Date
शनि, मंसिर ५, २०८३
Sat, November 21, 2026
Home Blog Page 944

उपचार नपाएर युवतीकाे ज्यान गएपछि वीरगंजमा प्रदर्शन र ताेडफाेड

0

वीरगंज । वीरगंजस्थित नारायणी अस्पताल अगाडी आइतबार बिहान प्रदर्शन तथा तोडफोड भएको छ। 

वीरगंजका अस्पतालले भर्ना नलिएपछि शनिबार राति अकालमै ज्यान गुमाएकी छपकैया २ निवासी २० वर्षीय बिष्णु लामाका परिवारजन तथा टोलीवासीले आज बिहान नारायणी अस्पताल अगाडी प्रदर्शन गर्नुकाे साथै अस्पताल भित्रका गाडी तथा गमलाहरु तोडफोड गरेका हुन्। 

नारायणी अस्पतालको अर्को भवनमा मेडिकल एशोसिएसनको बैठक बसिरहेको बेला प्रदर्शनकारीहरुले पार्किङमा राखेको गाडीहरुमा ढुङ्गा प्रहार गरेका थिए । ढुङ्गा प्रहारबाट नारायणी अस्पतालका डा‍. उदय नारायण सिंहको ना १२ च ५९६६ नम्बरको गाडीको सिसा फुटेको छ। 

प्रहरीले लाठिचार्ज गरेपछि अहिले स्थिति सामान्य भएकाे छ।  

नारायणी अस्पतालमा जेनरल सेवा बन्द भएकाले निजी अस्पताललेसमेत भर्ना गर्न नमानेकाे कारणले अकालमै बिरामीले ज्यान गुमाउनु परेको परिवाजनले दावी गरेका छन्। 

दिनुहुँ आम नागरिकले ज्यान गुमाउनु परेको घटना सार्वजनिक हुँदापनि अस्पताल प्रशासन मौन बस्ने गरेकाले यस्तो घटना फेरि नहोस् भनेर पुनः नारायणीलाई जेनरल अस्पतालको रुपमा सेवा सुचारु गर्न मृतकका परिवारले माग गरेका छन्।

शुक्रबार राती वीरगंजका अस्पताहरुमा घुमाउदै घुमाउदै कसैले पनि बिरामीलाई भर्ना गरी उपचार गर्न नमानेपछि बिरामीकाे मृत्यु भएपछि स्थानियहरु आक्राेसित भएका छन् । वीरगंजमा उपचार नपाएर ३ दिनमामात्र ५ जनाकाे मृत्यु भएकाे छ ।

पर्सामा थप ७१ जनामा काेराेना संक्रमण, संक्रमितकाे संख्या एक हजार नाघ्याे

0
बीरगन्ज । पर्सामा पछिलाे २४ घण्टामा थप ७१ जनामा काेराेना संक्रमण पुष्टि भएकाे छ । यसंगै पर्सामा संक्रमितकाे संख्या  एक हजार १७ पुगेकाे छ ।
 
नारायणी अस्पतालको प्रयोगशालमा गरिएको परीक्षणमा नेपाल प्रहरी, भारतिय दुतावासका कर्मचारी सहित ७५ जनामा कोरोना संक्रमण पुष्टि भएकाे हाे । जसमध्ये पर्साका ७१ जना, बाराका ३ जना र सर्लाहीका एक जना रहेका छन् । 
 
नारायणी अस्पतालका मेडिकल सुपरिडेन्टेन्ट मदन उपाध्यायले दिएको जानकारी अनुसार संक्रमित हुनेहरुमा ६० जना पुरूष र १५ जना महिला रहेका छन् । संक्रमित हुनेमा १२ वर्षका देखि ६८ वर्ष सम्म रहेका छन् ।
 
संक्रमित हुनेहरुमा जिल्ला प्रहरी कार्यालय पर्सामा कार्यरत ८ जना प्रहरी मसेत रहेका छन् । वीरगन्जस्थित रेहको भारतिय दुतावासका कर्मचारी ३५ बर्षिय एक पुरुष कर्मचारी, नारायणी अस्पतालका एक पुरुष र एक महिला कर्मचारी पनि काेराेना संक्रमण पुष्टि भएकाे मेसु उपाध्यायले बताए ।
 
त्यसैगरी संक्रमित हुनेहरुमा वीरगन्ज बारुण नियणत्रका ३९ बर्षिय र ५० बर्षका २ जना पुरुष कर्मचारी, वीरगन्ज महानगरपालिकाका विभिन्न वडाका १६ बर्षदेखि ६८ बर्षका सम्मका ४६ जना, पर्सा जिल्ला बहुदरमाइ नगरपालिकाका वडा नम्बर ७ का २६ बर्षका एक जना पुरुष, पर्सागढी नगरपालिका वडा नम्बर ६ का ३२ बर्ष देखि ५० बर्षका ३ जना पुरुष, पटेर्वा सुगौली गाँउपालिका वडा नम्बर ४ निवासी २२ बर्षका १ जना पुरुष, जिराभवानी गाँउपालिका वडा नम्बर २ निवासी २२ बर्षकी एक महिला, बिन्दवासिनी गाउँपालिका अमरपट्टी निवासी २ जना महिला र १ जना पुरुष रहेका छन् ।
 
यस्तै पकहामैनपुरु गाँउपालिका निवासी २ जना पुरुषमा पनि काेराेना संक्रमण देखिएकाे मेसु उपाध्यायले बताए ।
 
नारायणी अस्पताल कै प्रयाेशालामा गरिएकाे परिक्षणमा बारा जिल्ला कलैया उपमहानगरपालिका वडा नम्बर ६ निवासी ३३ बर्षका एक पुरुष, परवानीपुर ३ निवासी ३२ बर्षिय एक पुरुष, बारा जिल्ला फेटा गाँउपालिका ६ निवासी २२ बर्षका एक पुरुष र सर्लाहीका ३६ बर्षका एक पुरुषकाे काेराेना पाेजेटिभ देखिएकाे छ ।
 
साउन १८ गते देखि २४ गते सम्मका स्वाब संकलन गरि पिसिआर परीक्षण गर्दा ७५ जना संक्रमण पुष्टि भएको नारायणी मेसु उपाध्यायले जानकारी दिए ।

बहुदरमाईका मेयर, वडाध्यक्ष र स्वास्थ्यकर्मीसहित २५ जनामा काेराेना

0

वीरगंज । पर्साकाे बहुदरमाई नगरपालिकाका मेयर नितेन्द्र साहसहित २५ जनामा काेराेना संक्रमण पुष्टि भएकाे छ । 

नगरपालिकाका स्वास्थ्य संयाेजक बिदुर उप्रेतीले दिएकाे जानकारी अनुसार संक्रमण पुष्टि हुनेमा मेयर साह, एक वडाध्यक्ष ६ जना स्वास्थ्यकर्मीसहित २५ जना रहेका छन् ।

नारायणी अस्पतालकाे प्रयाेगशालामा गरिएकाे परिक्षणमा मेयर साह, वडा नं. ५ का वडाध्यक्ष रामेश्वर साह, ६ जना स्वास्थ्यकर्मी, एक जना कास र अन्य १९ जना काेराेना संक्रमण पुष्टि भएकाे संयाेजक उप्रेतीले जानकारी गराए । उनका अनुसार संक्रमितहरु २० बर्षदेखी ५० बर्ष सम्मका छन् ।

नगरपालिका अन्तर्गतका वडा नं. ३, ४, ५ र ९ का संस्था संस्थामा कार्यरत स्वास्थ्यकर्मीहरु रहेकाे उप्रेतीले वताए ।

बुधबार एक सय २२ जनाकाे स्वाब संकल गरि पिसिआर परिक्षणकाे लागि नारायणी अस्पतालकाे प्रयाेशालामा पठाउदा आज आएकाे रिपाेर्ट अनुसार २५ जनामा काेराेना पाेजेटिभ देखिएकाे र अन्य सबै जनाकाे रिपाेर्ट नगेटिभ आएकाे नगरपालिकाका लेखापाल हरि राउत कुर्मीले वताए ।

काेराेना पाेजेटिभ देखिएका मेयर सावलाई केही दिनदेखी ज्वराेसमेत लागेकाे उनले जानकारी गराए । हाल उहाँ चिकित्सककाे सम्पर्कमा वीरगंजस्थित आफ्नाे घरकाे हाेम आइसाेलेसनमा रहेकाे कुर्मीले वताए । 

पर्सामा मेयरसहित थप ५२ जनामा कोरोना संक्रमण पुष्टि

0

वीरगञ्ज । वीरगञ्जस्थित नारायणी अस्पतालको प्रयोगशालमा गरिएको परीक्षणमा नेपाली सेना, मेयरसहित थप ५५ जनामा कोरोना संक्रमण पुष्टि भएको छ । नारायणी अस्पतालका मेडिकल सुपरिटेन्डेन्ट डा. मदन उपाध्यायले दिएकाे जानकारी अनुसार संक्रमित हुनेहरुमा ४७ जना पुरूष र ८ जना महिला रहेका छन् । संक्रमितहरु २२ वर्षकादेखि ७४ वर्ष सम्मका रहेका छन् ।

शनिबार बिहान संक्रमण पुष्टि हुनेहरुमा वीरगन्ज महानगरपालिकाकाे विभिन्न वडाका २२ बर्ष देखि ७४ बर्षका सम्मका २१ जना, पर्सा जिल्ला बहुदरमाइ नगरपालिकाका २२ बर्ष देखि ४० बर्षका सम्मका २५ जना, छिपहरमाइ गाँउपालिका वडा नम्बर ५ भिस्वाका ३५ बर्षिय र ५५ बर्षिय पुरुष रहेका छन् ।

यस्तै बारा जिल्ला कलैया वडा नम्बर १० घर भइ ३१ बर्षका १ जना नारायणी अस्पतालका प्रयोगशालाका प्राविधिक रहेका छन् ।

वीरगन्जस्थित चण्डी प्रसाद गणमा कार्यरत ३२ बर्षका १ जना नेपाली सेना, बहुदरमाइ नगरपालिकाका ४० बर्षिय मेयरमा पनि काेराेना संक्रमण पुष्टि भएकाे छ ।

त्यसैगरी बारा जिल्ला भलुही भरवलियाका ३० बर्षका १ जना पुरुष, बारा जिल्ला मनहर्वाका ४३ बर्षिय १ जना पुरुष, सर्लाही जिल्लाका २६ बर्षका १ जना पुरुषमा पनि संक्रमण पुष्टि भएकाे नारायणी अस्पतालले जनाएकाे छ ।

साउन २० गते देखि २३ गते सम्मका स्वाब संकलन गरि नारायणी अस्पतालको प्रयोगशालमा परीक्षण गर्दा ५५ जनामा काेराेना संक्रमण पुष्टि भएको नारायणी अस्पतालकाे प्रयाेगशाला स्राेतले जनाएकाे छ ।

कोरोना निको भएर २ डाक्टरसहित ८ जना डिस्चार्ज

0

 वीरगंज । नारायणी अस्थायी कोरोना विशेष अस्पताल गण्डकबाट कोरोना निको भएर २ डाक्टरसहित ८ जना डिस्चार्ज भएका छन् ।
कोरोना निको भएर वीरगंजका २ डाक्टर, एक महिलासहित ८ जना डिस्चार्ज भएको नारायणी अस्पतालका डाक्टर उदय नारायण सिंहले जानकारी दिए ।
डिस्चार्ज हुनेमा वीरगंज विर्ताका ४० बर्षिय डा. दिलिप चौरसिया, नारायणी अस्पतालको क्वाटरमा बस्दै आएका ४५ बर्षिय डा. आर. के. सिंह रहेका छन् ।
यस्तै बाराको जितपुरका ३५ बर्षिय महिला, २० बर्षिय पुरूष, मोतिसरका २२ बर्षिय पुरूष, पर्साको बहुदरमाई नगरपालिका ७ निवासी ३३ बर्षिय पुरूष, वीरगंज ६ रेशमकोठी निवासी २३ बर्षिय पुरूष र वीरगंज ११ श्रीपुरका ३० बर्षिय पुरूष डिस्चार्ज भएको डा. सिंहले जानकारी गराए ।

वीरगंजमा हाेटल र धर्मशालालाई आइसाेलेसन बनाउने प्रशासनकाे तयारी

0
वीरगंज । पर्सामा काेराेना संक्रमित बढदै गएपछि वीरगंजकाे हाेटल र धर्मशालालाई आइसाेलेसन बनाउन थालिएकाे छ ।
 
पर्सा जिल्लामा पिसिआर चेकजाँचलाइ तिव्रता दिइएसँगै काेभिड १९ संक्रमित पुष्टि हुनेहरूकाे संख्या बढ्दै गएकाे सन्दर्भमा लक्षण नभएका संक्रमितहरूलाइ नेपाल सरकार स्वास्थ्य तथा जनसंख्या मन्त्रालयले स्वीकृति गरेको कोभिड १९ केशको आइसोलेसन व्यवस्थापन सम्बन्धी निर्देशिका बमोजिम वीरगंजका केही हाेटल र धर्मशालाई आइसाेलेसन बनाउन लागिएकाे सहायक प्रमुख जिल्ला अधिकारी ललित कुमार बस्नेतले वताए । 
 
स्थानीय प्रहरी र वडा समितिको कार्यालयको सिफारिस र निगरानीमा रहने गरी हाेम आइसोलेसनमा बस्ने सुविधा दिइएकाेमा धेरैजसाे ठाउँमा तोकिएका आधार र मापदण्ड पुरा नभएकाे र संक्रमित व्यक्तिहरू स्वयं पनि अनुशासित भएर घरमै बस्नुकाे सट्टा घरबाहिर निस्किएर संक्रमण फैलाउने जाेखिम बढेपछि हाेम आइसाेलेसनकाे सट्टा सामुदायिक आइसाेलेसन सेन्टरकाे माेडललाई जाेड दिनुपर्ने देखिएपछि शुक्रबार मात्रै थप २८० बेड क्षमताका सामुदायक आइसाेलेसन सेन्टर संचालन गर्ने गरी तयारी गरिएकाे बस्नेतले जानकारी दिए ।
 
वीरगंजस्थित गाेपाल मण्डली धर्मशालामा १११ बेड, हाेटल रानीपाेखरीमा ५० बेड, राणी सती धर्मशालामा ६० बेड र सिद्धार्थ मा.वि. मा थप ६० बेडकाे आइसाेलेसन सेन्टर स्थापना गरिएकाे उनले जानकारी गराए ।
 
यस अघि नै करिव २०० बेड क्षमताका काेभिड अस्पताल र झण्डै त्यति नै क्षमताकाे सामुदायिक आइसाेलेसन सेन्टर संचालनमा रहेकाे उनले जनाए ।
 
बीरगंज महानगरपालिका क्षेत्रमा रहेका सामुदायिक आइसोलेसन सेन्टरहरुमा नारायणी अस्पतालको सुपरीवेक्षणमा रहने गरी स्वास्थ्यकर्मीको व्यवस्था बीरगंज महानगरपालिकाले गर्ने र यसरी स्वास्थ्यकर्मीहरु खटिएको अवस्थामा उनीहरुलाई नेपाल सरकारले तोके बमोजिम जोखिम भत्ता तथा अन्य सुविधा नेपाल सरकारकाे तर्फबाट उपलब्ध गराउने व्यवस्था मिलाउने गरी शुक्रबार बसेकाे जिल्ला संकट व्यवस्थापन केन्द्रकाे बैठकले निर्णय गरेकाे बस्नेतले जानकारी गराए ।

पर्सागढीका मेयर यादव अस्पताल भर्ना, काेराेना रिपाेर्ट नगेटिभ

0

वीरगंज । पर्सागढी नगरपालिकाका मेयर लाेकनारायण यादव अस्पताल भर्ना भएका छन् । स्वास्थ्यमा समस्या देखिएपछि उनलाई वीरगंजस्थित तराई हस्पिटलमा भर्ना गरिएकाे छ । 

एक सत्ता देखी ज्वराे र खाँसीले हैरान यादवकाे बिहिबार काेराेना रिपाेर्ट नगेटिभ आएकाे थियाे । नारायणी अस्पतालकाे प्रयाेगशालामा पिसिआर परिक्षण गराउदा रिपाेर्ट नगेटिभ आएपनि स्वास्थ्यमा समस्या देखिपछि अस्पताल भर्ना गरिएकाे उनी निकटका गरिराज कडेलले वताए ।

अस्पताल भर्ना भएका मेयर यादवकाे निमुनियाकाे लक्षण पनि देखिएकाे उपचारमा संलगन चिकित्सहरुले वताएका छन् । आइसियुमा राखेर उपचार भइरहेका यादवकाे स्वास्थ्य समस्यामा सुधार नभए शनिबार विहान काठमाडाैं लग्ने तयारी छ । 

 

पर्सामा काेराेना संक्रमणबाट थप एक जनाकाे मृत्यु

0

वीरगञ्ज । वीरगञ्जस्थित नारायणी अस्थायी कोराेना विशेष अस्पताल गण्डकमा मृत्यु भएका वृद्धमा कोरोना संक्रमण पुष्टि भएको छ ।

वीरगञ्ज–३ छपकैयाका ६५ वर्षका वृद्धको मृत्युपछि गरिएको परीक्षणमा कोरोना संक्रमण पुष्टि भएको नारायणी अस्पतालका डाक्टर उदय नारायण सिंहले जानकारी दिए ।

कोराेना अस्पतालको इमर्जेन्सी कक्षमा उपचारको क्रममा बिहान उनको मृत्यु भएको थियो । उनलाई ४/५ दिन अघि ज्वरो आएपनि ज्वरो ठीक भइसकेको थियो । तर साउन २२ गते राति उनलाई अचानक स्वास लिन गाह्रो भएपछि परिवारका सदस्यले एडभान्स अस्पताल लगेका थिए ।

त्यहाँ चिकित्सकले अक्सिजन दिए पनि काम गरेन । चिकित्सकले आईसीयुमा राखेर उपचार गर्नुपर्ने बताएपछि अटो रिक्सामा राखेर नेशनल मेडिकल कलेज लगिएको थियो । तर नेशनलले पनि भर्ना नलिएपछि अस्थायी कोभिड अस्पताल गण्डकमा लगिएको थियो । चिकित्सकले अक्सिजन दिएर उपचार गर्ने क्रममा उनको मृत्यु भएको हो ।

योसँगै साउनमा मात्रै पर्सामा कोरोना संक्रमणका कारण मृत्यु हुनेको संख्या १६ पुगेको छ । कोरोना संक्रमणबाटै वीरगञ्जका एक पुरुषको काठमाडौंमा मृत्यु भएको छ ।

बस्डिलवाका पूर्व गाविस उपाध्यक्ष महताेकाे निधन

0

वीरगंज । वीरगंज महानगरपालिका वडा नं. २९ निवासी साविक गाबिस बस्डिलवाका पूर्व उपाध्यक्ष देवनाथ महताेकाे निधन भएकाे छ । नेपाली कांग्रेसका स्थानिय नेतासमेत रहेका  ७५ बर्षिय महताेकाे शुक्रबार विहान ७:१५ बजे निधन भएकाे हाे । 

महताेकाे आजै धार्मिक परम्परा अनुसार आफ्नै गाउँकाे आर्यघाटमा अन्त्येष्टि समेत गरिएकाे छ । त्यसभन्दा पहिला नेपाली कांग्रेसका नेता कार्यकर्ताहरुले पार्टीकाे झन्डा ओढाएर अन्तिम बिदाई तथा श्रद्धान्जली अर्पण गरेका थिए ।

अन्त्येष्टिमा नेपाली कांग्रेस वीरगंज २९ का वडा इकाई समितिका सभापति सिगेशवर साह, सचिव समिद खाँ, वडा नं. २८ का सभापति सरिक महताे, तरुण दलका पूर्व जिल्ला सचिव बलराम यादव, पूर्व क्षेत्रिय सदस्य लालबाबु साह, क्रियाशिल सदस्य अबदुल ओकिल मियाँ, रामअयाेध्या महताे, पुनदेव महताे, हिरा महताे, राजेन्द्र महताे लगायतकाकाे सहभागिता रहेकाे थियाे ।  

वयाेधा अस्पतालका ५ डाक्टर, ४ नर्ससहित १५ जना काेराेना संक्रमित

0

वीरगंज । नारायणी वयाेधा अस्पताल वीरगंजका ५ डाक्टर, ४ नर्ससहित १५ जना काेराेना संक्रमित भएका छन् । 

नारायणी अस्पताले शुक्रबार विहान सार्वजनिक गरेकाे थपिएका एक सय ४१ संक्रमित मध्ये वयाेधा अस्पताका १५ जना रहेका छन् । नारायणी अस्पतालकाे प्रयाेगशालामा गरिएकाे परिक्षणमा ति सबै जनामा काेराेना पाेजिटिभ देखिएकाे हाे ।

केहि दिन पहिला वयाेधा अस्पतालमा काेराेना संक्रमणबाट मृत्यु भएकाे बिरामीकाे कन्टेक्ट ट्रेसिङकाे अधारमा ५ डाक्टर, ४ स्टाप नर्स, एक गार्ड र अन्य ५ जना कर्मचारी गरि १५ जनामा संक्रमण फेला परेकाे हाे ।

साउन १६ गते वयाेधा अस्पतालमा उपचाररत वीरगंज १६ नगवाकी ५० बर्षियकाे महिलाकाे मृत्यु भएपछि काेराेना संक्रमण पुष्टि भएकाे थियाे । फेरी साउन १७ गते अस्पतालमा उपचाररत वीरगंज १६ नगवा कै अर्की महिलाकाे काेराेना संक्रमण पुष्टि भएपछि गण्डक काेभिड अस्पतालमा रेफर गर्दा मृत्यु भएकाे थियाे ।

ति मृतक महिलाहरु कै कन्टेक्ट ट्रेसिङकाे  आधारमा स्वाब संकलन गरि काेराेना परिक्षण गर्दा अस्पतालका १५ जनामा काेराेना संक्रमण पुष्टि भएकाे हाे ।