वीरगंज । नेपाली कांग्रेस निकटकाे विद्यार्थी संगठन नेवि संघ पर्साका जिल्ला सभापति विकास तिवारीलाई प्रहरीले नियन्त्रणमा लिएकाे छ ।
फेसबुकमा स्टेटस लेखेका कारण पर्सा प्रहरीले तिवारीलाई वीरगंज रानीघाटस्थित उनकाे घरबाट नियन्त्रणमा लिएकाे नेवि संघका नेेताहरुले जनाएका छन् । यसभन्दा पहिलापनि साेमबार जिल्ला प्रशासन कार्यालय घेराउ गर्न पुगेका सभापति तिवारीसहित ३ जनालाई प्रहरीले दिन भरी नियन्त्रणमा लिएर राती ११ बजे छाेडेकाे थियाे ।
तिवारीलाई विभिन्न वहानामा चाैथाे पटक प्रहरीले पक्राउ गरेकाे नेवि संघका नेताहरुकाे भनाई छ ।
जिल्ला प्रहरी कार्यालय पर्साका प्रवक्ता प्रहरी नायब उपरिक्षक मनाेजित कुँवरले अनुसन्धानकाे लागि तिवारीलाई नियन्त्रणमा लिएकाे जनाए । उनले साइबार क्राइममा अनुन्धानकाे लागि नियन्त्रणमा लिएकाे वताए । तर कस्ताे किसिमकाे साइबर क्राइम भने खुलाएनन् ।
