Date
आइत, मंसिर ६, २०८३
Sun, November 22, 2026
Home Blog Page 960

सन्जु साहद्वारा आयाेजित कार्यक्रममा ७९ जनाले गरे रक्तदान

0

वीरगंज । बाराकाे परवानीपुर गाउँपालिका वडा नं. ५ नाैतन बहुअरीमा शनिबार रक्तदान कार्यक्रम सम्पन्न भएकाे छ ।

गाउँ कार्यपालिका सदस्य सन्जु साहकाे आयाेजनामा भएकाे कार्यक्रममा ५ महिलासहित ७९ जनाले रक्तदान गरेका छन् ।

श्री रामजानकी मन्दिरकाे प्राङ्गणमा भएकाे कार्यक्रममा सीता देवी, नेहा कुमारी गीरी,चन्दन कुमार साह, सुमति कुमार, शम्भु प्रसाद कानु, राहुल शिवास्तव, त्रिलोक प्रताप सिंह, मनोज साह, निरज साह, राहुल गुप्ता, इन्द्र प्रसाद साह, जयराम दास, जितेन्द्र साह, मुकुन्द प्रसाद काफले, राजकिशोर कुशवाहा, सुनिल कुमार पटेल, नवलकिशोर गुप्ता, महेश कर्ण लगायतकाले रक्तदान गरेका थिए ।

रक्दान कार्यक्रम उद्घाटन प्रदेश २ का भाैतिक पूर्वाधार विकास मन्त्री जितेन्द्र साेनलले गरेका थिए ।

कार्यक्रमकाे उद्घाटन गर्दै मन्त्री साेनलले रक्तदान गर्नेहरुलाई धन्यवाद दिदै रक्तदानबाट बहुयामी फाइदा हुने वताए ।

रक्तदान कार्यक्रम संस्थाले मात्र नभई व्यक्तिले आयाेजना पनि गर्न सक्ने कार्यक्रमकाे आयाेजना गरी सन्जु उदाहरण बन्नु भएकाे उनकाे भनाई थियाे ।

आयाेजक संजु साहकाे अध्यक्षतामा भएकाे कार्यक्रममा नेपाल बार एसाेसियशनका केन्द्रिय उपाध्यक्ष रामचन्द्र सिंह राजपुत, परवानीपुर गाउँपालिकाका अध्यक्ष हरिनारायण प्रसाद साह, जनता समाजवादी पार्टीका नेता सिताराम प्रसाद गुप्ता, प्रसाैनी गाउँपालिका वडा नं. ३ का वडाध्यक्ष बैजु गुप्ता लगायतकाे उपस्थिती रहेकाे थियाे भने कार्यक्रमकाे संचालन अनिल साहले गरेका थिए ।

हराएका मधेसी शहीदहरु र शोसक वर्ग द्वारा लुकाइएको इतिहास

0

न्याय खोज्नको लागी दीउसै पेट्रोमैक्स बाली, आफ्नो टाउकोमा राखी भारतको संसद भवन अगाडी हराएको न्याय खोज्दै हिडेको बेला भारतीय नेता आचार्य कृपलानी र अन्य सांसदहरु सोधेका थिए यो तिमी ले के गरेको ? रघुनाथ ठाकुरको जबाब थियो : Justice is Lost or vanished from India and Nepal. I am in search of it with the help of PETROMAX in the broad day light.

मधेस कै अनेकौ शिक्षित र राजनीतिमा अग्रसर ब्यक्तित्व संग सम्पर्क गरी मधेस सम्बन्धी जानकारी प्राप्त गर्न चाहे तर मधेस सम्बन्धी जानकारी थोरै लाई मात्र रहेको थाहा पाइयो । मधेस सम्बन्धी अनेकौ प्रश्नहरु जस्तै : कस्तो अधिकार चाहिएको छ, मधेस लाई ? मधेस र मधेसीको अधिकार सम्बन्धी मुद्दा कसले उठायों ? मधेसको अर्थ के हो ? किन उपेक्षा गरिएको छ मधेस लाई ? के मधेस आन्दोलन पूर्व मधेस र मधेसी समुदायको हक अधिकारको लागी लड़ने कोई थीयो त ? तर अहिले आफूलाई मधेसको अधिकारको लागी पार्टीगत झण्डा बोकि आफूलाई मधेस र मधेसी समुदायको अधिकारको लागी लड़ीरहेको भन्ने युवावर्ग लाई मधेसको इतिहास, भूगोल, भाषा, संस्कृति तथा राजनीतिक इतिहास सम्बन्धी जानकारी हुने न्यून मात्रामा भेटीन्छन ।

मधेस आन्दोलनमा सहादत प्राप्त गरेका वीर मधेसी सपूत जस्तै विगत कालमा पनि मधेसी शहीदहरु मधेस तथा मधेसीहरुको हक अधिकारको लागी लड़दा लड़दै सहादत प्राप्त गरेको इतिहास छ । जून अहिलेको नया पढ़ीका थोरै युवावर्ग लाई थाहा छ । दुखको कुरो हो की मधेसबाट पनि यस्ता योद्धा थिए जो प्रतिकूल अवस्था र स्थितिमा पनि राजनीतिक अधिकारको लड़ाईको लागी अनुसन्धान एवम प्रामाणिक दस्तावेज़को आधार दिदै आफ्नो प्राणको आहुती दिए । तर यो इतिहास जो मधेस र मधेसी समुदायको पहिचान हो यसको बारेमा हामी अज्ञानी छौ । जब सम्म आफ्नो इतिहास सम्बन्धी ज्ञान जनमानसमा हुदैन तब सम्म आफ्नो राष्ट्र प्रति र आफ्नो अधिकार प्रति मधेसी समुदाय स्वाभिमानी नागरिक कसरी हुन सक्छ ?

मधेस तथा मधेसी समुदायको राजनीतिक हक अधिकारका लागी “अहिंसात्मक मधेस मुक्ति आन्दोलन” देखि लिएर क्रमिक रुपमा अगाडि बढ्दै “ मधेसजन क्रांतिकारी दल ” तथा “ मधेस मुक्ति मोर्चा “ को प्रवर्तक एवम नुतृत्वकर्ता महामानव “ अमर शहीद रघुनाथ ठाकुर “ मधेसी “ “ को नेतृत्वमा आफ्नो प्राणको आहुती दिने अमर शहीद क्रमश : “ शनिश्चर चौधरी “, सत्यादेव मणि त्रिपाठी “, र “ रघुनाथ राय “ सम्बन्धी लुकाइएको इतिहास अहिलेका मधेसी युवा जो मधेस र मधेसीहरुको हक अधिकारको लागी संघर्षरत छन उनको लागी जान्न र अध्यन्न गर्न अति आवश्यक छ ।

मधेस र मधेसी समुदायको राजनीतिक, आर्थिक, सांस्कृतिक एवम शैक्षिक अधिकारको शोषणको विरुद्धमा मधेसी समुदायको क्रान्तिकारी अमर शहीद रघुनाथ ठाकुर “ मधेसी ” ले सशक्त रुपमा ई १९५८ आधुनिक नेपालको साशक एवम वर्ग विरुद्ध आवाज उठाउदै वि.स. २०३८ (ई २१-०६- १९८१) नेपाली शासक वर्गको षडयंतत्रको शिकार भई वीरगति प्राप्त गरे ।

मधेस र मधेसी समुदायको हक अधिकारको लागी प्रतिकूल अवस्थामा पनि आन्दोलनरत “ शहीद रघुनाथ ठाकुर “ को आन्दोलन दबाउन शासकवर्ग तन्त्रको राजनीतिक दल र नेताहरुको सहमतिमा सरकारी षड्यन्त्र अंतर्गत फर्जी र समानान्तर संस्था खड़ा गरी ठाकुर लाई दोषी करार दीई सरकारी संचार माध्यमद्वारा भ्रमात्मक प्रचार प्रसार गरेर पंचायती व्यवस्थाकालको शुरू मै यीनलाई अराष्ट्रीय तत्व घोषित गर्दै शूट एट साइटको आदेश नेपाली सुरक्षा निकाय लाई दीईयो । शहीद रघुनाथ ठाकुरको त्यसपछि को जीवन भूमिगत भई मित्र राष्ट्र भारतमा जीवन यापन गर्न थाले जहा सरकारी एवम राजनीतिक षड्यन्त्र गरी उनलाई भारत मै वीष खुवाई हत्या गरियो ।

शहीद रघुनाथ ठाकुर संग प्रभावित भई तराई कांग्रेस समर्थक शनिश्चर चौधरी पंचायती व्यवस्था कालमा मधेस मुक्ति आन्दोलनमा संलग्न भई सकेका थिए । सरकार द्वारा आन्दोलनकारी माथि दमन हुदै गरेको बेला शहीद शनिश्चर चौधरी लाई आफूलाई प्रहरीले पकड़ींन शुनिश्चित भए पछि शनिश्चर चौधरी अरुको हाथ बाट मर्नु भन्दा आफ्नै हाथ बाट मर्नु बेस ठान्दै आफ्नो सहयोगी श्रीमति लाई गोली हानी आफूलाई पनि गोली हानी प्राण त्याग गरे । त्यस्तै मधेस मुक्ति आन्दोलनका कट्टर समर्थक श्री सत्यदेवमणि त्रिपाठी र रघुनाथ रायको छतीमा गोली हानी शासक वर्ग द्वारा हत्या गरियो । त्यस समय र परिस्थिति लाई नियन्त्रणमा गरी यस प्रकार सरकारी दमन र त्रासको सृजना गरियो की मधेस समुदाय डर कै कारण यी ब्यक्तित्वहरुको नाम लिन डराउन थाले र विस्तारै विर्सिदै गए । एका तीर निरंकुश पंचायत कालको क्रूर शासन व्यवस्था तीस वर्षको समयमा नया पीढ़ीका युवाहरुलाई पंचायती व्यवस्थाको मन्त्र यस प्रकार ले षड्यन्त्र पूर्वक पढ़ाईयों की मधेस र मधेसी वर्गको हक अधिकार प्राप्तिको लागी शहादत प्राप्त गरेका शहीदहरुको परिचय पनि मेटाउन शासक वर्ग सफल भए ।

शासकवर्ग तन्त्रको उदेश्य नै मधेस तथा मधेसी समुदायको युवावर्ग लाई यस्ता इतिहास बाट वञ्चित राख्नु थियो । जसले गर्दा उनीहरु आफ्नो हक अधिकार प्रति जागरूक हुन सक्दैनन र यस्ता कार्यमा शासक वर्गलाई सघाउनेमा प्रमुख भूमिका विगतका जानकार, स्वार्थी, पदलोलुप र शोसक मधेसी समुदायका नेताहरु प्रमुख थिए ।

अशाेक कुशवाहा (वीरगंंज)

स्व. काेइरालाकाे जन्म जयन्तिको अवसरमा बृक्षारोपण

0

वीरगंज । गिरिजा प्रसाद कोईराला फाउण्डेशन पर्साले गणतन्त्र नेपालको पहिलो प्रधान मन्त्रि एवम नेपाली काग्रेसका पुर्व सभापति स्व. गिरिजा प्रसाद कोईरालाको ९६ औं जन्म जयन्तिको अवसरमा आज वृक्षारोपन गरेकाे छ ।

फाउण्डेशन पर्साले विभिन्न प्रजातिका २ सय ४३ थान वोट बिरुवाहरु रापेकाे जनाएकाे छ । फाउण्डेशनले आप, लिचि, कटहल, निम लगायतका प्रजातिहरुको विरुपा रोपेकाे हो ।

फाउण्डेशनले स्व काेइरालाकाे जन्मोत्सवको अवसरमा निर्धारित तीन दिवसिय कार्यक्रमकाे दाश्रो दिन वीरगंजको पानीटंकी तथा ठाकुर रामबहुमुखि क्याम्पसमा वृक्षारोपन गरेकाे जनाएकाे छ ।

भोली तेश्रो दिन पर्सेली दुई युवा पत्रकारहरुलाई जनही नगद रु २१ हजारसहित सम्मान गरिने फाउण्डेशन पर्साका अध्यक्ष मोहम्मद सहाबुदिले वताए ।

फाउण्डेशन पर्साका अध्यक्ष सहाबुदिनकाे अध्यक्षतामा भएकाे बृक्षाराेपण कार्यक्रममा हाजी तहुर अंसारी, प्राध्यापक डाक्टर हरेराम ठाकुर, नेपाली काग्रेस महासमिति सदस्य प्रकास उपाध्याय, मर्दसा बरकतुल उलुमका अध्यक्ष रेयाज अंसारी, फाउण्डेशनका कोषाध्यक्ष मनोहर साह, सह सचिव मिन्टु देवि सिहं, सदस्यहरु प्रिति सिह, जितेन्द्र सिंह, बाबु नन्द प्रसाद पटेल, नेपाली काग्रेसका बुथ सभापति शेख निजामुदिन, प्रेस युनियन पर्साका सचिव किशाेर सिंह लगायतकाे उपस्थिती रहेकाे थियाे भने कार्यक्रमको संचालन फाउण्डेशन पर्साका सचिव धिरज गुप्ताले गरेका थिए ।

भारतको कानपुरमा डीएसपीसहित ८ प्रहरीको गोली हानी हत्या

0

भारत । गुण्डा समूहको आक्रमणमा भारतको उत्तर प्रदेशको कानपुरमा डीएसपी सहित आठ प्रहरी मारिएका छन् । मारिनेमा एक डिएसपी, तीन सब–इन्सपेक्टर र चार कन्स्टेबल रहेका छन् । घटनामा गुण्डा समूहका तीन जनाको मृत्यु भएको छ ।

आक्रमणमा कयौं प्रहरी घाइते भएका छन् । घाइते प्रहरीको नजिकको रिजेन्सी अस्पतालमा उपचार भइरहेको छ । आक्रमणकारीहरुले प्रहरीको हतियार समेत लुटेका छन् । विकास दुबे नाम गरेका कुख्यात अपराधीलाई पक्राउ गर्न प्रहरी गएको समयमा आक्रमण भएको हो ।

दिकरू गाँउमा दुबे र उनको समूह रहेको सूचना पाएपछि पक्राउ गर्न प्रहरीलाई सो समूहले आक्रमण गरेको बताइएको छ । प्रहरी पुग्ने वितिक्कै सो समूहले घरको छतबाट गोली प्रहार गरेको थियो । घटनापछि सो क्षेत्रमा ठुलो संख्यामा प्रहरी परिचालन गरिएको छ ।

घटनाबारे थप अनुसन्धान भइरहेको प्रहरीले जनाएको छ । उत्तर प्रदेशका कुख्यात गुण्डा नाइके विकासविरुद्ध साठी भन्दा धेरै मुद्दा प्रहरीमा विचाराधिन छन् । उनले सन २००१ मा प्रहरी चौकीमै प्रवेश गरेर भाजपा नेता तथा राज्यमन्त्री संतोष शुक्लाको हत्या गरेका थिए ।

अक्षयसँग बाणी ‘बेलबटम’मा देखिने पक्का

0

चलचित्र ‘वार’मा काम गरेपनि खासै चर्चामा नआएकी नायिका वाणी कपुरले अब नयाँ चलचित्रमा नायक अक्षय कुमारसँग पर्दा शेयर गर्ने भएकी छिन् ।

उनी, अब नयाँ चलचित्र ‘बेलबटम’मा देखिने पक्का भएको छ । वाणीले नायक अक्षय कुमारसँग पर्दा शेयर गर्न लागेको पहिलो पटक हो ।

ज्याकी भगनानी र वासु भगनानीको निर्माणमा यो चलचित्र बन्दैछ । चलचित्रलाई रञ्जित एम तिवारीले निर्देशन गर्दैछन् । ८० को दशकको सेट बनाएर चलचित्रको छायांकन गरिनेछ ।

निर्माण ज्याकी भगनानीले वाणीको अभिनय आफूलाई मनपर्ने भएकाले पनि नायिकाको रुपमा उनलाई छनोट गरेको भारतीय मिडियासँग बताएका छन् ।

जासुसको कथामा तयार हुन लागेको चलचित्रलाई थ्रिलर शैलीमा प्रस्तुत गरिनेछ । निर्माणपक्षले वाणीको भूमिकाले दर्शक उत्साहित हुने बताएकी छिन् । चलचित्रमा आफ्नो भूमिकालाई लिएर वाणी उत्साहित छिन् ।

बिन्दवासिनी गाउँपालिकाद्वारा पत्रकारहरुलाई आयुर्वेदिक औषधी वितरण

0

वीरगंज । कोरोना भाइरस संक्रमणको जोखिममा फ्रन्टलाइनमा रहेर काम गर्ने पर्साका क्रियाशील पत्रकारलाई शुक्रबार इम्युनिटी पावर बढाउने खाद्यान्न र स्वास्थ्य सामग्री वितरण गरिएको छ।

विश्वमा महामारीका रूपमा फैलिएको कोभिड-१९ बाट बच्न भन्दै बिन्दवासिनी गाउँपालिकाले जिल्लामा कार्यरत पत्रकारलाई स्वास्थ्य सुरक्षा सामग्री वितरण गरेको हाे ।

एक सय १० जना पत्रकारहरुलाई मास्क, सेनिटाइजर, च्यावनप्रास, काजु किसमिस, आयुर्वेदिक औषधी वितरण गरिएकाे गाउँपालिकाका प्रेस सल्लाहकार संजिव मिश्राले वताए ।

नेपाल पत्रकार महासंघ पर्साको सभाहलमा शुक्रबार गाउँपालिकाकी उप प्रमुख किरण देवी गुप्ताले उक्त सामग्री पत्रकारहरुलाई हस्तान्तरण गरेकी थिइन्।

उपाध्यक्ष गुप्ताले कोरोना भाइरसको संक्रमण बढ्दै जाँदा स्वास्थ्यकर्मी, सुरक्षाकर्मी जस्तै फिल्ड रिपोर्टिङमा खटिने सञ्चारकर्मी पनि जोखिममा रहेकाले न्युनतम इम्युनिटी पावर बढाउने स्वास्थ्य सुरक्षा सामग्री उपलव्ध गराएको बताइन्।

उनले भनिन्, ‘जिल्लाका सूचना आमसञ्चार माध्यमबाट बढी प्राप्त गरेको र सूचनाकै आधारमा कोरोना संक्रमणबाट बच्न विभिन्न उपाय अवलम्बन गरिएको छ। हामी घरभित्रै बसेर सूचना प्राप्त गर्छौं, पत्रकार फिल्डमा हुन्छन्।’

अहोरात्र खटिएर सूचना प्रबाह गर्ने पत्रकारको बिहान-बेलुकी हातमुख जोड्न समस्या हुनसक्ने र यस्तो बेला थोरै भए पनि इम्युनिटी पावर बढाउन स्वास्थ्य सुरक्षा सामग्रीले थोरै भए पनि राहत दिनसक्ने बताइन्।

नेपाल पत्रकार महासंघ पर्साका अध्यक्ष श्याम बन्जाराले स्वास्थ्य सामग्री उपलब्ध गराउने पालिकालाई धन्यवाद दिँदै विश्वव्यापी संकटलाई मिलेर सामना गर्नुपर्ने बताए।

उनले पर्साका एफएम रेडियो, अनलाइन, पत्रिका र राष्ट्रिय तथा प्रादेशिक स्तरका आमसञ्चार माध्यममा कार्यरत पत्रकारबाट कोरोना नियन्त्रण सम्बन्धित पर्सा विशेष समाचार कभरेज भएको बताए।

गाउँपालिकाकाे विपद व्यवस्थापन काेषबाट थाेरै भए पनि भ्याए जति पत्रकारहरुकाे इम्युनिटी पावर बढाउने खालकाे आयुर्वेदीक औषधी सहितकाे खाद्य सामग्री वितरण गरिएकाे प्रमुख प्रशासकिय अधिकृत मुन्ना कुमार राैनियारले वताए ।

जगरनाथपुरमा ग्यास लिक भएर आगलागी हुदा एककाे मृत्यु, दुई घाइते

0

वीरगंज । पर्साको जगरनाथपुर गाउँपालिका वडा नं २ दसौतामा ग्याँसकाे पाइप लिक भएर आगलागी हुँदा एक जनाकाे मृत्यु भएकाे छ भने दुई जना घाइते भएका छन् ।

स्थानिय गनेश साह कानुकाे घरमा ग्यास लिक भएर भएकाे आगलगागीमा ७५ वर्षीया शारदा देवी कुशवाहाकाे मृत्यु भएकाे प्रहरीले जनाएकाे छ । आगलमीमा गनेशका छाेरा २२ बर्षिय उमेश साह र बुहारी २० बर्षिय मनिता देवी घाइते समेत भएकाे इलाका प्रहरी कार्यालय पाेखरियाका प्रहरी निरिक्षक चन्द्र कुमार सिंहले वताए ।

बुधवार राति खाना पकाउने क्रममा ग्याँसकाे पाइप लिक भएर गनेशकाे पक्की घरमा आगलागी भएको थियाे । खाना पकाउने ठाउँमा राखिएकाे पेट्राेलमा आगाे सल्केर भएकाे आगलागीमा परी तीन जना घाइते भएका थिए । घाइते मध्येका शारदाकाे उपचारको क्रममा बिहीवार बिहान मृत्यु भएको हो ।

बृद्ध मृतक शारदा गनेशकाे घरमा गएकाे बेला आगलागी हुदा भाग्न नसकेर गम्भिर घाइते भएकी थिइन । अन्य घाइते कपडा खाेलेर भागन सफल भएपछि उनीहरु ज्यान बचाउन सफल भएकाे स्थानियहरुले वताएका छन् ।

मृतक शारदाकाे वीरगंजस्थित नारायणी अस्पतालममा शव परिक्षण भएपछि बिहिबार सांझ नै दाहसंस्कार गरिएकाे हाे ।

घाइतेहरूको सीमावर्ती भारतको इनर्वास्थित स्वास्थ्य संस्थामा उपचार भइरहेको छ ।

आगलागीमा परी लत्ताकपडा, फर्निचर, अन्न गरी दुई लाख रुपैयाँभन्दा बढीको धनमाल पनि जलेर नष्ट भएको प्रहरी निरीक्षक सिंहले जानकारी गराए।

मामाकाे बिहे कै दिन खाल्डाेमा डुबेर भान्जाकाे मृत्यु

0

वीरगंज । पर्साकाे बिन्दवासिनी गाउँपालिका वडा नं. ५ प्रसाैनी भाठामा खाल्डाेमा डुबेर एक बालककाे मृत्यु भएकाे छ ।

मामा घर आएका भारत बिहार पश्चिमी चम्पारण सिकटा थाना लालपर्साका अजाद गद्दीका ४ बर्षिय छाेरा खुस्रेद गद्दीकाे खाल्डाेमा डुबेेर मृत्यु भएकाे प्रहरीले जनाएकाे छ ।

मामाकाे बिहेमा सहभागि हुन आएका बालककाे जन्ती कै दिन खाल्डाेमा डुबेर मृत्यु भएकाे हाे ।

हाल शव परिक्षणकाे लागि वीरगंजस्थित नारायणी अस्पतालमा पठाउन मुचुलका उठाउने कार्य भइरहेकाे छ ।

स्थानियहरुका अनुसार प्रसाैनी भाठास्थित असलम गद्दीकाे घर मामाकाे बिहेमा सहभागि हुन मृतक बालक आएका थिए । मामा खुसमहमद गद्दीकाे जन्ती निस्कन तयारी भइरहेकाे थियाे । बेहुलालाई नुहाउने कार्य भइरेहेकाे बेला घर बाहिर निस्केका बालककाे चापाकाे कलकाे पानी निकासकाे लागि खनिएकाे खाल्डाेमा डुबेकाे मृत्यु हुन पुग्याे ।

बालककाे मृत्यु भएपछि जयन्ती निस्कन लागेकाे बिहे पनि स्थगित भएकाे छ । बालकाे मृत्यु भएपछि पर्सा कै जगरनाथपुर गाउँपालिकाकाे खुलचडी जान्न लागेकाे जन्ती स्थगित भएकाे स्थानिय कलसरिफ गदीले वताए ।

जन्ती जान लागेकाे बेहुला कै भान्जाकाे मृत्यु भएपछि शाेकाकुल परिवार भएकाेले बिहे स्थगित भएकाे उनले जानकारी गराए ।

वीरगंजमा आयुर्वेद अस्पताल खुल्याे, मेयर सरावगीले गरे उद्घाटन

0

वीरगंज । वीरगंजकाे घडिअर्वास्थित सात्विक आयुर्वेद अस्पताल तथा अनुसन्धान केन्द्र संचालनमा आएकाे छ । आयुर्वेद अस्पतालकाे बिहिबार एक कार्यक्रमकाे बिच वीरगंज महानगरपालिकाका मेयर विजय कुमार सरावगीले उद्घाटन गरे ।

कार्यक्रमका प्रमुख अतिथी समेत रहेका मेयर सरावगीले रिबन काटेर अस्पतालकाे उद्घाटन गरेका थिए ।

उद्घाटन कार्यक्रमलाई सम्बाेधन गर्दै मेयर सरावगीले वीरगंजमा आयुर्वेद अस्पताल संचालनले आयुर्वेदिक उपचारकाे लागि बाहिर जानु पर्ने बाध्यता अन्त्य हुने  वताए ।

अस्पतालका प्रबन्ध निर्देशक ई. शशिभूषण प्रसादकाे अध्यक्षतामा भएकाे उद्घाटन कार्यक्रममा जिल्ला आयुर्वेद कार्यालय पर्साका प्रमुख डा. रमेश मिश्रा, वीरगंज उद्याेग वाणिज्य संघका महासचिव माधवलाल राजपाल लगायतकाे सहभागिता रहेकाे थियाे भने कार्यक्रममा स्वागत मन्तव्य अस्पतालका प्रमुख चिकित्सक डा. प्रभाकर मणुले राखेका थिए ।

वीरगंज महानगरपालिकाकाे वडा नं. १० घडिअर्वास्थित संचालमा आएकाे आयुर्वेद अस्पतालमा दक्षिण भारतमा गरिने उच्च स्तरकाे पंचकर्म चकित्सा तथा अन्य कठिन राेगकाे चिकित्सा गरिने वताइएकाे छ ।

मधुमेह, थाईराईड, उच्च रक्तचाप, मानसिक समस्याहरु, किडनी पत्थरी, पित्त थैली पत्थरी, पाइल्स, फिस्टूला, पिसाब प्रणालीका समस्याहरु, बाँझाेपन, सेक्स सम्बन्धि समस्याहरु, बालबालिका सम्बन्धि समस्याहरु, कम्पवात, माइग्रेन, निन्द्रा सम्बन्धि समस्याहरु, ढाड दुखाइकाे समस्या, बातराेेग गठिया, आमवात, स्वेत प्रदर, रक्त प्रदर, पक्षघात, गैस्ट्रिक तथा कब्जियत, कठिन नशा सम्बन्धि समस्या, स्त्री तथा प्रसुती समस्याहरु लगायतका राेगकाे उपचार गरिने अस्पतालका प्रमुख चिकित्सक मणुले जानकारी गराए ।

अस्पतालमा डा. मणु सहित डा. गाेपाल चन्द्र कमल, डा. रन्जित केसरी लगायतका चिकित्सकहरुले सेवा प्रदान गर्ने जनाइएकाे छ ।

नेपालमा काेराेना संक्रमितको संख्या १४ हजार ५१९ पुग्यो

0

वीरगंज । नेपालमा थप ४ सय ७३ जनामा कोरोना संक्रमण देखिएको छ । पछिल्लो २४ घन्टामा १ सय ९ महिला र ३ सय ६४ पुरुष गरी ४ सय ७३ जनामा कोरोना संक्रमण देखिएको स्वास्‍थ्य तथा जनसंख्या मन्त्रालयले जनाएको छ।

योसँगै नेपालमा कोरोना संक्रमितको संख्या १४ हजार ५ सय १९ पुगेको मन्त्रालयका प्रवक्ता डा.जागेश्‍वर गौतमले बताए । कूल संक्रमितहरुमध्ये १ हजार ८ सय ८३ जना महिला र १२ हजार ६ सय ३६ पुरुष रहेको मन्त्रालयले जनाएको छ ।