वीरगंज । पर्साकाे ४ पालिकाकाे ११ विद्यालयमा विद्यालयसंग सम्बन्धि लैंगिक हिंसा सम्बन्धि अभिमुखिकरण कार्यक्रम सम्पन्न भएकाे छ । दिव्य युवा क्लब र भिएसाे नेपालकाे साझेदारीमा संचालित किशाेरी सशक्तिकरणकाे लागि शिक्षा कार्यक्रम अन्तर्गत अभिुखिकरण कार्यक्रम सम्पन्न भएकाे हाे ।
कार्यक्रम संचालन रहेकाे जगरनाथपुर गाउँपालिकाकाे ६ वटा, धाेबिनी गाउँपालिकाकाे ३ वटा, पाेखरिया नगरपालिकाकाे एक वटा र वीरगंज महानगरपालिकाकाे एक वटा विद्यालयमा लैंगिक हिंसा सम्बन्धि अभिमुखिकरण सम्पन्न भएकाे परियाेजना संयाेजक गणेश ठकुरीले जानकारी दिए ।
अभिमुखिकरण मार्फत विद्यालयमा अध्ययनरत छात्र/छात्रा र शिक्षकहरुलाई विद्यालयसंग सम्बन्धित लैंगिक हिंसा बारे चेतना प्रदान गरिएकाे उनले वताए । विद्यालयसंग सम्बन्धित लैंगिक हिंसाकाे घटनाहरु न्यूनिकरण गर्न कार्यक्रमकाे प्रमुख उद्देश्य रहेकाे संयाेजक ठकुरीले जानकारी गराए ।
मंसिर २७ गते साेमबारदेखी सुरु भएकाे अभिमुखिकरण कार्यक्रम आइतबार अन्तिम दिन वीरगंजकाे त्रिजुद्ध माध्यमिक विद्यालयमा आयाेजना गरिएकाे थियाे । कार्यक्रममा परियाेजनाका कर्मचारी र स्वयम्सेवकहरुले प्रशिक्षण दिएका थिए ।