं अवश्य गर्न सकिन्छ ः COVID -19 ले भन्दा बढी मानिसहरू भाेकमरीले मर्नेछन । तसर्थ अझै धेरै ढिला भैसकेकाे छैन । यस्ताे अवस्था अाउन नदिन तत्कालै यति चाँही गर्नै पर्दछ भन्ने लाग्दछ ।

१. पछिल्लाे समय संक्रमण फैलिएका विश्वका धेरै देशहरूबाट नेपाल भित्रिएका काेराेना पाेजिटिभ वा शंकास्पद व्यक्तिहरू विस्तारै देखापर्दै जाने भएकाेले अात्तिहाल्न जरूरी छैन । तिनीहरूबाट संक्रमण अरूमा फैलन नदिन उच्च सतर्कता अपनाअाैं, व्यापक जनचेतना विकास गराैं, संक्रमित व्यक्तिहरूकाे उपचार गर्न Personal Protective Equipment लगायत अाधारभूत सामागी र उपकरण सहितका अाधारभूत पूर्वाधार तयार गराैं ।

२.काेराेना भाइरस नियन्त्रणमा नअाएसम्म विदेशीभूमिबाट मानिसहरूलाइ नेपाल प्रवेशमा पूर्ण रूपमा राेकलगाउअाैं । नेपालभित्र रहेका अाफन्तहरूले पनि अाफ्ना अाफन्तहरूलाइ नेपाल बाेलाउनु भन्दा अाफन्तहरू विश्वकाे जुन कुनामा रहेका छन् साेही ठाउँमा सुरक्षित रहन अनुराेध गराैं ।

३. नेपाल भित्रिने मालसामानहरूलाइ सीमा नाकामा disinfect गरेर मात्र नेपाल नेपाल प्रवेश गर्ने प्रवन्ध गराैं ।

४. हालसालै नेपाल फर्किएका मानिसहरू संक्रमणकाे उच्च जाेखिममा रहेकाले केहि समयसम्मम ती मानिसहरू र तिनकाे सम्पर्कमा अाएका अन्य मानिसहरूलाइ खाेजी गरी क्वारेन्टाइनमा राखाैं । सम्वन्धित व्यक्ति वा निजका परिवार इमान्दार बन्ने हाे भने सरकारी क्वारेन्टाइन भन्दा हाेम क्वारेन्टाइन उपयुक्त हुन सक्छ ।

५. अहिले जस्ताे पुरै देशमा लकडाउन घाेषणा जारी राख्नुभन्दा पनि अन्य उपाय खाेज्न जरूरी छ । बरू १४ दिन यता बाहिरीया वा शंकास्पद व्यक्ति नअाएका गाउँ र क्षेत्र (territory) लाइ अाजै र अरूलाइ क्रमशः काेराेना मुक्त क्षेत्र घाेषणा गरी उत्पादनशील काममा लागाैं ।

६. उन्नत प्रविधि , ज्ञान र सीपकाे उच्चतम उपयाेग गरी बाँझाे रहेका खेतवारीहरूमा डलर फलाउँ ।कृषिमा उत्पादन र उत्पादकत्व बढाइ हरितक्रान्ति गराैं ।

७. यस्ताे बेला उद्याेग, कलकारखाना बन्द गरेर हाेइन , त्यहाँ काम गर्ने कर्मचारीहरूलाइ Isolate गरी केहि दिनसम्म यदि काेहि संंक्रमित समेत भएका हुन सक्ने कुरालाइ विचार गरी उच्च सतर्कता अपनाउदै उत्पादनका काममा लगाउअाैं ।

१४ दिनसम्म कुनै लक्षण नदेखिए काेराेना मुक्त उद्याेग, प्रतिष्ठान घाेषणा गरी सबै कामदारहरूलाइ उक्त उद्याेग, प्रतिष्ठानभित्रै वा नजिककाे सुरक्षित स्थानमा बस्ने व्यवस्था गरी थप incentive समेत दिइ बाहिर निस्कन नदिइ अधिक समय उत्पादनका काममा लगाअाैं । अहिले विश्वका ठुला अर्थतन्त्र भएका देशहरू काेराेनााका कारण थिलाेथिलाे भएकाे अवस्थामा हामीले तुलनात्मक लाभका वस्तुहरू उत्पादन गर्न सके विदेशी मुद्रा अार्जनकाे सूवर्ण अवसर छ । हामीले मास्क, सेनेटाइजर, अाैषधी, सावुन, काेराेनाबाट बच्ने personal Protective Equipment जस्ता सामाहरूमात्र ठूला संख्यामा उत्पादन गरी निर्यात गर्न सकेमा अर्वाैं वैदेशिक मुद्रा अार्जन गर्ने अवसर छ ।

-अरू पनि लेख्न त मन थियाे तर लक डाउनलाइ सफल बनाउन र यसकाे व्यवस्थापन गर्न र यसकाे नाममा हुन सक्ने कृत्रिम अभाव, कालाेबजारी राेकथाम र नियन्त्रण गर्न काममा जुट्नुपर्ने भएकाेले अहिलेलाइ याे भन्दा बढी लेख्न सकिएन । थप सुझाव थप्दै जान यहाँहरूलाइ हार्दिक अनुराेध गर्दछु ।
-काेभिड १९ लाइ चुनाैतिकाे रूपमा हाेइन अवसरकाे रूपमा रूपान्तरण गराैं ।

पर्साका सहायक प्रमुख जिल्ला अधिकारी ललित कुमार बस्नेतले आफ्नाे फेसबुक वालमा लेख्नु भएकाे बिचार जस्ताकाे त्यस्तै ।

लकडाउनकाे पांचाै दिन झन कडाई, ५७ जनालाई कारवाही (फाेटाेफिचर सहित)

0

वीरगंज । लकडाउनकाे आज पांचाै दिन प्रहरीले झन कडाई गरेकाे छ । विश्वभर महामारीकाे रुपमा फैलिरहेकाे काेराेना भाइरस संक्रमण राेकथामकाे लागि गरिएकाे लकडाउनकाे पांचाै दिन पनि वीरगंज लगायत पर्साकाे ग्रामिण भेगकाे सडक सुनसान देखिएकाे छ ।

अति आवश्यक काम वाहेक बाहिर निस्कने सवारी साधनहरुलाई प्रहरीले कारवाही गर्न थाले पछि सडकहरु सुनसान देखिएकाे हाे ।  शुक्रबार मात्र लकडाउन उल्लंघन गर्ने ५७ वटा सवारी साधान प्रहरीले नियन्त्रमा लिई कारवाही गरेकाे छ ।

वीरगंजबाट लकडाउन उलंघन गर्ने माेटरसाइकल ५४ वटा, मिनि ट्रक १ वटा, अटो रिक्सा १ वटा, पिक्अप भ्यान १ एक गरी जम्मा ५७ वटा सवारी साधनलाई कारवाही गरिएकाे जिल्ला प्रहरी कार्यालय पर्साले जनाएकाे छ । ति सवारी साधनका धनीहरुबाट रु ३१ हजार राजस्व अशुली समेत भएकाे प्रहरी कार्यालयले जनाएकाे छ ।

इटलीमा एकैदिन ९१९ जनाको मृत्यु, स्पेनमा ७७७ मृतक थपिए

0

काठमाडौं । इटालीमा कोरोना भाइरस (कोभिड–१९) को कारण शुक्रबारमात्रै ९१९ जनाको मृत्यु भएको छ ।

यो दैनिक मृत्यु हुने संख्यामा अहिलेसम्मकै उच्च हो । मृतकमध्ये ६ सयजना बढी लोम्बार्डी क्षेत्रका हुन् । इटालीमा कोरोना संक्रमणबाट मृत्यु हुनेको कुल संख्या ९ हजार १ सय ३४ पुगेको छ ।

यसैगरी स्पेनमा एकैदिन ७७७ जनाको ज्यान जाँदा कूल मृतकको संख्या ५ हजार १ सय ३८ पुगेको छ । स्पेनमा ७ हजार ९ सय ३३ जना नयाँ संक्रमण पुष्टि भएको छ ।

यससँगै संक्रमितहरुको कुल संख्या ६५ हजार ७ सय १९ पुगेको छ ।