वीरगंज । भाेलन्टियर समुहले आज चाैथाे शनिबार पनि नेपालको मुख्य प्रवेशद्वार शंकराचार्य गेटकाे सरसफाई गरेकाे छ । बिरगंज स्थित रहेकाे नेपाल मुख्य प्रबेशद्वार शंकराचार्य र त्यस वरिपरिकाे क्षेत्रकाे चाैथाे हप्ता पनि सरसफाइ गरिएकाे भाेलन्टियर वीरगंजका महासचिव श्याम सरार्फले वताए ।
सरसफाई कार्यक्रममा विगतका शनिबार जस्तै वीरगंज महानगरपालिकाले दमकल पठाएर सहयाेग गरेकाे सरार्फले जानकारी गराए । भाेलन्टिय समुहले शंकराचार्यद्वारकाे सरफाईलाई निरन्तरता दिए पछि साे क्षेत्र पहिला भन्दा सफा देख्न थालेको छ ।
भाेलन्टियर वीरगंजका उपाध्यक्ष करणा यादवकाे अध्यक्षतामा भएकाे सरसफाई कार्यक्रममा मुख्यमन्त्री संवस्छता अभियानका संयोजक सलाउदिन अहमद, समाजिक अभियान्ता प्रकाश थारू, महिला नेत्री रम्भा मिश्र, विद्यार्थी नेता इशक कुमार, कमलेश कुश्वाहा, दिलपाल साह, करण यादव, अनिष कान्त कुश्वाहा, दयाशंकर सरार्फ, विंकी सरार्फ, राधेश्याम साह, आकाश सरार्फ लगायतकाे सहभागीता रहेको थियो।
बिरगंज रक्सौल नाका प्रबेशद्वार क्षेत्र साप्ताहिक सरसफाई अभियानको चाैथाे हप्ताकाे सरसफाई कार्यक्रममा देशभरीको महिला र बालबालिकाको पहल अभियानको अभियन्ता शामिल भएका छन् । चितबनको आरती धिमिरे, गोदावरीको रंजिता श्रेष्ठ, तारा खड़का, तिलौराकोट बुटवलको नीरा तिमिलसिना, तिनकुने सरसफाई अभियन्ता श्रुति सिंह, जनकपुर ईं. निशांत कुमार, सिरहा सरसफाई अभियन्ता डॉक्टर संजय साह, हेटोडा मकवानपुरका माया न्यौपाने, राैतहटका शितान्सु सिंह सहभागिता जनाएका हुन् ।
सरसफाइ कार्यक्रममा जन्मदिनको अवसरमा एक जना महिलाले मास्क र गल्भस अभियानको लागी सहयोग गरेका थिए ।