वीरगंज, ६ असार ।
पर्सा बिन्दवासिनी गाउँपालिकामा जनप्रतिनिधि र पत्रकारहरु बिच मैत्रीपुर्ण फुटबल प्रतियोगिता सम्पन्न भएको छ । बिन्दवासिनी गाउँपालिकाको सहयोगमा द न्यू स्टार युवा क्लब बहुअर्वा भाठाले आयोजना गरेको मैत्रीपुर्ण फुटबल प्रतियोगितामा जनप्रतिनिधि विजयी भएका छन । बहुअर्वा भाठाको फिल्डमा भएको फुटबल प्रतियोगितामा जनप्रतिनिधिको समुहले पत्रकारहरुलाई ३ गोलले हराउदै विजयी भएको हो ।
कार्यक्रमका प्रमुख अतिथी नेपाल पत्रकार महासंघ पर्साका अध्यक्ष श्याम बन्जाराले पत्रकारहरुले आफु हारेर पनि पत्रकार र जनप्रतिनिधि बिचको विश्वास कायम राख्न जनप्रतिनिधिहरुलाई जिताएको वताए । प्रतियोगिताले जनप्रतिनिधि र पत्रकारहरुको बिचको सम्बन्धलाई अझै बलियो बनाउने उनको भनाई थियो ।
कार्यक्रमकी बिशिष्ठ अतिथी बिन्दवासिनी गाउँपालिकाकी उपाध्यक्ष किरण देवीले गाउँपालिका अन्तर्गतको सबै विद्यालयमा खेल मैदानको व्यवस्था गरिने वताईन ।
आयोजक क्लबका अध्यक्ष रामसनेही प्रसाद चौहानको अध्यक्षतामा भएको फुटबल प्रतियोगितामा वडाध्यक्ष सकदेव प्रसाद यादव, अनुज चौरसिया, संजय चौहान, संघिय प्रेस प्रदेश नं. २ का उपाध्यक्ष विजय कुशवाहा, नेपाल पत्रकार महासंघ प्रदेश नं. २ का सदस्य जगत राई, पर्साका सचिव युवराज खडका लगायतकाले मन्तव्य राखेका थिए । कार्यक्रमको संचालन मुकलेश गद्दीले गरेका थिए ।