वीरगंज । इलाका प्रहरी कार्यालय पटेर्वा सुगाैलीले आज श्री दिपनारायण माध्यमिक विद्यालयका छात्र/छात्राहरुलाई लैङ्गिक हिंसा सम्बन्धि प्रशिक्षण दिएकाे छ । लैङ्गिक हिंसा विरुद्धकाे १६ दिने अभियान अन्तर्गत प्रहरी कार्यालयले विद्यालयमा अध्ययनरत कक्षा ११ र १२ का विद्यार्थीहरुलाई लैङ्गिक हिंसा सम्बन्धि प्रशिक्षण दिएकाे हाे ।
समुदाय प्रहरी साझेदारी कार्यक्रम अन्तर्गत ७० जना छात्र/छात्राहरुलाई अडियाे, भिडियाे मार्फत प्रशिक्षण दिइएकाे इप्रका पटेर्वा सुगाैलीका प्रहरी निरिक्षक दिपक चाेरवारले वताउनुभयाे ।
महिला हिंसा, घरेलु हिंसा लगायतकाे लैंङ्गिक हिंसाबाट आफै सुरक्षित कसरी बाँचन सकिन्छकाे विषयमा इप्रका प्रहरी सहायक निरिक्षक सुभाष यादवले विद्यार्थीहरुलाई प्रशिक्षण दिएका थिए । साे कार्यक्रममा विद्यालयका प्रअ शिवथान थारु लगायतकाे पनि सहभागिता रहेकाे थियाे ।
प्रतिक्रिया लेख्नुहोस