वीरगंज । पर्साकाे छिपहरमाई गाउँपालिकाले संघ सरकाले तयार गरेकाे मापदंण्ड अनुसार राहत बाँडन सुरु गरेकाे छ । गाउँपालिकाले आज वडा नं. ५ भिस्वामा चामल ३०किलो, दाल ३ किलो, आलु २ किलो, प्याज १ किलो, खाने तेल २ लिटर, नुन २ किलो, सोयाबीन २५० ग्राम र साबुन ४ थानका दरले राहत वितरण गरेकाे हाे ।
गाउँपालिकाबाट वडा कार्यालय मार्फत वडा अन्तर्गतका ३ सय ३१ गरिब घर परिवारलाई राहत बाँडिएकाे वडा सदस्य जवाहर साह कानुले वताउनु भयाे ।
प्रदेश सरकारबाट राहत वितरणकाे लागि प्राप्त अनुदान र गाउँपालिकाबाट संयुक्त रुपमा राहत बाँडन सुरु गरिएकाे प्रमुख प्रशासकिय अधिकृत देवनाथ साहले वताउनु भयाे । वडा नं. ५ बाट सुरु गरिएकाे राहत वितरण यंहि अनुसारकाे सबै वडामा वितरण गरिन अधिकृत साहले वताउनु भयाे ।
सर्बदलिय समितिकाे बैठककाे निर्णय अनुसार गरिब तथा विपन्न परिवारकाे घरदुरीहरु यकिन गरी राहत वितरण कार्य सुरु गरिएकाे साहले जानकारी गराउनु भयाे ।
बिश्वभरी महामारीकाे रुपमा फैलिएकाे काेराेना भाइरसा (काेभिड १९) संक्रमण राेकथाम र नियन्त्रणकाे लागि लकडाउनमा दैनिक मजदुरी, ज्यालादारी गरी जिविकाेपार्जन चलाउने समस्या भएका अति गरिब परिवारलाई यस अनुसारकाे राहत वितरणले थप भएकाे लकडाउन अवधीभर खान पुग्ने वताइएकाे छ ।
