बीरगंज । पर्साको बिन्दवासिनी गाउँपालिकाको गाउँ सभा आज सम्पन्न भएको छ । गाउँपालिका अध्यक्ष श्रीलाल साह कानुको अध्यक्षतामा भएको सभामा आर्थिक बर्ष ०७६/०७७ को लागि कुल ३२ करोड ९७ लाख बराबरको बजेट प्रस्तुत गरिएको छ ।
जसमा चालु तर्फ १६ करोड, ७० हजार र पूँजीगत तर्फ १६ करोड, ९६ हजार, ६७ हजारको बजेट पारित भएको प्रमुख प्रशासकिय अधिकृत सुजित साहले वताए । सभाले बिभिन्न बिषयमा योजना तय गर्नुको साथै शिक्षा, स्वास्थ्य, सामाजिक क्षेत्र, बिकास निर्माणमा समेत बजेट बिनियोजन गरेको शासकिय अधिकृत साहले वताए ।
साहका अनुसार सभाले शिक्षामा ९५ लाख ६८ हजार, स्वास्थ्यमा ३९ लाख ९८ हजार, कृषीमा ५० लाख, पशुमा २३ लाख लगायतको शिर्षकमा बजेट छुट्याएको छ । बजेटले शिक्षा, स्वास्थ्य, कृषी, सडक, नाला लगायतको पालिकाको समग्र बिकासमा ध्यान दिने जनाइएको छ । गाउँ सभामा गाउँपालिकाकी उपाध्यक्ष किरण देवी गुप्ताले बजेट प्रस्तुत गरेकी थिइन ।