वीरगंज । पर्सामा थप १२ जनामा काेराेना भाइरस (काेभिड १९) संक्रमण पुष्टि भएकाे छ ।
नारायणी अस्पतालकाे प्रयाेगशालामा मंगलबार गरिएकाे परिक्षणमा पर्साका १२, बाराका ५ सहित १९ जनामा काेराेना संक्रमित फेला परेकाे अस्पतालका प्रवक्ता डा. अतुलेश कुमार चाैरसियाले जानकारी दिए ।
उनका अनुसार फेला परेका संक्रमितहरु १७ बर्षदेखि ५५ बर्ष उमेर समुहका रहेका छन् । उनीहरुकाे सिटि भ्यालु १७ देखी ३१ सम्म रहेकाे छ ।
संक्रमित हुनेमा पर्साकाे वीरगंज आर्मी ब्यारकका ४ जना, नारायणी अस्पतालकाे क्वाटर, वीरगंज महानगरपालिकाकाे वडा नं. ११, १५, १६ का एक-एक जना र वडा नं. १३ का ४ जना रहेका छन् ।
त्यसैगरी, बाराकाे बारागढी गाउँपालिकाकाे वडा नं. ३, ४, प्रसाैनी गाउँपालिका वडा नं. ४ र परवानीपुर गाउँपालिकाका एक-एक जना संक्रमित भएका हुन् ।
त्यसैगरी मकवानपुरकाे हेटाैंडा उपमहानगरपालिका वडा नं. ९ का ३६ बर्षिय पुरुष र रामेछापका ३० बर्षिय पुरुषकाे पनि काेराेना पाेजिटिभ देखिएकाे प्रवक्ता डा. चाैरसियाले वताए ।
डा. चाैरसियाका अनुसार मंगलबार पर्साका १२९ र बाराका ६३ जनाकाे स्वाब पिसिआर बिधिबाट परिक्षण गरिएकाे थियाे ।
