Date
आइत, मंसिर ६, २०८३
Sun, November 22, 2026
Home Blog Page 978

लकडाउन र इद

0

इद मुस्लिम समुदायको सबै भन्दा ठलाे पर्व हो। इदको तयारी एक महिना अगाडि अर्थात रोजा (वर्त) बसेर गरीन्छ । रमजान महिना मुस्लिमहरुको सबै भन्दा पवित्र महिना हो । जहाँ एक महिना बर्त बसिन्छ । करिब ४ बजे भन्दा बिहान अगाडि खाना खाइन्छ र दिनभरी बेलुका ७ बजेसम्म केहि नखाई बर्त बसिन्छ । रमजान महिनामा मिठो मिठो परिकार पकाइन्छ । आज फेरी म आफ्नो बाल्यकाल सम्झिन चाहन्छु । हामी रमजान महिना भरी विभिन्न परिकारको खाना परिकार खाना पकाइन्थियो । हामी बर्त बस्दा बिहानै ३ बजे उठेर खाना खाइन्थ्यो । कहिले काहीँ परिक्षाको महिनामा रमजान पर्दा हामी विहान ३ बजे खाना खाएर
पढ्न बस्थेम र १० बजे परीक्षा सकेर घर आउने गर्थे । म रमजान महिनामा सबै परिवार एक साथ भइन्थ्यो । कयौ महिनासम्म नबोल्ने इष्टमित्र, परिवारहरुको झगडा बिर्से र हामीसँगै रमाउने गर्थेम । मासु, माछाको परिकारका धरेै जसो बनाइन्थियो । हामी एक महिना अगाडिबाट खुसि हुन्थेम किनभने हिन्दुधर्ममा दसै जस्तै मुस्लिमकोलागि इद हन्छ । इदमा नयाँ नयाँ कपडाहरु बुबाहरु किन्नुहुन्थ्यो। सबै हाम्रो लागि नँया नयाँ कपडा किनिन्थ्यो । यसै गरी रमजान महिनामा जाकात निकालिन्छ जनु गरिब, एकल महिला र असहायलाई दिइन्छ । हामी इदको अघिल्लो दिन हामी सबै मुस्लिम साथीहरु मिलेर इदगाह (इदको नमाज पढ्ने ठाउँ) गाउँ बाहिर शान्त वातावरणमा हुन्थ्यो । हामी गएर त्यहा सफा सुग्घर र विवाहको मण्डप जस्तै झिलिमिलि बनाउथे । बेलुका अबेलासम्म इष्टमित्र आफन्तसँग गफगाफ हुन्थ्यो । र भोली बिहानै उठेर नमाजको लागि इदगाहमा नुहाएर नयाँ कपडा,
टोपी, रुमाल, लगाई सबै हिडेर इदगाह पुगिन्थ्यो त्यो बेला त्यो नयाँ कपडा लगाउँदा छुटै आनन्द र खुसी भइन्थियो दिदिबहिनी आमाहरु मेहन्दी लगाउनु हुन्थ्यो। कति रमाइलो हुन्थियाे त्योबेला आँखामा झलझली आउँछ ।

तर यो वर्ष पहिलाको जस्तै रौनक छैन । आफन्तहरु पनि आफ्नो आफ्नै ठाउँमा लकडाउनमा हनुहुन्छ । यो वर्षको इदमा परिवार सबै कोहि कता कोहि कता हुनुहुन्छ । इदको उत्साह थाेरै पनि छैन । सायद यो जिवनको पहिलो खल्लो र नरमाइलो इद हुने छ । कसैको मनमा खुसी देखिदैन । तर यसपालिको इद हामी अलि फरक तरिकाले मनाउने सोचेको छौ । यो वर्षको इदको दुवा प्रार्थना कोरोना भाइरसको रोकथाम र समाधानको लागि हुनेछ । यो वर्षको इदको दुआ त्यो सबै पिडित परिवारलाई हुनेछ । यो वर्षको इदको दुआ त्यो डाक्टर, नर्स, सेना र सुरक्षाकर्मीकोलागि हुनेछ । हामीले यो वर्ष पुरानै कपडा लगाएर इद मनाउने छ । यो वर्ष नयाँ कपडा किन्नको लागि छुट्याएको पैसालाई त्यो गरिब पिडित असहायलाई सहयोग गर्नेछाैं । यो वर्ष कोहि गरिब वा धनी सबै सम्मान रुपमा कपडा लगाउने छन । यसपालि हात र गले मिलेर होइन टाढा भई दिलबाट आशिष दिइनेछ । नमाज घरमै पढिन्छ । यो वर्ष भेटेर होइन सामाजिक सञ्जालबाट कुराकानी शुभकामना आदानप्रदान गरिनेछ । यो वर्ष आफ्नै घरमा बनाएको सेवई (इदको दिन खाने परिकार) बनाएको छाै । आफ्नै घरमा भएका सिमित चिजबाट इद मनाउने छाै । यो वर्ष इदको सम्झना जिवनभरी हुनेछ ।

    मुस्तफा आलम

वीरगंज नगवाका एक सहित पर्साका थप ३ जनामा काेराेना संक्रमण

0

वीरगंज । पर्सामा आज  संंक्रमण फेला परेका ३ जना          मध्ये एक जना प्रहरी रहेको खुलेको छ ।

संक्रमण पुष्टि भएका वीरगन्जस्थित त्रिजुद्ध स्कुलकाे क्वारेन्टाइनमा एक जना, एक जना संंक्रमित ब्यक्तिको नजिकमा आएको व्यक्ति र एक जना बारामा कार्यरत प्रहरी रहेको नारायणी अस्पतालका मेसु डा. मदन कुमार उपाध्यायले वताए ।

वीरगंज १६ नगवाका ६० बर्षिय पुरुष, वीरगंज नै ठेगाना भएकाे २५ बर्षिय पुरुष र पर्सा घर भएका बारामा कार्यरत ३४ बर्षिय पुरुषमा काेराेना संक्रमण पुष्टि भएकाे मेसु डा उपाध्यायले वताए । याेसंगै पर्सामा संक्रमितकाे संख्या ९४ पुगेकाे छ ।

पर्सा ठेगाना भएका बारामा कार्यरत संक्रमित व्यक्ति प्रहरी रहेको उपाध्यायले जानकारी गराए ।

पर्सामा ३ सहित थप १९ जनामा काेराेना, संक्रमितकाे संख्या ६०३ पुग्याे

0

वीरगंज । नेपालमा थप १९ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रायलका प्रवक्ता डा विकास देवकोटाले थप १९ जनामा कोरोना संक्रमण पुष्टि भएको जानकारी दिएका हुन्।

यो सहित नेपालमा संक्रमितको संख्या ६ सय ३ पुगेको छ। स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार संक्रमण देखिएकाहरु स्वास्थ्यकर्मीको सम्पर्कमा रहेका छन्।

आज मोरङ १, बारा १, पर्सा ३, रौतहट १, सर्लाही १, रूपन्देही ६, काठमाडौं सोह्रखुट्टेका १, नुवाकोटका १, कपिलवस्तु ३, गुल्मीमा १ जना संक्रमित थपिएका हुन्।

यीमध्ये नुवाकोटमा पहिलो पटक कोरोनाको संक्रमण देखिएको हो। अब देशका ७७ मध्ये ४२ जिल्लामा कोरोनाको संक्रमण देखिएको छ।

मेडिकल कलेजमा काेराेना शंकास्पदकाे निधन, रिपोर्ट आएन तर शव बुझाइयाे

0

वीरगंज । नेशनल मेडिकल कलेजमा काेराेना संकास्पद एक जना व्यक्तिकाे निधन भए पनि रिपाेर्ट नआउन्जेल नै अस्पतालले शव आफन्तकाे जिम्मा लगाएकाे छ ।

कलैया ७ बाराका ७० बर्षका एक बृद्धको जेठ ४ गते वीरगंजस्थित नेशनल मेडिकल कलेजमा उपचारका क्रममा निधन भयो। जेठ २ गते दिउँसो १ वजे अस्पताल भर्ना भएका चौधरी थरका ति बृद्धको जेठ ४ गते राती निधन भएसँगै अस्पतालले परिवारलाई शव बुझाएको थियो। परिवारले पनि शव पाएसँगै आफ्नो परम्परा अनुसार अन्त्येष्टी गर्याे।

जेठ २ गते १ वजे उपचारमा ल्याउने वित्तीकै अस्पतालकाे आइ.सि.यु. कक्षकाे भेन्टिलेटरमा राखेर ति बृद्धको उपचार शुरु गरिएको थियो।

क्षयरोग र दम समेत रहेका उनलाई पछिल्लो पटक निमोनिया पनि थियो। आइसीयूमा भेन्टीलेटरमा राखेर उपचार शुरु गर्नुअघी उनको स्वाब समेत संकलन गरेर टेस्टका लागि नारायणी अस्पतालमा पठाइएको थियो। तर स्वाबको रिपोर्ट आउनुअघी नै ४ गते साँढे १२ वजेतिर ति बृद्धको मृत्यु भयो।

अस्पतालले स्वाबको रिपोर्ट आउने बेलासम्म शव अस्पतालमा राख्न आवश्यक ठानेन। न त यसको जानकारी प्रशासनलाई नै दियो। स्वाबको रिपोर्ट आउनु अघी परिवारलाई शव जिम्मा लगाइयो। परिवारले पनि शव पाएपछि धार्मिक परम्परा अनुसार सद्गती गरे।

नारायणी अस्पतालमा स्वाबकाे टेस्टका क्रममा शंकास्पद देखिएपछि नारायणी अस्पतालले टेकुस्थित प्रयोगशालामा पठायो। टेकुको प्रयोगशालाको रिपोर्ट अहिलेसम्म नआएको नारायणी अस्पतालका मेडिकल सुपरिटेण्डेण्ट डाक्टर मदन कुमार उपाध्यायले जानकारी दिए।

उनले नारायणी अस्पतालमा स्वाबकाे चेकअप गर्दा थप शंकास्पद देखिए पछि किलियर हुन काठमाण्डाै टेकुस्थित प्रयाेगशाला पठाइएकाे वताए ।

उनले जेठ ६ गते नै पठाइएकाे स्वाब टेस्टकाे रिपाेर्ट अझै आउन नसकेकाे र आज सांझ सम्म आउने सक्ने वताए ।

वीरगञ्जमा गरिएको परिक्षणको रिपोर्ट थाहा पाएपछि नेशनल मेडिकल कलेज पनि समस्यामा परेको छ। कलेज प्रसासनले कोरोना संक्रमित विरामीकै कारणले आइसीयू बन्द गरेको भन्न पनि नसक्ने र संचालनमा ल्याउन पनि नसक्ने अवस्था भएपछि अस्पतालका निर्देशक प्राध्यापक डाक्टर प्रमोद कुमार शर्राफले एक सूचना निकालेर ३ दिनका लागि नयाँ विरामी नलिने जानकारी दिएका छन्।

सर्राफले प्रत्येक तीन महिनामा फ्युमीगेशन गर्नुपर्ने भएको कारण देखाउँदै शुक्रवारदेखि ३ दिनसम्म नयाँ विरामी नलिने जानकारी गराएका हुन्। अस्पताल प्रशासनले आइसीयू बन्द गर्ने निर्णय तिनै बृद्धको उपचारसँग सम्वन्धित भएकै कारण रहेको अस्पताल स्रोतले जनाएको छ।

काठमाण्डाै स्थित टेकु प्रयाेगशाला पठाइएकाे स्वाबकाे रिपाेर्ट आउन पनि ढिलाे भए पछि अनेक थरीका आशंका भइरहेकाे छ । कुनै पनि अस्पतालमा काेराेना शंकास्पद व्यक्तिकाे निधन भए पछि रिपाेर्ट नआउन्जेल सम्मकाे लागि अस्पताल नै सिल गरिने र शव अस्पताल मै राखिने गरिएकाे छ ।

तर नेशनल मेडिकल कलेजकाे गैर जिम्मेवार किसिमकाे कार्यले सबैलाई अचम्मित र त्रसित बनाएकाे छ । घटना बारे न स्थानिय प्रशासनलाई जानकारी गराइएकाे छ, न त रिपाेर्ट कै प्रतिक्षा गरिएकाेले लापरवाही देेेखिएकाे हाे ।

पर्साका प्रमुख जिल्ला अधिकारी विष्णु कुमार कार्कीले यस बारे आफुलाई थाह नभएकाे र बुझिरहेकाे प्रतिक्रिया दिए ।

घटना भएकाे एक हप्तामा पनि सम्बन्धि जिल्लाकाे प्रमुख जिल्ला अधिकारीलाई समेत घटना बारे थाह नहुनुले मेडिकल कलेज प्रशासनकाे गैर जिम्मेवार र गम्भिर किसिमकाे लापरवाही देखिएकाे छ ।

मेडिकल कलेजका डा. असर्फ हुसेनले रिपाेर्ट आउन ढिलाे भए पछि मृतककाे शव आफन्तलाई बुझाइएकाे वताए । काेराेना परिक्षणकाे लागि नारायणी अस्पतालमा पठाइएकाे स्वाबकाे रिपाेर्ट आउन ढिलाे भए पछि शव आफन्तकाे जिम्मा लगाइएकाे उनले प्रतिक्रिया दिए ।

उनलेे भने “हामीसंगै शव हुदा सम्म न त नारायणी अस्पतालले नै रिपाेर्ट बारे हामीलाई जानकारी गराएकाे थियाे न त रिपाेर्ट नै आएकाे थियाे । अब धेरै समय सम्म शवलाई राेकेर राख्ने कुरा पनि भएन, त्यहि भएर आफन्तकाे जिम्मा लगाएका हाैं ।”

शवलाई आफन्तकाे जिम्म लगाउदा घटना बारे स्थानिय प्रशासनलाई जानकारी गराउनु भयाे भनेर साेध्दा उनले कलेजमा नै आएर  कुरा गर्न गैर जिम्मेवार किसिमकाे प्रतिक्रिया दिएका थिए । तर पछि केही बेरमा फेरी आफै फाेन गरी जेठ २ गते नै पठाइएकाे शवकाे रिपाेर्ट जेठ ४ गते सम्म नआए पछि मात्र शव बुझाएकाे वताए ।

उनले थपे काेराेना परिक्षणकाे लागि पठाइएकाे स्वाबकाे रिपाेर्ट बारे हामी शव बुझाए पछि मात्र नारायणी अस्पताल प्रशासनले हामीलाई जेठ ६ गते जानकारी गराए पछि समस्या भएकाे वताए ।

यस भन्दा पहिला पनि नेशन मेडिकल कलेजकाे डायलिसिस सेवामा लापरवाही भएका कारण एक महिनाकाे अवधिमा ७ जना डायलिसिस सेवाग्राहीकाे निधन भएकाे समाचार सार्बजनिक भएकाे थियाे ।

कमिसनको चक्करमा मनपरी ढंगले मलकाे बिक्रीवितरण

0

बीरगन्ज । बीरगन्जस्थित कृषि सामाग्री कम्पनी लिमिटेडका प्रमुख गोविन्द पराजुलीले कमिसनको चक्करमा मनपरी ढंगले खाद्य सामाग्री बिक्रीवितरण गरेको आरोप लागेको छ ।

कम्पनीको प्रादेशिक कार्यालयका हाकिम पराजुलीले स्टोर किप्पर पुरुषोत्तम सिंहसँग मिलेर जताबाट धेरै कमिसन पाइन्छ त्यतैतिर बढी परिमाणमा युरिया, पोटास, डिएभी लगायतका खाद्य सामाग्री बिक्रीवितरण गर्ने गरेको नाम उल्लेख नगर्ने शर्तमा एक खरिदकर्ताले बताए । हरेक खरिदकर्ताबाट बिक्री मूल्यको कम्तीमा ५ देखि बढीमा ३० प्रतिशतसम्म कमिसनमा यो चलखेल भइरहेको श्रोतले जनाएकाे छ ।

बीरगंजस्थित कृषि सामाग्री कम्पनी लिमिटेड मातहातका १६ ठाउँमा रहेका कार्यालयलाई खाद्य सामाग्री बिक्री गर्ने गर्छ । पर्सामा भने कार्यालयले सिधैं आफै बिक्रीवितरण गर्ने गरेको छ ।

१६ ठाउँमध्ये प्रमुख पराजुलीको मिलोमतोमा केही ठाउँमा मात्र अधिक मात्रमा खाद्य सामाग्री पठाउने गरिएको श्रोतकाे भनाई छ। श्रोतका अनुसार हाकिम पराजुलीले कमिसनको चक्करमा भरतपुर, जनकपुर, त्रिशुली, धुलिखेल लगायतका ठाउँका कार्यालयमा मात्र खाद्य सामाग्री धमाधम पठाइरहेका छन् ।

यस सम्बन्धमा तथ्य बुझ्न संचारकर्मीकाे टाेली कम्पनीको कार्यालय नै पुग्यो । त्यहाँ पुगेर सबैभन्दा पहिला हामीले सूचना संकलन ग¥यौ । कम्पनीले गत चैत र बैशाख महिनामा मातहतका कार्यालयहरुमा बिक्री गरेको खाद्य सामाग्रीको विवरण हामीले त्यहाँका सुचना अधिकारी गोरखनाथ केसी मार्फत लियौं ।

विवरण अनुसार हाम्रो श्रोतले दिएको सूचना अनुसार कै तथ्य हामीले फेला पा¥यौं । कार्यालयले दिएको तथ्यांक अनुसार गत चैत महिनामा २८१ मेट्रिक टन मात्र खाद्य सामाग्री बिक्री गरिएको भरतपुरस्थित कार्यालयलाई बैशाख महिनामा १४६१ मेट्रिक टन खाद्य सामाग्री बेचिएको देखियो ।

त्यस्तै, २४६.५ मेट्रिक टन खरिद गरेको जनकपुरको कार्यालयले बैशाख महिनामा सबैभन्दा धेरै १८६ं० मेट्रिन टन खाद्य सामाग्री खरिद गरेको छ । यसैगरी, कार्यालयको तथ्यांक अनुसार चैत महिनामा १६८ मेट्रिक टन मात्र बिक्री गरिएको त्रिशुलीस्थित कार्यालयलाई बैशाख महिनामा १६१६ मेट्रिक टन खाद्य सामाग्री बिक्री गरिएको छ ।

यस्तै, ढल्केवरस्थित कार्यालयले चैत महिनामा ६३ र बैशाख महिनामा ९४० मेट्रिन टन, धुलिखेलस्थित कार्यालयले चैतमा ६१९ र बैशाखमा १३२६ मेट्रिक टन खरिद गरेको देखिएको छ । उल्लेखित सबै कार्यालयले चैतको तुलनामा बैशाखमा बढी मात्रामा खाद्य सामाग्री खरिद गरेको पाइएको छ ।

चैतमा १७ मेट्रिक मात्र बिक्री गरिएको कावासोतीको कार्यालयलाई बैशाखमा ३२३ मेट्रिन टन खाद्य बिक्री गरिएको छ । चैत महिनामा ५४७.२५ मेट्रिक टन खाद्य पाएको कलैयास्थित कार्यालयले भने बैशाख महिनामा ३९७.५५ मेट्रिक टन मात्र पाएको छ । पर्सामा २१५.२० मेट्रिक टन चैतमा र बैशाखमा १८२०.१५ मेट्रिक टन बिक्री भएको छ ।

स्मरण रहोस्, पर्साका लागि भने कम्पनीले कार्यालयबाट सिधै बिक्री गर्ने गरेको छ । कार्यालयको तथ्यांकलाई केलाउँदा श्रोतले दाबी गरे अनुसार नै चलखेल भएको देखिन्छ ।

यस सम्बन्धमा कार्यालय प्रमुख पराजुलीसँग जानकारी लिन खोज्दा आफु अहिले एउटा मिटिङ्गमा रहेको भने पन्छिन खोजे । “प्रतिक्षा गर्छौ, हामी” हामीले भनेपछि कुरेको केही मिनेट पछि नै पराजुलीले बोलाएर समय दिए । दुई चार ठाउँमा मात्रै किन बढी मात्रामा खाद्य सामाग्री पठाउनु भएको भन्ने प्रश्नमा कुरा टार्दै पराजुलीले भने “त्यहाँ धेरै खपत छ, ती ठूला कार्यालयहरु हुन् ।” कुरा टार्ने प्रयासमा उनले अहिले बालीनालीको समय नै नरहेको भन्न भ्याए ।

कलैया लगायतका यस भेगमा किन खाद्य सामाग्री नपठाउनु भएको भन्ने प्रश्नमा त्यहाँ पहिले कै स्टक रहेको भनेर प्रमुख पराजुलीले जवाफ दिए । मल राख्ने गोदामको अभावले पनि खाद्य सामाग्री नपठाएको उनले भने । हप्तै पिच्छे मल दिएको भन्दै उनले मलको व्यापार गर्ने व्यापारीले मल नपाएको गुनासो गरेको उनले दाबी गरे ।

प्रमुख पराजुलीले भने अनुसार नै कलैयास्थित कार्यालयमा पहिला कै खाद्य सामाग्री स्टक छ कि छैन भनेर सोधपुछ ग¥यौ । कलैयास्थित कार्यालय प्रमुख सिताराम श्रेष्ठका अनुसार पुरानो स्टक नरहेको बताए । १५०० मेट्रिक टन क्षमता भएको गोदाममा अहिले माग भन्दा धेरै कम मात्रामा स्टक रहेको श्रेष्ठले जानकारी दिए ।

उनले भने “ अहिले ४/५ सय बोरा मात्र स्टक छ जसमा युरिया २६.५०, डिएभी ४५५.६५ र पोटास ४१.६०० मेट्रिक टन मौज्दात छ, यो पहिलाको मौज्दात होइन ।”

श्रोतका अनुसार बीरगन्जको रामगढवास्थित गोदाममा ३० हजार बोरा र चिनीको गोदाममा १० देखि १५ गाडी खाद्य सामाग्री स्टकमा लुकाएर राखिएको छ । यता, मलको अभाव सिर्जना गर्दै कमिसनमा चक्कर जताबाट धेरै कमिसन आउँछ त्यतैतिर धमाधम मल बिक्री भइरहेको श्रोत बताउँछ ।

दया फाउन्डेशनकाे सहयाेगमा गम्हरियामा राहत वितरण

0

वीरगंज । पर्साको जीराभवानी गाउँपालिका वडा नम्बर १ को गम्हरीया टोलमा रहेका अति विपन्न, गरीब परिवारलाई राहत आज सामाग्री वितरण गरीएको छ ।

दया फाउन्डेशनको आर्थिक सहयोग तथा भीसिएन नामक संस्थाको समायोजनमा गम्हरीयाटोलका गरीब, लोपुन्मुख अति विपन्न ३६ परिवारलाई राहत सामाग्री वितरण गरीएको सामाजिक अभियन्ता प्रकाश थारुले बताउनुभयो । लकडाउन भएको समयदेखी नै  मारमा परेका उक्त टोलका ज्याला मजदुरी गरी जिविका चलाउने अति विपन्न परिवारलाई राहत वितरण गरिएकाे समाजिक अभियान्त थारुले जानकारी गराउनुभयाे ।

राहतमा चामल १५ किलाे, दाल, आलु, तेल, नुन, हात धुने साबुन लगायत सामग्री वितरण गरिएकाे सामाजिक अभियन्ता थारुले बताउनुभयो ।

स्थानीय केही युवाहरुले गाउँमा कोरोनाको माहामारी भन्दा भोकमरीले मर्ने अवस्था सिर्जना भएको भन्दै सहयोगको आग्रह गरेपछि सामाजिक अभियन्ता प्रकाश थारुको पहलमा भिसीएन नामक संस्थाले ३६ परिवारलाई राहत सामाग्री वितरण गरेको हो ।

भीसीएन नामक संस्थाका अध्यक्ष दिपक चापागाई र उपाध्यक्ष राधा मतांगीले गरीब परिवारलाई राहत सामाग्री वितरण गर्नुभएको थियाे ।

सामाजिक अभियन्ता थारुले वडा नम्बर १ को गम्हरीया टोलमा राहत बाडीएपनि उक्त टोल वरीपरीका बेल्डारी ,पकडीटोला लगायतका स्थानमा अझ सम्म पनि स्थानीयहरुले राहतको नाममा केही नपाएको र सहयोगको आवश्यक्ता रहेको बताउनुभयो ।

थप ३६ जनामा काेराेना पुष्टि, संक्रमितकाे संख्या ५८४ पुग्याे

0

काठमाडौँ । नेपालमा कोरोना संक्रमितको संख्या ५८४ पुगेको छ । स्वास्थ्य तथा जनसंख्या मन्त्रालयले शनिबार दिउँसो थप ३६ जनामा कोरोना संक्रमण पुष्टि भएको जनाएको हो ।

मन्त्रालयले आयोजना गरेको नियमित मिडिया ब्रिफिङमा प्रवक्ता डा विकास देवकोटाले संक्रमित हुनेमा बैतडीका ४, झापाका १, बाँकेका २७, बर्दियाका १ र सुर्खेतमा ३ जनामा संक्रमण देखिएको बताए ।

शनिबार बिहान पनि ३२ जनामा संक्रमण पुष्टि भएको थियो । पीसीआर विधिबाट भने हालसम्म ४५ हजार ९ सय ५७ परीक्षणहरु गरिएका छन् ।

नारायणी अस्पतालकाे आइसाेलेसनबाट ९ जना डिस्चार्ज, पत्रकारकाे रिपाेर्ट पनि नगेटिभ

0

वीरगंज । वीरगंज स्थित नारायणी अस्पतालकाे आइसाेलेसनमा उपचारत काेराेना संक्रमित ९ जना आज डिस्चार्ज भएका छन् ।

अस्पतालबाट डिस्चार्ज हुनेमा पर्साका ३ जना, बाराका २ जना, राैतहटका ३ जना र एक जना भारतिय नागरिक रहेकाे डा उदय कुमार सिंहले जानकारी दिनुभयाे ।

डा सिंहका अनुसार पर्साकाे वीरगंज महानगरपालिका वडा नं. २,३, १६ का क्रमश ३०, ५०, ५१ बर्षका पुरुष, बाराकाे सिम्राैनगढ ४ का ३१ बर्षिय पुरुष, जितपुर सिमरा १ का ४३ बर्षिय पुरुष, राैतहट गुजरा नगरपालिका ५ का ३५ बर्षिय पुरुष, इशनाथ नगरपालिकाका १९ बर्षिय पुरुष, बृन्दावन नगरपालिकाका २४ बर्षिय पुरुष र एक ४२ बर्षिय भारतिय पुरुष रहेका छन् ।

नारायणी अस्पतालकाे आइसाेलेसनमा उपचारत ७१ जना मध्ये ९ जनाकाे लगातार २ पटककाे पिसिआर रिपाेर्ट नगेटिभ आए पछि डिस्चार्ज गरिएकाे डा सिंहले वताउनुभयाे ।

यसै बिच नारायणी अस्पताल वीरगंजकाे आइसाेलेसन मै उपचारत वीरगंजका २ जना पत्रकारकाे पिसिआर रिपाेर्ट नगेटिभ आएकाे छ । दुबै पत्रकारकाे पुन: ३ दिन पछि पिसिआर परिक्षण गरिने र दाेस्राे पटक पनि रिपाेर्ट नगेटिभ आए डिस्चार्ज गरिने छ ।

यस बारे बुझ्न अस्पतालका मेसु डा मदन कुमार उपाध्यायसंंग फाेनमा सम्पर्क गर्दा फाेन नउठेका कारण सम्पर्क हुन सकेन ।

सर्लाहीमा १३ र बारामा एक सहित थप ३२ जनामा कोरोना संक्रमण

0

काठमाडौँ । नेपालमा कोरोना भाइरस (काेभिड १९)बाट संक्रमित हुनेको संख्या ५ सय ४८ पुगेको छ । शनिबार राष्ट्रिय जनस्वास्थ्य प्रयोगशाला काठमाडौं र प्रादेशिक जनस्वास्थ्य प्रयोगशाला भैरहवा र भरतपुर अस्पताल, कोभिड-१९ प्रयोगशालामा गरिएको परीक्षणमा थप ३२ जनामा संक्रमण पुष्टि भएसँगै संक्रमितको संख्या ५ सय ४८ पुगेको हो ।

शनिबार संक्रमण पुष्टि भएकाहरुमा कपिलवस्तु, सर्लाही, बारा, रुपन्देही, चितवन र काठमाडौंका रहेका स्वास्थ्य मन्त्रालयका सहप्रवक्ता डाक्टर समिरकुमार अधिकारीले जानकारी दिए ।

शनिबार कपिलवस्तुको वाणगंगा नगरपालिकाका १७, १९, २२, २९, ३५, ४०, र ४२ वर्षका पुरुष तथा २७ वर्षीया महिला गरी ८ जनामा संक्रमण पुष्टि भएको हो । योसँगै कपिलवस्तुमा संक्रमितको संख्या ७७ पुग्यो ।

त्यस्तै सर्लाहीको गोडैता र कविलासी नगरपालिकाका १८, २०, २०, २०, २१, २२, २३, २६, २६, २८, ३३, ३५, ३५  वर्षका १३ जना पुरुषमा पनि संक्रमण देखिएको छ । सर्लाहीमा शनिबार बिहानसम्म संक्रमितको संख्या ३३ पुगेको छ ।

त्यसैगरी रुपन्देहीको गैडहवा र रोहिणी गाउँपालिकाका २०, २०, २४, २४, २७, ३०, ३०, ५५ वर्ष उमेरका ८ जना पुरुषमा पनि शनिबार संक्रमण पुष्टि भएको छ । शनिबार बिहानसम्म रुपन्देहीमा ३७ जनामा संक्रमण पुष्टि भएको छ ।

त्यसैगरी बाराको करैयामाई नगरपालिकाका ३७ वर्षीय पुरुष, काठमाडौंका ३५ वर्षीय पुरुष र चितवनको भरतपुर महानगरपालिका-६ का ५२ वर्षीय पुरुषमा पनि संक्रमण देखिएको छ ।

अहिलेसम्म नेपालका ४० जिल्लामा संक्रमण देखिएको छ । सबैभन्दा बढी बाँकेमा ११५ जनामा संक्रमण पुष्टि भएको छ । संक्रमण पुष्टि भएकाहरुमध्ये हालसम्म ७० जना निको भएका छन् । बाँके, सिन्धुपाल्चोक र गुल्मीका एक/एक गरी अहिलेसम्म ३ जना व्यक्तिको नेपालमा कोरोना संक्रमणबाट मृत्यु भएको छ ।

बारामा ६ सहित थप ९ जनामा काेराेना पुष्टि, संक्रमितको संख्या ५१६ पुग्यो

0

काठमाडौं । नेपालमा थप ९ जनामा कोरोना संक्रमण पुष्टि भएको छ। योसँगै नेपालमा कोरोना संक्रमितको संख्या ५ सय १६ पुगेको स्वास्थ्य तथा जनसंख्या मन्त्रालयका सहप्रवक्ता डा समिर कुमार अधिकारीले जानकारी दिए।

राष्ट्रिय जनस्वास्थ्य प्रयोगशाला काठमाडौं‚ विपी कोइराला स्वास्थ्य विज्ञान प्रतिष्ठान धरान र किटजन्य रोग अनुसन्धान तथा तालिम केन्द्र‚ हेटौंडामा गरिएको परीक्षणअनुसार ९ जनामा कोरोना संक्रमण देखिएको मन्त्रालयले जारी गरेको विज्ञप्तिमा उल्लेख गरिएको छ।

संक्रमण पुष्टि हुनेहरूमा हेटौंडा-३ मकवानपुर निवासी ५४ वर्षीया महिला‚ भक्तपुर निवासी ४२ वर्षीया महिला‚ सप्तरी बलान बिहुल गाउँपालिका निवासी ३५ वर्षीय पुरूष‚ बारा सिमरनगढ निवासी २२‚ २७‚ ३०‚ ३४‚ ३८ र ४५ वर्षीय पुरूष रहेको विज्ञप्तिमा उल्लेख छ।

संक्रमित सबैको स्वास्थ्य स्थिति सामान्य रहेको मन्त्रालयले जनाएको छ।