वीरगंज । पर्सा प्रहरीले लागु औषध गाँजा सहित पांच जनालाई नियन्त्रणमा लिएकाे छ । विशेष सूचनाको आधारमा खटिएकाे प्रहरी टाेलीले मंगलबार राति ९:३० बजेको समयमा वीरगंज महानगरपालिकाकाे वडा नं. २० हरपतगञ्जबाट ५० केजी गाँजा सहित पांच जनालाई नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।
पक्राउ पर्नेमा पर्साकाे बहुदरमाई नगरपालिकाकाे वडा नं. १ बिश्रामपुर निवासी ४० बर्षिय पारस यादव, साेही ठाउँ निवासी ५२ बर्षिय मैनादिन मियाँ, बहुदरमाई नगरपालिका कै वडा नं.७ तिकुलिया निवासी ३६ बर्षिय अकवर मियाँ र वडा नं.७ कै छप्कैया निवासी ४५ बर्षिय शिव महताे रहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक किशाेर लम्सालले जानकारी दिए ।
हरपतगञ्ज चोक स्थित सडक भन्दा पांच सय मिटर पश्चिमपट्टी कुलोको बाटो हुँदै चार जना अपरिचित मानिसहरू टाउकोमा लागु औषध गाँजा बोकी जाँदै गरेको अवस्थामा पांचै जनालाई नियन्त्रणमा लिईएकाे प्रवक्ता लम्सालले वताए ।
उनका अनुसार पक्राउ परेकाहरुकाे साथबाट प्लाष्टिकको बोरा भित्र रातो प्लाष्टिकले बेरी राखिएको लागु औषध गाँजा ४ पोकामा अं.५० के.जी.फेला परेकाे हाे । निजहरूलाई जिल्ला प्रहरी कार्यालयकाे हिरासतमा राखि लागु औषध सम्बन्धी कसूरमा थप अनुसन्धान कार्य भइरहेको छ ।
