वीरगंज । युवा वचनले पाँचौ पटक आकस्मिक रक्तदान कार्यक्रम सम्पन्न गरेको छ । वीरगंजकाे आदर्शनगरमा भएकाे कार्यक्रममा ६ जना महिलासहित १ सय ३६ जनाले रक्तदान गरेको आयाेजक संस्थाका किशन सर्राफले वताए ।
संस्थाका केन्द्रीय अध्यक्ष पियुष कादमियाको सभापतित्वमा भएको कार्यक्रममा वीरगञ्ज महानगरपालिकाका नगरप्रमुख विजय कुमार सरावगी, प्रमुख जिल्ला अधिकारी पिताम्बर घिमिरे, नेपाल रेडक्रस सोसाइटीका मधु राणा, ग्रिनसिटी सामुदायिक प्रहरी सेवा केन्द्र आदर्शनगरका अध्यक्ष जयप्रकाश खेतान, युवा नेता तथा समाजसेवी ओमप्रकाश सर्राफ, सामाजिक अभियन्ता प्रकाश थारू लगायतको सहभागिता रहेको थियो ।
कार्यक्रममा अर्चना चौधरी ,लक्ष्मी गौतम , मुस्कान साबु , रेखा साह, सुस्मीता गुप्ता, अंशुमन तिवारी, सुसिल पटेल, रबी साह, ओम झा लगायतले रक्तदान गरेका थिए । रक्तदान कार्यक्रम रक्तसञ्चार केन्द्र वीरगञ्जका प्रमुख सौरभराज पाण्डे नेतृत्वकाे प्राविधिकहरुकाे प्राविधिक सहयाेगमा भएकाे थियाे ।