पर्सा, ४ कात्तिक ।
पर्साको कालिकामाई गाउँपालिका वडा नम्बर २ गदियानी स्थित रहेको नहरमा ओभरलोड पानीले गर्दा बाटो बन्द भएको छ । नारायणी सिचाई डिभिजन नम्बर ५ अन्तर्गत पर्ने ब्लाक नम्बर २ को बिएससी ४ र ५ मा अधिक पानी बहाव पछि नहरको माथीबाट पानी झर्दा झर्दै बाटो बिग्रे पछि आवागमन अवरुद्ध भएको छ ।
धान फल्ने समयमा र अधिकत्म धान फलिसकेका कारण पानीको आवश्क्ता नगन्य मात्रामा रहेकोले पानी छोडदा कम मात्रामा छोडनु पर्ने कालिकामाई गाउपालिका वडानम्बर २ गदियानीका उपेन्द्र तिवारीले बताएका छन । अब अधिकांशत किसानहरुले दलहन र तेलहन बाली पनि खेतमा छरिसकेकाले पानीको मात्रा कि त क कम गर्नु पर्ने नत्र बन्द नै गर्नु पर्ने किसानहरु बताएका छन ।
पानी खेतमा धेरै मात्रामा रहेकोले दलहन र तेलहन बाली लगाउन पनि ढिलाई भईरहेको किसानहरुको तर्क छ । अधिक पानीका कारण कृषकहरु पानीलाई खेतमा नराखी नदि र खोलामा झार्ने काम गरेकोले बेकारमा पानी नोक्सान भईरहेकोले नहरमा पानी अब नछोडदा नै बेस हुने कृषकहरु बताएका छन ।