Date
शुक्र, मंसिर ४, २०८३
Fri, November 20, 2026
Home Blog Page 916

कर्मचारी निधनकाे शाेकमा जगरनाथपुर गाउँपालिकामा सार्वजनिक बिदा

0

वीरगंज । पर्साको जगरनाथपुर गाउँपालिकाले बुधबार गाउँपालिकामा सार्वजनीक बिदा दिएको छ । गाउँपालिकाकाे स्वाथ्य शाखामा कार्यरत ५८ वर्षिय सि.अ.हे.ब. छैठाे तहका अधिकृत रामसकिल साहको मृत्यु भएकाे शाेकमा एक दिन बिदा दिइएको हाे ।

गाउँपालिका कार्यालय लगायत मातहतका समुर्ण निकायका कार्यालयमा सार्वजनिक बिदा दिइएकाे गाउँपालिका कार्यालयका दिपेन्द्र चाैधरीले वताए ।

गाउँपालिकाले मंगलबार श्रद्धान्जली सभासमेत गरेकाे उनले जानकारी गराए । गाउँपालिका अध्यक्ष जालिम मियाँकाे अध्यक्षतामा भएकाे श्रद्धान्जली सभामा जनप्रतिनिधि तथा कर्मचारीहरुकाे सहभागिता रहेकाे थियाे ।

साहको उपचारको क्रममा काठमाण्डौमा बुढानिलकण्ठस्थित करुणा अस्पतालमा उपचारको क्रममा सोमवार मृत्य भएको थियो।

महोत्तरीको मनरा नगरपालिका–७ सबैला  स्थायी घर भएका साहलाई भदौ १९ गते देखी रुघाखोकी लागेको थियो । स्वास्थ्यमा समस्या देखीएपछि घर बिदा जानु भएको साहको जनकपुरको चन्द्रकला अस्पताल जनकपुरमा उपचार गराउँदा पनि स्वास्थ्यमा खासै सुधार नआएपछि उनलाई थप उपचारका लागि असोज १ गते काठमाडौं लगिएको थियो ।

साहकाे असोज ५ गते पीसीआर रिपोर्ट पोजेटिभ आएको थियो । अवस्था गम्भीर बन्दै गएपछि असोज ७ गते रातिदेखि नै उहाँलाई भेन्टिलेटरमा राखिएको थियो ।

साहको परिवारलाई गाउँपालिकाले रु एक लाख आर्थिक सहयाेग गर्ने पनि जनाएकाे छ । 

पर्साका १२ सहित थप १९ जनामा काेराेना संक्रमण पुष्टि

0

वीरगंज । पर्सामा थप १२ जनामा काेराेना भाइरस (काेभिड १९) संक्रमण पुष्टि भएकाे छ ।

नारायणी अस्पतालकाे प्रयाेगशालामा मंगलबार गरिएकाे परिक्षणमा पर्साका १२, बाराका ५ सहित १९ जनामा काेराेना संक्रमित फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए । 

उनका अनुसार फेला परेका संक्रमितहरु १७ बर्षदेखि ५५ बर्ष उमेर समुहका रहेका छन् । उनीहरुकाे सिटि भ्यालु १७ देखी ३१ सम्म रहेकाे छ ।

संक्रमित हुनेमा पर्साकाे वीरगंज आर्मी ब्यारकका ४ जना, नारायणी अस्पतालकाे क्वाटर, वीरगंज महानगरपालिकाकाे वडा नं. ११, १५, १६ का एक-एक जना र वडा नं. १३ का ४ जना रहेका छन् ।

त्यसैगरी, बाराकाे बारागढी गाउँपालिकाकाे वडा नं. ३, ४, प्रसाैनी गाउँपालिका वडा नं. ४ र परवानीपुर गाउँपालिकाका एक-एक जना संक्रमित भएका हुन् ।

त्यसैगरी मकवानपुरकाे हेटाैंडा उपमहानगरपालिका वडा नं. ९ का ३६ बर्षिय पुरुष र रामेछापका ३० बर्षिय पुरुषकाे पनि काेराेना पाेजिटिभ देखिएकाे प्रवक्ता डा. चाैरसियाले वताए । 

डा. चाैरसियाका अनुसार मंगलबार पर्साका १२९ र बाराका ६३ जनाकाे स्वाब पिसिआर बिधिबाट परिक्षण गरिएकाे थियाे ।

सुनचाँदी व्यवसायी महासंघ प्रदेश २ काे अक्राे समिति पनि घाेषणा

0

वीरगंज । नेपाल सुनचाँदी व्यवसायी महासंघ प्रदेश नं. २ काे अक्राे समिति पनि घाेषणा भएकाे छ । रामजी साहकाे अध्यक्षतामा ११ सदस्यिय प्रदेश समिति घाेषणा गरिएकाे हाे । 

जुन समितिकाे उपाध्यक्षमा संताेश साह, बिशेश्वर साह, सचिवमा भिम बहादुर बि.क., सह सचिवमा राकेश सर्राफ, काेषाध्यक्षमा देव कृष्ण साह, सह काेषाध्यक्षमा विश्वनाथ साह, सदस्यहरुमा प्रकाश बि.क., ध्रुव बिश्वकर्मा, राजकुमार साह र पुजा देवी साह रहेका छन् ।

धनुषाकाे राेयल सम्राट हाेटलमा भएकाे अधिवेशनले साहकाे अध्यक्षतामा प्रदेश समिति सर्वसहत चयन गरेकाे पत्रकार सम्मेलनका आयाेजना गरि जानकारी गाइएकाे छ । वीरगंजस्थित नेपाल पत्रकार महासंघ पर्साकाे भवनमा आयाेजना गरिएकाे पत्रकार सम्मेलन मै समितिका पदाधिकारीहरुलाई प्रमाण पत्रसमेत वितरण गरिएकाे थियाे ।

भरत अग्रवालकाे अध्यक्षतामा कार्यक्रममा समितिका पदाधिकारीहरुलाई प्रमुख निर्वाचन अधिकृत मन्सरुल हक सिद्धिकीले सपथसमेत खुवाएका थिए ।

साह पक्षमा सुनचांदी व्यवसायी महासंघका केन्द्रिय सदस्य शम्भु प्रसाद साह, रामबिलाश साह, राैतहटका जिल्ला अध्यक्ष प्रकाश महतराज, सर्लाहीका जिल्ला अध्यक्ष विशेश्वर साह, सिराहाका जिल्ला अध्यक्ष विकासा सारद्धा, लालबन्दीका नगर अध्यक्ष रामशिष साह, धनुषाका जिल्ला उपाध्यक्ष राज कुमार साह, सप्तरीका जिल्ला उपाध्यक्ष नारायण रन्जन, महाेतरीकाे जिल्ला उपाध्यक्ष जितेन्द्र सिलवाल, बाराका जिल्ला उपाध्यक्ष रमेश सुनार, पर्साका निर्वतमान उपाध्यक्ष भुलन प्रसाद साेनार लगायतकाे रहेकाे समर्थन रहेकाे जनाइएकाे छ ।

साह समुहले आफ्नाे पक्षमा पूर्ण बहुमत रहेकाे दाबी गरेकाे छ । महासंघकाे निर्वाचनकाे लागि प्रदेश अन्तर्गतका ८ जिल्ला ७० जना मतदाता रहेका छन् । जस मध्ये आफ्नाे पक्षमा ४८ जना मतदाताले हस्ताक्षर गरेकाे साहकाे दाबी छ ।

यस अघि साेमबार पनि एउटा समुहले शिव कुमार सर्राफकाे अध्यक्षतामा १० सदस्यिय प्रदेश समिति निर्वाचित भएकाे जनाएकाे थियाे । सर्राफ समहुले पनि आफ्नाे पक्षमा पूर्ण बहुमत रहेकाे दाबी गरेकाे थियाे ।

सजना बनिन् ब्युटिसियन नेपाल–२०२०

0

वीरगंज । अमाजोन इन्टरटेनमेन्टले सञ्चालन गरेको ‘ब्युटिसियन नेपाल–२०२०’ को उपाधि सजना खतिवडाले जितेकी छिन् । 

सोमबार राजधानीको म्युजिक सिटि स्टुडियोमा भएको ग्राण्ड फिनालेमा सजनाले उपाधिसहित विधागत तर्फको मस्ट कन्फिडेन्टको अवार्ड उचाल्दा फस्ट रनरअप निलम तामाङ्ग चयन भईन। विधागततर्फ निलमले मस्ट स्मार्टको उपाधी हात पार्दा सेकेन्ड रनरअपको उपाधि सोफिया थिङ्गले उचालिन। विधागत तर्फ भने सोफियाले बेस्ट पर्सनालिटिको अवार्ड हात पारिन  ।

त्यसैगरी कमल खतिवडाको निर्देशनमा संचालित उक्त कार्यक्रममा ग्लोवल अनलाईन पे मार्फत गरिएको डिजिटल भोटिङमार्फत सर्वाधिक भोट प्राप्त गर्दै मस्ट पपुलरको उपाधी बिनिता ताजपुरियाले हात पार्न सफल भईन । 

यस्तै दिक्पाल कार्कीले संचालन गरेको उक्त कार्यक्रममा  ‘सवटाइटल अवार्ड’ तर्फ बिनिता ताजपुरिया बेस्ट ट्यालेन्ट, आशा माया तामाङ्ग बेस्ट चार्मिङ, मनिला सुनार बेस्ट कम्प्लेक्सन  अवार्ड, जमुना मगर बेस्ट फोटोजेनीक अवार्ड, जमुना तामाङ्ग बेस्ट क्याटवाक अवार्ड हातपार्न सफल रहे ।

प्रतियोगितात्मक कार्यक्रमले  महिला ब्युटिसियनको व्यक्तित्व विकास तथा आत्मविश्वास अभिवृद्धि गराउनुका साथै नेतृत्वदायी क्षमताको विकास गराउने मिडियाकी प्रबन्ध निर्देशक हिमानी सुब्बाले बताईन ।

पर्सामा पुन: संक्रमितकाे संख्या बढ्दै, थप २४ जनामा काेराेना पुष्टि

0

वीरगंज । पर्सामा थप २३ जनामा काेराेना भाइरस (काेभिड १९) संक्रमण पुष्टि भएकाे छ । नारायणी अस्पतालकाे प्रयाेगशालामा साेमबार गरिएकाे परिक्षणमा पर्साका २४ जना र बाराकाे एक जना गरि २५ जनामा संक्रमण पुष्टि भएकाे हाे ।

१९२ जनाकाे स्वाबकाे नमुना पिसिआर विधिबाट परिक्षण गर्दा २ महिलासहित २५ जनामा काेराेना पाेजिटिभ देखिएकाे नारायणी अस्पतालका प्रवक्ता डा. अतुलेश कुमार चाैरसियाले जानकारी दिए ।

उनका अनुसार संक्रमितहरु १८ बर्षदेखी ७० बर्ष उमेर समुहका रहेका छन् । उनीहरुकाे सिटी भ्यालु १८ देखी ३४ सम्म रहेकाे छ ।

संक्रमित हुनेमा पर्साकाे कालिकामाई गाउँपालिकाकाे वडा नं. १ का ५ जना, वीरगंज महानगरपालिकाकाे वडा नं. १६ का एक जना, २१ का ५ जना, वडा नं. ३२ का ८ जना र वडा नं. २९ का २ जना रहेका छन् ।

यस्तै वीरगंजस्थित रहेकाे एभरेष्ट बैंकका ३५ बर्षिय पुरुष र ठाेरी गाउँपालिकाकाे वडा नं. ५ सुवर्णपुरका ३९ बर्षिय पुरुषमा काेराेना पाेजिटिभ देखिएकाे प्रवक्ता डा. चाैरसियाले वताए । बाराका संक्रमित बारागढी नगरपालिका वडा नं. ७ का बासिन्दा हुन् ।

केही समय यता पर्सामा संक्रमितकाे संख्यामा कमि आउन थाले पनि पुन: बढ्न थालेकाे छ । आइतबार गरिएकाे परिक्षणमा पर्साका ६ जनामा मात्र संक्रमण पुष्टि भएपनि साेमबार त्यसकाे ४ गुणा बढी २४ जनामा संक्रमण पुष्टि भएकाे हाे ।

सुनचांदी व्यवसायी महासंघ प्रदेश नं. २ काे अधिवेशनमा विवाद

0
रामजी साह पक्षकाे पत्रकार सम्मेलन

वीरगंज । नेपाल सुनचांदी व्यवसायी महासंघ प्रदेश नं. २ काे अधिवेशनमा विवाद देखिएकाे छ । एक पक्षले अधिवेशन सम्पन्न भएकाे दाबी गरेकाे छ भने अर्काे पक्षले नियम विपरित गुपचुप रुपले अधिवेश गर्न खाेजिएकाे जनाएकाे छ ।

संस्थापक पक्षले शिव कुमार सर्राफकाे सभापतित्वमा १० सदस्यिय कार्य समिति चयन गरेकाे जनाएकाे छ । 

जुन समितिकाे उपसभापतिमा प्रवेश कुमार सर्राफ, बसन्त कुमार साह, सचिवमा बिनाेद कुमार भण्डारी, सह सचिवमा अमित गुप्ता, काेषाध्यक्षमा कमलेश साह, सह काेषाध्यक्षमा भागवान साह, सदस्यहरुमा धनिलाल साह साेनार, दिपक ठाकुर र भाेला कुमार साह निर्वाचित भएकाे जनाइएकाे छ ।

तर अर्का महासंघकाे सभापतिका दाबेदार रामजी साह पक्षले शिव कुमार सर्राफ समूहले अवैधानिक रुपमा अधिवेशन गरेर नयाँ नेतृत्व चयन गर्न खोजेकाे जनाएकाे छ । साह पक्षले वीरगंजस्थित नेपाल पत्रकार महासंघकाे सभाहलमा पत्रकार सम्मेलन नै गरी सर्राफले नियम विपरित गुपचुप अधिवेशन गरि नेतृत्व हात पार्न खाेजेकाे जनाएकाे हाे ।

अधिवेशन गर्नुभन्दा कम्तिमा २१ दिन पहिले नै सबै सदस्यहरुलाई पत्र पत्रिकामा सुचना प्रकाशन गरी जानकारी गराउनु पर्ने, अधिवेशनको मिति, समय र स्थान समेत तोक्नुपर्ने र अधिवेशन प्रदेशको राजधानीमा नै गर्नुपर्ने विधानमा स्पष्ट उल्लेख गरेको भएपनि त्यस्ताे केही नगरीएकाे साह पक्षकाे भनाई छ ।

साहले फेसबुकमार्फत आफुलाई अधिबेशन बारे आइतबार मात्र थाह भएपछि आफु वीरगंज आई जिल्ला प्रशासन कार्यालय पर्सामा  अधिवेशन राेकन निवेदन दिएकाे वताए । त्यसपछि प्रमुख जिल्ला अधिकारी ज्युले अर्का अध्यक्षका दाबेदारलाई फाेनमार्फत बाेलाई अधिवेशन स्थगित गर्न निर्देशन दिएपनि साेमबार फेरी गुपचुप रुपमा अधिबेश गर्न लागिएकाे थाह पाएपछि आफुहरु वीरगंज आएकाे साहले वताए ।

वीरगंंज पुगेर अधिवेशन बारे फेरी प्रमुख जिल्ला अधिकारी ज्यूलाई जानकारी गराएपछि उहाँले अधिवेशनस्थल हरिओम पार्टि प्यालेसमा प्रहरी पठाएपछि भागदाैड मचेकाे उनले वताए । प्रहरीको हस्तक्षेपपछि सर्राफ समूहको अधिवेशन पनि विथोलिएको थियाे । तर साेमबार सांझ अधिवेशन सम्पन्न भएकाे दाबी गरिएकाे हाे । 

शिव कुमार सर्राफकाे नेतृत्वमा चयन भएकाे भनिएकाे कार्य समितिका पदाधिकारीहरु

अहिले कोरोना संक्रमणको समयमा प्रशासनले पनि सभा सम्मेलनहरु गर्न रोक लगाएकाे छ । तर, सर्राफ समूहले स्थानीय प्रशासनको निर्देशनलाई चुनौती दिदै अधिवेशन सम्पन्न भएकाे दाबी गरेकाे छ ।

विधि र प्रक्रिया मिचेर गुपचुप रुपमा अधिवेशन बिनाकाे निर्वाचन प्रक्रिया अगाडी बढाउन खोजेपछि पर्साका प्रमुख जिल्ला अधिकारीको निर्देशनमा प्रहरीले अधिवेशन गर्न रोक लगाएको थियाे । तर, सर्राफ समूहले विधि र प्रकृया अनुसार नै अधिवेशन गरेको दावी गरेका छन् । तर, असन्तुष्ट समूहले हुदै नभएको अधिवेशन सम्पन्न भएको भन्नु आधारहिन भएको बताएका छन् ।

सांगठनिक प्रतिवेदन, आर्थिक प्रतिवेदन पास नै नगरी अवैधानिक निर्वाचन गरेको साह पक्षकाे भनाई छ ।

पत्रकार सम्मेलनमा वाेल्दै साहले व्यवसायीहरुको हकहितका लागि तथा न्यायका लागि अदालतको साहारा लिने पनि बताए । अधिकांश जिल्लाका प्रतिनिधिहरु अनुपस्थितीमा प्रमुख जिल्ला अधिकारीकाे निर्देशन विपरित अधिवेशन र निर्वाचन भएको दावी गर्नु दुखद र व्यवसायीमाथि धोका भएको साहले वताए ।

७ महिलासहित ३२ जनाद्वारा रक्तदान

0
वीरगंज । सामुदायिक सेवा केन्द्र तथा सामुदायिक प्रहरी सेवा मुर्ली र वडा प्रहरी कार्यालय श्रीपुरको स‌ंयुक्त आयोजनामा साेमबार खुल्ला रक्तदान कार्यक्रम सम्पन्न भएको छ । त्रिमुर्ति हल परिसरमा भएकाे कार्यक्रममा ७ महिलासहित ३२ जनाले रक्तदान गरेका छन् ।
 
सामुदायिक सेवा केन्द्रका सचिव दिलिप प्रधानको अध्यक्षतामा भएकाे कार्यक्रममा गिता चौहान, रम्भा देबि, सीता ढुङ्गाना, सबिता कार्की, सर्मिला पौडेल, ईशा निरौला, प्रदीप कुमार निरौला, तुफान अन्सारी, राज कुमार साह, प्रेम बहादुर भन्डारी, अजय कुमार यादव, शिवशंकर साह, बिवेक लामिछाने, नितेश बर्णबाल, श्याम प्रसाद महतो, कृष्ण परियार, राकेश श्रेष्ठ लगायतकाले रक्तदान गरेका हुन् ।
 
जिल्ला प्रहरी कार्यालय पर्साका प्रहरी नायब उपरीक्षक मनोजित कुवरको प्रमुख आतिथ्यतामा भएको कार्यक्रममा प्रतिक दैनिकका प्रधान सम्पादक जगदीश शर्मा, नेकपाका नेता सम्भु गुप्ता, सामुदायिक सेवा केन्द्र मुर्लीका अध्यक्ष राम सर्राफ, वडा न.१३ का वडाध्यक्ष तुफान अन्सारी, वडा प्रहरी कार्यालय श्रीपुरका प्रहरी निरीक्षक दिपक साह, जिल्ला ट्राफिक प्रहरी कार्यालयका प्रहरी निरीक्षक कमल राज पन्डित, ओबिसी पर्साका अध्यक्ष अकलेश साह लगातयकाे उपस्थिती रहेकाे थियाे । कार्यक्रमको सहजीकरण पत्रकार जगत राईले गरेका थिए ।
 
रक्त संचार केन्द्रका प्राविधिक धिरेन्द्र झा नेतृत्वकाे प्राविधि टाेलीकाे सहयाेगमा कार्यक्रम भएकाे थियाे भने रक्तदान गर्नेहरुलाई प्रमाण पत्रसमेत वितरण गरिएकाे थियाे ।

वीरगंजका ५ सहित थप ७ जनामा काेराेना संक्रमण पुष्टि

0

वीरगंज । पर्साका थप ६ जनामा काेराेना भाइरस काेभिड १९ संक्रमण पुष्टि भएकाे छ । नारायणी अस्पतालकाे प्रयाेगशालामा आइतबार राति गरिएकाे परिक्षणमा पर्साका ६ सहित ७ जनामा काेराेना संक्रमण फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।

पर्सा र बाराकाे विभिन्न ठाउँबा आएकाे १९१ जनाकाे स्वाबकाे नमुना पिसिआर विधिबाट परिक्षण गर्दा ७ जनाकाे रिपाेर्ट पाेजेटिभ देखिएकाे उनले जानकारी गराए । संक्रमित हुनेमा ६ पुरुष र एक महिला रहेेका छन् ।

प्रवक्ता डा. चाैरसियाका अनुसार पर्साकाे वीरगंज महानगरपालिका वडा नं. ८ का ३४ बर्षिय पुरुष, ५५ बर्षिय महिला, वडा नं. १२ का ५९ बर्षिय पुरुष, ५४ बर्षिय पुरुष  र वयाेधा अस्पतालमा उपचारत ६५ बर्षिय पुरुषमा संक्रमण पुष्टि भएकाे छ ।

यस्तै पर्सा कै धाेबिनी गाउँपालिकाकाे वडा नं. ३ का ४० पुरुष र बाराकाे देवताल गाउँपालिका वडा नं. १ का २४ बर्षिय पुरुष संक्रमित भएकाे प्रवक्ता डा. चाैरसियाले वताए । 

काेराेना प्रभावितलाई राहत वितरण

0

वीरगंज । छाँया नेपालले वीरगंज महानगरपालिकाकाे वडा-३१ मा आज राहत वितरण गरेकाे छ । पिसफोर दलित फाउन्डेसन नेपालको पहलमा एक कार्यक्रमका बिच वडाका ५० घरधुरीलाई राहत वितरण गरिएको हाे ।

राहतमा चामल  २४ किलाे, दाल २ किलाे, चिनी १ किलाे, नुन १ किलाे, तेल १ लिटर, साबुन २ पिस वितरण गरिएको दलित फाउन्डेसनका अध्यक्ष मनाेज रामले वताए ।

काेराेना भाइरस (काेभिड १९) संक्रमण राेकथाम तथा नियन्त्रणकाे लागि भएकाे लामाे बन्दाबन्दीमा प्रभावित गरिब, विपन्न र दलित परिवारलाई राहत स्वरुप खाद्य सामग्री वितरण गरिएकाे उनले जानकारी गराए ।

वीरगंज महानगरपालिकाे वडा नं. ३१ का वडाध्यक्ष चुमन दास चौधरीकाे अध्यक्षता र सामाजिक अभियान्ता प्रकाश थारु चौधरीकाे प्रमुख आतिथ्यतामा भएकाे राहत वितरण कार्यक्रममा छाँया नेपालको प्रतिनिधि हिरालाल चौधरी, स्थानीय दलित अगुवा अजय पासवान, जितेन्द्र हजारा, रामवतार पासवान, लक्ष्मी हजारा, धयानी राम, सन्जोग राम लगायतकाे उपस्थिति रहेकोे थियोे ।

रोट्रयाक्ट क्लब वीरगञ्जकाे पद हस्तान्तरण कार्यक्रम सम्पन्न

0
वीरगञ्ज । रोट्रयाक्ट क्लब अफ वीरगञ्ज मेट्रोपोलिसको चौथो पद हस्तान्तरण कार्यक्रम आइतबार सम्पन्न भएको छ । शनिबार बर्ष २०२०/२१ को लागि साेलाेनी राैनियारकाे अध्यक्षतामा निर्वाचित ११ सदस्यिय कार्य समितिलाई पद हस्तान्तरण गरिएकाे हाे ।
 
वीरगंजस्थित नगर सभा गृहमा भएकाे कार्यक्रममा क्लबका बर्ष २०१९ / २० का अध्यक्ष गोपाल कृष्ण कन्डोईले नव निर्वाचित अध्यक्ष रौनियारलाई आगामी बर्षको नेतृत्व हस्तान्तरण गरेेका हुन् । त्यसपछि अध्यक्ष सलाेनीले क्लबका उपाध्यक्ष आलाेक कर्ण, सचिव रविन श्रेष्ठ, सह सचिव दिपु बर्णवाल, काेषाध्यक्ष सस्तिका महन्थे, सदस्य आनन्द गुप्ता, आरती गुप्ता, ज्याेति टिर्गवाल, राज गुरुङ्ग लगायतकाे कार्य समितिकाे सपथ खुवाएकी थिइन । 
 
पद ग्रहण गर्दै अध्यक्ष सलाेनीले ‘हुमानिटि फर कम्युनिटी’ भन्ने मूल नारालाई आत्मसाथ गरेर सामाजिक कार्य गर्दै अघि बढ्ने बताइन । रोट्रयाक्ट क्लबको यस बर्षको अध्यक्ष पदमा निर्वाचित भएसँगै क्लबको कार्यमा थप एक इँटा थप्न पाउँदा गौरव महशुस भएको रौनियारले बताइन । पेशाले शिक्षक रहेकी सलाेनीले व्यक्तित्व विकास अवसरको सिर्जना र सामाजिक उत्तरदायित्व क्लबको पहिलो प्राथमिकतामा रहने वताइन ।
 
कार्यक्रममा रोटरी क्लब अफ वीरगञ्ज मेट्रोपोलिसका पूर्व प्रेसिडेन्ट रम्भा मिश्राले रोट्रयाक्ट क्लब अफ वीरगञ्ज मेट्रोपोलिसले हालसम्म उत्कृष्ट काम गर्दै आएको र आगामी दिनमा पनि विभिन्न सामाजिक कार्यलाई प्राथमिकतामा राखेर अझै विशिष्ट काम गर्न शुुभकामना दिइन ।
 
कार्यक्रममा बर्ष २०१९/२० का अध्यक्ष गोपाल कृष्ण कन्डोईले वर्षभरी गरेका कामको प्रगती प्रतिवेदन प्रस्तुत गरेका थिए ।
 
कार्यक्रममा रोटरी क्लब अफ वीरगञ्ज मेट्रो पोलिसका सचिव चन्दन सिंह, रोट्रयाक्ट ३२९२ जोन १३ का जेडआरआर प्रकाश कर्ण, अनिल जयसवाल, अमित शर्मा लगायतकाले मन्तव्य राखेका थिए भने कार्यक्रमको सहजीकरण मधु प्रजापतिले गरेकी थिईन् ।