वीरगंज । पर्साकाे कालिकाकामाई गाउँपालिका वडा नं. २ भेडिहारीमा तराई मधेश समृद्ध कार्यक्रम अन्तर्गत धर्मशाला निर्माण भइरहेकाे छ ।
संघ सरकारकाे तराई मधेश समृद्ध कार्यक्रम अन्तर्गत रु २५ लाखकाे लागतमा सामुदायिक भवन (धर्मशाला) निर्माण भइरहेकाे प्रमुख प्रशासकिय अधिकृत राजु साहले वताए ।
वडाध्यक्ष साेनालाल चाैरसियाकी आमा सामपती देवीले दिएकाे जग्गामा धर्मशाला निर्माण भइरहेकाे अधिकृत साहले जनाए ।
धर्मशालाकाे अनुगमन गर्दै निर्माण कार्य समय मै पुरा गर्न उपभाेक्ता समितिलाई अधिकृत साहले निर्देशन समेत दिएका छन् ।
धर्मशाला निर्माणकाे लागि आमाले डेढ कठ्ठा जग्गा दान गर्नु भएकाे वडाध्यक्ष चाैरसियाले वताए । आमाले दान गर्नु भएकाे जग्गा गाउँपालिकाकाे नाममा रजिष्टेशन पास समेत भइसकेकाे जानकारी चाैरसियाले गराए ।
उपभाेक्ता समिति मार्फत निर्माण भइरहेकाे धर्मशालाबाट गाउँवासीलाई वैवाहिक कार्यक्रम गर्न सजिलाे हुने वडाध्यक्ष चाैरसियाले जनाए ।
यस्तै तराई मधेश समृद्ध कार्यक्रम अन्तर्गत नै वडा नं. ५ सिमरा टाेलमा पनि सामुदायिक भवनकाे निर्माण भइरहेकाे वडाध्यक्ष पवन तिवारीले वताए । सेमरा र हरिहरपुरकाे बिचमा रु २५ लाखकाे लागतमा सामुदायिक भवन निर्माण भइरहेकाे तिवारीले जानकारी गराए ।
